Yaˬkoˆ 1:8 - Akha

⁸ Aˬ jeˬ miˇ neh ehˇ naˇ, aˬ yawꞈ kʼaˇ mˇ kʼaˇ shaˇ-eu jeˬ laꞈ kʼoeˇ nui ma poˆ poˆ laˆ laˆ-ehˇ noeˬ-awˇ, nui tsehˆ maˬ ahˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqyawf nuinoeq nyiq noeq anr-awr, kharmr kharshar-eu jeq-euq lafkhoer, tiqjeq-anr-iq maqzif-a.

Yaˬkoˆ 1:8 ပူးပေါင်းရင်းမြစ်များ

1 Sahˬpaˬ 18:21

Tsawˇ haˬ kʼoeˇ deuˬ jawˇ gaˇ Eˇliˇyaˆ le-awˇ, “Naw maꞈ-euˬ nui ma laꞈ kʼoeˇ nyiˬ jeˬ noeˬ noeˬ-ehˇ aˇ myah keuˆ ni jawˇ-eu gʼeh te. Sahˬpaˬ Miˬyehˇ-aˬ, Miˬyehˇ pyeuꞈ-eu meh lehˇ ngeuˇ naˇ, aˬ yawꞈ-ahˇ uˬ duˬ tahˬ-awˬ. Ehˇ kʼawꞈ, Baˬlaˇ miˬ yehˇ-aˬ, Miˬyehˇ pyeuꞈ-eu meh lehˇ ngeuˇ naˇ kʼawꞈ, aˬ yawꞈ-ahˇ uˬ duˬ tahˬ-awˬ” lehˇ ehˇ kʼawꞈ, tsawˇ haˬ kʼoeˇ deuˬ dawˬ tiˬ dawˬ-iˬ maˬ ngehˬ-a.

2 Sahˬpaˬ 17:33

Aˬ yawꞈ maꞈ Sahˬpaˬ Miˬyehˇ-ahˇ uˬ duˬ tahˬ kʼawꞈ, aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ mˇ yaꞈ shaˇ yaꞈ-euˬ zahˇ sahˇ kʼoꞈ-ahˇ maˬ byehˇ dzeh ni, aˬ yawꞈ maꞈ-euˬ miˬ yehˇ deuˬ-ahˇ kʼawꞈ uˬ duˬ tahˬ-euˬ meh.

2 Sahˬpaˬ 17:41

Tsawˇ haˬ kʼoeˇ deuˬ Sahˬpaˬ Miˬyehˇ-ahˇ uˬ duˬ tahˬ-euˬ kʼawꞈ, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-ahˇ kʼawꞈ, uˬ duˬ tahˬ-euˬ meh. aˬ yawꞈ maꞈ-euˬ zaˬ deuˬ uˆ deuˬ iˬ nah keuˆ ni, kʼoeˇ loꞈ-ehˇ mˇ luꞈ shaˇ luꞈ-eu meh.

Jaceuq 119:113

Nawˬ-ahˇ yaw muiˬ paˬ-ehˇ saˇ jaˇ maˬ ziꞈ-eu deuˬ-ahˇ ngaˇ bye kʼawꞈ, nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ-eu ma.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Hawˇseˬ 10:2

Nui ma yaw gʼoꞈ ahˇ-eu aˇ poeˬ, nymˬ-mˇ paˇ ya daˬ poˆ tehꞈ-a. Aˬ yawꞈ maꞈ-euˬ lawˇ duˬ kʼoeˇ deuˬ, Miˬyehˇ laˆ kʼehˬ laˆ kʼoeˆ nehˬ-awˇ, muiˬ-eu shawˇ-eu kʼawˇ zeuˇ kʼoeˇ deuˬ, laˆ piˬ laˆ byoˆ jiˇ nehˬ tehꞈ-a.

