Yaˬkoˆ 2:14 - Akha

¹⁴ Aˬ yuiꞈ aˬ nyiˇ Ka li zaˬ deuˬ-oˇ, tsawˇ haˬ tiˬ gʼaˬ na jah ma lehˇ ehˇ kʼawꞈ, maˬ mˇ maˬ shaˇ naˇ, aˬ jeˬ gaˇ dahˇ tsoeˬ nmˇ. Jah-eu kʼoeˇ neh aˬ yawꞈ-ahˇ ka kʼoꞈ nehˬ nya tehꞈ-a loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Ngaq-euq aqyuif aqnyir deuq-or! Ngar jan ma laer tsawrhaq tiqghaqnav aer-eu khawf, maqmr maqshar nar-aq, aqjeq gardanr tsoeq-eu la? Jan-eu khoerjeq aqyawf-anr kakhofnya taef-a lor?

Yaˬkoˆ 2:14 ပူးပေါင်းရင်းမြစ်များ

Yeˬlaˬmiˇ 7:8

“Haw yawˬ. Jaˬ myawꞈ myawꞈ-eu dawˬ-ahˇ naw maꞈ naˇ haˬ-awˇ jah-euˬ meh.

Maꞈtehˬ 5:20

Ngaˇ naw maꞈ-ahˇ ehˇ nehˬ nyaˇ. Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ naˆ maˬ tseˇ naw maꞈ yaw tsaˬ yaw dawˇ jeˬ maˬ ahˇ dzehˬ naˇ, mˬ taˆ Miˇ kʼahˬ laꞈ kʼoeˇ naw maꞈ maˬ ya uˇ leˇ-a.

Luˇkaꞈ 3:11

Aˬ yawꞈ ehˇ-eu, “Pehˇ kʼahˬ nyiˬ kahˇ jaˆ-eu tsawˇ haˬ, maˬ jaˆ-eu tsawˇ haˬ-ahˇ tiˬ kahˇ biˇ nehˬ-awˇ, dzaˬ dzaˬ dawˇ dawˇ jaˆ-eu tsawˇ haˬ kʼawꞈ, maˬ jaˆ-eu deuˬ-ahˇ biˇ nehˬ-awˬ.”

Luˇkaꞈ 6:49

Ehˇ kʼawꞈ, ngaˬ neh mehˬ-euˬ dawˬ gaˬ-awˇ maˬ naˇ haˬ geuꞈ-eu tsawˇ haˬ-aˬ, dawˬ pehˬ maˬ laˆ ziꞈ ni nymˇ tsoˆ-euˬ tsawˇ haˬ-ahˇ duˇ-eu meh. Iˇ jeuˬ jeuˬ le-awˇ nymˇ kʼoeˇ nymˇ-ahˇ ciˬ tahˬ ciˬ tuˆ ngeh, tiˬ poˆ tehꞈ-ehˇ coˬ dzeh-iˇ-awˇ, coˬ pyaˆ coˬ shaˆ jiˇ-eu meh.

Gʼaˬkʼehˇ 15:9

Aˬ dui hawˇ-eu aˬ yawꞈ maꞈ-ahˇ aˬ yawꞈ tiˬ jeˬ-iˬ maˬ sawˇ beu-a. Aˬ yawꞈ maꞈ jah-eu miˇ neh, aˬ yawꞈ iˬ baˇ pyehˬ nehˬ-euˬ meh.

Gʼaˬkʼehˇ 8:13

Siˇmoˬ kʼoeˇ gʼaˬ kʼawꞈ jah laˇ-awˇ, iˇ cuꞈ shawˇ-awˇ Piˇliˇpuˆ-ahˇ maˬ gʼawˬ-iˇ ni jawˇ-euˬ meh. Kʼaˆ jeˬ-ehˇ gʼeh-eu jeˬ hawˇ-eu zahˬ leˇpaˬ-ehˇ gʼeh-eu jeˬ mˇ gaˇ aˬ yawꞈ ya mawˇ ngeh, zahˬ dui dui leˇ-euˬ meh.

Gʼaˬkʼehˇ 8:21

Miˬyehˇ-euˬ mehˬ shi nawˬ-euˬ nui ma maˬ dawˇ-eu miˇ neh, nga maꞈ neh mˇ-euˬ gaˇ heu-ahˇ nawˇ maˬ taꞈ laˇ nya-a.

Lormav 2:25

Zahˇ dawˬ kʼoꞈ dawˬ-ahˇ naw maꞈ naˇ haˬ geuꞈ naˇ, baˆ kʼoˆ mehˬ dzaˬ yehˬ-euˬ gaˇ dahˇ tsoeˬ tehꞈ-a. Ehˇ kʼawꞈ, Zahˇ dawˬ kʼoꞈ dawˬ-ahˇ naw maꞈ maˬ naˇ haˬ geuꞈ naˇ, baˆ kʼoˆ mehˬ dzaˬ yehˬ-euˬ kʼawꞈ, maˬ yehˬ-euˬ gaˇ duˇ tehꞈ-a.

