Yaˬkoˆ 2:5 - Akha

⁵ Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

Yaˬkoˆ 2:5 ပူးပေါင်းရင်းမြစ်များ

1 Sahˬpaˬ 22:28

Miˇkaˬyaˇ ehˇ-eu, “Nawˇ tiˬ jeˬ-iˬ maˬ ca laˇ-ehˇ gʼoꞈ keuˆ le lawˬ naˇ, Sahˬpaˬ Miˬyehˇ ngaˬ-ahˇ gʼoe-awˇ dawˬ ngehˬ-euˬ maˬ ngeuˇ-aˇ. Ngaˬ neh ehˇ-euˬ dawˬ-ahˇ yawˬ gʼaˬ na luꞈ yaw muiˬ paˬ-ehˇ naˇ haˬ taˬ-awˬ.”

Yawˇbaˆ 34:10

Noeˬ siˬ noeˬ mawˇ nya-eu tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ. Baoˬ huiˬ-eu Miˬyehˇ yaw lehˬ jeˬ mˇ tehꞈ-a loˇ.

Yawˇbaˆ 34:19

Sahˬ paˬ sahˬ ma deuˬ-ahˇ aˬ yawꞈ gʼaˬ baꞈ maˬ baꞈ-ehˇ, yaw shaˬ zaˬ mehˬ shi smˇ muiˬ deuˬ jawˇ paw maˬ pyawˬ-a. Aˬ jeˬ miˇ neh ehˇ naˇ, yawˬ gʼaˬ na luꞈ-ahˇ aˬ yawꞈ neh beh taˬ-euˬ meh.

Yawˇbaˆ 38:14

Nah gʼahˇ yaw shehꞈ bya ngeh, gawˬ jawˬ gʼaˬ lawˬ deuˬ mehˬ tsoeˬ byaˆ dmˇ taˬ-euˬ loꞈ-ehˇ mawˇ duˬ laˇ-awˇ, shaˬ jehˆ kʼoeˇ taˆ jmˬ diˬ taˬ-euˬ loꞈ-ehˇ mawˇ shawˇ laˇ-eu meh.

Doˆ-iˇ 20:6

Ehˇ kʼawꞈ, ngaˬ-ahˇ gaˬ-awˇ, ngaˬ-euˬ zahˇ dawˬ kʼoꞈ dawˬ mehˬ nah caw teh-eu tsawˇ haˬ deuˬ-ahˇ, aˬ yawꞈ maꞈ-euˬ zaˬ ziˇ aˇ heˇ aˇ muiˇ ziˇ keuˆ ni, ngaˬ-euˬ gʼoeˇ-eu gaˬ-eu jeˬ ngaˇ bi mawˇ ma.

Dawqdaq 13:7

Smˇ muiˬ geuꞈ-eu iˇ shaˬ deuˬ jawˇ-eu loꞈ-ehˇ, iˇ shaˬ geuꞈ-eu smˇ muiˬ deuˬ jawˇ-eu meh.

Dawqdaq 7:24

Kʼoeˇ miˇ neh ngaˬ li deuˬ-oˇ, ngaˇ ehˇ gaˇ naˇ haˬ-awˬ. Ngaˬ-euˬ kʼaˬ meh-ahˇ doˆ le-euˬ dawˬ-ahˇ naˬ bawˇ ciˬ kʼmˇ-awˬ.

Dawqdaq 8:32

Teu miˇ neh zaˬ guˬ deuˬ-oˇ, ngaˬ-euˬ dawˬ-ahˇ naˇ haˬ-awˬ. Ngaˬ neh ehˇ-euˬ loꞈ-ehˇ dehꞈ-awˇ nui saˇ oꞈ-awˬ.

Iˇsaˬyaˇ 14:32

Piˇliˇtiˆ tsawˇ haˬ dawˬ dzawˇ mˇ-eu tsawˇ haˬ deuˬ-ahˇ, aˬ joˆ-ehˇ ehˇ nehˬ nmˇ. Ziˇoˬ meuˬ-ahˇ Sahˬpaˬ Miˬyehˇ laˆ ziꞈ-awˇ, shaˬ zahˬ mˇ-euˬ aˬ yawꞈ-euˬ tsawˇ jeuˬ-ahˇ, nui saˇ bi oꞈ-eu meh lehˇ ehˇ nehˬ ma.”

