Yaˬkoˆ 1:1 - Akha

¹ Miˬyehˇ hawˇ-eu Sahˬpaˬ Yeˬsuˇ Ka li-euˬ zaˬ kʼaˆ pyeuꞈ-eu ngaˇ Yaˬkoˆ, Miˇ tsaˬ heu kʼoeˇ taˆ jawˇ byaˆ taˬ-euˬ Miˬyehˇ-euˬ tsawˇ haˬ dawˬ tawˆ luꞈ-ahˇ dawˬ cawˬ puˬ ahˇ laꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar-aq, Miqyaer hawr-eu Sanqpaq Yeqsur Kali-euq kuirlaf zaqkhav Yaqkov ma. Kharngeur-eu gar jawrbyav taq-euq tsawrjeuq 12 jeuq-anr dawqcawq puqanr lef-eu ma.

Yaˬkoˆ 1:1 ပူးပေါင်းရင်းမြစ်များ

1 Sahˬpaˬ 18:31

Sahˬpaˬ Miˬyehˇ neh Iˇsaˬleˬlaˆ lehˇ myahˇ nehˬ-euˬ Yaˬkoˆ-euˬ aˬ li tseˇ nyiꞈ li-euˬ tsawˇ myahˇ pi luꞈ-eu tsawˇ jeuˬ tseˇ nyiꞈ jeuˬ gʼaˇ duˬ, kʼaˬ lo tseˇ nyiˬ siˬ aˬ yawꞈ yuˇ-euˬ meh.

Eˇzaˬlaˬ 6:17

Uˬ duˬ tahˬ nymˇ nymˇ ma a nehˬ-eu gʼaˇ duˬ, mawˇ neˇ tiˬ yaˇ mawˇ, yawˇ nyiˬ yaˇ mawˇ hawˇ-eu, yawˇ zaˬ oeˬ yaˇ mawˇ aˬ yawꞈ maꞈ lawˇ nehˬ-euˬ meh. Iˬ baˇ shawˇ-eu lawˇ-eu jeˬ gʼaˇ duˬ kʼawꞈ, Iˇsaˬleˬlaˆ tsawˇ jeuˬ tiˬ jeuˬ-euˬ ciꞈ myehꞈ tiˬ mawˇ doˇ leˇ-ehˇ, ciꞈ myehꞈ tseˇ nyiꞈ mawˇ aˬ yawꞈ maꞈ lawˇ-euˬ meh.

Iˇsaˬtaˆ 3:8

Kʼoeˇ naˇ, sahˬ paˬ-ahˇ Haˬmaˬ heu loꞈ-ehˇ ehˇ nehˬ-euˬ meh. “Nawˬ-euˬ miˇ kʼahˬ kʼahˬ ma laꞈ kʼoeˇ jaˆ-eu miˇ kʼahˬ yawˬ kʼahˬ na luꞈ jawˇ doe jiˇ taˬ-euˬ tsawˇ jeuˬ tiˬ jeuˬ jawˇ meh. Aˬ yawꞈ maꞈ-aˬ, aˬ cawˬ tsawˇ jeuˬ-ahˇ maˬ duˇ-eu zahˇ sahˇ kʼoꞈ tawˬ luꞈ-eu meh. Kʼoeˇ uˬ taꞈ, nawˬ-euˬ miˇ kʼahˬ zahˇ sahˇ kʼoꞈ deuˬ-ahˇ kʼawꞈ aˬ yawꞈ maꞈ maˬ naˇ haˬ geuꞈ-eu miˇ neh, aˬ yawꞈ maꞈ-ahˇ tiˬ jeˬ-iˬ maˬ jahˇ nehˬ ni kʼoeˇ loꞈ-ehˇ bi jawˇ-eu-aˬ, nawˬ-euˬ gʼaˇ duˬ tiˬ pawꞈ-iˬ maˬ muiˬ-a.

Doˆ-iˇ 24:4

Kʼoeˇ naˇ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ zahˇ sahˇ kʼoꞈ dawˬ tawˆ luꞈ, Moˇseˬ boꞈ-euˬ meh. Yawˬ nah yawˬ uˬ shawˬ yaw naꞈ-ehˇ, gawˬ jawˬ dawˬ dahˬ-ahˇ lawˇ duˬ tiˬ tsahˇ aˬ yawꞈ tsoˆ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ, kʼaˬ lo tseˇ nyiꞈ siˬ kʼahˬ tuˇ-euˬ meh.

Doˆ-iˇ 28:21

Kʼaˬ lo sehˇ heu tseˇ nyiꞈ siˬ-aˬ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ pyeuꞈ-eu gʼaˇ duˬ, aˬ yawꞈ siˬ yawꞈ kʼoeˇ taˆ, Yaˬkoˆ-euˬ aˬ li tiˬ li-euˬ tsawˇ myahˇ ya toeˬ boꞈ taˬ meh.

Doˆ-iˇ 39:14

Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dahˬ zaˇ bi pyeuꞈ-eu gʼaˇ duˬ, kʼaˬ lo sehˇ aˬ yawꞈ siˬ yawꞈ kʼoeˇ taˆ, Yaˬkoˆ-euˬ aˬ li tiˬ gʼaˬ-euˬ tsawˇ myahˇ toeˬ boꞈ taˬ-euˬ meh.

Yeˬsaˬgeˬlaˇ 12:15

“Aˬ cawˬ miˇ kʼahˬ-ahˇ aˬ cawˬ tsawˇ jeuˬ yaw kaˬ-ahˇ, aˬ yawꞈ maꞈ-ahˇ ngaˇ teh byaˆ nehˬ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ tehꞈ-a.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Maꞈtehˬ 10:3

Piˇluˇpuˆ hawˇ-eu Baˬtawˇlaˬmehˇ, Toˇmaˆ hawˇ-eu kawˬ taꞈ-eu tsawˇ haˬ pyeuꞈ-eu Maꞈtehˬ, Aˬlaˬpehˇ-euˬ aˬ li Yaˬkoˆ hawˇ-eu Taˬdehˇ,

Maꞈtehˬ 13:55

Aˬ yawꞈ laꞈ saˇ maˇ-euˬ aˬ li maˬ ngeuˇ-a loˇ. Maˬliˇ-euˬ aˬ li kʼoeˇ gʼaˬ maˬ ngeuˇ-a loˇ. Yaˬkoˆ, Yoˇsehˆ, Siˇmoˬ, Yuˇdaˆ, aˬ ha mehˇ nmˇ-euˬ aˇ doˆ kʼoeˇ gʼaˬ maˬ ngeuˇ-a loˇ.

Maꞈtehˬ 19:28

Aˬ yawꞈ maꞈ-ahˇ Yeˬsuˇ ehˇ nehˬ-eu, “Miˇ tsaˬ tahˬ kʼawˇ yaw shuiꞈ paˇ laˇ-awˇ, yaw shehꞈ kʼahˬ sehˇ huiˬ-eu dzoeˬ dzaˬ nuiˇ mahˬ kʼoeˇ taˆ Tsawˇhaˬ-euˬ Zaˬmaˇ nuiˇ le ngeh, ngaˬ-euˬ mehˬ nah caw teh-eu naw maꞈ tseˇ nyiꞈ gʼaˬ kʼawꞈ, dzoeˬ dzaˬ nuiˇ mahˬ kʼoeˇ taˆ nuiˇ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ ya uˆ lahˇ tehꞈ-a.

Maˬkuˆ 3:18

Aˬdehˬlehˬ, Piˇliˇpuˆ, Baˬtawˇlaˬmehˇ, Maꞈtehˬ, Toˇmaˆ, Aˬlaˬpehˇ-euˬ aˬ li Yaˬkoˆ, Taˬdehˇ, Kaˬnaˬniˇ aˇ muˇ laꞈ kʼoeˇ uˇ-eu Siˇmoˬ hawˇ-eu,

Luˇkaꞈ 22:30

Ngaˇ uˆ lahˇ-eu miˇ kʼahˬ laꞈ kʼoeˇ, naw maꞈ ngaˬ-euˬ hawˬ jeh-ahˇ ya dzaˬ yaw dawˇ taꞈ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ uˆ lahˇ-eu dzoeˬ dzaˬ nuiˇ mahˬ deuˬ kʼoeˇ taˆ, naw maꞈ nuiˇ-awˇ ya dzoeˬ tehꞈ-a.

Luˇkaꞈ 6:15

Maꞈtehˬ, Toˇmaˆ, Aˬlaˬpehˇ-euˬ aˬ li Yaˬkoˆ, Zeˬloˆ lehˇ kuˇ-eu Siˇmoˬ,

Yoˇhaˬ 12:26

Ngaˬ-euˬ gaˇ mˇ mawꞈ-eu tsawˇ haˬ aˬ geuˬ gʼaˬ maˬ kaˬ, ngaˬ-euˬ mehˬ nah ya caw teh laˇ meh. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ-aˬ, ngaˇ kʼaˇ jawˇ gaˇ ya jawˇ tehꞈ-a. Ngaˬ-euˬ gaˇ kʼaˇ mˇ-eu tsawˇ haˬ-ahˇ ngaˬ Da taˬ huiˬ taˬ mahˇ nehˬ tehꞈ-a.”

Yoˇhaˬ 7:35

Yuˇdaˆ tsawˇ haˬ aˬ yuiꞈ aˬ tsu deuˬ yaw kaˬ heu loꞈ-ehˇ ja-eu meh. “Aˬ dui maꞈ aˬ yawꞈ-ahˇ maˬ poˆ mawˇ nya paˬ-ehˇ aˬ yawꞈ aˬ gaˇ iˇ-eu lehˇ nga. Heˬlaˬsaˇ tsawˇ haˬ-euˬ meuˬ deuˬ-ahˇ jawˇ-iˇ-euˬ aˬ dui-euˬ tsawˇ jeuˬ jawˇ gaˇ iˇ-awˇ, Heˬlaˬsaˇ tsawˇ haˬ deuˬ-ahˇ mehˬ-iˇ tsoˆ-iˇ-eu lehˇ nga loˇ.

Gʼaˬkʼehˇ 1:13

Aˬ yawꞈ maꞈ meuˬ-ahˇ gʼoꞈ-iˇ-awˇ, nymˇ laꞈ taˆ tiˆ-ahˇ jaˆ-eu aˬ yawꞈ maꞈ yaꞈ-eu lawˆ-ahˇ gʼoꞈ uˇ leˇ-euˬ meh. Aˬ yawꞈ maꞈ-aˬ, Beˬtuˆluˆ, Yoˇhaˬ, Yaˬkoˆ hawˇ-eu Aˬdehˬlehˬ, Piˇliˇpuˆ, Toˇmaˆ, Baˬtawˇlaˬmehˇ, Maꞈtehˬ, Aˬlaˬpehˇ-euˬ aˬ li Yaˬkoˆ, Siˇmoˬ Zeˬloˆ, Yaˬkoˆ-euˬ aˬ li Yuˇdaˆ, heu deuˬ meh.

Gʼaˬkʼehˇ 12:17

Aˬ yawꞈ maꞈ ciˬ cuˇ ni jawˇ-eu gʼaˇ duˬ aˬ yawꞈ laꞈ dzawˇ dzawˇ nehˬ-awˇ, Sahˬpaˬ Miˬyehˇ neh aˬ yawꞈ-ahˇ paꞈ kuˆ laꞈ kʼoeˇ aˬ joˆ-ehˇ sheuˬ doˆ laˬ le-euˬ gaˇ kawˆ dzawˇ mehˬ nehˬ-awˇ, “Gaˇ kawˆ heu Yaˬkoˆ hawˇ-eu jah-eu tsawˇ haˬ deuˬ-ahˇ dzawˇ mehˬ nehˬ-awˬ” lehˇ ehˇ nehˬ-euˬ meh. Kʼoeˇ naˇ, aˬ yawꞈ doˆ-iˇ-awˇ, yawˬ gaˇ yawˬ iˇ-euˬ meh.

Gʼaˬkʼehˇ 15:13

Aˬ yawꞈ nyaꞈ dzawˇ mehˬ gʼaˬ ngeh, Yaˬkoˆ heu loꞈ-ehˇ ehˇ-eu meh. “Aˬ yuiꞈ aˬ nyiˇ deuˬ-oˇ, ngaˇ ehˇ gaˇ tiˬ poˆ naˇ haˬ sheˇ.

Gʼaˬkʼehˇ 15:21

Aˬ jeˬ miˇ neh ehˇ naˇ, Jawˇ nah aˬ yawꞈ nah yawꞈ uˬ duˬ tahˬ nymˇ laꞈ kʼoeˇ aˇ hu ba neh Moˇseˬ-euˬ Zahˇ dawˬ kʼoꞈ dawˬ gui mehˬ ka leꞈ-awˇ, meuˬ yawˬ meuˬ na luꞈ laꞈ kʼoeˇ dawˬ kʼoeˇ deuˬ mehˬ nehˬ-euˬ meh.”

Gʼaˬkʼehˇ 15:23

sahˬ boꞈ heu taꞈ aˬ yawꞈ nyaꞈ nehˬ-ehˇ dawˆ caw gʼeh-euˬ meh. “Aˬdiˇawˬ meuˬ, Suˇliˆ miˇ kʼahˬ hawˇ-eu, Giˇliˇciˆ miˇ kʼahˬ heu deuˬ-ahˇ jawˇ-eu Yuˇdaˆ tsawˇ haˬ maˬ ngeuˇ-eu aˬ yuiꞈ aˬ nyiˇ deuˬ jawˇ gaˇ, naw maꞈ-euˬ aˬ yuiꞈ aˬ nyiˇ pyeuꞈ-eu nga maꞈ gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ, sahˬ boꞈ boꞈ-awˇ dawˬ cawˬ puˬ ahˇ leꞈ-eu ma.

Gʼaˬkʼehˇ 2:5

Kʼoeˇ ngeh, miˇ tsaˬ kʼoeˇ taˆ jaˆ-eu miˇ kʼahˬ yawˬ kʼahˬ na luꞈ-ahˇ neh uiˬ laˇ taˬ-euˬ Miˬyehˇ-ahˇ yaw zeu baw dui dui-eu Yuˇdaˆ tsawˇ haˬ deuˬ, Yeˬluˇsaˬlehˬ meuˬ laꞈ kʼoeˇ jawˇ luꞈ-eu meh.

Gʼaˬkʼehˇ 21:18

Yawˬ nah yawˬ, Pawˇluˆ nga maꞈ Yaˬkoˆ jawˇ gaˇ dawˬ deh gʼa-iˇ-euˬ ma. Ka li zaˬ aˇ muˇ kʼoeˇ taˆ aˬ yuiꞈ aˬ tsu geuꞈ luꞈ-eu deuˬ dawˬ tawˆ luꞈ, kʼoeˇ gaˇ uiˬ laˇ-euˬ meh.

Gʼaˬkʼehˇ 23:26

“Huiˬ-eu mahˇ-eu sahˬ paˬ Peˬliˇ jawˇ gaˇ, ngaˇ Gaˬlawˇdiˇ Luˇsiˆ sahˬ boꞈ boꞈ-awˇ dawˬ cawˬ puˬ ahˇ leꞈ-eu ma.

Gʼaˬkʼehˇ 26:7

Aˬ dui-euˬ tsawˇ jeuˬ tseˇ nyiꞈ jeuˬ luꞈ, uˬ ciꞈ nah gʼahˇ maˬ ehˇ, Miˬyehˇ-ahˇ uˬ duˬ tahˬ tahˬ-ehˇ noeˬ tmˬ luꞈ-eu kʼoeˇ kʼawꞈ, nymˬ-mˇ ngaˇ noeˬ tmˬ luꞈ-eu heu hmˬ meh. Sahˬ paˬ-oˇ, kʼoeˇ loꞈ-ehˇ noeˬ tmˬ-eu heu hmˬ baˬ da neh Yuˇdaˆ tsawˇ haˬ deuˬ ngaˬ-ahˇ yaˇ kʼaˬ ja-eu meh.

Gʼaˬkʼehˇ 8:1

Aˬ yawꞈ-ahˇ kʼoeˇ loꞈ-ehˇ sehꞈ gaˇ, Sawˇluˆ kʼawꞈ nui ma tsaˬ-euˬ meh. Kʼoeˇ ngeh nah, Yeˬluˇsaˬlehˬ meuˬ-ahˇ jawˇ-eu Ka li zaˬ aˇ muˇ, kʼehˬ-eu kʼaˆ-eu jeˬ-ahˇ yaw kʼaˆ-ehˇ ya daˬ-euˬ meh. Gʼaˬ kʼehˇ deuˬ maˬ ngeuˇ naˇ, jah-eu tsawˇ haˬ dawˬ tawˆ luꞈ Yuˇdaˆ miˇ kʼahˬ hawˇ-eu Saˬmaˬliˇ miˇ kʼahˬ doe ni cehˆ byaˆ jiˇ-euˬ meh.

Lormav 1:1

Ngaˇ-aˬ, Yeˬsuˇ Ka liˬ-euˬ zaˬ kʼaˆ Pawˇluˆ ma. Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ, Miˬyehˇ neh tseˇ doˆ-awˇ kuˇ-euˬ gʼaˬ kʼehˇ tiˬ gʼaˬ pyeuꞈ-eu ma.

Gaˬlaˬtiˆ 1:19

Sahˬpaˬ Yeˬsuˇ-euˬ aˬ nyiˇ Yaˬkoˆ maˬ ngeuˇ naˇ, gʼaˬ kʼehˇ tiˬ gʼaˬ-iˬ ngaˇ maˬ mawˇ-aˬ.

Gaˬlaˬtiˆ 2:12

Yaˬkoˆ neh kʼehˇ gʼeh laꞈ-euˬ tsawˇ haˬ deuˬ maˬ laˇ keuˆ siˬ kʼoeˇ-aˬ, aˬ cawˬ tsawˇ jeuˬ Ka li zaˬ deuˬ nehˬ-ehˇ Beˬtuˆluˆ dzaˬ taꞈ dawˇ taꞈ-euˬ meh. Ehˇ kʼawꞈ, tsawˇ haˬ kʼoeˇ deuˬ laˇ keuˆ ngeh jawˇ, aˬ cawˬ tsawˇ jeuˬ nehˬ-ehˇ maˬ dzaˬ maˬ dawˇ taꞈ ni pyeuꞈ-iˇ-euˬ meh. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ-ahˇ kʼawꞈ baˆ kʼoˆ mehˬ dzaˬ bi yehˬ mawꞈ-eu nui ma ahˇ-eu tsawˇ haˬ kʼoeˇ deuˬ-ahˇ aˬ yawꞈ guˆ-eu meh.

Gaˬlaˬtiˆ 2:9

Aˬ yuiꞈ aˬ tsu geuꞈ luˬ-eu deuˬ pyeuꞈ-eu, Yaˬkoˆ, Beˬtuˆluˆ, Yoˇhaˬ aˬ ha maꞈ kʼawꞈ, Miˬyehˇ neh ngaˬ-ahˇ huiˬ-eu gaˇ heu hmˬ bi mˇ-euˬ meh lehˇ jah-eu meh. Kʼoeˇ miˇ neh, Baˬnaˬbaˆ nga nyaꞈ-ahˇ laꞈ tsaꞈ tsaꞈ-awˇ mˇ cawˬ shaˇ cawˬ loꞈ-ehˇ ha geuꞈ nehˬ laꞈ-euˬ meh. Baˬnaˬbaˆ nga nyaꞈ-aˬ, aˬ cawˬ tsawˇ jeuˬ jawˇ gaˇ mˇ leˇ-awˇ, aˬ yawꞈ maꞈ-aˬ, Yuˇdaˆ tsawˇ haˬ deuˬ jawˇ gaˇ gaˇ mˇ-eu gʼaˇ duˬ yawˬ gʼaˬ na luꞈ nui ma tsaˬ-euˬ ma.

Dawˬmehˬ 28:64

“Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.

Dawˬmehˬ 30:3

nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ gʼawˬ shaˬ gaˬ tehꞈ-a. Aˬ yawꞈ neh nawˬ-ahˇ bi cehˆ byaˆ-euˬ miˇ kʼahˬ laꞈ kʼoeˇ neh aˬ yawꞈ nawˬ-ahˇ paˇ sheuˬ kʼoꞈ laꞈ-awˇ, bi baw bi za le tehꞈ-a.

Dawˬmehˬ 32:26

Aˬ cawˬ maˬ paˇ noeˬ mawˇ coeˇ ni, kʼaˬ puiˬ kʼaˬ lehˇ lehˇ byoˆ nehˬ ma.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.

Piˇliˇpiˆ 1:1

Yeˬsuˇ Ka li-euˬ zaˬ kʼaˆ pyeuꞈ-eu Pawˇluˆ hawˇ-eu Tiˆmoˇseˬ nga nyaꞈ, Yeˬsuˇ Ka li laꞈ kʼoeˇ Piˇliˇpiˆ meuˬ-ahˇ jawˇ luꞈ-eu Ka li zaˬ aˇ muˇ-ahˇ sheuˬ gʼeh-eu deuˬ, caw dehˬ caw toˆ-eu deuˬ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ sahˬ boꞈ boꞈ ahˇ laꞈ-eu ma.