Maꞈtehˬ 6:22

“Myaˆ nuiˆ-aˬ gʼawˇ mawˇ-euˬ tsiˇ kʼmˬ pyeuꞈ-eu meh. Kʼoeˇ miˇ neh, nawˬ-euˬ myaˆ nuiˆ yaw muiˬ naˇ, nawˬ-euˬ gʼawˇ mawˇ mawˇ lah-ehˇ yaw shehꞈ bya tehꞈ-a.

Maꞈtehˬ 6:24

“Tsawˇ haˬ tiˬ gʼaˬ-iˬ sahˬ paˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ-aˬ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.

Yaˬkoˆ 1:7

Kʼoeˇ loꞈ-ehˇ gʼeh-eu tsawˇ haˬ-aˬ, yawˬ ha loˬ-eu jeˬ Sahˬpaˬ Miˬyehˇ biꞈ laꞈ tehꞈ-a lehˇ maˬ noeˬ pyawˬ-eu zaˬ dzehˬ meh.

Yaˬkoˆ 4:8

Miˬyehˇ-euˬ dawˬ peh jiˆ laˇ-awˬ. Naw maꞈ-euˬ dawˬ peh Miˬyehˇ jiˆ le tehꞈ-a. Iˬ baˇ zaˬ deuˬ-oˇ, naw maꞈ-euˬ aˬ laꞈ dzuiꞈ shawˇ-awˬ. Nui ma nyiˬ jeˬ noeˬ-eu tsawˇ haˬ deuˬ-oˇ, naw maꞈ-euˬ nui ma shawˇ-awˬ.

2 Beˬtuˆluˆ 2:14

Aˬ yawꞈ maˬ-euˬ myaˆ nuiˆ-aˬ, aˬ cawˬ nehˬ-ehˇ joe mawꞈ-eu nui ma ahˇ-eu zaˬ miˬ zaˬ deuˬ-ahˇ tehꞈ-ehˇ haw mawꞈ-eu meh. Iˬ baˇ mˇ dehˆ-euˬ maˬ baw-a. Gʼaˬ baˬ-eu tsawˇ haˬ deuˬ-ahˇ lahˇ ju-ahˇ teh paꞈ-eu meh. Pyuˇ shuiˇ myawˬ gahˬ-ahˇ mehˇ juiˇ juiˇ dui dui-eu meh. Aˬ yawꞈ maꞈ-aˬ, Miˬyehˇ neh yaˬ kʼehˇ bi yaˬ-euˬ tsawˇ haˬ meh.

2 Beˬtuˆluˆ 3:16

Aˬ yawꞈ neh kʼaˇ boꞈ ahˇ gʼeh-euˬ sahˬ boꞈ dawˬ tawˆ luꞈ laꞈ kʼoeˇ, gaˇ kawˆ heu hmˬ-ahˇ taꞈ leˇ-awˇ aˬ myah luꞈ kʼoeˇ loꞈ-ehˇ aˬ yawꞈ ehˇ-eu meh. Jaˇliꞈ aˇ deuˆ nui deuˬ-ahˇ dawˬ tsuiꞈ yuˇ pyawˆ nya-eu loꞈ-ehˇ, Pawˇluˆ neh boꞈ ahˇ gʼeh-euˬ sahˬ boꞈ deuˬ laꞈ kʼoeˇ dawˬ tsuiꞈ naꞈ-awˇ gʼoˆ shaw-eu gʼaˇ duˬ shaˬ-eu pehˇ tsahˇ deuˬ-ahˇ, maˬ siˬ nya-eu deuˬ hawˇ-eu nui ma maˬ ziꞈ-eu deuˬ dawˬ tsuiꞈ yawˬ jeˬ yawˬ-ehˇ yuˇ pyawˇ geuꞈ-eu meh. Kʼoeˇ-aˬ, yawˬ ha ya luˬ ya seˇ-iˇ ni yawˬ haˇ yawˬ ha mˇ gaˇ duˇ-eu meh.