Yaˬkoˆ 1:26 - Akha

²⁶ Tsawˇ haˬ tiˬ gʼaˬ na uˬ duˬ tahˬ-eu zahˇ sahˇ kʼoꞈ-ahˇ yaw muiˬ paˬ-ehˇ caw teh luꞈ ma lehˇ noeˬ luꞈ ta loˇ. Yawˬ haˬ-euˬ kʼaˬ meh mehˬ boeˬ-ahˇ yawˬ ha maˬ gʼaˬ leˇ naˇ, aˬ yawꞈ-euˬ uˬ duˬ tahˬ-eu zahˇ sahˇ kʼoꞈ kʼoeˇ aˬ yawꞈ gʼaˇ duˬ gaˇ dahˇ maˬ tsoeˬ-eu uˬ taꞈ, yawˬ haˇ yawˬ ha jaˬ myawꞈ myawꞈ gaˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Tsawrhaq tiqghaqnav, “Ngar uqduq tanq-eu zanr yawmuiq-aer tawqluf-eu ma” laer noeqluf-eu khawf, aqyawf-euq maeqlar-anr maeqkawf maqnyaef nar-aq, yawqhar yawqha jaqmyawf myawfluf-eu mae. Aqyawf zanr tawq-eu khoer-aq, gardanr maqtsoeq-a.

Yaˬkoˆ 1:26 ပူးပေါင်းရင်းမြစ်များ

Yawˇbaˆ 15:13

Nawˇ Miˬyehˇ-ahˇ nui ma pehˇ laˇ taˬ-awˇ, aˬ yawꞈ-ahˇ zaw leˇ-eu dawˬ ngehˬ-eu meh.

Yawˇbaˆ 30:11

Miˬyehˇ ngaˬ-ahˇ gʼaˬ bi baˬ-iˇ-awˇ, juˆ lehˆ ni pyeuꞈ-iˇ-euˬ miˇ neh, aˬ yawꞈ maꞈ ngaˬ-ahˇ nui kʼahˇ tiˬ shiˇ jahˇ gʼeh haw-eu meh.

Jaceuq 141:3

Sahˬpaˬ Miˬyehˇ-oˇ, ngaˬ-euˬ kʼaˬ meh-ahˇ haw piˇ nehˬ laꞈ-awˇ, ngaˬ-euˬ mehˬ luˬ-ahˇ haw piˇ nehˬ laꞈ.

Jaceuq 32:9

Mehˬkaꞈdawˆ-awˇya zuiˆgʼaˬ-eu, haiˬ-eu mahˬpaˬloꞈ-ehˇtaˬgʼeh.”

Jaceuq 34:13

Mehˬlaˇyaw doeˇngehˬ-eu yahˇ-awˇ, mehˬluˬjaˬmyawꞈmyawꞈ-eu yahˇ-awˬ.

Dawqdaq 10:19

Dawˬ ja myaˬ gaˇ, iˬ baˇ doˆ laˇ-awˇ, dawˬ tmˇ cuiˆ-eu tsawˇ haˬ yaw gahˇ meh.

Dawqdaq 10:31

Yaw tsaˬ yaw dawˇ deuˬ-euˬ kʼaˬ meh-ahˇ zaˬ siˬ tsawˇ gahˇ ahˇ-eu dawˬ doˆ le tehꞈ-a. Ehˇ kʼawꞈ, haiˬ-eu dawˬ ngehˬ-eu mehˬ laˇ bi toˆ tsehˆ dzeh tehꞈ-a.

Dawqdaq 14:12

Dehꞈ-eu gaˇ ma duˇ-euˬ gaˇ muiˬ, shiˇ-eu gaˇ ma ngeuˇ law ma jeˇ.

Dawqdaq 15:2

Zaˬ siˬ mehˬ laˇ tsawˇ gahˇ myahˬ-awˇ, aˇ gah kʼaˬ meh dawˬ doeˇ kʼaˇ-eu meh.

Dawqdaq 16:10

Sahˬ paˬ sahˬ ma-ahˇ Miˬyehˇ bi noeˬ doˆ-eu miˇ neh, yaˇ kʼaˬ daˇ-eu maˬ lehˬ maˬ ca-iˇ-a.

Dawqdaq 16:25

Dehꞈ-eu gaˇ ma duˇ-euˬ gaˇ muiˬ, shiˇ-eu gaˇ ma ngeuˇ law ma jeˇ.

Dawqdaq 19:1

Dawˬ ngehˬ bahˬ-eu aˬ dzawˬ aˇ gah-aˬ, maˬ lehˬ maˬ ca-eu tsawˇ shaˬ maˬ tawˬ-a.

