Yaˬkoˆ 2:23 - Akha

²³ Kʼoeˇ ngeh jawˇ, “Aˬbyaˬhaˬ Miˬyehˇ-ahˇ jah-awˇ, aˬ yawꞈ-euˬ jah-eu jeˬ baˬ da neh, Miˬyehˇ neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ sawˇ nehˬ-euˬ meh” lehˇ ehˇ-eu Jaˇ liꞈ dawˬ kawˬ kʼoeˇ byah laˇ-euˬ meh. Kʼoeˇ miˇ neh, Aˬbyaˬhaˬ-ahˇ Miˬyehˇ-euˬ cawˬ lehˇ kuˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ “Aqbyaqhaq, Miqyaer-anr jan-eu mirnae, aqyawf-anr tsaq-awr dawr-eu tsawrhaq laer sawxnaeq-euq mae,” (Adb 15:6) laer aertaq-euq Yaerbof khoerdawq byanlar-euq mae. Khoeruqtaf, aqyawf-anr Miqyaer-euq cawq laer khawf kur-eu mae.

Yaˬkoˆ 2:23 ပူးပေါင်းရင်းမြစ်များ

Aˇ dahˬ 15:6

Kʼoeˇ ngeh, Aˬbyaˬ-aˬ, Sahˬpaˬ Miˬyehˇ-ahˇ gʼoe-awˇ jah-euˬ meh. Aˬ yawꞈ jah-eu baˬ da neh, Sahˬpaˬ Miˬyehˇ aˬ yawꞈ-ahˇ nui kʼahˇ shiˇ-awˇ ha geuꞈ-euˬ meh.

1 Sahˬpaˬ 4:5

Naˬdaˬ-euˬ aˬ li Aˬzaˬyiˇ-aˬ, miˇ kʼahˬ kʼahˬ zaˬ biˇ taˬ-euˬ kʼoeˇ taˆ uˆ lahˇ-eu sahˬ paˬ sahˬ ma deuˬ-ahˇ haw-eu pyaˆ-eu gʼaˬ geuꞈ-euˬ meh. Naˬdaˬ-euˬ aˬ li Zaˬbuˆ-aˬ, sahˬ paˬ-ahˇ nui noeˬ nui duˇ biꞈ-euˬ gʼaˬ geuꞈ-euˬ meh.

2 Laˬsaˬbaˬ 20:7

Nawˇ-aˬ, nga maꞈ-euˬ Miˬyehˇ ma. Nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ miˇ kʼahˬ heu kʼahˬ-ahˇ uˇ laˇ ngeh, heu gaˇ jawˇ luꞈ-eu tsawˇ haˬ deuˬ-ahˇ nawˇ teh dzeh-awˇ, nawˬ-euˬ cawˬ Aˬbyaˬhaˬ-euˬ zaˬ deuˬ uˆ deuˬ pyeuꞈ-eu aˬ yawꞈ maꞈ-ahˇ miˇ kʼahˬ heu kʼahˬ nawˇ biꞈ tsehˆ nehˬ-euˬ meh.

Yawˇbaˆ 16:21

Tsawˇ haˬ tiˬ gʼaˬ yawˬ ha-euˬ cawˬ gʼaˇ duˬ tahˬ shaˇ-eu loꞈ-ehˇ, ngaˬ-euˬ gʼaˇ duˬ Miˬyehˇ-ahˇ tiˬ gʼaˬ na bi tahˬ shaˇ leˇ mawꞈ nya.

Doˆ-iˇ 33:11

Cawˬ nyiˬ gʼaˬ dawˬ ja ja cawˬ-eu loꞈ-ehˇ, Moˇseˬ-ahˇ Sahˬpaˬ Miˬyehˇ myaˆ pyawˬ ciˬ daˬ-awˇ dawˬ ngehˬ cawˬ-eu meh. Kʼoeˇ naˇ, Iˇsaˬleˬlaˆ tsawˇ haˬ deuˬ jawˇ gaˇ, Moˇseˬ gʼoꞈ-iˇ-eu meh.

Iˇsaˬyaˇ 41:8

“Ehˇ kʼawꞈ, ngaˬ-euˬ zaˬ kʼaˆ Iˇsaˬleˬlaˆ-oˇ, nawˇ ngaˬ neh tseˇ doˆ-eu tsawˇ jeuˬ pyeuꞈ-awˇ, ngaˬ-euˬ cawˬ Aˬbyaˬhaˬ-euˬ zaˬ deuˬ uˆ deuˬ meh.

Maˬkuˆ 12:10

Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ naw maꞈ maˬ gui haw-aˬ loˇ. ‘Nymˇ gawˬ-eu deuˬ maˬ geuꞈ nahˇ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh.

Maˬkuˆ 15:27

Tahˇ joeˬ nyiˬ gʼaˬ-ahˇ kʼawꞈ, aˬ yawꞈ nehˬ-ehˇ tiˬ kawˆ loꞈ-ehˇ, aˇ maˇ paw tiˬ gʼaˬ, aˇ caˇ paw tiˬ gʼaˬ lehˇ, laꞈ yaꞈ kʼoeˇ taˆ taꞈ tehˬ taˬ-euˬ meh.

Luˇkaꞈ 4:21

Aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maꞈ ya gaˬ gʼaˬ-euˬ Jaˇliꞈ aˇ deuˆ heu deuˆ iˬ nah naw maꞈ naˇ haˬ luꞈ ngeh byah laˇ-euˬ meh.”

