Yaˬkoˆ 3:5 - Akha

⁵ Kʼoeˇ gaˇ duˇ ni, mehˬ laˇ-aˬ, nyiˇ dui dui kʼawꞈ, huiˬ dui dui-eu gaˇ kawˆ deuˬ-ahˇ kʼahˬ sehˇ jehˆ nya-eu meh. Huiˬ dui dui-eu aˇ bawˇ sahˬ kʼaˆ kʼaˆ ma-ahˇ miˬ dzaˬ miˬ dzuiꞈ tiˬ dzuiꞈ neh bi puiˆ dzeh nya gaˇ shaˇ noeˬ haw sheˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Khoerlof-aer durni, maeqlar-aq, mawrdo-euq lafkhoer nae zawr nyir-eu arsaer pyeuf-eu khawf, zawr huiq-eu garkawv khanqsaer jaevnya-eu mae. Zawr nyir-eu miqdzaq nae sanqkhav khavma-anr puivdzae ghaenya-eu gar sharnoeq hawsher-eq.

Yaˬkoˆ 3:5 ပူးပေါင်းရင်းမြစ်များ

Yawˇbaˆ 22:17

Tsawˇ haˬ heu deuˬ Miˬyehˇ-ahˇ maˬ ha geuꞈ-ehˇ, aˬ yawꞈ maꞈ-ahˇ Miˬyehˇ tiˬ jeˬ-iˬ maˬ jahˇ laˇ nya-a lehˇ jah-eu meh.

Jaceuq 10:3

Yaw haiˬdeuˬ nui kʼahˇ mˇ dehˆ-awˇ, nui kʼahˇkʼahˬsehˇdeh luꞈ-eu meh. Nui kʼahˇhuiˬ-eu deuˬtuˇlaˇ-awˇ, SahˬpaˬMiˬyehˇ-ahˇ yaˬ-eu meh.

Jaceuq 17:10

Gʼawˬshaˬgaˬ-eu jeˬmaˬahˇ-ehˇ, Dawˬkʼaˆngehˬ-awˇzuiˆle-euˬmeh.

Jaceuq 39:1

Ngaˇ heu loꞈ-ehˇ ehˇ-euˬ ma. “Mehˬlaˇ iˬbaˇmaˬya mˇni, yahˇ-eu laꞈkʼoeˇyaw dehꞈdehꞈma. Muiˇ-eu deuˬjawˇluꞈ-eu mehˬshi, dawˬmaˬngehˬdoˆni dzahˬtehˬma.

Doˆ-iˇ 15:9

Muiˇ-eu deuˬ ehˇ-eu, ‘Aˬ yawꞈ maꞈ-ahˇ ngaˇ teh-awˇ teh mi ma. Aˬ yawꞈ maꞈ-euˬ pyuˇ shuiˇ myawˬ gahˬ dehˬ biˇ-awˇ, ngaˇ kʼaˇ geuꞈ mawꞈ-eu jeˬ yuˇ ma. Ngaˬ-euˬ mi cehˇ ngaˇ gʼawˇ doˆ-awˇ, aˬ yawꞈ maꞈ kʼaˇ ahˇ-eu jeˬ yuˇ jiˇ ma.’

Doˆ-iˇ 5:2

Ehˇ kʼawꞈ, sahˬ paˬ kʼoeˇ gʼaˬ ehˇ-eu, “Aˬ yawꞈ-euˬ ehˇ dawˬ-ahˇ ngaˇ naˇ haˬ-awˇ, Iˇsaˬleˬlaˆ tsawˇ haˬ-ahˇ pyehˬ nehˬ paˬ-ehˇ, Sahˬpaˬ Miˬyehˇ ehˇ-eu aˬ suˇ gʼaˬ-a. Sahˬpaˬ Miˬyehˇ-ahˇ ngaˇ maˬ siˬ. Iˇsaˬleˬlaˆ tsawˇ haˬ-ahˇ kʼawꞈ ngaˇ maˬ pyehˬ nehˬ.”

Dawqdaq 12:18

Dawˬ doeˇ ngehˬ-eu mi cehˇ coeˇ gaˇ duˇ-awˇ, tsawˇ gahˇ ahˇ-eu dawˬ muiˬ, jaˆ gʼaˬ-ahˇ duˇ-eu meh.

Dawqdaq 15:2

Zaˬ siˬ mehˬ laˇ tsawˇ gahˇ myahˬ-awˇ, aˇ gah kʼaˬ meh dawˬ doeˇ kʼaˇ-eu meh.

Dawqdaq 18:21

Dehꞈ kawˆ shiˇ kawˆ mehˬ laˇ kʼoeˇ taˆ jaˆ-awˇ, yawˬ ha-euˬ dawˬ yawˬ ha-ahˇ yaˇ kʼaˬ daˇ-eu meh.

Dawqdaq 26:20

Miˬ kawˬ maˬ ahˇ naˇ miˬ dzaˬ miˆ-iˇ-eu loꞈ-ehˇ, ja bu-eu gʼaˬ ma jawˇ naˇ, iˬ dehˬ iˬ ceh byoˆ-iˇ-eu meh.