Dawqdaq 21:26

Yawˬ ha mawꞈ-eu jeˬ-ahˇ shaˇ noeˬ-eu jeˬ, aˬ yawꞈ daˬ luꞈ-euˬ kʼaˆ behˆ meh. Yaw tsaˬ yaw dawˇ tsawˇ haˬ-aˬ, kʼahˇ maˬ kʼoꞈ ni aˬ cawˬ-ahˇ biꞈ-eu meh.

Iˇsaˬyaˇ 1:13

Gaˇ dahˇ maˬ tsoeˬ-eu lawˇ-eu shehˇ-eu jeˬ taˬ paˇ yuˇ laꞈ. Tsiˇ yaw saw jeˬ doꞈ damˬ gaˇ ngaˇ nui daˆ daˆ nya. Naw maꞈ la shuiꞈ lah-eu, jawˇ nah tawˬ-eu, yaw bui bui-eu, iˬ baˇ mˇ-eu uiˬ leˇ bymˇ leˇ gaˇ duˇ-awˇ, ngaˬ-ahˇ maˬ haw nahˇ nya.

Iˇsaˬyaˇ 44:20

Kʼoeˇ-aˬ, kʼaˬ lehˇ tawˆ dzaˬ-eu naˆ ni dawˇ ga ga gaˇ duˇ-eu meh. Aˬ dzawˬ aˇ gah-euˬ nui noeˬ neh bi sheuˬ pyawˇ taˬ-euˬ miˇ neh, aˬ yawꞈ-ahˇ ngehˬ maˬ paˇ gʼeh nehˬ nya meh. Aˬ yawꞈ-euˬ aˬ laꞈ-ahˇ tuˆ tehˬ taˬ-euˬ tahˬ pahˬ aˬ ma mawˇ kawˇ kʼoeˇ miˬ yehˇ maˬ ngeuˇ-eu gaˇ kawˆ, aˬ yawꞈ-ahˇ maˬ mehˬ paˇ nya-a.

Maˬlaˬkiˇ 3:14

Naw maꞈ heu loꞈ-ehˇ ehˇ-euˬ meh. ‘Miˬyehˇ ehˇ dawˬ naˇ haˬ-eu yawꞈ ngehꞈ ngaˇ. Aˬ yawꞈ neh ehˇ-euˬ loꞈ-ehˇ mˇ-awˇ, aˬ dui neh mˇ-euˬ yaw lehˬ jeˬ gʼaˇ duˬ, Baoˬ huiˬ-eu Sahˬpaˬ Miˬyehˇ mehˬ shi noeˬ shaˬ-eu jahˇ geuꞈ-eu tiˬ jeˬ-iˬ gaˇ dahˇ maˬ tsoeˬ-aˇ.

Maꞈtehˬ 15:9

Yawꞈ maꞈ ngaˬ-ahˇ uˬ duˬ tahˬ-eu, tiˬ jeˬ-iˬ gaˇ dahˇ maˬ tsoeˬ-a. Yawꞈ maꞈ mehˬ-eu zahˇ sahˇ kʼoꞈ deuˬ, tsawˇ haˬ neh beh-euˬ zahˇ meh lehˇ, Miˬyehˇ ehˇ taˬ-euˬ jaˆ-eu meh.’ ”

Maˬkuˆ 7:7

Yawꞈ maꞈ ngaˬ-ahˇ uˬ duˬ tahˬ-eu, gaˇ dahˇ tsoeˬ leˇ duˬ maˬ jaˆ-a. Tsawˇ haˬ neh jahˇ-euˬ zahˇ sahˇ kʼoꞈ, ngaˬ-euˬ dawˬ geuꞈ-awˇ mehˬ-euˬ meh.’

Luˇkaꞈ 8:18

“Naw maꞈ ya gaˬ-euˬ gaˇ kawˆ heu-ahˇ yaw muiˬ paˬ-ehˇ noeˬ gahˇ-awˬ. Aˬ jeˬ miˇ neh ehˇ naˇ, jaˆ-eu tsawˇ haˬ-ahˇ paˇ biꞈ lahˬ nehˬ-awˇ, maˬ jaˆ-eu tsawˇ haˬ-ahˇ-aˬ, yawˬ ha neh jaˆ ma lehˇ kʼaˇ noeˬ taˬ-euˬ dawˬ tawˆ luꞈ yuˇ jiˇ nehˬ tehꞈ-a.”

