Yaˬkoˆ 2:6 - Akha

⁶ Ehˇ kʼawꞈ, shaˬ-eu zahˬ-eu tsawˇ haˬ deuˬ-ahˇ naw maꞈ yaw zeu maˬ baw-a. Naw maꞈ-euˬ kʼoeˇ taˆ nawˬ tehˬ-awˇ naw maꞈ-ahˇ yaˇ kʼaˬ daˇ duˬ-ahˇ sheuˬ gʼeh-eu kʼoeˇ, aˬ suˇ gʼaˬ-a. Smˇ muiˬ smˇ baw deuˬ maˬ ngeuˇ-a loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aerkhawf, nawmaf-aq, irshaqzaq-anr yawzeu maqbawni janrnaeq-eu nga. Nawmaf-anr khaeqnaeq khavnaeq laf-awr, nawmaf-anr yarkhaq darduq-anr gheughae-eu tsawrhaq-aq, smrmuiq smrbaw khoerdeuq maqngeur-a lor?

Yaˬkoˆ 2:6 ပူးပေါင်းရင်းမြစ်များ

Yawˇbaˆ 20:19

Aˬ jeˬ miˇ neh ehˇ naˇ, shaˬ-eu tsawˇ haˬ deuˬ-ahˇ aˬ yawꞈ kʼaˆ dzaˬ-awˇ byehˇ dzeh nehˬ-euˬ uˬ taꞈ, aˬ cawˬ neh tsoˆ taˬ-eu nymˇ-ahˇ kʼaˆ geuꞈ-euˬ meh.

Jaceuq 10:10

Maˬgʼeh nya-eu iˇshaˬzaˬdeuˬ, haiˬ-eu gʼaˬneh dawꞈlah-euˬmeh.

Jaceuq 10:14

Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

Jaceuq 10:2

Haiˬ-eu tsawˇhaˬnui ma huiˬ-awˇ, yaw shaˬzaˬ-ahˇnawˬtehˬluꞈngeh, yawˬha neh kʼmˇ-euˬ lahˇju-ahˇ yawˬhaˇyawˬha bi paꞈleˇ-awˬ.

Jaceuq 10:8

Pu doe ni aˬ yawꞈ dzuˇ zaꞈ-awˇ, yaw lehˬmaˬjaˆ-eu tsawˇhaˬ-ahˇ, sehꞈ-eu lehˇ nawˬjawˬluꞈ-eu meh. maˬgʼeh nya-eu iˇshaˬzaˬ-ahˇ, kʼehˬ-eu gʼaˇduˬ kʼoeˬsho luꞈmeh.

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 14:6

Yaw haiˬjeˬmˇ-eu tsawˇhaˬdeuˬ, tsawˇmuiˬdeuˬ-ahˇlaˆshaˬnehˬkʼawꞈ. SahˬpaˬMiˬyehˇhaw piˇ-eu meh.

Dawqdaq 14:31

Yaw shaˬ zaˬ-ahˇ kʼehˬ-eu jeˬ, Beh-euˬ yaw sahˇ-ahˇ coeˬ leˇ-awˇ, yaw shaˬ zaˬ-ahˇ ngehˬ gʼeh-eu jeˬ, aˬ yawꞈ-ahˇ uˬ duˬ tahˬ gaˇ duˇ-eu meh.

Dawqdaq 17:5

Iˇ shaˬ zaˬ-ahˇ dawˬ doeˇ ngehˬ-eu jeˬ, beh-euˬ yaw sahˇ-ahˇ coeˬ leˇ-awˇ, tsawˬ toeˬ iˇ gaˇ kʼaˬ lo lahˬ nehˬ-eu deuˬ, kʼehˬ-eu kʼaˆ-eu jeˬ-ahˇ maˬ dzeuˇ-iˇ-a.

Dawqdaq 18:23

Iˇ shaˬ dawˬ nahˬ yaw byehˆ, smˇ muiˬ dawˬ kʼaˆ yaw gʼahˇ.

Dawqdaq 22:16

Smˇ muiˬ-ahˇ laꞈ sawˬ biꞈ-awˇ, yaw shaˬ zaˬ deuˬ-euˬ uˬ duˬ-ahˇ dzaˬ naˇ, nawˇ shaˬ le tehꞈ-a.

Dawqdaq 22:7

Zaˬ coeˬ smˇ muiˬ-euˬ zaˬ kʼaˆ. Dziˇ dzoˆ yaw naꞈ aˬ cawˬ gʼaˬ kʼehˇ.

