Yaˬkoˆ 1:12 - Akha

¹² Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Tsermr haw-eu jeq-anr yadaq ngae, daqcoer orcoer-eu tsawrhaq guiqlanq huiq-eu mae. Aqjeq mirnae aernar-aq, aqyawf daqdzeur ordzeurghaq ngae, daef-eu jeq-euq shuir uqkhov za taef-a. Shuir uqkhov khoer-aq, aqyawf-anr gaq-eu tsawrhaq deuq-anr bif ma laer Miqyaer nae sarjax dzaqtaq-euq shuir uqkhov mae.

Yaˬkoˆ 1:12 ပူးပေါင်းရင်းမြစ်များ

Aˇ dahˬ 22:1

Aˇ yamˬ tiˬ kʼehˬ myahˇ laˇ ngeh, Aˬbyaˬhaˬ-ahˇ Miˬyehˇ lawˬ haw-euˬ meh. “Aˬbyaˬhaˬ-oˇ” lehˇ Miˬyehˇ kuˇ ngeh, “Ngaˇ heu gaˇ jawˇ ma” lehˇ, Aˬbyaˬhaˬ oˬ toˬ-euˬ meh.

Neˬhaˬmiˇ 1:5

“Mˬ taˆ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ huiˬ dui mahˇ dui dui-awˇ, nga maꞈ nawˬ-ahˇ guˆ-eu laꞈ kʼoeˇ yawꞈ luꞈ-eu ma. Nawˬ-ahˇ gaˬ-awˇ nawˬ neh kʼaˇ ehˇ taˬ-euˬ loꞈ-ehˇ mˇ-eu tsawˇ haˬ deuˬ-ahˇ nawˇ dawˬ ma saˇ jaˇ ziꞈ-eu meh.

Yawˇbaˆ 2:10

Yawˇbaˆ ehˇ-eu, “Nawˇ tsawˇ uˬ-euˬ dawˬ ngehˬ luꞈ te loˇ. Miˬyehˇ aˬ dui-ahˇ muiˬ-eu jeˬ biꞈ laꞈ ngeh aˬ dui ha geuꞈ-euˬ maˬ ngeuˇ loˇ. Shaˬ-eu zahˬ-eu jeˬ bi keuˆ le ngeh jawˇ tehꞈ-ehˇ aˬ dui maˬ ha geuꞈ ni byehˇ nya ta loˇ.” Yawˇbaˆ-aˬ, kʼoeˇ naˆ naˆ-ehˇ gʼeh-eu jeˬ-ahˇ ya daˬ luꞈ kʼawꞈ, Miˬyehˇ-ahˇ iˬ baˇ taˬ-eu dawˬ tiˬ dawˬ-iˬ maˬ ngehˬ-a.

Yawˇbaˆ 5:17

“Miˬyehˇ neh bi tsiˬ shawˇ-euˬ tsawˇ haˬ guiˬ lahˬ huiˬ-eu meh. Kʼoeˇ miˇ neh aˬ yawꞈ lawˬ haw-eu jeˬ-ahˇ nui ma taˬ pehˇ.

Jaceuq 11:5

Tsawˇmuiˬtsawˇdoeˇtseˇpaˆluꞈ-awˇ, tsawˇdoeˇ-ahˇbye dui dui-eu meh.

Jaceuq 119:67

Nawˇ ngaˬ-ahˇ maˬ kʼehˬ mi naˆ-ehˇ ngaˇ dehꞈ lehˬ-euˬ kʼawꞈ, nymˬ-mˇ ngaˇ nawˬ-euˬ dawˬ-ahˇ naˇ haˬ-eu ma.

Jaceuq 119:71

Ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ muiˬ-eu meh. Aˬ jeˬ miˇ neh ehˇ naˇ, nawˬ-euˬ dawˬ-ahˇ ngaˇ siˬ nya laˇ ni jahˇ nehˬ laꞈ-euˬ meh.

Jaceuq 119:75

Sahˬpaˬ Miˬyehˇ-oˇ, nawˇ yaˇ kʼaˬ daˇ-eu jeˬ yaw tsaˬ yaw dawˇ meh lehˇ ngaˇ siˬ nya ma. Nawˇ saˇ jaˇ ziꞈ-eu miˇ neh ngaˬ-ahˇ kʼehˬ nehˬ laꞈ-euˬ meh lehˇ ngaˇ siˬ nya ma.