Yeˬlaˬmiˇ 18:18

Aˬ yawꞈ maꞈ ehˇ-eu, “Yeˬlaˬmiˇ-ahˇ tiˬ jeˬ paˬ jahˇ nehˬ kaˇ-euˇ. Aˬ dui-ahˇ mehˬ nehˬ tsoˆ nehˬ laꞈ-eu gʼaˇ duˬ piˇ ma aˬ myah luꞈ jawˇ tehꞈ-a. Aˬ dui-ahˇ ja noeˬ ja duˇ nehˬ-eu gʼaˇ duˬ, zaˬ siˬ tsawˇ gahˇ byah-eu tsawˇ haˬ kʼawꞈ aˬ myah luꞈ jawˇ-awˇ, aˬ dui-ahˇ Miˬyehˇ gʼaˇ duˬ ngehˬ dah nehˬ laꞈ-eu tsawˇ haˬ kʼawꞈ, aˬ myah luꞈ jawˇ tehꞈ-a. Aˬ dui aˬ yawꞈ-ahˇ ceh-awˇ, aˬ yawꞈ ehˇ gaˇ maˬ naˇ haˬ nehˬ ni byehˇ kaˇ-euˇ.”

Yeˬsaˬgeˬlaˇ 28:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.

Yeˬsaˬgeˬlaˇ 29:3

Iˇjiˇtuˆ sahˬ paˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu, Lawˇ baˬ gʼahˇ ceh yuꞈ-eu byaˆ yahˬ, Iˇjiˇtuˆ miˇ kʼahˬ sahˬ paˬ-oˇ, nawˬ-ahˇ ngaˇ muiˇ-eu ma.

Daˬyeˬlaˇ 3:15

Nymˬ-mˇ poˆ jawˇ, daˇ heh baw, bawˬ law baw, deuˇ-mˬ diˬ-eu teˇ saˇ hawˇ-eu, caˇ dawˬ caˇ gaˇ zmˬ-eu keu ka nui deuˬ-euˬ teˇ saˇ mahˇ doˆ laˇ gaˇ naw maꞈ ya gaˬ-eu nehˬ-ehˇ, shuiˇ mawˇ kawˇ kʼoeˇ kawˇ mehˬ shi awˆ byaˆ-awˇ uˬ duˬ tahˬ-awˬ. Naw maꞈ uˬ duˬ maˬ tahˬ de leˇ ngeuˇ naˇ, tiˬ poˆ tehꞈ-ehˇ miˬ dzaˬ doꞈ luꞈ-eu tsawˬ bu-ahˇ biˬ ahˇ ma. Naw maꞈ-ahˇ ka kʼoꞈ nya-eu miˬ yehˇ jawˇ tehꞈ-a lehˇ naw maꞈ noeˬ te loˇ.”

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Yaˬkoˆ 3:4

Saˇ baoˬ gaˇ kawˆ shaˇ noeˬ haw sheˇ. Saˇ baoˬ kʼoeˇ huiˬ dui dui-awˇ, gʼaˬ kʼaˆ dui dui-eu jaˬ lehˇ neh bi baw gʼeh-euˬ kʼawꞈ, daˇ laˆ laˆ zaˬ tiˬ hmˬ neh yeuꞈ pyawˇ nya-awˇ, saˇ baoˬ teh-eu gʼaˬ kʼaˇ bi iˇ mawꞈ-eu paw bi iˇ nya-eu meh.

2 Beˬtuˆluˆ 2:18

Aˬ yawꞈ maꞈ aˬ dzawˬ aˇ gah-euˬ dawˬ ngehˬ-awˇ kʼahˬ sehˇ jehˆ-eu laꞈ kʼoeˇ, yaw lehˬ jeˬ mˇ mˇ-ehˇ dehꞈ-eu tsawˇ haˬ deuˬ-euˬ baꞈ dzah laꞈ kʼoeˇ dzeuˇ-iˇ ni leh jeh dahˬ beh luꞈ-eu tsawˇ haˬ deuˬ-ahˇ, shiˬ shaˬ jiˇ-euˬ nui kʼahˇ mˇ-eu jeˬ-ahˇ gʼoe-awˇ lahˇ ju kʼmˇ-eu meh.

Yuˇdaˆ 1:16

Tsawˇ haˬ kʼoeˇ deuˬ-aˬ, aˬ myah luꞈ aˬ cawˬ-ahˇ toˇ toˇ-ehˇ iˬ baˇ taˬ-eu meh. Yawˬ ha-euˬ maˬ muiˬ maˬ jaˬ-eu nui kʼahˇ mehˬ nah caw teh-eu meh. Yawˬ ha-euˬ gaˇ kawˆ kʼahˬ sehˇ jehˆ-awˇ, yawˬ ha-ahˇ muiˬ laˇ ni aˬ cawˬ-ahˇ ja poeˬ nehˬ nya-eu meh.