Iˇsaˬyaˇ 29:19

Nui ma nahˬ yu ni gʼeh-eu deuˬ tiˬ poˆ, Sahˬpaˬ Miˬyehˇ laꞈ kʼoeˇ laˬ kʼaˬ paˇ ya cehˇ-awˇ, aˬ cawˬ mehˬ shi iˇ shaˬ shaˬ luꞈ-eu deuˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ laꞈ kʼoeˇ, laˬ kʼaˬ cehˇ nui saˇ oꞈ tehꞈ-a.

Zeˬpaˬniˇ 3:12

Nui nahˬ nui yu ahˇ-eu laꞈ kʼoeˇ, ngaˬ-ahˇ gʼoe-eu tsawˇ haˬ tiˬ deuˬ, naw maꞈ nehˬ-ehˇ ngaˇ bi jawˇ ma.

Zaˬkaˬliˇ 11:11

Kʼoeˇ miˇ neh, dawˬ ma saˇ jaˇ kʼoeˇ hmˬ kʼoeˇ ngeh nah cawˆ-iˇ-euˬ meh. Yawˇ gaꞈ-eu tsawˇ haˬ kʼoeˇ deuˬ ngaˇ mˇ gaˇ haw tsoˆ taˬ-awˇ, ngaˬ neh mˇ-euˬ jeˬ laꞈ kʼoeˇ Sahˬpaˬ Miˬyehˇ dawˬ ngehˬ luꞈ-eu nga lehˇ haw siˬ-euˬ meh.

Zaˬkaˬliˇ 11:7

Yawˇ gaꞈ-eu deuˬ neh sehꞈ-eu gʼaˇ duˬ zeuˇ taˬ-euˬ yawˇ deuˬ-ahˇ ngaˇ bo-euˬ ma. Daˇ cuiˇ nyiˬ cuiˇ ngaˇ tuˆ tehˬ taˬ-euˬ ma. Tiˬ cuiˇ-ahˇ “Gʼawˬ shaˬ gaˬ-eu jeˬ” lehˇ myahˇ-awˇ, biˬ cuiˇ-ahˇ “nui ma gm-eu jeˬ” lehˇ myahˇ-euˬ ma. Kʼoeˇ naˇ, yawˇ kʼoeˇ deuˬ-ahˇ ngaˇ bo-euˬ ma.

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Maꞈtehˬ 25:34

Kʼoeˇ naˇ, aˬ yawꞈ-euˬ aˇ maˇ paw jawˇ-eu tsawˇ haˬ deuˬ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ Da neh guiˬ lahˬ biꞈ taˬ-euˬ tsawˇ haˬ deuˬ-oˇ, laˇ-awˬ. Mˬ beh miˇ beh ngeh neh naw maꞈ gʼaˇ duˬ lehˬ hmˬ taˬ-euˬ miˇ kʼahˬ-ahˇ jawˇ laˇ-awˬ.

Maꞈtehˬ 5:3

“Nui ma laꞈ kʼoeˇ shaˬ-eu zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, mˬ taˆ miˇ kʼahˬ-aˬ, aˬ yawꞈ maꞈ-euˬ miˇ kʼahˬ pyeuꞈ-eu meh.

Maˬkuˆ 7:14

Kʼoeˇ naˇ tsawˇ haˬ aˇ maꞈ-ahˇ Yeˬsuˇ tiˬ poˆ paˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Naw maꞈ daw tawˆ luꞈ yaw muiˬ paˬ-ehˇ naˇ haˬ-awˇ gʼoˆ shaw geuꞈ-awˬ.

