Yaˬkoˆ 3:16 - Akha

¹⁶ Myaˆ naˆ-eu jeˬ hawˇ-eu yawˬ ha gʼaˇ duˬ tehꞈ-ehˇ shaˇ noeˬ-eu jeˬ kʼaˇ jaˆ gaˇ, maˬ tsaˬ maˬ dzoeˇ leˇ-eu jeˬ hawˇ-eu yaw haiˬ gʼawˬ mya jeˬ jaˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Myavnav nav-eu jeq hawr-eu yawqha-euq gharduq taef-aer sharnoeq-eu jeq aqgar jav nar-aq, suqsaq-eu jeq hawr-eu yawdoer kharngeur-eu jeq khoergar dovlar taef-a.

Yaˬkoˆ 3:16 ပူးပေါင်းရင်းမြစ်များ

Aˇ dahˬ 11:9

Meuˬ kʼoeˇ meuˬ-ahˇ Baˬbuˇloˬ lehˇ kuˇ-euˬ meh. Aˬ jeˬ miˇ neh ehˇ naˇ, meuˬ kʼoeˇ meuˬ laꞈ kʼoeˇ tsawˇ haˬ zaˬ deuˬ dawˬ maˬ ngehˬ cawˬ taꞈ nya ni, aˬ yawꞈ maꞈ-euˬ dawˬ-ahˇ Sahˬpaˬ Miˬyehˇ laˆ bahˬ laˆ baˆ nehˬ-awˇ, aˬ yawꞈ maꞈ-ahˇ miˇ kʼahˬ doe ni bi jawˇ byaˆ jiˇ-euˬ meh.

Aˇ dahˬ 38:9

Aˬ yawꞈ-euˬ aˬ tsu nehˬ-ehˇ aˬ yawꞈ yuꞈ taꞈ-awˇ, zaˬ jawˇ le law hawˇ kʼawꞈ, aˬ yawꞈ maˬ ya geuꞈ-eu gaˇ kawˆ Awˇnaˬ siˬ nya-eu miˇ neh, aˬ yawꞈ-euˬ aˇ doˆ gʼaˇ duˬ zaˬ maˬ bi jawˇ le mawꞈ-ehˇ, aˬ yawꞈ-euˬ aˬ tsu nehˬ-ehˇ kʼaˇ yuꞈ taꞈ-eu yawˬ poˆ na luꞈ, aˇ yoeˬ laꞈ nyiˇ paw poeˬ dzeh-euˬ meh.

Maˬkuˆ 3:25

Nymˇ jiˇ tiˬ jiˇ laꞈ kʼoeˇ aˇ muˇ gʼawˬ mya muˇ muˇ-awˇ ceh dzaˬ naˇ, nymˇ jiˇ pyaˆ-iˇ tehꞈ-a.

Gʼaˬkʼehˇ 19:29

Meuˬ meuˬ lah-ehˇ luiˬ gʼa laˇ-awˇ, Pawˇluˆ nehˬ-ehˇ cah-eu Maˬgeˬdawˇniˆ tsawˇ haˬ Gaˬyuˇ hawˇ-eu Aˬliˬdaˬguˇ aˬ nyaꞈ-ahˇ nyehꞈ-awˇ, Bawˬ-iˬ gʼeh duˬ-ahˇ gʼeu gʼeh-euˬ meh.

Lormav 2:8

Tsawˇ haˬ tiˬ paˆ na deuˬ-aˬ, smˇ kʼaˆ kʼaˆ-awˇ, yaw tsaˬ yaw dawˇ jeˬ-ahˇ maˬ geuꞈ-ehˇ, maˬ tsaˬ maˬ dawˇ-eu jeˬ-euˬ mehˬ nah iˇ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ kʼoeˇ taˆ Miˬyehˇ nui ma pehˇ-eu jeˬ tahˬ daˆ nehˬ tehꞈ-a.