1 Gawˇliˬtu 15:15

Kʼoeˇ naˆ tehꞈ maˬ ngeuˇ ni, Miˬyehˇ neh Ka li-ahˇ bi gʼoꞈ dehꞈ laˇ-euˬ miˇ neh, Miˬyehˇ gaˇ kawˆ aˬ dui jaˬ myawꞈ paˇ myawꞈ gaˇ duˇ-a siˬ. Ehˇ kʼawꞈ, shiˇ-euˬ tsawˇ haˬ-ahˇ maˬ bi gʼoꞈ dehꞈ laˇ nya-a lehˇ ehˇ-eu kʼoeˇ ngeuˇ law nmˇ-aˬ, Ka li-ahˇ aˬ yawꞈ maˬ bi gʼoꞈ dehꞈ laˇ-aˇ.

1 Gawˇliˬtu 15:2

Ngaˬ neh naw maꞈ-ahˇ mehˬ-euˬ kʼoeˇ-aˬ, Laˬ kʼaˬ cehˇ-eu Guiˬ lahˬ dawˬ meh. Naw maˬ yawꞈ ngehꞈ yawꞈ kuˬ-ehˇ jah-eu maˬ ngeuˇ lawˬ naˇ, Laˬ kʼaˬ cehˇ-eu Guiˬ lahˬ dawˬ-ahˇ ziꞈ dah ni tuˆ tehˬ taˬ-euˬ baˬ da neh ka kʼoꞈ-eu jeˬ za tehꞈ-a.

1 Gawˇliˬtu 3:18

Tsawˇ haˬ tiˬ gʼaˬ-iˬ yawˬ haˇ yawˬ ha jaˬ myawꞈ myawꞈ-eu maˬ tsaˬ-a. Tsawˇ haˬ tiˬ gʼaˬ na miˇ tsaˬ heu kʼoeˇ taˆ zaˬ siˬ tsawˇ gahˇ ahˇ ma lehˇ noeˬ naˇ, aˬ diˇ aˬ maˇ tsawˇ gahˇ ahˇ-eu tsawˇ haˬ pyeuꞈ laˇ nya ni, tsawˇ gahˇ maˬ ahˇ-eu tsawˇ haˬ jeˬ huˬ pyeuꞈ-iˇ-eu tsaˬ meh.

Gaˬlaˬtiˆ 2:6

Aˬ yuiꞈ aˬ tsu bi geuꞈ taˬ-euˬ tsawˇ haˬ kʼoeˇ deuˬ kʼawꞈ, ngaˬ-euˬ gʼaˇ duˬ tehꞈ law nmˇ-aˬ teu naˆ naˆ-ehˇ beu gaˇ meh lehˇ maˬ noeˬ nya. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ zaˬ-ahˇ laꞈ nyiˇ paw tehꞈ-ehˇ haw-awˇ daˇ-eu maˬ ngeuˇ-a. Ngaˇ ehˇ-eu aˬ yuiꞈ aˬ tsu kʼoeˇ deuˬ-aˬ, ngaˬ-ahˇ nui noeˬ nui duˇ yaw shuiꞈ tiˬ jeˬ-iˬ maˬ biꞈ lahˬ laꞈ-aˬ.

Gaˬlaˬtiˆ 2:9

Aˬ yuiꞈ aˬ tsu geuꞈ luˬ-eu deuˬ pyeuꞈ-eu, Yaˬkoˆ, Beˬtuˆluˆ, Yoˇhaˬ aˬ ha maꞈ kʼawꞈ, Miˬyehˇ neh ngaˬ-ahˇ huiˬ-eu gaˇ heu hmˬ bi mˇ-euˬ meh lehˇ jah-eu meh. Kʼoeˇ miˇ neh, Baˬnaˬbaˆ nga nyaꞈ-ahˇ laꞈ tsaꞈ tsaꞈ-awˇ mˇ cawˬ shaˇ cawˬ loꞈ-ehˇ ha geuꞈ nehˬ laꞈ-euˬ meh. Baˬnaˬbaˆ nga nyaꞈ-aˬ, aˬ cawˬ tsawˇ jeuˬ jawˇ gaˇ mˇ leˇ-awˇ, aˬ yawꞈ maꞈ-aˬ, Yuˇdaˆ tsawˇ haˬ deuˬ jawˇ gaˇ gaˇ mˇ-eu gʼaˇ duˬ yawˬ gʼaˬ na luꞈ nui ma tsaˬ-euˬ ma.

Gaˬlaˬtiˆ 3:4

Naw maꞈ neh kʼaˇ puˬ kʼaˇ mawˇ dzeuˇ yaꞈ-euˬ dawˬ tawˆ luꞈ yawꞈ ngehꞈ-a loˇ. Yawꞈ ngehꞈ maˬ ngeuˇ-a.