Luˇkaꞈ 12:21

“Yawˬ ha gʼaˇ duˬ pyuˇ shuiˇ duˬ gahˬ poˆ gahˬ taˬ-euˬ kʼawꞈ, Miˬyehˇ mehˬ shi smˇ muiˬ maˬ muiˬ-eu tsawˇ haˬ deuˬ-aˬ, kʼoeˇ loˆ ni tehꞈ meh.”

Luˇkaꞈ 12:32

“Nyiˇ dui dui-eu yawˇ yawˇ maꞈ-oˇ, taˬ guˆ. Aˬ jeˬ miˇ neh ehˇ naˇ, naw maꞈ-ahˇ Miˇkʼahˬ biꞈ-eu gʼaˇ duˬ naw maꞈ-euˬ Aˬda nui ma tsaˬ-eu meh.

Luˇkaꞈ 16:22

“Iˇ shaˬ iˇ taw kʼoeˇ gʼaˬ shiˇ-awˇ, mˬ taˆ gʼaˬ kʼehˇ deuˬ neh Aˬbyaˬhaˬ-euˬ bawˇ kʼahˇ-ahˇ ciˬ keuˆ ha nehˬ leˇ-euˬ meh. Smˇ muiˬ smˇ baw kʼoeˇ gʼaˬ kʼawꞈ shiˇ-awˇ, baꞈ pahˬ-iˇ-euˬ meh.

Luˇkaꞈ 16:25

Ehˇ kʼawꞈ, Aˬbyaˬhaˬ ehˇ-eu, ‘Aˬ li-oˇ, miˇ tsaˬ kʼoeˇ taˆ dehꞈ ngeh, nawˇ yaw nuiˬ jeˬ-ahˇ za-awˇ, Laˬzaˬluˇ maˬ muiˬ-eu jeˬ zaˬ-euˬ gaˇ noeˬ mawˇ-awˬ. Ehˇ kʼawꞈ, nymˬ-mˇ poˆ jawˇ-aˬ, Laˬzaˬluˇ heu gaˇ saˇ lehˆ ni ya jawˇ luꞈ-awˇ, nawˇ ya daˬ dui dui luꞈ meh.

Luˇkaꞈ 22:29

Ngaˬ Da neh ngaˬ-ahˇ uˆ lahˇ-eu baoˬ biꞈ laꞈ-euˬ loꞈ-ehˇ, naw maꞈ-ahˇ kʼawꞈ baoˬ kʼoeˇ ngaˇ biꞈ-eu ma.

Luˇkaꞈ 6:20

Yeˬsuˇ aˬ yawꞈ-euˬ zaˬ lahˇ deuˬ-ahˇ haw-awˇ ehˇ-eu, “Naw maꞈ shaˬ-eu zahˬ-eu tsawˇ haˬ deuˬ guiˬ lahˬ huiˬ-eu meh. Aˬjeˬ miˇ neh ehˇ naˇ, Miˬyehˇ Miˇkʼahˬ naw maꞈ-ahˇ oꞈ-eu meh.

Yoˇhaˬ 7:48

Aˬ yuiꞈ aˬ tsu deuˬ hawˇ-eu Paˬliˬsehˇ deuˬ laꞈ kʼoeˇ aˬ yawꞈ-ahˇ jah-eu tsawˇ haˬ tiˬ gʼaˬ na mawˇ haw teˬ loˇ.

Gʼaˬkʼehˇ 7:2

Saˬteˬpaˬ ehˇ-eu, “Aˬ yuiꞈ aˬ nyiˇ aˬ da aˬ ma deuˬ-oˇ, ngaˇ ehˇ gaˇ naˇ haˬ sheˇ. Aˬ dui-euˬ aˬ da yaw dzahˇ Aˬbyaˬhaˬ Haˬlaˬ meuˬ-ahˇ maˬ jawˇ-iˇ mi naˆ-ehˇ, Maˬsoˬpaˬtaˬmiˇ miˇ kʼahˬ laꞈ kʼoeˇ yaw shehꞈ kʼahˬ sehˇ huiˬ-eu Miˬyehˇ aˬ yawꞈ-euˬ mehˬ shi doˆ le-awˇ,