Dawˬ tsoˆ 5:8

Iˇ shaˬ zaˬ deuˬ-ahˇ sahˬ paˬ sahˬ ma deuˬ kʼehˬ-awˇ kʼaˆ-awˇ nawˬ dzaˬ kʼaˆ dzaˬ gaˇ ya mawˇ ngeh, taˬ zahˬ leˇ. Sahˬ paˬ sahˬ ma aˬ geu gʼaˬ maˬ kaˬ, aˬ yawꞈ taꞈ-ehˇ huiˬ dzehˬ-eu gʼaˬ jawˇ-awˇ, tiˬ gʼaˬ kʼoeˇ taˆ tiˬ gʼaˬ huiˬ daˆ leꞈ-eu meh.

Iˇsaˬyaˇ 53:3

Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Aˬmoˆ 4:1

Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.

Aˬmoˆ 5:11

Iˇ shaˬ zaˬ deuˬ-ahˇ naw maꞈ zuiˆ gʼaˬ-awˇ, aˬ yawꞈ maꞈ-euˬ cehˇ naw maꞈ nawˬ dzaˬ kʼaˆ dzaˬ-eu meh. Kʼoeˇ miˇ neh, naw maꞈ neh tsoˆ-euˬ muiˬ dui dui-eu kʼaˬ lo nymˇ-ahˇ naw maꞈ maˬ paˇ ya jawˇ-ehˇ, naw maꞈ neh ka taˬ-euˬ haw muiˬ dui dui-eu aˬ gaꞈ yaˇ kmˇ-ahˇ neh doˆ le-euˬ aˬ gaꞈ dzaˇ uiˇ naw maꞈ maˬ paˇ ya dawˇ meh.

Haˬbaˬkuˆ 3:14

Cehˆ zaꞈ taˬ-euˬ yaw shaˬ zaˬ-ahˇ, nyehꞈ dzaˬ-eu lehˇ noeˬ tsoˆ taˬ-awˇ, jaˬ lehˇ lehˇ zeuˆ loꞈ-ehˇ oe-eu, guiˇ maꞈ kʼoeˇ maꞈ-euˬ aˬ yuiꞈ-ahˇ, aˬ yawꞈ-euˬ gahˬ nawˇ yuˇ doˆ-awˇ, uˬ duˬ joeˬ tsoˆ doˆ nehˬ-euˬ meh.

Zaˬkaˬliˇ 7:10

Miˬ coeˬ miˬ ma deuˬ, muˇ coe aˬ nmˇ deuˬ, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ deuˬ hawˇ-eu, shaˬ-eu zahˬ-eu tsawˇ haˬ deuˬ-ahˇ taˬ kʼehˬ taˬ kʼaˆ nehˬ. Tiˬ gʼaˬ tiˇ gʼaˬ laˆ coeˬ laˆ ciˆ-eu jeˬ taˬ mˇ’ lehˇ dawˬ biꞈ-euˬ ma.

Yoˇhaˬ 8:49

Yeˬsuˇ ehˇ-eu, “Ngaˇ nehꞈ maˬ uˇ. Ngaˇ ngaˬ Da-ahˇ taˬ huiˬ luꞈ ma. Ehˇ kʼawꞈ, naw maꞈ ngaˬ-ahˇ maˬ taˬ huiˬ-a.

Gʼaˬkʼehˇ 13:50

Ehˇ kʼawꞈ, meuˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ hawˇ-eu, Miˬyehˇ-ahˇ uˬ duˬ tahˬ-eu myaˆ pyawˬ naˇ mehˇ jaˆ-eu aˬ cawˬ tsawˇ jeuˬ zaˬ miˬ zaˬ deuˬ, Pawˇluˆ hawˇ-eu Baˬnaˬbaˇ-ahˇ nui ma pehˇ ni Yuˇdaˆ tsawˇ haˬ deuˬ kawˆ-awˇ, aˬ yawꞈ nyaꞈ-ahˇ bi kʼehˬ-awˇ, miˇ kʼahˬ kʼoeˇ kʼahˬ-ahˇ neh bi teh dzeh-euˬ meh.

Gʼaˬkʼehˇ 17:6

Ehˇ kʼawꞈ, aˬ yawꞈ nyaꞈ-ahˇ maˬ poˆ mawˇ nya-eu miˇ neh, Yaˬsoˬ hawˇ-eu jah-eu tsawˇ haˬ tiˬ paˆ na deuˬ-ahˇ, meuˬ-ahˇ uˆ lahˇ-eu sahˬ paˬ sahˬ ma deuˬ jawˇ gaˇ gʼeu gʼeh-awˇ, heu loꞈ-ehˇ ehˇ nehˬ leˇ-euˬ meh. “Miˇ tsaˬ tahˬ kʼawˇ poˆ laˆ paˇ laˇ paˬ-ehˇ laˆ suˬ saˬ-eu tsawˇ haˬ deuˬ meuˬ heu meuˬ-ahˇ oe keuˆ taˬ-euˬ meh.

