Yaˬkoˆ 2:9 - Akha

⁹ Ehˇ kʼawꞈ, naw maꞈ kʼoeˇ taˆ paw tehꞈ-ehˇ haw-awˇ myaˆ pyawˬ huiˬ nyiˇ tseˇ naˇ, ‘Iˬ baˇ mˇ-eu jeˬ pyeuꞈ-awˇ, zahˇ dawˬ kʼoꞈ dawˬ-ahˇ bahˬ-eu tsawˇ haˬ pyeuꞈ-eu meh’ lehˇ, Zahˇ dawꞈ kʼoꞈ dawˬ laꞈ kʼoeˇ pah mehˬ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aerkhawf, nawmaf myavpyawq huiqnyir tser nar-aq, iqbax mrluf-eu mae. Khoeruqtaf, nawmaf mrbanq mrlaeq-euq tsawrhaq nga laer zanrdawq khoer dar-eu mae.

Yaˬkoˆ 2:9 ပူးပေါင်းရင်းမြစ်များ

Uˬ duˬ 19:15

“Naw maꞈ yaˇ kʼaˬ daˇ ngeh, yaw sui yaw dawˇ laꞈ kʼoeˇ, yaw tsaˬ yaw dawˇ dawˇ-ehˇ daˇ-awˬ. Yaw shaˬ zaˬ paw gʼaˬ baꞈ baꞈ-eu maˬ ehˇ, smˇ muiˬ smˇ baw-ahˇ guˆ-eu maˬ ehˇ, taˬ bi pyeuꞈ.

Yoˇhaˬ 16:8

Aˬ yawꞈ oe ngeh, iˬ baˇ gaˇ kawˆ maˬ ehˇ, yaw tsaˬ yaw dawˇ jeˬ gaˇ kawˆ maˬ ehˇ, Miˬyehˇ yaˇ kʼaˬ daˇ-eu gaˇ kawˆ maˬ ehˇ, miˇ tsaˬ zaˬ deuˬ jah lehˬ-eu meh lehˇ aˬ yawꞈ saˇ kiˇ kamˬ tehꞈ-a.

Yoˇhaˬ 8:46

Naw maꞈ ngaˬ-euˬ iˬ baˇ toeˬ ceh nya-eu aˬ suˇ gʼaˬ jawˇ te. Ngaˇ yaw tsaˬ yaw dawˇ jeˬ ngehˬ-eu ngeuˇ naˇ kʼawꞈ, aˬ jeˬ miˇ neh naw maꞈ ngaˬ-ahˇ maˬ jah te.

Yoˇhaˬ 8:9

Dawˬ kʼoeˇ dawˬ-ahˇ aˬ yawꞈ maꞈ ya gaˬ ngeh, aˇ kʼoꞈ kʼawˆ dzehˬ-eu deuˬ jeˬ huˬ huˬ-awˇ, tiˬ gʼaˬ saˇ-iˬ tiˬ gʼaˬ gʼoꞈ doˆ-iˇ jiˇ-euˬ meh. Yeˬsuˇ tiˬ gʼaˬ tehꞈ-ehˇ kʼoeˇ gaˇ jawˇ yaꞈ-awˇ, zaˬ miˬ zaˬ kʼoeˇ gʼaˬ kʼoeˇ gaˇ yawꞈ luꞈ-eu meh.

Gʼaˬkʼehˇ 10:34

Kʼoeˇ ngeh, Beˬtuˆluˆ dawˬ ngehˬ-eu aˇ dahˬ beh-awˇ heu loꞈ-ehˇ ehˇ-eu meh. “Miˬyehˇ myaˆ pyawˬ huiˬ nyiˇ maˬ tseˇ-eu gaˇ kawˆ nymˬ-mˇ ngaˇ siˬ duˬ-eu ma.

Lormav 3:20

Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ mehˬ nah caw teh-eu baˬ da neh Miˬyehˇ-ahˇ tsaˬ leˇ tsahˇ leˇ gʼaˬ-euˬ tsawˇ haˬ maˬ pyeuꞈ laˇ nya-a siˬ. Zahˇ dawˬ kʼo dawˬ-aˬ, tsawˇ haˬ zaˬ-ahˇ yawˬ ha iˬ baˇ mˇ-euˬ gaˇ kawˆ bi siˬ leˇ-eu gʼaˇ duˬ tehꞈ meh.