Lormav 8:17

Aˬ dui-aˬ, aˬ yawꞈ-euˬ zaˬ pyeuꞈ-eu miˇ neh, aˬ yawꞈ-euˬ jeˬ biˇ oꞈ-eu tsawˇ haˬ ma. Miˬyehˇ neh Ka li-ahˇ biꞈ-eu lehˇ lehˬ hmˬ taˬ-euˬ jeˬ biˇ kʼawꞈ, Ka li nehˬ-ehˇ tiˬ kawˆ loꞈ-ehˇ aˬ duiˬ za ma. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ Ka li nehˬ-ehˇ tiˬ kawˆ loꞈ-ehˇ aˬ dui daˬ naˇ, aˬ yawꞈ nehˬ-ehˇ tiˬ kawˆ loꞈ-ehˇ yaw shehꞈ kʼahˬ sehˇ za tehꞈ-a.

1 Gawˇliˬtu 2:9

Ehˇ kʼawꞈ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Myaˆ nuiˆ maˬ mawˇ haw-ehˇ, naˬ bawˇ maˬ gaˬ haw-euˬ, maˬ noeˬ doˆ coeˇ-eu jeˬ, Miˬyehˇ-ahˇ gaˬ-euˬ deuˬ gʼaˇ duˬ, Miˬyehˇ lehˬ hmˬ laˆ saˆ-euˬ meh.”

2 Gawˇliˬtu 4:15

Nga maꞈ kʼaˇ ya daˬ-euˬ heu deuˬ dawˬ tawˆ luꞈ, naw maꞈ-euˬ gʼaˇ duˬ pyeuꞈ-eu ma. Miˬyehˇ-euˬ guiˬ lahˬ yaw dzahˇ za-euˬ tsawˇ haˬ tiˬ jawˇ saˇ-iˬ tiˬ jawˇ myaˬ laˇ luꞈ-eu loꞈ-ehˇ, Miˬyehˇ-euˬ yaw shehꞈ kʼahˬ sehˇ hawˇ-eu aˬ yawꞈ-euˬ guiˬ lahˬ-ahˇ ja ceuˬ-eu jeˬ, tiˬ jawˇ saˇ-iˬ tiˬ jawˇ myaˬ laˇ tehꞈ-a.

2 Gawˇliˬtu 6:10

Noeˬ shaˬ dui dui luꞈ gaˇ duˇ kʼawꞈ, aˬ myah luꞈ laˬ kʼaˬ cehˇ luꞈ-eu tsawˇ haˬ ma. Iˇ shaˬ shaˬ gaˇ duˇ kʼawꞈ, aˬ cawˬ gʼawˬ mya ni smˇ muiˬ muiˬ laˇ ni jahˇ nehˬ-euˬ tsawˇ haˬ ma. Tiˬ jeˬ-iˬ maˬ jaˆ gaˇ duˇ kʼawꞈ, yawˬ jeˬ na luꞈ jaˆ kuꞈ-eu tsawˇ haˬ ma.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

Eˇpeˇsu 1:18

Miˬyehˇ naw maꞈ-ahˇ kuˇ-euˬ miˇ neh naw maꞈ aˬ jeˬ-ahˇ noeˬ tmˬ kʼaˇ za-eu gaˇ kawˆ maˬ ehˇ, aˬ yawꞈ neh aˬ yawꞈ-euˬ tsawˇ haˬ deuˬ-ahˇ biꞈ-eu lehˇ saˇ jaˇ dzaˬ taˬ-euˬ guiˬ lahˬ kʼoeˇ deuˬ aˇ naˆ ni zahˬ leˇ paˬ-ehˇ gʼeh-eu gaˇ kawˆ maˬ ehˇ, naw maꞈ siˬ nya laˇ ni, naw maꞈ-euˬ nui ma-ahˇ pah nehˬ-awˇ aˬ yawꞈ-euˬ yaw shehꞈ-ahˇ bi mawˇ-eu gʼaˇ duˬ shaˇ-eu ma.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

