Yaˬkoˆ 1:23 - Akha

²³ Miˬyehˇ-euˬ dawˬ-ahˇ ya gaˬ-euˬ loꞈ-ehˇ maˬ mˇ maˬ shaˇ-eu tsawˇ haˬ-aˬ, pyawˬ haw laꞈ kʼoeˇ yawˬ ha-euˬ myaˆ pyawˬ-ahˇ yawˬ ha haw-eu tsawˇ haˬ-ahˇ duˇ-eu tehꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Miqyaer-euq dawq yagaq-awr maq mrcaw-eu tsawrhaq-aq, pyawqhaw-anr haw-awr yawqha-euq myavpyawq-anr haw-eu gar dur-eu mae.

Yaˬkoˆ 1:23 ပူးပေါင်းရင်းမြစ်များ

Yeˬlaˬmiˇ 44:16

“Sahˬpaˬ Miˬyehˇ-euˬ tsawˇ myahˇ uˬ moˆ nawˬ neh nga maꞈ-ahˇ ehˇ nehˬ laꞈ-euˬ jeˬ-ahˇ, nga maꞈ maˬ naˇ haˬ.

Luˇkaꞈ 6:47

Ngaˇ jawˇ gaˇ laˇ-awˇ, ngaˬ neh mehˬ-euˬ dawˬ gaˬ-awˇ naˇ haˬ geuꞈ-eu tsawˇ haˬ-aˬ, aˬ joˆ-ehˇ gʼeh-eu tsawˇ haˬ-ahˇ duˇ-eu gaˇ kawˆ, ngaˇ naw maꞈ-ahˇ mehˬ nehˬ nyaˇ.

Luˇkaꞈ 6:7

Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ Yeˬsuˇ-ahˇ yaw lehˬ poˆ mawꞈ-eu miˇ neh, Jawˇ nah ngeh nah aˬ yawꞈ naˇ gawˇ laˆ taˬ nehˬ nga loˇ lehˇ haw luꞈ-eu meh.

1 Gawˇliˬtu 13:12

Nymˬ-mˇ aˬ dui ya mawˇ luꞈ-eu heu-aˬ, pyawˬ haw-ahˇ haw-eu loꞈ-ehˇ duˇ-awˇ, maˬ mawˇ shawˇ laˇ-a. Aˇ yamˬ kʼoeˇ keuˆ le ngeh, myaˆ pyawˬ ciˬ daˬ-awˇ ya mawˇ duˬ tehꞈ-a. Nymˬ-mˇ ngaˇ siˬ nya-eu heu-aˬ, maˬ byah maˬ loꞈ-a siˬ. Ehˇ kʼawꞈ, aˇ yamˬ kʼoeˇ keuˆ le ngeh, byah laˇ loꞈ laˇ tehꞈ-a. Miˬyehˇ ngaˬ-ahˇ tiˬ byah tiˬ loꞈ siˬ nya-eu loꞈ-ehˇ byah laˇ loꞈ laˇ tehꞈ-a.

Yaˬkoˆ 1:24

Aˬ yawꞈ yaw muiˬ paˬ-ehˇ haw duˬ gʼaˬ-awˇ doˆ-iˇ ngeh, yawˬ ha-euˬ pyawˬ naˬ aˇ gʼehˇ-ahˇ tiˬ poˆ tehꞈ-ehˇ ngehˇ shaw-euˬ meh.