Yaˬkoˆ 3:10 - Akha

¹⁰ Guiˬ lahˬ-ahˇ ja ceuˬ-eu dawˬ maˬ ehˇ, yaˬ kʼehˇ yaˬ-eu dawˬ maˬ ehˇ, kʼaˬ meh mehˬ boeˬ-ahˇ neh tehꞈ-ehˇ doˆ laˇ-eu meh. Aˬ yuiꞈ aˬ nyiˇ Ka li zaˬ deuˬ-oˇ, kʼoeˇ loꞈ-ehˇ bi gʼeh-eu maˬ tsaˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khaqmae tiq mae-anr nae jaceuq-eu dawqkawq hawr-eu yaqkhaer yaq-eu dawq dovle-eu mae. Ngaq-euq aqyuif aqnyir deuq-or! Khoer-aq, maqtsaq-a de-eq.

Yaˬkoˆ 3:10 ပူးပေါင်းရင်းမြစ်များ

Aˇ dahˬ 20:9

Kʼoeˇ ngeh, Aˬbyaˬhaˬ-ahˇ Aˬbiˇmaˬlehˆ kuˇ-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ kʼoeˇ taˆ maˬ ehˇ, ngaˬ-euˬ miˇ kʼahˬ kʼoeˇ taˆ maˬ ehˇ, huiˬ dui dui-eu guˆ-eu gaˆ-eu jeˬ keuˆ le ni nawˇ jahˇ paˬ-ehˇ, nawˬ-euˬ kʼoeˇ taˆ ngaˬ neh mˇ lehˬ taˬ-euˬ aˬ jeˬ jaˆ ta. Nawˬ neh ngaˬ-ahˇ heu poˆ jahˇ nehˬ laꞈ-euˬ loꞈ-ehˇ, tsawˇ haˬ tiˬ gʼaˬ-iˬ ngaˬ-ahˇ maˬ jahˇ nehˬ laꞈ kʼmˬ-aˇ.

2 Saˬmeuˬlaˆ 13:12

Taˬmaˬ ehˇ-eu, “Taˬ gʼeh. Heu loꞈ-ehˇ gʼeh-eu jawꞈ dui dui-eu jeˬ taˬ mˇ nehˬ laꞈ. Heu-aˬ, bahˬ dui dui-eu tiˬ jeˬ meh.

Miˇkaˬ 3:11

Meuˬ-ahˇ uˆ lahˇ-eu deuˬ, laꞈ nmꞈ nmꞈ nehˬ gaˇ haw-awˇ uˆ lahˇ luꞈ meh. Piˇ ma deuˬ-aˬ, aˇ poeˬ za gaˇ haw-awˇ zahˇ dawˬ kʼoꞈ dawˬ-euˬ dawˬ tsuiꞈ yuˇ doˆ nehˬ luꞈ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ, pyuˇ myaˆ pyawˬ-ahˇ haw-awˇ ngehˬ dah luꞈ-eu meh. Ehˇ kʼawꞈ, aˬ yawꞈ maꞈ dawˬ tawˆ luꞈ Sahˬpaˬ Miˬyehˇ aˬ yawꞈ maꞈ nehˬ-ehˇ jawˇ meh lehˇ ehˇ-eu meh. “Luˬ-iˇ seˇ-iˇ-eu jeˬ nga maꞈ kʼoeˇ taˆ maˬ keuˆ le-aˇ. Sahˬpaˬ Miˬyehˇ nga maꞈ nehˬ-ehˇ jawˇ ma” lehˇ aˬ yawꞈ maꞈ ehˇ-eu meh.

Lormav 12:14

Nawˬ-ahˇ kʼehˬ laˇ kʼaˆ laˇ-eu tsawˇ haˬ deuˬ-ahˇ Miˬyehˇ guiˬ lahˬ biꞈ nehˬ ni shaˇ-awˬ. Yaˬ kʼehˇ maˬ yaˬ nehˬ ni guiˬ lahˬ biꞈ nehˬ-eu gʼaˇ duˬ shaˇ-awˬ.