1 Teˇsaˬloˇni 2:12

Nga maꞈ naw maꞈ-ahˇ gʼaˬ biꞈ-awˇ nui saˇ bi za-euˬ ma. Aˬ yawꞈ-euˬ Miˇkʼahˬ hawˇ-eu yaw shehꞈ kʼahˬ sehˇ laꞈ kʼoeˇ uˇ laˇ ni naw maꞈ-ahˇ kuˇ luꞈ-eu Miˬyehˇ nui ma tsaˬ ni yaw dehꞈ dehꞈ-eu gʼaˇ duˬ, naw maꞈ-ahˇ nga maꞈ maˬ tsehˆ leˇ ni gʼaˬ biꞈ-euˬ ma.

2 Teˇsaˬloˇni 1:5

Miˬyehˇ-aˬ, dawˇ coe ni yaˇ kʼaˬ daˇ-awˇ, naw maꞈ kʼoeˇ loꞈ-ehˇ ya daˬ-eu ba da neh aˬ yawꞈ-euˬ miˇ kʼahˬ-ahˇ geuˇ-eu tsawˇ haˬ pyeuꞈ laˇ-eu gaˇ kawˆ, naw maꞈ daˬ luꞈ-eu kʼoeˇ saˇ kiˇ pyeuꞈ-eu meh. Aˬ jeˬ miˇ neh ehˇ naˇ, Miˬyehˇ Miˇkʼahˬ-ahˇ geuˇ-eu tsawˇ ha pyeuꞈ laˇ ni naw maꞈ daˬ luꞈ-eu meh.

1 Tiˆmoˇseˬ 6:18

Aˬ cawˬ gʼaˇ duˬ yaw muiˬ jeˬ mˇ-eu, muiˬ-eu gaˇ gʼawˬ mya jeˬ mˇ-eu, tsawˇ tsiˇ maˬ tsiˇ ni damˬ nehˬ-eu, aˬ cawˬ-ahˇ caw ba nehˬ-eu, heu loꞈ-ehˇ gʼeh-eu deuˬ-ahˇ mˇ-awˬ lehˇ aˬ yawꞈ maꞈ-ahˇ mehˬ nehˬ-awˬ.

2 Tiˆmoˇseˬ 4:18

Yaw haiˬ jeˬ dawˬ tawˆ luꞈ laꞈ kʼoeˇ Sahˬpaˬ Yeˬsuˇ ngaˬ-ahˇ ka kʼoꞈ nehˬ laꞈ-awˇ, aˬ yawꞈ-euˬ mˬ taˆ Miˇkʼahˬ-ahˇ sheuˬ kʼoꞈ daˆ leꞈ tehꞈ-a. Mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ.

2 Tiˆmoˇseˬ 4:8

Cehˆ ceh ceh gaˇ gʼaˬ leˇ-euˬ deuˬ-ahˇ biꞈ-eu laꞈ sawˬ, ngaˬ-euˬ gʼaˇ duˬ lehˬ hmˬ taˬ-euˬ meh. Laꞈ sawˬ kʼoeˇ-aˬ, Miˬyehˇ-ahˇ tsaˬ leˇ tsahˇ leˇ-euˬ laꞈ sawˬ pyeuꞈ-eu meh. Aˇ nah kʼoeˇ nah keuˆ le ngeh, tsaˬ-eu dawˇ-eu Yaˇ kʼaˬ daˇ-eu gʼaˬ pyeuꞈ-eu Sahˬpaˬ Yeˬsuˇ ngaˬ-ahˇ laꞈ sawˬ kʼoeˇ biꞈ nehˬ laꞈ tehꞈa. Ngaˬ-ahˇ tehꞈ-ehˇ maˬ ngeuˇ ni, aˬ yawꞈ gʼoꞈ doˆ le gaˇ gʼoeˇ-eu gaˬ-eu laꞈ kʼoeˇ kʼaˇ loꞈ luꞈ-eu tsawˇ haˬ dawˬ tawˆ luꞈ-ahˇ biꞈ tehꞈ-a.

