Yaˬkoˆ 2:10 - Akha

¹⁰ Tsawˇ haˬ aˬ geuˬ gʼaˬ maˬ kaˬ, zahˇ dawˬ kʼoꞈ dawˬ dawˬ tawˆ luꞈ-ahˇ caw teh luꞈ kʼawꞈ, tiˬ dawˬ-ahˇ mˇ bahˬ naˇ, dawˬ tawˆ luꞈ-ahˇ mˇ bahˬ-euˬ jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqjeq mirnae aernar-aq, aqsur ghaq maqkaq, zanrdawq dawqtawv luf-euq maeqnan cantae luf-eu khawf, tiq dawq-anr sanqtif tif-euq nar-aq, aqyawf-aq, dawqtawv luf-anr mrbanq-euq mae.

Yaˬkoˆ 2:10 ပူးပေါင်းရင်းမြစ်များ

Yeˬlaˬmiˇ 32:23

Ehˇ kʼawꞈ, miˇ kʼahˬ heu kʼahˬ aˬ yawꞈ maꞈ za-awˇ jawˇ luꞈ ngeh, nawˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-ehˇ, nawˬ neh mehˬ nehˬ tsoˆ nehˬ-euˬ loꞈ-ehˇ maˬ dehꞈ ni, nawˬ neh bi mˇ-euˬ jeˬ-ahˇ aˬ yawꞈ maꞈ maˬ mˇ-a. Kʼoeˇ miˇ neh heu loꞈ-ehˇ gʼeh-eu luˬ-iˇ seˇ-iˇ-eu jeˬ, aˬ yawꞈ maꞈ kʼoeˇ taˆ nawˇ bi keuˆ le-euˬ meh.

Gaˬlaˬtiˆ 3:10

Zahˇ dawˬ kʼoꞈ dawˬ-ahˇ mˇ byah gaˇ gʼoe gʼoe-ehˇ dehꞈ-eu tsawˇ haˬ deuˬ-aˬ, yaˬ kʼehˇ yaˬ-eu jeˬ-ahˇ ya daˬ-eu meh. Aˬ jeˬ miˇ neh ehˇ naˇ, “Zahˇ dawˬ kʼoꞈ dawˬ sahˬ boꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ-ahˇ aˬ myah luꞈ maˬ byehˇ ni maˬ caw teh geuꞈ-eu tsawˇ haˬ-aˬ, Miˬyehˇ neh yaˬ kʼehˇ yaˬ-euˬ jeˬ-ahˇ ya daˬ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Gaˬlaˬtiˆ 5:3

Ngaˇ tiˬ poˆ paˇ ehˇ nehˬ nyaˇ. Baˆ kʼoˆ mehˬ dzaˬ kʼaˇ yehˬ-euˬ tsawˇ haˬ-aˬ, Zahˇ dawˬ kʼoꞈ dawˬ dawˬ tawˆ luꞈ-ahˇ ya mˇ byah meh.

Dawˬmehˬ 27:26

“ ‘Miˬyehˇ-euˬ zahˇ dawˬ kʼoꞈ dawˬ hawˇ-eu mehˬ nehˬ tsoˆ nehˬ-eu jeˬ dawˬ tawˆ luꞈ-ahˇ maˬ naˇ haˬ geuꞈ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Yaˬkoˆ 3:2

Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.

2 Beˬtuˆluˆ 1:10

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ neh naw maꞈ-ahˇ kuˇ-awˇ tseˇ doˆ nehˬ laꞈ-euˬ jeˬ-ahˇ aˬ myah luꞈ ziꞈ dah ni tuˆ tehˬ taˬ nya ni, yaw kʼaˆ kʼaˆ-ehˇ leh jeh-awˬ. Kʼoeˇ loꞈ-ehˇ mˇ naˇ, jah-eu jeˬ-ahˇ naw maꞈ tiˬ jawˇ-iˬ maˬ byehˇ dzeh-aˇ.

Yuˇdaˆ 1:24

Naw maꞈ-ahˇ maˬ bi coˬ-iˇ ni bo saˆ hehˇ tehˇ nya-awˇ, yaw shehꞈ kʼahˬ sehˇ tiˬ byah ni jaˆ-eu aˬ yawꞈ jawˇ gaˇ naw maꞈ-ahˇ iˬ baˇ taˬ kʼaˇ maˬ za-ehˇ laˬ kʼaˬ tiˬ cehˇ sheuˬ keuˆ nehˬ nya-eu Miˬyehˇ-ahˇ, aˬ dui-euˬ Sahˬpaˬ Yeˬsuˇ Ka li baˬ da neh, yaw shehꞈ kʼahˬ sehˇ maˬ ehˇ, huiˬ-eu mahˇ-eu jeˬ maˬ ehˇ, baoˬ maˬ ehˇ, uˆ lahˇ-eu dzoeˬ dzaˬ maˬ ehˇ, aˇ hu-euˬ ziˇ, heu ziˇ, aˬ kaˇ mˬ maˬ maˬ byaˆ zaˇ ziˇ keuˆ ni jaˆ luꞈ-uˇ. Aˬ miˬ.