Jaceuq 5:11

Ehˇkʼawꞈ, nawˬ-euˬlaꞈkʼoeˇjaˆ-eu, nui saˇoꞈ-eu jeˬ mawˇ-euˬ deuˬ, aˬmyah caˇ-awˇja ceuˬtehꞈ-a. Nawˬ-ahˇgaˬ-eu tsawˇhaˬdeuˬ-ahˇ gʼawˬshaˬgaˬ-awˇ haw piˇ nehˬ-awˬ. Maˇmaˇni laˬkʼaˬcehˇ-eu jeˬ, Nawˇbaˬda neh yawꞈmaꞈza meh.

Jaceuq 94:12

Sahˬpaˬ Miˬyehˇ-oˇ, nawˬ neh mehˬ nehˬ tsoˆ nehˬ-euˬ gʼaˬ aˇ naˆ ni laˬ kʼaˬ ya cehˇ-eu nga. Nawˬ neh nawˬ-euˬ zahˇ dawˬ kʼoꞈ dawˬ mehˬ nehˬ-euˬ gʼaˬ aˇ naˆ ni guiˬ lahˬ huiˬ-eu nga.

Doˆ-iˇ 20:6

Ehˇ kʼawꞈ, ngaˬ-ahˇ gaˬ-awˇ, ngaˬ-euˬ zahˇ dawˬ kʼoꞈ dawˬ mehˬ nah caw teh-eu tsawˇ haˬ deuˬ-ahˇ, aˬ yawꞈ maꞈ-euˬ zaˬ ziˇ aˇ heˇ aˇ muiˇ ziˇ keuˆ ni, ngaˬ-euˬ gʼoeˇ-eu gaˬ-eu jeˬ ngaˇ bi mawˇ ma.

Dawqdaq 17:3

Shuiˇ hawˇ-eu pyuˇ-ahˇ miˬ dzaˬ neh lawˬ haw-awˇ, tsawˇ haˬ zaˬ-euˬ nui ma-ahˇ Sahˬpaˬ Miˬyehˇ lawˬ haw-eu meh.

Iˇsaˬyaˇ 64:4

Nawˬ-ahˇ gʼoe-eu deuˬ-ahˇ ngehˬ gʼeh nehˬ-euˬ, nawˇ loꞈ-ehˇ gʼeh-eu Miˬyehˇ-ahˇ, tsawˇ haˬ zaˬ deuˬ maˬ gaˬ maˬ mawˇ haw-aˬ.

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Maꞈtehˬ 10:22

Naw maꞈ ngaˬ-ahˇ gʼoe-eu baˬ da neh, tsawˇ haˬ dawˬ tawˆ luꞈ naw maꞈ-ahˇ muiˇ tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ-aˬ, ka kʼoꞈ-eu jeˬ za tehꞈ-a.

Maꞈtehˬ 25:34

Kʼoeˇ naˇ, aˬ yawꞈ-euˬ aˇ maˇ paw jawˇ-eu tsawˇ haˬ deuˬ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ Da neh guiˬ lahˬ biꞈ taˬ-euˬ tsawˇ haˬ deuˬ-oˇ, laˇ-awˬ. Mˬ beh miˇ beh ngeh neh naw maꞈ gʼaˇ duˬ lehˬ hmˬ taˬ-euˬ miˇ kʼahˬ-ahˇ jawˇ laˇ-awˬ.

Luˇkaꞈ 6:22

“Tsawˇhaˬ-euˬ Zaˬmaˇ mehˬ nah naw maꞈ caw teh-eu baˬ da neh, aˬ cawˬ naw maꞈ-ahˇ muiˇ-eu, naw maꞈ-ahˇ sawˇ dzeh-awˇ yehˬ bawˬ sehˇ lu-ehˇ ehˇ-eu, naw maꞈ-euˬ tsawˇ myahˇ cawˆ-iˇ ni jahˇ-eu, heu loꞈ-ehˇ gʼeh-eu deuˬ-ahˇ naw maꞈ ya daˬ ngeh, naw maꞈ guiˬ lahˬ huiˬ-eu meh.

Lormav 5:4

Aˬ dui daˬ coeˇ oˇ coeˇ-eu baˬ da neh, lawˬ haw-eu jeˬ-ahˇ gʼaˬ leˇ-euˬ tsawˇ haˬ deuˬ lehˇ, Miˬyehˇ aˬ dui-ahˇ sawˇ nehˬ laꞈ tehꞈ-a. Aˬ yawꞈ kʼoeˇ loꞈ-ehˇ sawˇ nehˬ laꞈ-eu baˬ da neh, noeˬ tmˬ-eu jeˬ jaˆ laˇ tehꞈ-a.