Gaˬlaˬtiˆ 6:3

Tsawˇ haˬ tiˬ gʼaˬ na, tiˬ jeˬ-iˬ maˬ mˇ maˬ shaˇ nya kʼawꞈ maˬ gaˇ ma lehˇ noeˬ naˇ, yawˬ haˇ yawˬ ha jaˬ myawꞈ myawꞈ gaˇ duˇ-eu meh.

Eˇpeˇsu 4:29

Aˬ cawˬ-ahˇ bi coeˬ leˇ-eu dawˬ taˬ ngehˬ. Ehˇ kʼawꞈ, nawˬ neh ngehˬ-euˬ dawˬ aˬ cawˬ gʼaˇ duˬ muiˬ ni, loˬ-eu jeˬ-ahˇ caw ba nya-awˇ bi huiˬ bi mahˇ laˇ nya-eu gaˇ dahˇ tsoeˬ-eu dawˬ ngehˬ-awˬ.

Eˇpeˇsu 5:4

Jawꞈ dui dui-eu dawˬ, gaˇ dahˇ maˬ tsoeˬ-eu dawˬ hawˇ-eu, yaw jawꞈ jeˬ gaˇ kawˆ cehꞈ lehꞈ ka niˇ gʼa-eu dawˬ heu deuˬ-ahˇ naw maꞈ tiˬ pawꞈ-iˬ ngehˬ-eu maˬ tsaˬ-a.

Dawˬmehˬ 11:16

Sahˬpaˬ Miˬyehˇ-ahˇ byehˇ dzeh-awˇ, miˬ yehˇ nui deuˬ-ahˇ uˬ duˬ tahˬ-eu gʼaˇ duˬ mehˇ shuiˇ shuiˇ gaˇ maˬ ya caw teh ni, naw maꞈ yaw kʼaˆ kʼaˆ-ehˇ yahˇ-awˬ.

Gawˇlawˇsehˇ 4:6

Naw maꞈ neh ngehˬ-euˬ dawˬ deuˬ-aˬ, aˬ cawˬ-euˬ nui ma-ahˇ laˆ saˆ-awˇ, aˬ cawˬ naˇ haˬ mawꞈ-eu dawˬ deuˬ bi pyeuꞈ-awˬ. Kʼoeˇ uˬ taꞈ, tsawˇ haˬ yawˬ gʼaˬ na luꞈ-ahˇ dawˬ yaw muiˬ aˬ joˆ-ehˇ ya ngehˬ cawˬ kʼoꞈ nehˬ-eu gaˇ kawˆ siˬ nya-eu tsaˬ meh.

Yaˬkoˆ 1:19

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, gaˇ kawˆ heu deuˬ-ahˇ yaw muiˬ paˬ-ehˇ noeˬ taˬ-awˬ. Tsawˇ haˬ yawˬ gʼaˬ na luꞈ aˬ cawˬ ehˇ gaˇ yaw kawˇ-ehˇ naˇ haˬ-awˬ. Ehˇ kʼawꞈ, dawˬ ngehˬ-eu taˬ tehˬ. Nui ma pehˇ-eu aˬ huˬ taˬ huˬ.

Yaˬkoˆ 1:22

Aˬ yawꞈ-euˬ dawˬ-ahˇ naˬ bawˇ tehꞈ-ehˇ gaˬ-awˇ, yawˬ haˇ yawˬ ha jaˬ myawꞈ myawꞈ-eu tsawˇ haˬ taˬ bi pyeuꞈ. Naˇ haˬ geuꞈ-eu tsawˇ haˬ bi pyeuꞈ-awˬ.

Yaˬkoˆ 2:20

A dzawˬ aˇ gah deuˬ-oˇ, mˇ-eu shaˇ-eu jeˬ maˬ ahˇ-eu jah-eu jeˬ-aˬ yawꞈ ngehꞈ meh lehˇ bi mehˬ duˬ mawꞈ-eu nya loˇ.

1 Beˬtuˆluˆ 3:10

Jaˇ liꞈ laꞈ kʼoeˇ heu loꞈ-ehˇ ehˇ taˬ-euˬ meh. “Yaw dehꞈ dehꞈ-eu jeˬ-ahˇ mawꞈ-awˇ, nah muiˬ nah saˇ poˆ-eu tsawˇ haˬ, mehˬ laˇ dawˬ doeˇ maˬ ya ngehˬ-ehˇ, mehˬ luˬ jaˬ myawꞈ maˬ ya myawꞈ-a.