1 Gawˇliˬtu 15:2

Ngaˬ neh naw maꞈ-ahˇ mehˬ-euˬ kʼoeˇ-aˬ, Laˬ kʼaˬ cehˇ-eu Guiˬ lahˬ dawˬ meh. Naw maˬ yawꞈ ngehꞈ yawꞈ kuˬ-ehˇ jah-eu maˬ ngeuˇ lawˬ naˇ, Laˬ kʼaˬ cehˇ-eu Guiˬ lahˬ dawˬ-ahˇ ziꞈ dah ni tuˆ tehˬ taˬ-euˬ baˬ da neh ka kʼoꞈ-eu jeˬ za tehꞈ-a.

1 Gawˇliˬtu 16:22

Sahˬpaˬ Yeˬsuˇ-ahˇ maˬ kʼaˇ gaˬ-eu tsawˇ haˬ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ. Maˬ laˬ naˬ daˬ--Aˬ dui-euˬ Sahˬpaˬ Yeˬsuˇ oe luꞈ-uˇ.

Gaˬlaˬtiˆ 5:13

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-aˬ, bi buˬ-iˇ-eu gʼaˇ duˬ kuˇ doˆ gʼaˬ-euˬ tsawˇ haˬ meh. Ehˇ kʼawꞈ, buˬ-iˇ-euˬ kʼoeˇ-aˬ, naw maꞈ-euˬ shiˬ shaˬ jiˇ nui loˆ mˇ-eu gʼaˇ duˬ taˬ bi pyeuꞈ. Gʼoeˇ-eu gaˬ-eu laꞈ kʼoeˇ tiˬ gʼaˬ tiˇ gʼaˬ ngehˬ gʼeh-awˬ.

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

1 Teˇsaˬloˇni 1:3

Aˬ jeˬ miˇ neh ehˇ naˇ, jah-eu baˬ da neh naw maꞈ aˬ joˆ-ehˇ mˇ doˆ shaˇ doˆ laꞈ luꞈ-eu gaˇ kawˆ maˬ ehˇ, gʼoeˇ-eu gaˬ-eu jeˬ baˬ da neh naw maꞈ aˇ naˆ ni leh jeh-awˇ mˇ luꞈ-eu gaˇ kawˆ maˬ ehˇ, aˬ dui-euˬ Sahˬpaˬ Yeˬsuˇ Ka li-ahˇ naw maꞈ noeˬ tmˬ taˬ-euˬ jeˬ aˇ naˆ ni ziꞈ luꞈ-eu gaˇ kawˆ maˬ ehˇ, aˬ dui-euˬ Aˬda pyeuꞈ-eu Miˬyehˇ mehˬ shi nga maꞈ noeˬ keuˆ luꞈ-eu ma.

1 Tiˆmoˇseˬ 1:5

Aˬ yawꞈ maꞈ-ahˇ kʼoeˇ loꞈ-ehˇ maˬ mehˬ ni bi naˬ-eu gʼaˇ duˬ aˬ dui dawˬ biꞈ-eu heu-aˬ, shawˇ jehˆ ni gʼeh-eu nui ma laꞈ kʼoeˇ neh doˆ laˇ-euˬ gʼoeˇ-eu gaˬ-eu jeˬ maˬ ehˇ, shawˇ jehˆ ni gʼeh-eu siˬ nya-eu nui ma maˬ ehˇ, maˇ jawˆ ni gʼeh-eu jah-eu jeˬ maˬ ehˇ, aˬ yawꞈ maꞈ laꞈ kʼoeˇ bi dehꞈ laˇ-eu gʼaˇ duˬ pyeuꞈ-eu ma.

1 Tiˆmoˇseˬ 4:8

Shiˬ shaˬ jiˇ gʼawˇ mawˇ gʼaˬ ahˇ laˇ ni jahˇ dzaw-eu jeˬ-aˬ, gaˇ dahˇ ui cuiˆ tsoeˬ-eu tehꞈ meh. Ehˇ kʼawꞈ, saꞈ laˇ paw gʼaˬ ahˇ laˇ ni mˇ dzaw shaˇ dzaw-eu jeˬ-aˬ, yawˬ paw na luꞈ gaˇ dahˇ tsoeˬ-eu meh. Aˬ jeˬ miˇ neh ehˇ naˇ, kʼoeˇ-aˬ, heu ziˇ gʼaˇ duˬ maˬ ehˇ, aˬ kaˇ kaˇ ziˇ gʼaˇ duˬ maˬ ehˇ, gaˇ dahˇ tsoeˬ-eu yaw duˬ baw meh.

Tiˇtuˆ 1:16

Aˬ yawꞈ maꞈ Miˬyehˇ-ahˇ siˬ nya ma lehˇ ehˇ-eu kʼawꞈ, aˬ yawꞈ maꞈ mˇ-eu shaˇ-eu kʼoeˇ loꞈ-ehˇ maˬ ngeuˇ-a. Aˬ yawꞈ maꞈ-aˬ, bye dui dui laˇ paˬ-ehˇ gʼeh-eu, ehˇ dawˬ maˬ naˇ haˬ-eu tsawˇ haˬ deuˬ pyeuꞈ-awˇ, yaw muiˬ jeˬ mˇ-eu tiˬ pawꞈ-iˬ maˬ geuˇ-a.