HeˬByehˇ 11:26

Ka li-euˬ gʼaˇ duˬ daˬ ga-eu jeˬ-ahˇ ya daˬ-eu-aˬ, Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ naˆ maˬ tseˇ poeˬ dui lawˬ dui dui ma lehˇ aˬ yawꞈ jah duˬ taˬ-euˬ meh. Aˬ jeˬ miˇ neh ehˇ naˇ, aˬ kaˇ za-eu laꞈ sawˬ-ahˇ aˬ yawꞈ noeˬ tsoˆ taˬ-euˬ meh.

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

Yaˬkoˆ 1:16

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, taˬ noeˬ lehˬ.

Yaˬkoˆ 1:19

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, gaˇ kawˆ heu deuˬ-ahˇ yaw muiˬ paˬ-ehˇ noeˬ taˬ-awˬ. Tsawˇ haˬ yawˬ gʼaˬ na luꞈ aˬ cawˬ ehˇ gaˇ yaw kawˇ-ehˇ naˇ haˬ-awˬ. Ehˇ kʼawꞈ, dawˬ ngehˬ-eu taˬ tehˬ. Nui ma pehˇ-eu aˬ huˬ taˬ huˬ.

Yaˬkoˆ 1:9

Iˇ shaˬ shaˬ-eu Ka li zaˬ tiˬ gʼaˬ-aˬ, Miˬyehˇ aˬ yawꞈ-ahˇ ciˬ goˇ nehˬ ngeh laˬ kʼaˬ cehˇ-eu tsaˬ meh.

1 Beˬtuˆluˆ 1:4

Kʼoeˇ baˬ da neh, Miˬyehˇ neh aˬ yawꞈ-euˬ tsawˇ haˬ deuˬ gʼaˇ duˬ bi jaˆ-euˬ muiˬ dui byah dui dui-eu guiˬ lahˬ-ahˇ za-eu yaw duˬ baw-eu ma. Maˬ buꞈ maˬ cehˇ-iˇ nya-eu, maˬ muiˬ maˬ shawˇ-eu jeˬ maˬ pyeuꞈ-iˇ nya-eu uˬ taꞈ, maˬ byoˆ maˬ laˆ-iˇ nya-eu guiˬ lahˬ kʼoeˇ, naw maꞈ gʼaˇ duˬ mˬ kʼoeˇ taˆ aˬ yawꞈ bi jaˆ-euˬ meh.

2 Beˬtuˆluˆ 1:11

Kʼoeˇ loꞈ-ehˇ mˇ-eu laꞈ kʼoeˇ, aˬ dui-ahˇ ka kʼoꞈ-eu gʼaˬ pyeuꞈ-eu Sahˬpaˬ Yeˬsuˇ Ka li-euˬ mˬ maˬ maˬ byaˆ zaˇ ziˇ Miˇkʼahˬ laꞈ kʼoeˇ uˇ leˇ-eu aˬ kawˬ-aˬ naw maꞈ tiˬ byah tiˬ loꞈ za tehꞈ-a.

Panmaeq 2:9

Nawˇ aˇ naˆ ni shaˬ zahˬ mˇ luꞈ-eu gaˇ kawˆ hawˇ-eu, aˇ naˆ ni iˇ shaˬ shaˬ-eu gaˇ kawˆ ngaˇ siˬ nya ma. Ehˇ kʼawꞈ, maˇ maˇ ni ehˇ leꞈ naˇ, nawˇ smˇ muiˬ muiˬ-eu meh. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu tsawˇ haˬ kʼoeˇ deuˬ neh nawˬ-ahˇ aˇ naˆ ni ja bu ja doeˇ-euˬ gaˇ kawˆ ngaˇ siˬ nya ma. Aˬ yawꞈ maꞈ-aˬ, nehꞈ Saˬdaˬ-ahˇ taꞈ-eu aˇ muˇ tiˬ muˇ meh.

