Yaˬkoˆ 2:25 - Akha

²⁵ Meh maˬ laˇ Laˬhaˇ-euˬ gaˇ kawˆ kʼawꞈ, kʼoeˇ loꞈ-ehˇ meh. Miˇ kʼahˬ kʼoeˇ kʼahˬ-ahˇ kʼoeˬ sho haw leˇ-euˬ Iˇsaˬleˬlaˇ tsawˇ haˬ deuˬ-ahˇ aˬ yawꞈ ha geuꞈ-awˇ, gaˇ ma yawˬ kahˇ yawˬ mehˬ pyawˇ nehˬ-awˇ bi buˬ bi law-iˇ-euˬ meh. Aˬ yawꞈ kʼoeˇ loꞈ-ehˇ mˇ-euˬ shaˇ-euˬ miˇ neh, Miˬyehˇ-ahˇ tsaˬ leˇ tsahˇ leˇ-eu tsawˇ haˬ pyeuꞈ laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Khoerlof-aer durni, Laqhar laer kur-eu mawrdo anq-eu ghaq khawf, khaerghae lef-euq khoer nyiq ghaq-anr ha-awr, garma yawqkanr yawq-anr nae bi ghofler-euq mae. Aqyawf khoerlof-aer janr-euq mirnae, tsaq-awr dawr-eu tsawrhaq pyeuflar-euq maqngeur-a lor?

Yaˬkoˆ 2:25 ပူးပေါင်းရင်းမြစ်များ

Maꞈtehˬ 1:5

Laˬhaˇ o neh dehꞈ le-euˬ Saˬlaˬmoˬ-euˬ aˬ li Bawˇza, Luˇta o neh dehꞈ le-euˬ Bawˇza-euˬ aˬ li Awˇbehˆ, Awˇbehˆ-euˬ aˬ li Yeˬshehˇ,

Maꞈtehˬ 21:31

Aˬ li kʼoeˇ nyiˬ li, aˬ geu gʼaˬ aˬ da-euˬ nui kʼahˇ mˇ-euˬ nga.” Aˬ yawꞈ maꞈ ehˇ-eu, “Aˬ yuiꞈ gʼaˬ meh.” Aˬ yawꞈ maꞈ-ahˇ Yeˬsuˇ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Kawˬ taꞈ-eu tsawˇ haˬ deuˬ hawˇ-eu meh maˬ laˇ deuˬ, naw maꞈ-euˬ aˬ hu Miˬyehˇ Miˇkʼahˬ-ahˇ ya uˇ leˇ meh.

Gʼaˬkʼehˇ 17:7

Yaˬsoˬ neh aˬ yawꞈ maꞈ-ahˇ aˬ yawꞈ-euˬ nymˇ-ahˇ cu taˬ-euˬ meh. Yeˬsuˇ lehˇ myahˇ-eu sahˬ paˬ tiˬ gʼaˬ jawˇ meh lehˇ aˬ yawꞈ maꞈ ehˇ ehˇ-ehˇ, sahˬ paˬ Gehˇsaˬ neh biꞈ taˬ-euˬ zaˇ sahˇ kʼoꞈ deuˬ-ahˇ laˆ cawˆ luꞈ meh.”

HeˬByehˇ 11:31

Laˬhaˇ lehˇ myahˇ-euˬ meh maˬ laˇ kʼoeˇ gʼaˬ Miˬyehˇ-euˬ ehˇ dawˬ maˬ naˇ haˬ-eu tsawˇ haˬ deuˬ nehˬ-ehˇ maˬ ya shiˇ caw-euˬ kʼoeˇ-aˬ, jah-eu jeˬ baˬ da neh meh. Aˬ jeˬ miˇ neh ehˇ naˇ, kʼoeˬ sho haw laˇ-euˬ Iˇsaˬleˬlaˆ tsawˇ haˬ deuˬ-ahˇ aˬ yawꞈ yaw muiˬ paˬ-ehˇ ha-euˬ meh.

Yaˬkoˆ 2:18

“Tiˬ gʼaˬ-ahˇ jah-eu jeˬ oꞈ-awˇ, tiˬ gʼaˬ-ahˇ mˇ-eu jeˬ oꞈ-eu meh” lehˇ, tsawˇ haˬ tiˬ gʼaˬ na ehˇ tehꞈ-a. Mˇ-eu shaˇ-eu jeˬ maˬ ahˇ-eu nawˬ-euˬ jah-eu jeˬ ngaˬ-ahˇ mehˬ nehˬ laꞈ sheˇ. Ngaˇ-aˬ, mˇ-eu shaˇ-eu laꞈ kʼoeˇ ngaˬ-euˬ jah-eu jeˬ nawˬ-ahˇ mehˬ nehˬ ma.

Yaˬkoˆ 2:22

Aˬ yawꞈ-euˬ jah-eu jeˬ hawˇ-eu aˬ yawꞈ neh mˇ-euˬ shaˇ-euˬ jeˬ tiˬ gaˇ taꞈ-eu kʼoeˇ, nawˇ maˬ haw mawˇ nya te loˇ. Aˬ yawꞈ-euˬ jah-eu jeˬ-aˬ, aˬ yawꞈ neh mˇ-euˬ shaˇ-euˬ jeˬ laꞈ kʼoeˇ byah laˇ-euˬ meh.