Gʼaˬkʼehˇ 18:12

Gaˬliˬoˬ lehˇ kuˇ-eu gʼaˬ, Aˬgaˬyaˇ miˇ kʼahˬ-ahˇ uˆ lahˇ luꞈ ngeh, Yuˇdaˆ tsawˇ haˬ deuˬ gm leˇ-awˇ Pawˇluˆ-ahˇ nyehꞈ-awˇ, yaˇ kʼaˬ daˇ-eu saˇ naˇ-ahˇ sheuˬ gʼeh-euˬ meh.

Gʼaˬkʼehˇ 8:3

Ehˇ kʼawꞈ, Sawˇluˆ-aˬ, Ka li zaˬ aˇ muˇ-ahˇ laˆ byoˆ-eu lehˇ leh jeh-euˬ meh. Aˬ yawꞈ tiˬ nymˇ saˇ-iˬ tiˬ nymˇ iˇ iˇ-ehˇ, jah-eu tsawˇ haˬ kʼaˇ ngeuˇ-eu deuˬ-ahˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nyehꞈ-awˇ tawˬ-ahˇ dawˆ-euˬ meh.

1 Gawˇliˬtu 11:22

Naw maꞈ kʼoeˇ loꞈ-ehˇ dzaˬ-eu dawˇ-eu gʼaˇ duˬ yawˬ ha-euˬ nymˇ maˬ baw te loˇ. Maˬ ngeuˇ naˇ, naw maꞈ Miˬyehˇ-euˬ Ka li zaˬ aˇ muˇ-ahˇ yehˬ bawˬ sehˇ lu-ehˇ gʼeh-awˇ, shaˬ zaˬ zahˬ zaˬ deuˬ bi shaꞈ dawˇ-eu gʼaˇ duˬ jahˇ te loˇ. Gaˇ kawˆ heu hmˬ-ahˇ taꞈ leˇ-awˇ, ngaˇ aˬ joˆ-ehˇ ehˇ laˇ gaˇ naw maꞈ gaˬ mawꞈ-eu nya. Ja ceuˬ nehˬ laꞈ-eu dawˬ-ahˇ gaˬ mawꞈ-eu nya loˇ. Maˬ ja ceuˬ.

Yaˬkoˆ 2:3

Mehˬ tsoeˬ yaw muiˬ dm luꞈ-eu gʼaˬ-ahˇ naw maꞈ yaw zeu baw dzehˬ-eu laꞈ kʼoeˇ, “Nuiˇ duˬ yaw muiˬ heu tsahˇ-ahˇ nuiˇ laˇ-awˬ” lehˇ ehˇ nehˬ-awˇ, iˇ shaˬ zaˬ kʼoeˇ gʼaˬ-ahˇ-aˬ, “Kʼoeˇ gaˇ yawꞈ-awˬ. Maˬ ngeuˇ naˇ, heu gaˇ ngaˬ-euˬ aˬ kuiˇ dawˬ peh miˇ tsa nuiˇ laˇ-awˬ” lehˇ naw maꞈ ehˇ nehˬ-euˬ ehˇ-awˬ.

Yaˬkoˆ 5:4

Naw maꞈ-euˬ deh yaˇ-ahˇ gaˇ bi mˇ-euˬ tsawˇ haˬ deuˬ-ahˇ naw maꞈ gʼaˬ gaˇ poeˬ maˬ biꞈ-a. Aˬ yawꞈ maꞈ toˇ gaˇ naˇ haˬ sheˇ. Naw maꞈ-euˬ cehˇ laˆ luiˆ nehˬ-euˬ tsawˇ haˬ kʼoeˇ deuˬ ngoeˇ ngoeˇ-ehˇ guˇ-eu teˇ saˇ kʼoeˇ, Baoˬ huiˬ-eu Sahˬpaˬ Miˬyehˇ-euˬ naˬ bawˇ-ahˇ gaˬ keuˆ leˇ-euˬ meh.

Yaˬkoˆ 5:6

Maˬ lehˬ maˬ ca-eu tsawˇ haˬ deuˬ-ahˇ naw maꞈ yaˇ kʼaˬ daˇ-awˇ sehꞈ-euˬ meh. Aˬ yawꞈ maꞈ laꞈ poˆ maˬ poˆ ni daˬ-euˬ meh.