Panmaeq 21:7

Gʼaˬ leˇ-euˬ tsawˇ haˬ aˬ geu gʼaˬ maˬ kaˬ, jeˬ biˇ heu oꞈ tehꞈ-a. Ngaˇ aˬ yawꞈ-euˬ Miˬyehˇ pyeuꞈ-awˇ, aˬ yawꞈ ngaˬ-euˬ aˬ li ya pyeuꞈ-eu jeˬ biˇ oꞈ tehꞈ-a.

Panmaeq 3:18

Kʼoeˇ miˇ neh, nawˇ smˇ muiˬ bi muiˬ laˇ-eu gʼaˇ duˬ, ngaˇ jawˇ gaˇ maˇ jawˆ ni gʼeh-eu shuiˇ zeuˇ laˇ-awˬ lehˇ nui noeˬ nui duˇ biꞈ-eu ma. Nawˇ dm-eu gʼaˇ duˬ mehˬ tsoeˬ yaw pyuˇ kʼawꞈ zeuˇ-awˇ, shaꞈ dawˇ dui dui paˬ-ehˇ neˇ myawˆ ni gʼeh-eu nawˬ-euˬ gʼawˇ mawˇ-ahˇ dm kaˬ-awˬ. Nawˬ-euˬ myaˆ nuiˆ mawˇ nya laˇ ni, myaˆ nuiˆ-ahˇ dawˆ-eu tsiˇ zeuˇ-awˬ.

Yaˇ kʼaˬ daˇ 9:7

Gaˇ kawˆ kʼoeˇ Yoˇdamˬ ya gaˬ ngeh, Geˬlaˬzmˬ gawˬ jawˬ uˬ du daˆ leˇ-awˇ, aˬ yawꞈ maꞈ-ahˇ heu loꞈ-ehˇ guˇ gaˬ nehˬ-euˬ meh. “Sheˬkmˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ dawˬ-ahˇ Miˬyehˇ naˇ haˬ ni, ngaˇ ehˇ gaˇ naw maꞈ naˇ haˬ sheˇ.

1 Saˬmeuˬlaˆ 2:30

Ngaˇ-aˬ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˬ-euˬ nymˇ jiˇ hawˇ-eu nawˬ-euˬ aˇ jeuˬ-ahˇ, aˬ myah luꞈ ngaˬ-euˬ gaˇ mˇ-eu piˇ ma deuˬ bi geuꞈ ma lehˇ, dzeuˇ laˇ ngeh ngaˇ saˇ jaˇ dzaˬ taˬ-euˬ ma. Ehˇ kʼawꞈ, nymˬ-mˇ kʼoeˇ loꞈ-ehˇ maˬ paˇ geuꞈ nya meh lehˇ ngaˇ ehˇ-eu ma. Ngaˬ-ahˇ taˬ huiˬ-eu tsawˇ haˬ-ahˇ ngaˇ taˬ huiˬ nehˬ-awˇ, ngaˬ-ahˇ yaw zeu maˬ baw-eu tsawˇ haˬ-ahˇ ngaˇ yaw zeu maˬ baw.

1 Saˬmeuˬlaˆ 2:8

iˇ shaˬ zaˬ-ahˇ kʼaˬ lehˇ laꞈ kʼoeˇ, aˬ yawꞈ gʼeu tuˇ tsahˇtuˇ nehˬ-awˇ, maˬ jaˆ-eu tsawˇ haˬ deuˬ-ahˇ kʼawꞈ, aˬ yawꞈ bi dehꞈ tuˇ laˇ-eu meh. Sahˬ paˬ zaˬ yo-ahˇ bi gʼoeˇ-awˇ, taˬ huiˬ-eu jeˬ bi oꞈ-eu meh. Aˬ jeˬ miˇ neh ehˇ naˇ, miˇ tsaˬ-euˬ dawˬ pehˬ duˬ puˇ-aˬ, Sahˬpaˬ Miˬyehˇ-euˬ pyeuꞈ-awˇ, kʼoeˇ-euˬ kʼoeˇ taˆ miˇtsaˬtahˬkʼawˇ, aˬ yawꞈ neh tsoˆ daˆ taˬ-euˬ meh.