Lormav 8:28

Miˬyehˇ-euˬ nui kʼahˇ mˇ-eu gʼaˇ duˬ kuˇ doˆ taˬ-euˬ aˬ yawꞈ-ahˇ gaˬ-eu tsawˇ haˬ deuˬ gʼaˇ duˬ, yawˬ jeˬ na luꞈ laꞈ kʼoeˇ yaw muiˬ jeˬ doˆ laˇ ni Miˬyehˇ mˇ luꞈ meh lehˇ aˬ dui siˬ nya ma.

1 Gawˇliˬtu 2:9

Ehˇ kʼawꞈ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Myaˆ nuiˆ maˬ mawˇ haw-ehˇ, naˬ bawˇ maˬ gaˬ haw-euˬ, maˬ noeˬ doˆ coeˇ-eu jeˬ, Miˬyehˇ-ahˇ gaˬ-euˬ deuˬ gʼaˇ duˬ, Miˬyehˇ lehˬ hmˬ laˆ saˆ-euˬ meh.”

1 Gawˇliˬtu 8:3

Ehˇ kʼawꞈ, Miˬyehˇ-ahˇ gaˬ-eu tsawˇ haˬ-ahˇ Miˬyehˇ siˬ nya-eu meh.

1 Gawˇliˬtu 9:25

Tiˬ kʼehˇ laˇ kʼehˬ tehꞈ-ehˇ gmˬ-eu aˇ yehˆ neh jahˇ-euˬ shuiˇ uˬ kʼoˆ laꞈ sawˬ za-eu gʼaˇ duˬ, niˇ gʼa-eu tsawˇ haˬ yawˬ gʼaˬ na luꞈ yawˬ ha-euˬ nui ma-ahˇ ziꞈ dah ni nyehꞈ tehˬ taˬ-awˇ leh jeh leh jeh-ehˇ ya niˇ gʼa dzaw-eu meh. Aˬ dui-aˬ, mˬ maˬ maˬ byaˆ zaˇ ziˇ maˬ cawˆ-iˇ nya-eu jeˬ-ahˇ za nya ni leh jeh luꞈ-eu ma.

Dawˬmehˬ 13:3

aˬ yawꞈ ehˇ gaˇ taˬ naˇ haˬ. Naw maꞈ-euˬ nui ma dawˬ tawˆ luꞈ Sahˬpaˬ Miˬyehˇ-ahˇ gaˬ nga loˇ lehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ zmˬ-awˇ, naw maꞈ-ahˇ lawˬ haw-eu jeˬ pyeuꞈ-eu meh.

Dawˬmehˬ 7:9

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ maˬ ehˇ, aˬ yawꞈ-euˬ saˇ jaˇ ziꞈ-eu jeˬ-ahˇ maˬ ehˇ, naw maꞈ maˬ ngehˇ ni noeˬ keuˆ-awˬ. Aˬ yawꞈ-ahˇ gaˬ-awˇ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-ahˇ, tiˬ heˇ ziˇ keuˆ ni aˬ yawꞈ dawˬ ma saˇ jaˇ ziꞈ-awˇ, maˬ tsehˆ leˇ-eu gʼoeˇ-eu gaˬ-eu jeˬ bi mawˇ tehꞈ-a.

Dawˬmehˬ 8:2

Naw maꞈ-euˬ nui ma-ahˇ ya mawˇ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ caw teh-eu hawˇ-eu maˬ caw teh-eu ya siˬ-eu gʼaˇ duˬ, dzeuˇ laˇ-euˬ oeˬ tseˇ kʼoꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bawˇ tsahˬ bawˇ dahˇ laꞈ kʼoeˇ gʼawˬ myahˇ ni sheuˬ sheuˬ-ehˇ cah-awˇ, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ lawˬ haw-euˬ gaˇ noeˬ keuˆ-awˬ.

2 Tiˆmoˇseˬ 2:15

Yawˬ ha-euˬ gaˇ mˇ-eu gʼaˇ duˬ maˬ shaꞈ dawˇ-eu gaˇ mˇ zaˬ loꞈ-ehˇ maˬ ehˇ, Miˬyehˇ-euˬ yaw tsaˬ yaw dawˇ jeˬ gaˇ kawˆ dawˇ coe ni mehˬ-eu tsawˇ haˬ loꞈ-ehˇ maˬ ehˇ, Miˬyehˇ nui kʼahˇ shiˇ dui dui-eu tsawˇ haˬ tiˬ gʼaˬ pyeuꞈ laˇ ni leh jeh dui dui-awˬ.