Tiˇtuˆ 3:8

Heu-aˬ, tsaˬ dui dui-eu dawˬ pyeuꞈ-eu meh. Miˬyehˇ-ahˇ jah-eu tsawˇ haˬ deuˬ, tsawˇ haˬ yawˬ gʼaˬ na luꞈ gʼaˇ duˬ muiˬ-awˇ, gaˇ dahˇ tsoeˬ-eu jeˬ pyeuꞈ-eu aˬ cawˬ gʼaˇ duˬ yaw muiˬ jeˬ mˇ nehˬ-eu jeˬ-ahˇ shaˇ noeˬ-awˇ leh jeh laˇ ni, gaˇ kawˆ heu deuˬ-ahˇ nawˇ yaw kʼaˆ kʼaˆ-ehˇ bi mehˬ mawꞈ-eu ma.

HeˬByehˇ 11:17

Aˬbyaˬhaˬ-ahˇ Miˬyehˇ lawˬ haw ngeh aˬ yawꞈ-euˬ aˬ li Iˇtsaˆ lawˇ nehˬ-euˬ kʼoeˇ-aˬ, jah-eu jeˬ baˬ da neh meh. Aˬbyaˬhaˬ-aˬ, Miˬyehˇ nehˬ-ehˇ saˇ jaˇ dzaˬ taꞈ-euˬ tsawˇ haˬ pyeuꞈ kʼawꞈ, aˬ yawꞈ-euˬ aˬ li tiˬ gʼaˬ tehꞈ-ehˇ jawˇ-eu lawˇ nehˬ coeˇ-eu meh.

HeˬByehˇ 13:9

La kʼaˬ cehˇ-eu Guiˬ lahˬ dawˬ-ahˇ beu gaˇ-eu mehˬ-eu tsoˆ-eu gʼawˬ mya jeˬ neh gaˇ ma taˬ bi sheuˬ bahˬ. Dzaˇ dzaˬ sheuˬ-eu baˬ da neh naw maꞈ-euˬ saꞈ laˇ gʼaˬ kʼaˆ laˇ-eu maˬ ngeuˇ-a. Miˬyehˇ-euˬ guiˬ lahˬ yaw dzahˇ-aˬ, naw maꞈ-euˬ saꞈ laˇ gʼaˬ bi kʼaˆ laˇ-eu gʼaˇ duˬ muiˬ dui dui-eu jeˬ pyeuꞈ-eu meh. Dzaˇ dzaˬ sheuˬ-eu kʼoeˇ-aˬ, tsawˇ haˬ zaˬ gʼaˇ duˬ gaˇ dahˇ maˬ tsoeˬ-a.

Yaˬkoˆ 1:16

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, taˬ noeˬ lehˬ.

Yaˬkoˆ 2:16

Naw maꞈ aˬ yawꞈ-ahˇ kʼaˇ loˬ-eu jeˬ maˬ caw ba nehˬ ni, “Miˬyehˇ guiˬ lahˬ biꞈ luꞈ-uˇ. Yaw lmˇ lmˇ-ehˇ jawˇ-awˇ tiˬ dehˆ dzaˬ-awˬ dawˇ-awˬ” lehˇ ehˇ nehˬ naˇ, naw maꞈ ehˇ-eu kʼoeˇ aˬ jeˬ gaˇ dahˇ tsoeˬ nmˇ.

Yaˬkoˆ 2:18

“Tiˬ gʼaˬ-ahˇ jah-eu jeˬ oꞈ-awˇ, tiˬ gʼaˬ-ahˇ mˇ-eu jeˬ oꞈ-eu meh” lehˇ, tsawˇ haˬ tiˬ gʼaˬ na ehˇ tehꞈ-a. Mˇ-eu shaˇ-eu jeˬ maˬ ahˇ-eu nawˬ-euˬ jah-eu jeˬ ngaˬ-ahˇ mehˬ nehˬ laꞈ sheˇ. Ngaˇ-aˬ, mˇ-eu shaˇ-eu laꞈ kʼoeˇ ngaˬ-euˬ jah-eu jeˬ nawˬ-ahˇ mehˬ nehˬ ma.

Yaˬkoˆ 2:26

Kʼoeˇ baˬ da neh, saꞈ laˇ maˬ ahˇ-eu gʼawˇ mawˇ-aˬ, yaw shiˇ pyeuꞈ-eu loꞈ-ehˇ, mˇ-eu shaˇ-eu jeˬ maˬ ahˇ-eu jah-eu jeˬ kʼawꞈ, yaw shiˇ meh.

2 Beˬtuˆluˆ 1:5

Kʼoeˇ miˇ neh, naw maꞈ leh jeh dui dui-eu laꞈ kʼoeˇ, jah-eu jeˬ kʼoeˇ taˆ muiˬ-eu jaˬ-euˬ jeˬ bi lahˬ laˇ-awˬ. Muiˬ-eu jaˬ-eu jeˬ kʼoeˇ taˆ zaˬ siˬ tsawˇ gahˇ bi lahˬ laˇ-awˬ.