Yaˬkoˆ 2:26 - Akha

²⁶ Kʼoeˇ baˬ da neh, saꞈ laˇ maˬ ahˇ-eu gʼawˇ mawˇ-aˬ, yaw shiˇ pyeuꞈ-eu loꞈ-ehˇ, mˇ-eu shaˇ-eu jeˬ maˬ ahˇ-eu jah-eu jeˬ kʼawꞈ, yaw shiˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Mawrdo-aq, saflar maqanr nar-aq yawshir mae. Nuijan khawf maqmr maqshar nar-aq yawshir mae.

Yaˬkoˆ 2:26 ပူးပေါင်းရင်းမြစ်များ

Jaceuq 104:29

Nawˇ naˇ kʼah ciˬ pyawˇ ngeh, aˬ yawꞈ maꞈ guˆ-eu meh. Aˬ yawꞈ maꞈ saꞈ gʼawˇ kahˬ nawˇ yuˇ kʼoꞈ ngeh, aˬ yawꞈ maꞈ shiˇ tsehˆ-awˇ, miˇ tsaˬ yuˇ-awˇ aˬ yawꞈ maꞈ-ahˇ beh-euˬ loꞈ-ehˇ, miˇ tsaˬ paˇ ya pyeuꞈ-iˇ-eu meh.

Jaceuq 146:4

Aˬ yawꞈ maꞈ shiˇ ngeh miˇ tsaˬ-ahˇ paˇ ya gʼoꞈ uˇ-iˇ-awˇ, aˬ yawꞈ maꞈ neh kʼaˇ noeˬ tmˬ-euˬ jeˬ, shiˇ ngeh nah byoˆ jiˇ-eu meh.

Dawˬ tsoˆ 12:7

Aˬ dui-euˬ gʼawˇ mawˇ miˇ tsaˬ-ahˇ gʼoꞈ kʼoꞈ-iˇ-awˇ, aˬ duiˬ-euˬ saꞈ laˇ-aˬ, dehꞈ-eu saꞈ laˇ biꞈ-eu yaw sahˇ pyeuꞈ-eu Miˬyehˇ jawˇ gaˇ gʼoꞈ leˇ tehꞈ-a. Aˇ yamˬ kʼoeˇ yamˬ maˬ keuˆ le mi naˆ-ehˇ, Miˬyehˇ-euˬ guiˬ lahˬ-ahˇ noeˬ keuˆ-awˬ.

Iˇsaˬyaˇ 2:22

Naˇ mehˇ saꞈ gʼawˇ-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ nui jah taˬ ahˇ. Tiˬ jeˬ-iˬ gaˇ dahˇ maˬ tsoeˬ-a.

Luˇkaꞈ 23:46

Kʼoeˇ ngeh, Yeˬsuˇ yaw kʼaˆ-ehˇ guˇ-awˇ, “Aˬda-oˇ, ngaˬ-euˬ saꞈ laˇ-ahˇ nawˬ-euˬ aˬ laꞈ laꞈ kʼoeˇ a nehˬ-eu ma” lehˇ ehˇ-eu meh. Kʼoeˇ loꞈ-ehˇ guˇ gʼaˬ ngeh, aˬ yawꞈ saꞈ tsehˆ leˇ-euˬ meh.

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

Yaˬkoˆ 2:14

Aˬ yuiꞈ aˬ nyiˇ Ka li zaˬ deuˬ-oˇ, tsawˇ haˬ tiˬ gʼaˬ na jah ma lehˇ ehˇ kʼawꞈ, maˬ mˇ maˬ shaˇ naˇ, aˬ jeˬ gaˇ dahˇ tsoeˬ nmˇ. Jah-eu kʼoeˇ neh aˬ yawꞈ-ahˇ ka kʼoꞈ nehˬ nya tehꞈ-a loˇ.

Yaˬkoˆ 2:17

Kʼoeˇ miˇ neh, jah-eu jeˬ-aˬ, mˇ-eu shaˇ-eu jeˬ maˬ ahˇ naˇ, shiˇtaˬ-euˬ gaˇ duˇ-eu meh.

Yaˬkoˆ 2:20

A dzawˬ aˇ gah deuˬ-oˇ, mˇ-eu shaˇ-eu jeˬ maˬ ahˇ-eu jah-eu jeˬ-aˬ yawꞈ ngehꞈ meh lehˇ bi mehˬ duˬ mawꞈ-eu nya loˇ.