2 Tiˆmoˇseˬ 4:8

Cehˆ ceh ceh gaˇ gʼaˬ leˇ-euˬ deuˬ-ahˇ biꞈ-eu laꞈ sawˬ, ngaˬ-euˬ gʼaˇ duˬ lehˬ hmˬ taˬ-euˬ meh. Laꞈ sawˬ kʼoeˇ-aˬ, Miˬyehˇ-ahˇ tsaˬ leˇ tsahˇ leˇ-euˬ laꞈ sawˬ pyeuꞈ-eu meh. Aˇ nah kʼoeˇ nah keuˆ le ngeh, tsaˬ-eu dawˇ-eu Yaˇ kʼaˬ daˇ-eu gʼaˬ pyeuꞈ-eu Sahˬpaˬ Yeˬsuˇ ngaˬ-ahˇ laꞈ sawˬ kʼoeˇ biꞈ nehˬ laꞈ tehꞈa. Ngaˬ-ahˇ tehꞈ-ehˇ maˬ ngeuˇ ni, aˬ yawꞈ gʼoꞈ doˆ le gaˇ gʼoeˇ-eu gaˬ-eu laꞈ kʼoeˇ kʼaˇ loꞈ luꞈ-eu tsawˇ haˬ dawˬ tawˆ luꞈ-ahˇ biꞈ tehꞈ-a.

HeˬByehˇ 10:32

Dzeuˇ laˇ ngeh naw maꞈ aˬ joˆ-ehˇ pyeuꞈ dzeuˇ yaꞈ-euˬ gaˇ noeˬ mawˇ-awˬ. Miˬyehˇ-euˬ yaw shehꞈ-ahˇ naw maꞈ ya mawˇ gʼaˬ ngeh, kʼehˬ-eu kʼaˆ-eu gʼawˬ mya jeˬ-ahˇ naw maꞈ ya daˬ-euˬ meh. Ehˇ kʼawꞈ, naw maꞈ daˬ dzeuˇ oˇ dzeuˇ laꞈ-euˬ meh.

HeˬByehˇ 11:17

Aˬbyaˬhaˬ-ahˇ Miˬyehˇ lawˬ haw ngeh aˬ yawꞈ-euˬ aˬ li Iˇtsaˆ lawˇ nehˬ-euˬ kʼoeˇ-aˬ, jah-eu jeˬ baˬ da neh meh. Aˬbyaˬhaˬ-aˬ, Miˬyehˇ nehˬ-ehˇ saˇ jaˇ dzaˬ taꞈ-euˬ tsawˇ haˬ pyeuꞈ kʼawꞈ, aˬ yawꞈ-euˬ aˬ li tiˬ gʼaˬ tehꞈ-ehˇ jawˇ-eu lawˇ nehˬ coeˇ-eu meh.

HeˬByehˇ 12:5

Miˬyehˇ naw maꞈ-ahˇ aˬ yawꞈ-euˬ zaˬ deuˬ loꞈ-ehˇ sawˇ-awˇ gʼaˬ biꞈ-euˬ dawˬ-ahˇ naw maꞈ ngehˇ-euˬ te loˇ. “Ngaˬli nawˇ dehꞈ lehˬ-euˬ miˇ neh, Sahˬpaˬ Miˬyehˇ mehˬ ngeh tsoˆ ngeh, yaw muiˬ paˬ-ehˇ naˇ haˬ geuꞈ-awˬ. Aˬ yawꞈ nawˬ-ahˇ zuiˆ-awˇ mehˬ ngeh, nui ma taˬ baˬ, nui ma taˬcawˆ.

HeˬByehˇ 6:15

Aˬbyaˬhaˬ nui ma gʼawˬ mahˇ ni taˬ-euˬ baˬ da neh, Miˬyehˇ neh saˇ jaˇ dzaˬ-euˬ jeˬ-ahˇ za-euˬ meh.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

Yaˬkoˆ 5:11

Aˬ yawꞈ maꞈ daˬ dzeuˇ oˇ dzeuˇ nya-euˬ miˇ neh guiˬ lahˬ huiˬ-eu tsawˇ haˬ lehˇ aˬ dui kuˇ-eu ma. Yawˇbaˆ aˬ joˆ-ehˇ oˇ-euˬ gaˇ kawˆ hawˇ-eu, aˇ saˬ saˬ ngeh Sahˬpaˬ Miˬyehˇ aˬ yawꞈ-ahˇ guiˬ lahˬ aˬ joˆ-ehˇ biꞈ nehˬ-euˬ gaˇ kawˆ naw maꞈ siˬ nya meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, gʼawˬ shaˬ gaˬ-eu jeˬ tiˬ byah ni ahˇ-eu meh.

