Uˬ duˬ 9:9 - Akha

⁹ Aˬ yawꞈ-euˬ aˬ li deuˬ mawˇ neˇ kʼoeˇ mawˇ-euˬ shiˬ yuˇ laꞈ ngeh, aˬ yawꞈ-euˬ laꞈ noeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ lehꞈ-awˇ, dzehˬ laˇ-euˬ shiˬ deuˬ lawˇ duˬ-euˬ dawˬ pehˬ-ahˇ shehˆ-euˬ meh.

Uˬ duˬ 9:9 ပူးပေါင်းရင်းမြစ်များ

Yeˬsaˬgeˬlaˇ 43:15

Lawˇ-eu shehˇ-eu jeˬ dzah puiˆ duˬ pyeuꞈ-eu kʼoeˇ taˆ taˆ saˬ kʼoeˇ tiˆ kʼawꞈ, tiˬ lmˇ goˇ-eu meh. Kʼoeˇ tiˆ-euˬ laꞈ coeˇ oeˬ coeˇ-ahˇ, tiˬ caˆ goˇ-eu uˬ coeˇ oeˬ kahˬ jahˇ tsoꞈ taˬ-euˬ meh.

Yeˬsaˬgeˬlaˇ 43:20

Mawˇ neˇ kʼoeˇ mawˇ-euˬ shiˬ ui cuiˆ yuˇ-awˇ, lawˇ duˬ-euˬ uˬ coeˇ oeˬ kahˬ-ahˇ maˬ ehˇ, gʼahˇ ceh tiˆ-euˬ laꞈ coeˇ oeˬ coeˇ hawˇ-eu daˇ bahˇ caw caw-ehˇ maˬ ehˇ, nawˇ lehꞈ doe-eu laꞈ kʼoeˇ, lawˇ duˬ kʼoeˇ bi shawˇ laˇ-awˇ a nehˬ-eu zahˇ nawˇ ya jahˇ meh.

Uˬ duˬ 16:18

lawˇ duˬ shawˇ-eu gʼaˇ duˬ maˬ ehˇ, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ maˬ ehˇ, lawˇ duˬ jaˆ gaˇ aˬ yawꞈ ya iˇ meh. Mawˇ neˇ-euˬ shiˬ hawˇ-eu ciꞈ myehꞈ-euˬ shiˬ yuˇ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ aˬ yawꞈ ya lehꞈ meh.

Uˬ duˬ 4:25

Piˇ ma gʼaˬ, yawˬ ha-euˬ laꞈ noeˇ jeˬ zaˬ kʼoeˇ mawˇ-euˬ shiˬ laꞈ kʼoeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ ya lehꞈ meh. Dzehˬ laˇ-euˬ shiˬ deuˬ, lawˇ duˬ-euˬ dawˬ pehˬ-ahˇ aˬ yawꞈ ya shehˆ meh.

Uˬ duˬ 4:30

Piˇ ma gʼaˬ, aˬ yawꞈ-euˬ laꞈ noeˇ jeˬ zaˬ kʼoeˇ mawˇ-euˬ shiˬ laꞈ kʼoeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ ya lehꞈ meh. Dzehˬ laˇ-euˬ shiˬ deuˬ, lawˇ duˬ dawˬ pehˬ-ahˇ aˬ yawꞈ ya shehˆ meh.

Uˬ duˬ 8:15

Mawˇ neˇ kʼoeˇ mawˇ-ahˇ Moˇseˬ sehꞈ-euˬ meh. Lawˇ duˬ a nehˬ-eu gʼaˇ duˬ, mawˇ neˇ kʼoeˇ mawˇ-euˬ shiˬ ui cuiˆ yuˇ-awˇ, aˬ yawꞈ-euˬ laꞈ noeˇ kʼoeˇ gaˇ cawˬ duiˆ-awˇ, lawˇ duˬ-euˬ laꞈ coeˇ-ahˇ tsoꞈ doˆ-eu uˬ coeˇ deuˬ-ahˇ lehꞈ-euˬ meh. Dzehˬ laˇ-euˬ shiˬ deuˬ yuˇ-awˇ, lawˇ duˬ-euˬ dawˬ pehˬ-ahˇ shehˆ-euˬ meh. Kʼoeˇ loꞈ-ehˇ jahˇ-awˇ, lawˇ duˬ kʼoeˇ a nehˬ-awˇ bi muiˬ bi shawˇ laˇ-euˬ meh.

Uˬ duˬ 9:10

Kʼoeˇ naˇ, Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, mawˇ neˇ kʼoeˇ mawˇ-euˬ tsiˇ, gʼawˬ siˬ hawˇ-eu, muiˬ dui dui-eu shaˬ tsahˬ ui cuiˆ yuˇ-awˇ, lawˇ duˬ kʼoeˇ taˆ dzah puiˆ-euˬ meh.

Uˬ duˬ 9:12

Kʼoeˇ naˇ, aˬ yawꞈ-euˬ gʼawˇ mawˇ gʼaˇ duˬ, miˬ dzaˬ dzah puiˆ-awˇ lawˇ-eu jeˬ lawˇ-eu lehˇ, jeˬ zaˬ sehꞈ-euˬ meh. Aˬ yawꞈ-euˬ aˬ li deuˬ jeˬ zaˬ kʼoeˇ mawˇ-euˬ shiˬ yuˇ laꞈ-awˇ, lawˇ duˬ-euˬ oeˬ paw pyawˬ luꞈ-ahˇ, shiˬ kʼoeˇ neh aˬ yawꞈ byaˆ-euˬ meh.

Uˬ duˬ 9:18

Iˇsaˬleˬlaˆ tsawˇ haˬ deuˬ gʼaˇ duˬ, cawˬ cawˬ taꞈ-eu lawˇ-eu jeˬ lawˇ nehˬ-eu mawˇ neˇ mawˇ gaw hawˇ-eu yawˇ aˬ buˬ aˬ yawꞈ sehꞈ-euˬ meh. Aˬ yawꞈ-euˬ aˬ li deuˬ jeˬ zaