Yaˬkoˆ 1:11 - Akha

¹¹ Nahˇ ma doˆ laˇ-awˇ nahˇ tsaˇ kʼaˆ laˇ ngeh, yaˇ moꞈ kʼoeˇ nyoeˬ-iˇ koˆ-iˇ-eu meh. Kʼoeˇ ngeh jawˇ, aˇ yehˆ kʼoeˇ ga ka-awˇ haw muiˬ-eu jeˬ cawˆ-iˇ jiˇ-eu meh. Kʼoeˇ gaˇ duˇ ni, smˇ muiˬ muiˬ-eu tsawˇ haˬ kʼawꞈ, yawˬ ha-euˬ gaˇ-ahˇ kʼoꞈ gʼa luꞈ ngeh ya luˬ ya seˇ-iˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Nanrma dovlar-awr, uqtsar khavlar-awr lanrlar ngae, yarmof khoer nyoeq-ir kov-ir-eu mae. Khoerngae jawr, aryaev khoer ga-ir-awr, hawmuiq-eu jeq cawv-ir jir-eu mae. Khoergar durni, smrmuiq muiq-eu tsawrhaq khawf, yawqha-euq gar-anr khofghaluf ngae byov-ir taef-a.

Yaˬkoˆ 1:11 ပူးပေါင်းရင်းမြစ်များ

2 Saˬmeuˬlaˆ 22:46

Aˬ cawˬ tsawˇ jeuˬ boeˇ miˬ siˬ kʼaˬ, guˆ-eu nui ma aˇ dzehˬ dzeuˇ-awˇ, ziꞈ-eu taˆ laꞈ kʼoeˇ uˇ luꞈ-eu, yaw dzuˬ dzuˬ-awˇ doˆ le-eu meh.

Jaceuq 102:11

Ngaˇ yaw dehꞈ dehꞈ-eu uˬ ciꞈ uˬ taw paw naˇ shmˇ shmˇ gaˇ duˇ-awˇ, yaˇ moꞈ koˆ-iˇ gaˇ duˇ miˇ-a.

Jaceuq 102:4

Ngaˬ-euˬ gʼawˇ mawˇ diˬ meuˇ taˬ-euˬ yaˇ moꞈ yaw koˆ-ahˇ duˇ-awˇ, dzaˇ dzaˬ mawꞈ-eu nui ma maˬ ahˇ nya.

Jaceuq 103:15

Aˬ dui yaw dehꞈ dehꞈ-eu yaˇ moꞈ loꞈ-ehˇ tehꞈ meh. Bawˇ tsaˬ aˇ yehˆ loꞈ-ehˇ aˬ dui yehˆ laˇ poˬ laˇ kʼawꞈ,

Jaceuq 37:2

Jaˆgaˆloꞈ-ehˇkoˆ-iˇjiˇ-awˇ, yaˆmoꞈloꞈ-ehˇ shiˇjiˇtehꞈ-a.

Jaceuq 39:6

naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.

Jaceuq 90:6

nah gʼahˇ paw loˆ laˇ-awˇ aˇ yehˆ yehˆ kʼawꞈ, uˬ ciꞈ uˬ taw paw nyoeˬ-iˇ koˆ-iˇ-eu yaˇ moꞈ loꞈ-ehˇ, tiˬ kʼehˇ kʼehˬ gmˬ-eu tehꞈ miˇ-a.

Dawˬ tsoˆ 5:15

Dehꞈ le ngeh tiˬ jeˬ-iˬ maˬ hehˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ yuˇ gʼeh nya-a.

Iˇsaˬyaˇ 28:1

Iˇsaˬleˬlaˆ miˇ kʼahˬ kʼoeˇ taˆ, shaˬ zahˬ keuˆ le tehꞈ-a. Jiˇ baˬ yehꞈ-eu aˬ yuiꞈ deuˬ-euˬ uˬ duˬ-ahˇ kʼoˆ luꞈ-eu aˇ yehˆ uˬ kʼoˆ nyoeˬ-iˇ-eu loꞈ-ehˇ, miˇ kʼahˬ-euˬ yaw shehꞈ kʼahˬ sehˇ byoˆ le tehꞈ-a. Kʼahˬ sehˇ huiˬ-eu aˬ yawꞈ maꞈ uˬ duˬ-ahˇ, tsiˇ yaw saw jeˬ lehꞈ taˬ-euˬ kʼawꞈ, jiˇ baˬ yehꞈ-awˇ maˬ noeˬ ni ga-eu meh.

Iˇsaˬyaˇ 28:4

Awꞈ beh beh laˇ-euˬ siˬ guˬ maˇ sheuˇ aˇ siˬ, awꞈ laˇ-eu maˬ dah ni bi pyaˆ dzaˬ byoˆ jiˇ-eu loꞈ-ehˇ, nui ma huiˬ-eu aˬ yuiꞈ aˬ tsu deuˬ-euˬ yaw shehꞈ kʼahˬ sehˇ, ya byoˆ-iˇ jiˇ tehꞈ-a.