Gʼaˬkʼehˇ 1:16

“Aˬ yuiꞈ aˬ nyiˇ deuˬ-oˇ, Yeˬsuˇ-ahˇ nyehꞈ-euˬ tsawˇ haˬ deuˬ-ahˇ gaˇ ma sheuˬ mehˬ nehˬ-euˬ gʼa pyeuꞈ-eu Yuˇdaˆ-euˬ gaˇ kawˆ, Muiˬ-eu shawˇ-eu Yaw sahˇ Miˬyehˇ neh Daˬbiˇ-ahˇ gʼoe-awˇ ehˇ taˬ-euˬ Jaˇliꞈ dawˬ kawˬ kʼoeˇ byah laˇ-euˬ meh.

Lormav 11:2

Aˇ dahˬ beh ngeh neh aˬ yawꞈ neh tseˇ doˆ taˬ-euˬ tsawˇ jeuˬ-ahˇ aˬ yawꞈ maˬ byehˇ dzeh-a. Eˇliˇyaˆ neh Iˇsaˬleˬlaˇ tsawˇ haˬ deuˬ-euˬ yaw lehˬ Miˬyehˇ-ahˇ ehˇ nehˬ-euˬ gaˇ kawˆ Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ naw maꞈ siˬ nya meh.

Lormav 9:17

Jaˇliꞈ laꞈ kʼoeˇ Iˇjiˇtuˆ sahˬ paˬ-ahˇ heu loꞈ-ehˇ ehˇ nehˬ taˬ-euˬ jaˆ-eu meh. “Miˇ tsaˬ heu dawˬ tawˆ luꞈ kʼoeˇ taˆ ngaˬ-euˬ baoˬ bi mawˇ-awˇ, ngaˬ-euˬ tsawˇ myahˇ bi huiˬ byah-iˇ-eu gʼaˇ duˬ nawˬ-ahˇ zmˬ-eu lehˇ sahˬ paˬ ka nehˬ taˬ-euˬ ma.”

Gaˬlaˬtiˆ 3:22

Ehˇ kʼawꞈ, miˇ tsaˬ heu dawˬ tawˆ luꞈ iˬ baˇ uˆ lahˇ-eu uˬ moˆ jawˇ luꞈ-eu meh lehˇ Jaˇliꞈ laꞈ kʼoeˇ ehˇ taˬ-euˬ meh. Kʼoeˇ miˇ neh, Yeˬsuˇ Ka li-ahˇ jah-eu deuˬ-ahˇ biꞈ ma lehˇ ehˇ taˬ-euˬ laꞈ sawˬ kʼoeˇ-aˬ, jah-eu tsawˇ haˬ deuˬ-ahˇ biꞈ-euˬ meh.

Gaˬlaˬtiˆ 3:6

Aˬbyaˬhaˬ neh ya puˬ ya mawˇ haw-euˬ jeˬ-ahˇ shaˇ noeˬ haw sheˇ. “Aˬ yawꞈ Miˬyehˇ-ahˇ jah-awˇ, aˬ yawꞈ-euˬ jah-eu jeˬ baˬ da neh Miˬyehˇ aˬ yawꞈ-ahˇ yaw tsaˬ yaw dawˇ tsawˇ haˬ lehˇ ha geuꞈ nehˬ-euˬ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

2 Tiˆmoˇseˬ 3:16

Jaˇliꞈ dawˬ kawˬ dawˬ tawˆ luꞈ Miˬyehˇ neh bi noeˬ doˆ-eu laꞈ kʼoeˇ boꞈ doˆ taˬ-euˬ jeˬ pyeuꞈ-awˇ, yaw tsaˬ yaw dawˇ jeˬ mehˬ-eu tsoˆ-eu gʼaˇ duˬ maˬ ehˇ, iˬ baˇ-ahˇ toeˬ mehˬ-eu gʼaˇ duˬ maˬ ehˇ, maˬ tsaˬ-eu jeˬ-ahˇ mehˬ paˇ tsoˆ paˇ-eu gʼaˇ duˬ maˬ ehˇ, yaw tsaˬ yaw dawˇ dawˇ-ehˇ dehꞈ ni mehˬ-eu tsoˆ-eu gʼaˇ duˬ maˬ ehˇ, gaˇ dahˇ tsoeˬ dui dui-eu meh.

Yaˬkoˆ 2:24

Nymˬ-mˇ poˆ jawˇ-aˬ, tsawˇ haˬ tiˬ gʼaˬ Miˬyehˇ-ahˇ tsaˬ leˇ tsahˇ leˇ nya-eu-aˬ, jah-eu tiˬ jeˬ baˬ da neh tehꞈ-ehˇ maˬ ngeuˇ-ehˇ, mˇ-eu shaˇ-eu jeˬ kʼawꞈ ahˇ-eu baˬ da neh tsaˬ leˇ tsahˇ leˇ nya-eu meh lehˇ naw maꞈ-ahˇ siˬ duˬ laˇ miˇ-a loˇ.

1 Beˬtuˆluˆ 2:6

Aˬ jeˬ miˇ neh ehˇ naˇ,Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Poeˬ-eu kʼaˬ lo ngaˇ tseˇ doˆ-awˇ, Ziˇoˬ meuˬ-ahˇ gawˬ-eu laꞈ kʼoeˇ, laꞈ coeˇ lo ziꞈ bi geuꞈ-euˬ ma. Aˬ yawꞈ-ahˇ kʼaˇ jah-eu tsawˇ haˬ, daˬ ga-awˇ maˬ ya shaꞈ dawˇ-aˇ.”