1 Gawˇliˬtu 14:33

Aˬ jeˬ miˇ neh ehˇ naˇ, aˬ dui maˬ tsaˬ maˬ dzoeˇ leˇ-eu jeˬ-ahˇ Miˬyehˇ maˬ geuꞈ mawꞈ-a. Tsaˬ leˇ dzoeˇ leˇ-eu jeˬ-ahˇ aˬ yawꞈ geuꞈ mawꞈ-eu meh. Miˬyehˇ-euˬ tsawˇ haˬ deuˬ-euˬ Ka li zaˬ aˇ muˇ yawˬ muˇ na luꞈ mˇ luꞈ-eu loꞈ-ehˇ,

1 Gawˇliˬtu 3:3

Aˬ jeˬ miˇ neh ehˇ naˇ, miˇ tsaˬ zaˬ deuˬ dehꞈ-eu loꞈ-ehˇ naw ma dehꞈ luꞈ-a siˬ. Naw maꞈ yaw kaˬ myaˆ naˆ-awˇ iˬ dehˬ iˬ ceh jaˆ-eu kʼoeˇ-aˬ, naw maꞈ miˇ tsaˬ heu-ahˇ taꞈ-awˇ miˇ tsaˬ zaˬ deuˬ dehꞈ-eu aˇ tiˆ-ahˇ dehꞈ luꞈ-eu gaˇ kawˆ saˇ kiˇ pyeuꞈ-eu meh.

2 Gawˇliˬtu 12:20

Ngaˇ naw maꞈ jawˇ gaˇ oe keuˆ ngeh, ngaˇ bi dehꞈ mawꞈ-eu loꞈ-ehˇ naw maꞈ maˬ dehꞈ-ehˇ, naw maꞈ bi dehꞈ mawꞈ-eu loꞈ-ehˇ ngaˇ maˬ dehꞈ ni pyeuꞈ-iˇ gaˇ kʼahˬ lahˇ miˇ-a. Iˬ dehˬ iˬ ceh doˆ-eu, tiˬ gʼaˬ tiˇ gʼaˬ myaˆ naˆ-eu, nui ma pehˇ-eu, yawˬ ha gʼaˇ duˬ tehꞈ-ehˇ toˆ-eu, aˬ cawˬ-ahˇ dawˬ doeˇ ngehˬ daˆ-eu, aˬ cawˬ gaˇ kawˆ ja bu ja doeˇ-eu, nui ma huiˬ-eu mahˇ-eu, aˇ muˇ muˇ-awˇ suˬ saˬ-eu laꞈ kʼoeˇ lawꞈ gʼa-eu, heu deuˬ-ahˇ ya mawˇ-eu baw le lehˇ ngaˇ kʼahˬ lahˇ miˇ-a.

Gaˬlaˬtiˆ 5:20

tahˬ pahˬ aˬ ma mawˇ kawˇ-ahˇ uˬ duˬ tahˬ-eu, maw loˬ ja maw-ahˇ gʼoe-eu, tiˬ gʼaˬ tiˇ gʼaˬ muiˇ-eu, dawꞈ-eu ceh-eu, mehˇ juiˇ juiˇ-eu, nui ma pehˇ-eu, yawˬ ha gʼaˇ duˬ tehꞈ-ehˇ shaˇ noeˬ-eu, gʼawˬ-iˇ gʼehˇ-iˇ-eu, aˇ muˇ muˇ paˆ-eu nui ma ahˇ-eu,

Yaˬkoˆ 3:14

Ehˇ kʼawꞈ, myaˆ naˆ-eu jeˬ, aˬ cawˬ-ahˇ nui ma naˇ-eu jeˬ hawˇ-eu, yawˬ ha-euˬ gʼaˇ duˬ tehꞈ-ehˇ shaˇ noeˬ-eu jeˬ naw maꞈ-euˬ nui ma laꞈ kʼoeˇ ahˇ naˇ, zaˬ siˬ tsawˇ gahˇ ahˇ ma lehˇ kʼahˬ sehˇ jehˆ-awˇ yaw tsaˬ yaw dawˇ jeˬ-ahˇ taˬ mˇ bahˬ.

1 Yoˇhaˬ 3:12

Aˬ dui-aˬ, Gaˬiˇnaˆ loꞈ-ehˇ maˬ ya gʼeh-a. Aˬ yawꞈ-aˬ, Haiˬ dui dui-eu Gʼaˬ-ahˇ taꞈ-eu tsawˇ haˬ pyeuꞈ-awˇ, aˬ yawꞈ-euˬ aˬ nyiˇ tsi tsi ni gʼeh-eu Aˬbeˬlaˆ-ahˇ sehꞈ-euˬ meh. Aˬ jeˬ miˇ neh yawˬ ha-euˬ aˬ nyiˇ-ahˇ sehꞈ-euˬ ta. Aˬ yawꞈ neh mˇ-euˬ jeˬ lehˬ-awˇ, aˬ yawꞈ-euˬ aˬ nyiˇ neh mˇ-euˬ jeˬ tsaˬ-eu miˇ neh sehꞈ-euˬ meh.