Iˇsaˬyaˇ 49:10

Aˬ yawꞈ maꞈ-ahˇ gaˬ-eu gʼaˬ neh sheuˬ gʼeh nehˬ-euˬ miˇ neh, aˬ yawꞈ maꞈ mehꞈ-eu shuꞈ-eu maˬ baw-ehˇ, nahˇ tsaˇ hawˇ-eu kʼaˇ shuiꞈ deh ga yaw lahˇ, aˬ yawꞈ maꞈ-ahˇ maˬ coeˬ leˇ-a. Iˇ cuꞈ lawˇ baˬ yoeˇ-eu dawˬ peh, aˬ yawꞈ maꞈ-ahˇ aˬ yawꞈ sheuˬ gʼeh tehꞈ-a.

Maꞈtehˬ 13:6

Ehˇ kʼawꞈ, nahˇ tsaˇ kʼaˆ laˇ-awˇ, aˇ ji kʼoeˇ deuˬ-ahˇ lawꞈ zaw ngeh, ciˇ ka maˬ naꞈ-eu miˇ neh, nyoeˬ-iˇ koˆ-iˇ-eu meh.

Maꞈtehˬ 20:12

‘Jeˬ nah nah saˬ oe-awˇ mˇ le-euˬ deuˬ naˬ liˬ tiˬ laꞈ mˇ-euˬ tehꞈ meh. Nga maꞈ-aˬ, nah ga-ehˇ nahˇ tsaˇ lawꞈ lawꞈ-ehˇ mˇ-euˬ ma. Ehˇ kʼawꞈ, nawˇ gʼaˬ gaˇ poeˬ biꞈ laꞈ ngeh, tiˬ kawˆ myaˆ ni tehꞈ-ehˇ biꞈ laꞈ-eu nga’ lehˇ ehˇ-eu meh.

Maꞈtehˬ 6:30

Iˬ nah dehꞈ luꞈ kʼawꞈ, ni shawˬ miˬ dzaˬ-ahˇ bi jehˆ puiˆ jiˇ-eu bawˇ tsahˬ jaˆ guˬ jaˆ gaˆ-ahˇ Miˬyehˇ kʼoeˇ naˆ ni bi dm bi gʼaˬ-eu ngeuˇ naˇ, naw maꞈ-ahˇ kʼoeˇ naˆ maˬ tseˇ maˬ bi dm maˬ bi gʼaˬ-aˇ loˇ. Aˬ jeˬ miˇ neh jah-eu gʼaˬ byehˆ byehˆ te.

Maˬkuˆ 4:6

Ehˇ kʼawꞈ, nahˇ ma doˆ laˇ-awˇ, aˇ ji kʼoeˇ deuˬ-ahˇ lawꞈ zaw ngeh, ciˇ ka maˬ naꞈ-eu miˇ neh, nyoeˬ-iˇ koˆ-iˇ-euˬ meh.

1 Gawˇliˬtu 7:31

Miˇ tsaˬ shiˬ shaˬ jiˇ-ahˇ taꞈ leˇ-eu gaˇ mˇ-eu deuˬ kʼawꞈ, tiˬ byah tiˬ loꞈ maˬ mˇ ni jawˇ-awˬ. Aˬ jeˬ miˇ neh ehˇ naˇ, miˇ tsaˬ heu-euˬ seuˆ dzeuꞈ aˇ gʼehˇ byoˆ le luꞈ meh.

1 Beˬtuˆluˆ 1:4

Kʼoeˇ baˬ da neh, Miˬyehˇ neh aˬ yawꞈ-euˬ tsawˇ haˬ deuˬ gʼaˇ duˬ bi jaˆ-euˬ muiˬ dui byah dui dui-eu guiˬ lahˬ-ahˇ za-eu yaw duˬ baw-eu ma. Maˬ buꞈ maˬ cehˇ-iˇ nya-eu, maˬ muiˬ maˬ shawˇ-eu jeˬ maˬ pyeuꞈ-iˇ nya-eu uˬ taꞈ, maˬ byoˆ maˬ laˆ-iˇ nya-eu guiˬ lahˬ kʼoeˇ, naw maꞈ gʼaˇ duˬ mˬ kʼoeˇ taˆ aˬ yawꞈ bi jaˆ-euˬ meh.

1 Beˬtuˆluˆ 5:4

Yawˇ bo-eu deuˬ dawˬ tawˆ luꞈ kʼoeˇ taˆ uˆ lahˇ-eu Huiˬ-eu Yawˇ bo-eu gʼaˬ oe ngeh, tiˬ jawˇ-iˬ maˬ cehˇ-iˇ nya-eu yaw shehꞈ kʼahˬ sehˇ huiˬ-eu shuiˇ uˬ kʼoˆ-ahˇ naw maꞈ za tehꞈ-a.