2 Tiˆmoˇseˬ 4:21

Tsahˬ gaˆ maˬ ahˇ le mi naˆ-ehˇ laˇ keuˆ nya ni leh jeh-awˬ. Uˇbuˇluˇ, Puˇbeˬ, Liˇnmˇ, Gaˬlawˇdiˇ aˬ ha maꞈ nawˬ-ahˇ dawˬ cawˬ puˬ ahˇ leꞈ-euˬ meh. Aˬ yuiꞈ aˬ nyiˇ Ka li zaˬ dawˬ tawˆ luꞈ kʼawꞈ, dawˬ cawˬ puˬ ahˇ leꞈ-euˬ meh.

Tiˇtuˆ 1:1

Miˬyehˇ-euˬ zaˬ kʼaˆ hawˇ-eu Yeˬsuˇ Ka li-euˬ gʼaˬ kʼehˇ yeuꞈ-eu ngaˇ Pawˇluˆ heu loꞈ-ehˇ sahˬ boꞈ boꞈ ahˇ leꞈ-eu ma. Miˬyehˇ neh tseˇ doˆ-euˬ tsawˇ haˬ deuˬ-euˬ jah-eu jeˬ-ahˇ caw dehˬ caw toˆ nehˬ-awˇ, aˬ dui-euˬ uˬ duˬ tahˬ-eu zahˇ sahˇ kʼoꞈ heu neh mehˬ taˬ tsoˆ taˬ-euˬ yaw tsaˬ yaw dawˇ jeˬ-ahˇ siˬ nya laˇ ni sheuˬ gʼeh nehˬ-eu gʼaˇ duˬ, ngaˬ-ahˇ tseˇ doˆ-awˇ kʼehˇ gʼeh leꞈ-euˬ meh.

1 Beˬtuˆluˆ 1:1

Yeˬsuˇ Ka li-euˬ gʼaˬ kʼehˇ pyeuꞈ-eu ngaˇ Beˬtuˆluˆ, Aˬ cawˬ miˇ kʼahˬ doe ni bi teh byaˆ jiˇ-awˇ, Boˬtuˆ miˇ kʼahˬ, Gaˬlaˬtiˆ miˇ kʼahˬ, Gaˬbaˬdawˇciˆ miˇ kʼahˬ, Aˬshaˆ miˇ kʼahˬ, Beˬtuˇniˇ miˇ kʼahˬ, heu deuˬ-ahˇ jawˇ byaˆ taˬ-euˬ Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

2 Beˬtuˆluˆ 1:1

Yeˬsuˇ Ka li-euˬ zaˬ kʼaˆ hawˇ-eu gʼaˬ kʼehˇ pyeuꞈ-eu ngaˇ Siˇmoˬ Beˬtuˆluˆ, Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw tsaˬ yaw dawˇ jeˬ baˬ da neh nga maꞈ-euˬ jah-eu jeˬ-ahˇ duˇ-eu aˇ poeˬ kʼaˆ dui dui-eu jah-eu jeˬ za taˬ-euˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

Yuˇdaˆ 1:1

Yeˬsuˇ Ka li-euˬ zaˬ kʼaˆ hawˇ-eu Yaˬkoˆ-euˬ mehˇ nmˇ pyeuꞈ-eu ngaˇ Yuˇdaˆ, Aˬda Miˬyehˇ-euˬ gʼoeˇ-eu gaˬ-eu jeˬ hawˇ-eu Yeˬsuˇ Ka li-euˬ bo saˆ haw piˇ-eu jeˬ laꞈ kʼoeˇ jawˇ luꞈ-eu, Miˬyehˇ neh kuˇ doˆ taˬ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

Panmaeq 7:4

Kʼoeˇ naˇ, naˇ kʼawˇ-ahˇ Miˬyehˇ-euˬ jmˬ diˬ taˬ-euˬ tsawˇ haˬ tiˬ seh oeˬ muiˇ oeˬ heˇ gʼaˬ byah-eu meh lehˇ ngaˬ-ahˇ ehˇ nehˬ laꞈ-euˬ meh. Aˬ yawꞈ maꞈ-aˬ, Iˇsaˬleˬlaˬ tsawˇ jeuˬ tseˇ nyiꞈ jeuˬ laꞈ kʼoeˇ ahˇ-eu tsawˇ haˬ deuˬ meh.