Yaˬkoˆ 2:3 - Akha

³ Mehˬ tsoeˬ yaw muiˬ dm luꞈ-eu gʼaˬ-ahˇ naw maꞈ yaw zeu baw dzehˬ-eu laꞈ kʼoeˇ, “Nuiˇ duˬ yaw muiˬ heu tsahˇ-ahˇ nuiˇ laˇ-awˬ” lehˇ ehˇ nehˬ-awˇ, iˇ shaˬ zaˬ kʼoeˇ gʼaˬ-ahˇ-aˬ, “Kʼoeˇ gaˇ yawꞈ-awˬ. Maˬ ngeuˇ naˇ, heu gaˇ ngaˬ-euˬ aˬ kuiˇ dawˬ peh miˇ tsa nuiˇ laˇ-awˬ” lehˇ naw maꞈ ehˇ nehˬ-euˬ ehˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ nawmaf maeqtsoeq yawmuiq dmluf-eu ghaq-anr yawzeubaw duidui-awr, “Nuirduq yawmuiq heutsanr-anr nuirlar-awq” laer aernaeq-eu mae. Aerkhawf, irshaqzaq ghaq-anr-aq, “Nawr khoergar yawf-awq.” Maqngeur nar-aq, “Ngaq-euq aqkuir cawqtaqduq-anr nuirlar-awq” laer nawmaf aernaeq-eu mae.

Yaˬkoˆ 2:3 ပူးပေါင်းရင်းမြစ်များ

Dawqdaq 18:23

Iˇ shaˬ dawˬ nahˬ yaw byehˆ, smˇ muiˬ dawˬ kʼaˆ yaw gʼahˇ.

Iˇsaˬyaˇ 65:5

Kʼoeˇ naˇ, aˬ yawꞈ maꞈ-euˬ dawˬ peh aˬ cawˬ maˬ bi laˇ-a. Aˬ yawꞈ maꞈ muiˬ-eu shawˇ-eu tsawˇ haˬ pyeuꞈ-eu baˬ da neh, aˬ cawˬ maˬ bi toeˬ ciˆ kʼmˬ-a lehˇ ehˇ-eu meh. Kʼoeˇ loꞈ-ehˇ gʼeh-eu tsawˇ haˬ-ahˇ ngaˇ maˬ oˇ oꞈ coeˇ nya. Aˬ yawꞈ maꞈ-ahˇ ngaˇ nui ma pehˇ-eu jeˬ, maˬ miˆ tsehˆ-iˇ nya-eu miˬ dzaˬ-ahˇ duˇ-eu ma.

Luˇkaꞈ 23:11

Heˬloˆ hawˇ-eu aˬ yawꞈ-euˬ yehˇ deuˬ Yeˬsuˇ-ahˇ yehˬ bawˬ sehˇ lu-ehˇ ehˇ-awˇ naˬ gʼa-euˬ meh. Kʼoeˇ loꞈ-ehˇ jahˇ gʼaˬ ngeh, sahˬ paˬ sahˬ ma deuˬ dm-eu muiˬ dui dui-eu mehˬ tsoeˬ bi dm-awˇ, sahˬ paˬ Piˇlaˆ jawˇ gaˇ bi sheuˬ kʼoꞈ gʼeh-euˬ meh.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

Yaˬkoˆ 2:2

Naw maꞈ uˬ duˬ tahˬ-eu lehˇ uiˬ leˇ ngeh, shuiˇ laꞈ behˬ behˬ-awˇ mehˬ tsoeˬ yaw muiˬ dm luꞈ-eu smˇ muiˬ smˇ baw ti gʼaˬ hawˇ-eu, mehˬ tsoeˬ yaw cehˇ yaw ju-ehˇ dm luꞈ-eu iˇ shaˬ iˇ taw tiˬ gʼaˬ laˇ-euˬ ehˇ-awˬ.

Yaˬkoˆ 2:6

Ehˇ kʼawꞈ, shaˬ-eu zahˬ-eu tsawˇ haˬ deuˬ-ahˇ naw maꞈ yaw zeu maˬ baw-a. Naw maꞈ-euˬ kʼoeˇ taˆ nawˬ tehˬ-awˇ naw maꞈ-ahˇ yaˇ kʼaˬ daˇ duˬ-ahˇ sheuˬ gʼeh-eu kʼoeˇ, aˬ suˇ gʼaˬ-a. Smˇ muiˬ smˇ baw deuˬ maˬ ngeuˇ-a loˇ.

Yuˇdaˆ 1:16

Tsawˇ haˬ kʼoeˇ deuˬ-aˬ, aˬ myah luꞈ aˬ cawˬ-ahˇ toˇ toˇ-ehˇ iˬ baˇ taˬ-eu meh. Yawˬ ha-euˬ maˬ muiˬ maˬ jaˬ-eu nui kʼahˇ mehˬ nah caw teh-eu meh. Yawˬ ha-euˬ gaˇ kawˆ kʼahˬ sehˇ jehˆ-awˇ, yawˬ ha-ahˇ muiˬ laˇ ni aˬ cawˬ-ahˇ ja poeˬ nehˬ nya-eu meh.