1 Gawˇliˬtu 3:3

Aˬ jeˬ miˇ neh ehˇ naˇ, miˇ tsaˬ zaˬ deuˬ dehꞈ-eu loꞈ-ehˇ naw ma dehꞈ luꞈ-a siˬ. Naw maꞈ yaw kaˬ myaˆ naˆ-awˇ iˬ dehˬ iˬ ceh jaˆ-eu kʼoeˇ-aˬ, naw maꞈ miˇ tsaˬ heu-ahˇ taꞈ-awˇ miˇ tsaˬ zaˬ deuˬ dehꞈ-eu aˇ tiˆ-ahˇ dehꞈ luꞈ-eu gaˇ kawˆ saˇ kiˇ pyeuꞈ-eu meh.

1 Tiˆmoˇseˬ 5:13

Tiˬ nymˇ saˇ-iˬ tiˬ nymˇ cah cah-ehˇ aˇ yamˬ gʼa jiˇ-eu jeˬ aˬ yawꞈ maꞈ mˇ nya laˇ-eu meh. Kʼoeˇ naˆ maˬ tseˇ doeˇ-eu jeˬ pyeuꞈ-eu, aˬ cawˬ gaˇ kawˆ maˬ ja paˬ-ehˇ gʼeh-eu jeˬ-ahˇ keuˆ ni ja ja-ehˇ cah-eu jeˬ-ahˇ mˇ nya laˇ-eu meh.

Yaˬkoˆ 1:16

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, taˬ noeˬ lehˬ.

Yaˬkoˆ 1:19

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, gaˇ kawˆ heu deuˬ-ahˇ yaw muiˬ paˬ-ehˇ noeˬ taˬ-awˬ. Tsawˇ haˬ yawˬ gʼaˬ na luꞈ aˬ cawˬ ehˇ gaˇ yaw kawˇ-ehˇ naˇ haˬ-awˬ. Ehˇ kʼawꞈ, dawˬ ngehˬ-eu taˬ tehˬ. Nui ma pehˇ-eu aˬ huˬ taˬ huˬ.

Yaˬkoˆ 3:1

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ mehˬ-eu tsoˆ-eu saˬ laˬ gʼawˬ mya gʼaˬ geuꞈ-eu maˬ tsaˬ-a. Naw maꞈ siˬ nya-eu loꞈ-ehˇ, mehˬ-eu tsoˆ-eu saˬ laˬ deuˬ-aˬ, aˬ cawˬ naˆ maˬ tseˇ bi pyehˆ tseˇ-awˇ yaˇ kʼaˬ daˇ nehˬ gaˇ ya daˬ tehꞈ-a.

Yaˬkoˆ 3:11

Iˇ cuꞈ iˇ byoe tiˬ byoe-ahˇ tehꞈ-ehˇ i cuꞈ yaw kuiˇ hawˇ-eu iˇ cuꞈ yaw kʼaˬ maˬ doˆ laˇ-a.

Yaˬkoˆ 3:9

Aˬda pyeuꞈ-eu Sahˬpaˬ Miˬyehˇ-euˬ guiˬ lahˬ-ahˇ mehˬ laˇ neh aˬ dui ja ceuˬ-eu loꞈ-ehˇ, Miˬyehˇ-euˬ aˇ gʼehˇ-ahˇ duˇ ni beh taˬ-euˬ tsawˇ haˬ zaˬ deuˬ-ahˇ kʼawꞈ, mehˬ laˇ neh aˬ dui yaˬ kʼehˇ yaˬ-eu meh.

1 Beˬtuˆluˆ 3:9

Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Aˬ cawˬ yaˬ kʼehˇ yaˬ laˇ gaˇ yaˬ kʼehˇ maˬ yaˬ kʼoꞈ nehˬ-ehˇ, Miˬyehˇ guiˬ lahˬ biꞈ nehˬ ni dawˬ ngehˬ gʼeh nehˬ-awˬ. Aˬ jeˬ miˇ neh ehˇ naˇ, Miˬyehˇ naw maꞈ-ahˇ kuˇ ngeh, guiˬ lahˬ biꞈ ma lehˇ saˇ jaˬ dzaˬ-awˇ kuˇ-euˬ meh.