Yaˬkoˆ 3:18 - Akha

¹⁸ Tsaˬ leˇ dzoeˇ leˇ ni mˇ-eu tsawˇ haˬ deuˬ neh tsaˬ leˇ dzoeˇ leˇ-eu siˬ yoeˬ sehˬ-euˬ gaˇ, yaw tsaˬ yaw dawˇ jeˬ ya yehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Tsaqler dzoerlerni mr-eu tsawrhaq-aq, tsaqler dzoerler-eu siqyoeq saeq-awr, tsaq-awr dawr-eu jeq yayaeq-eu mae.

Yaˬkoˆ 3:18 ပူးပေါင်းရင်းမြစ်များ

Jaceuq 92:14

aˬ myah luꞈ nyoeˇ jawꞈ ni jaˆ-awˇ, bawˇ mawˬ mawˬ laˇ ngeh keuˆ ni aˇ siˬ siˬ-eu aˇ bawˇ kʼoeˇ deuˬ-ahˇ duˇ tehꞈ-a.

Dawqdaq 11:18

Haiˬ-eu tsawˇ haˬ deuˬ mˇ poeˬ shaˇ poeˬ maˬ baw-ehˇ, yaw tsaˬ yaw dawˇ tsawˇ haˬ neh mˇ-euˬ jeˬ guiˬ lahˬ za-eu yaw duˬ baw meh.

Dawqdaq 11:28

Yawˬ ha-euˬ pyuˇ shuiˇ myawˬ gahˬ-ahˇ nui ma huiˬ-eu tsawˇ haˬ, aˇ paꞈ paꞈ kuˬ ga-iˇ gaˇ duˇ-awˇ, yaw tsaˬ yaw dawˇ tsawˇ haˬ baw nmˬ nmˬ laˇ tehꞈ-a.

Dawqdaq 11:30

Yaw tsaˬ yaw dawˇ jeˬ-euˬ aˇ siˬ-aˬ, dehꞈ-eu saˬ laˇ aˇ bawˇ pyeuꞈ-awˇ, aˬ dzawˬ aˇ gah gah-eu jeˬ-euˬ aˇ siˬ-aˬ, shiˇ-eu jeˬ pyeuꞈ-eu meh.

Hawˇseˬ 10:12

Aˬ yawꞈ maꞈ-ahˇ ngaˇ ehˇ nehˬ-euˬ, ‘Deh yaˇ yaw shuiꞈ tsehˬ paˇ geuꞈ-awˇ, yaw tsaˬ yaw dawˇ jeˬ ka paˇ-awˇ, ngaˬ-ahˇ gʼoe-eu laꞈ kʼoeˇ za-eu, guiˬ lahˬ yaw dzahˇ deuˬ yehˬ dzaˬ-awˬ. Sahˬpaˬ Miˬyehˇ jawˇ paw pyawˇ-eu aˇ yamˬ keuˆ laˇ-euˬ siˬ nya-awˬ. Naw maꞈ jawˇ gaˇ ngaˇ oe keuˆ-awˇ, guiˬ lahˬ yaw dzahˇ shehˆ daˆ nehˬ ma.’

Aˬmoˆ 6:12

Kʼaˬ lo lo gahˬ kʼoeˇ taˆ mahˬ pyehˬ teh sehˇ nya ta loˇ. Tsawˇ haˬ zaˬ iˬ ma laˆ shaˆ-ahˇ mawˇ neˇ neh deh ma tsehˬ nya ta loˇ. Ehˇ kʼawꞈ, naw maꞈ-aˬ, yaw tsaˬ yaw dawˇ jeˬ-ahˇ doꞈ bi pyeuꞈ-iˇ-awˇ, tsaˬ-eu jeˬ-ahˇ lehˬ-eu jeˬ pyeuꞈ-iˇ ni sheu pyawˆ-eu meh.

Maꞈtehˬ 5:9

“Tsaˬ leˇ dzoeˇ leˇ ni mˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ Miˬyehˇ-euˬ zaˬ lehˇ kuˇ tehꞈ-a.

Yoˇhaˬ 4:36

Cehˇ yehˬ-eu gʼaˬ-ahˇ Miˬyehˇ aˇ poeˬ biꞈ-awˇ, mˬ maˬ maˬ byaˆ zaˇ ziˇ dehꞈ-eu jeˬ gʼaˇ duˬ cehˇ laˆ luiˆ-eu meh. Kʼoeˇ miˇ neh, siˬ yoeˬ sehˬ-eu gʼaˬ hawˇ-eu cehˇ yehˬ-eu gʼaˬ tiˬ kawˆ loꞈ-ehˇ laˬ kʼaˬ ya cehˇ tehꞈ-a.

Gaˬlaˬtiˆ 6:8

Shiˬ shaˬ jiˇ nui kʼahˇ-ahˇ taꞈ-eu siˬ yoeˬ sehˬ naˇ, shiˇ-eu jeˬ ya yehˬ tehꞈ-a. Yaw sahˇ Miˬyehˇ-ahˇ taꞈ-eu siˬ yoeˬ sehˬ naˇ, mˬ maˬ maˬ byaˆ zaˇ ziˇ dehꞈ-eu jeˬ ya yehˬ tehꞈ-a.

Piˇliˇpiˆ 1:11

Miˬyehˇ-euˬ yaw shehꞈ kʼahˬ sehˇ-ahˇ aˬ cawˬ taˬ huiˬ-awˇ Miˬyehˇ-ahˇ ja ceuˬ laˇ gaˇ keuˆ ni Yeˬsuˇ Ka li tehꞈ-ehˇ jahˇ nehˬ nya-eu maˇ maˇ ni muiˬ-eu jeˬ kʼoeˇ, naw maꞈ yaw dehꞈ dehꞈ-eu laꞈ kʼoeˇ byah laˇ tehꞈ-a.

HeˬByehˇ 12:11

Aˬ dui-ahˇ kʼehˬ nehˬ kʼaˆ nehˬ laꞈ gaˇ ya daˬ ngeh, aˬ dui-ahˇ bi noeˬ shaˬ laꞈ gaˇ duˇ-awˇ, laˬ kʼaˬ maˬ cehˇ nya-a. Ehˇ kʼawꞈ, kʼoeˇ loꞈ-ehˇ bi kʼehˬ bi kʼaˆ-euˬ tsawˇ haˬ-aˬ, aˇ nah yaw tsaˬ yaw dawˇ dawˇ-ehˇ dehꞈ-awˇ nui saˇ oꞈ-eu guiˬ lahˬ za-eu meh.

Yaˬkoˆ 1:20

A jeˬ miˇ neh ehˇ naˇ, tsawˇ haˬ zaˬ-euˬ nui ma pehˇ-eu jeˬ-aˬ, Miˬyehˇ neh noeˬ taˬ-euˬ yaw tsaˬ yaw dawˇ jeˬ maˬ mˇ doˆ laꞈ nya-a.