1 Beˬtuˆluˆ 3:14

Ehˇ kʼawꞈ, yaw muiˬ jeˬ mˇ-eu baˬ da neh kʼehˬ-eu kʼaˆ-eu jeˬ-ahˇ naw maꞈ ya daˬ-eu ngeuˇ naˇ, guiˬ lahˬ aˇ naˆ ni huiˬ-eu nga. Naw maꞈ-ahˇ kʼehˬ laˇ kʼaˆ laˇ-eu tsawˇ haˬ deuˬ-ahˇ taˬ guˆ. Taˬ noeˬ shaˬ.

1 Beˬtuˆluˆ 4:13

Ka li ya shaˬ ya zahˬ gaˇ duˇ ni naw maꞈ kʼawꞈ ya shaˬ ya zahˬ-eu miˇ neh laˬ kʼaˬ cehˇ-awˬ. Aˬ jeˬ miˇ neh ehˇ naˇ, aˬ yawꞈ yaw shehꞈ kʼahˬ sehˇ laꞈ kʼoeˇ zaꞈ le ngeh, naw maꞈ laꞈ kʼaˬ ya cehˇ tehꞈ-a.

1 Beˬtuˆluˆ 4:14

Naw maꞈ Ka li-euˬ mehˬ nah caw teh-eu baˬ da neh aˬ cawˬ naw maꞈ-ahˇ ja bu ja doeˇ naˇ, naw maꞈ guiˬ lahˬ huiˬ-eu meh. Aˬ cawˬ kʼoeˇ loꞈ-ehˇ ehˇ laˇ-eu kʼoeˇ-aˬ, Miˬyehˇ-euˬ Yaw sahˇ pyeuꞈ-eu yaw shehꞈ kʼahˬ sehˇ huiˬ-eu Yaw sahˇ Miˬyehˇ naw maꞈ kʼoeˇ taˆ jawˇ luꞈ-eu saˇ kiˇ meh.

1 Beˬtuˆluˆ 5:10

Ehˇ kʼawꞈ, naw maꞈ ti kʼehˬ tiˬ yamˬ kʼoeˇ loꞈ-ehˇ ya daˬ gʼaˬ ngeh jawˇ, Ka li laꞈ koeˇ aˬ yawꞈ-euˬ mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ bi za-eu gʼaˇ duˬ naw maꞈ-ahˇ kuˇ-euˬ gʼaˬ pyeuꞈ-eu aˬ dui-ahˇ gaˬ dui dui-eu Miˬyehˇ-aˬ, naw maꞈ-ahˇ bi byah laˇ tehꞈ-a. Aˬ yawꞈ naw maꞈ-ahˇ bi ziꞈ laˇ, bi kʼaˆ laˇ-eu uˬ taꞈ, Ka li-ahˇ jah-eu dawˬ pehˬ ziꞈ dah ni bi pyeuꞈ laˇ tehꞈ-a.

1 Beˬtuˆluˆ 5:4

Yawˇ bo-eu deuˬ dawˬ tawˆ luꞈ kʼoeˇ taˆ uˆ lahˇ-eu Huiˬ-eu Yawˇ bo-eu gʼaˬ oe ngeh, tiˬ jawˇ-iˬ maˬ cehˇ-iˇ nya-eu yaw shehꞈ kʼahˬ sehˇ huiˬ-eu shuiˇ uˬ kʼoˆ-ahˇ naw maꞈ za tehꞈ-a.

1 Yoˇhaˬ 4:19

Miˬyehˇ aˬ dui-ahˇ jeˬ hu gaˬ-euˬ miˇ neh, aˬ dui aˬ yawꞈ-ahˇ gaˬ-awˇ, tiˬ gʼaˬ tiˇ gʼaˬ gaˬ-eu ma.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.

Panmaeq 3:21

Ngaˇ gʼaˬ leˇ-euˬ miˇ neh, ngaˬ Da-euˬ dzoeˬ dzaˬ nuiˇ mahˬ kʼoeˇ taˆ ngaˬ Da-euˬ gaˇ dzeˇ nuiˇ luꞈ-eu loꞈ-ehˇ, gʼaˬ leˇ-euˬ tsawˇ haˬ deuˬ-ahˇ, ngaˬ-euˬ dzoeˬ dzaˬ nuiˇ mahˬ kʼoeˇ taˆ ngaˬ-euˬ gaˇ dzeˇ bi nuiˇ ma.