Yaˬkoˆ 2:24

Nymˬ-mˇ poˆ jawˇ-aˬ, tsawˇ haˬ tiˬ gʼaˬ Miˬyehˇ-ahˇ tsaˬ leˇ tsahˇ leˇ nya-eu-aˬ, jah-eu tiˬ jeˬ baˬ da neh tehꞈ-ehˇ maˬ ngeuˇ-ehˇ, mˇ-eu shaˇ-eu jeˬ kʼawꞈ ahˇ-eu baˬ da neh tsaˬ leˇ tsahˇ leˇ nya-eu meh lehˇ naw maꞈ-ahˇ siˬ duˬ laˇ miˇ-a loˇ.

Yawˇshuˆ 2:1

Kʼoeˇ ngeh, Kaˬnaˬ miˇ kʼahˬ-ahˇ bi kʼoeˬ sho haw leˇ-awˇ, Yeˬliˇkoˇ meuˬ-ahˇ yaw muiˬ paˬ-ehˇ bi pyehˆ tseˇ haw leˇ-eu gʼaˇ duˬ, Aˬkaˬshaˇ lehˇ kuˇ-eu jawˇ duˬ-ahˇ neh tsawˇ haˬ nyiˬ gʼaˬ Yawˇshuˆ pyehˬ gʼeh-euˬ meh. Meuˬ kʼoeˇ meuˬ-ahˇ aˬ yawꞈ nyaꞈ le keuˆ ngeh, Laˬhaˇ lehˇ myahˇ-euˬ meh maˬ laˇ tiˬ gʼaˬ-euˬ nymˇ-ahˇ yaꞈ-euˬ meh.

Yawˇshuˆ 2:15

Laˬhaˇ-aˬ, meuˬ lahˇ gawˬ taˬ-euˬ gaˇ tsoˆ tawꞈ taˬ-euˬ nymˇ-ahˇ jawˇ-eu meh. Kʼoeˇ miˇ neh, laˇ gʼoˆ gʼoˆ zaˬ-ahˇ neh aˇ caˆ pyehˬ ka-awˇ, tsawˇ haˬ kʼoeˇ nyiˬ gʼaˬ-ahˇ bi zaꞈ ka-iˇ-euˬ meh.

Yawˇshuˆ 2:16

Aˬ yawꞈ nyaꞈ-ahˇ aˬ yawꞈ ehˇ nehˬ-eu, “Gawˬ duˇ jaˆ-eu paw le-awˬ. Maˬ ngeuˇ naˇ, sahˬ paˬ-euˬ tsawˇ haˬ deuˬ naw nyaꞈ-ahˇ mawˇ tehꞈ-a. Aˬ yawꞈ maꞈ maˬ gʼoꞈ doˆ laˇ kʼoeˇ keuˆ ni, smˬ nah keuˆ ni kʼoeˇ gaˇ dzuˇ zaꞈ-awˇ jawˇ-awˬ. Kʼoeˇ naˇ, naw nyaꞈ yawˬ ha gaˇ ma yawˬ ha iˇ-awˬ.”

Yawˇshuˆ 2:4

Ehˇ kʼawꞈ, zaˬ miˬ zaˬ kʼoeˇ gʼaˬ tsawˇ haˬ kʼoeˇ nyiˬ gʼaˬ-ahˇ sheuˬ zaꞈ taˬ-awˇ ehˇ-eu, “Ngeuˇ meh. Tsawˇ haˬ kʼoeˇ nyiˬ gʼaˬ ngaˇ jawˇ gaˇ laˇ-euˬ meh. Ehˇ kʼawꞈ, aˬ yawꞈ nyaꞈ aˬ geu gaˇ neh laˇ-euˬ gaˇ kawˆ ngaˇ maˬ ya siˬ-aˬ.

Yawˇshuˆ 2:6

Kʼoeˇ naˇ, Laˬhaˇ-aˬ, kʼoeˬ sho haw laˇ-euˬ tsawˇ haˬ kʼoeˇ nyiˬ gʼaˬ-ahˇ nymˇ mˬ-ahˇ sheuˬ daˆ leꞈ-awˇ, aˬ yawꞈ neh nymˇ mˬ kʼoeˇ taˆ baꞈ taˬ-euˬ dziˬ dziˬ dzahˬ uˬ moˆ bi dzuˇ zaˬ-euˬ meh.

Yawˇshuˆ 6:17

Meuˬ hawˇ-eu meuˬ laꞈ kʼoeˇ kʼaˇ jaˆ-eu yawˬ jeˬ na luꞈ, Sahˬpaˬ Miˬyehˇ-ahˇ lawˇ nehˬ-eu jeˬ loꞈ-ehˇ sawˇ-awˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni ya laˆ luˬ ya laˆ seˇ nehˬ meh. Meh maˬ laˇ Laˬhaˇ hawˇ-eu aˬ yawꞈ-euˬ nymˇ jiˇ-ahˇ tehꞈ-ehˇ maˬ laˆ luˬ maˬ laˆ seˇ nehˬ ni ya taˬ nehˬ meh. Aˬ jeˬ miˇ neh ehˇ naˇ, aˬ dui neh bi kʼoeˬ sho haw leˇ-euˬ tsawˇ haˬ-ahˇ aˬ yawꞈ sheuˬ zaꞈ nehˬ-euˬ meh.