1 Gawˇliˬtu 14:24

Ehˇ kʼawꞈ, yawˬ gʼaˬ na luꞈ Miˬyehˇ dawˬ kawˬ mehˬ luꞈ ngeh, Ka li-ahˇ maˬ jah-eu tsawˇ haˬ deuˬ hawˇ-eu maˬ siˬ nya-eu tsawˇ haˬ uˇ laˇ zaˬ naˇ, dawˬ kʼoeˇ-ahˇ ya gaˬ-eu baˬ da neh yawˬ ha-euˬ iˬ baˇ gaˇ kawˆ noeˬ siˬ leˇ-awˇ, aˬ yawꞈ neh kʼaˇ ya gaˬ-euˬ jeˬ aˬ yawꞈ-ahˇ yaˇ kʼaˬ daˇ tehꞈ-a.

Gaˬlaˬtiˆ 2:19

Ehˇ kʼawꞈ ngaˇ-aˬ, Zahˇ dawˬ kʼoꞈ dawˬ-ahˇ taꞈ leˇ-awˇ shiˇ gʼaˬ-euˬ tsawˇ haˬ ma. Miˬyehˇ-euˬ gʼaˇ duˬ dehꞈ nya ni Zahˇ dawˬ kʼoꞈ dawˬ neh bi sehꞈ-euˬ tsawˇ haˬ ma. Ngaˇ-aˬ, Ka li nehˬ-ehˇ laꞈ yaꞈ kʼoeˇ taˆ kamˇ shiˇ gʼaˬ-euˬ ma.

Dawˬmehˬ 1:17

Yaˇ kʼaˬ daˇ ngeh, myaˆ pyawˬ huiˬ nyiˇ taˬ tseˇ. Aˬ joˆ-ehˇ gʼeh-eu tsawˇ haˬ-ahˇ maˬ kaˬ, daˇ nehˬ-awˬ. Tsawˇ haˬ tiˬ gʼaˬ-ahˇ-iˬ taˬ guˆ. Aˬ jeˬ miˇ neh ehˇ naˇ, naw maꞈ neh yaˇ kʼaˬ daˇ-euˬ kʼoeˇ-aˬ, Miˬyehˇ neh daˇ-euˬ jeˬ pyeuꞈ-eu meh. Naw maꞈ gʼaˇ duˬ aˇ dzehˬ-ehˇ shaˬ-eu gaˇ doˆ laˇ naˇ, ngaˇ jawˇ gaˇ laˇ-awˬ. Ngaˇ jahˇ jiˇ nehˬ ma.

1 Yoˇhaˬ 3:4

Iˬ baˇ mˇ-euˬ tsawˇ haˬ yawˬ gʼaˬ na luꞈ Miˬyehˇ-euˬ zahˇ dawˬ kʼoꞈ dawˬ-ahˇ mˇ bahˬ-euˬ meh. Aˬ jeˬ miˇ neh ehˇ naˇ, iˬ baˇ ehˇ-eu jeˬ-aˬ, zahˇ dawˬ kʼoꞈ dawˬ-ahˇ bahˬ leˇ-eu jeˬ pyeuꞈ-eu meh.

Yuˇdaˆ 1:15

Tsawˇ haˬ dawˬ tawˆ luꞈ-ahˇ yaˇ kʼaˬ daˇ-eu lehˇ oe-awˇ, aˬ yawꞈ maꞈ Miˬyehˇ-ahˇ yaw zeu maˬ baw ni mˇ taˬ shaˇ taˬ-euˬ miˇ neh maˬ ehˇ, Miˬyehˇ-ahˇ yaw zeu maˬ baw-eu iˬ baˇ zaˬ deuˬ neh aˬ yawꞈ-ahˇ ngehˬ doeˇ ehˇ doeˇ-euˬ miˇ neh maˬ ehˇ, aˬ yawꞈ maꞈ-ahˇ kʼehˬ nehˬ kʼaˆ nehˬ tehꞈ-a.”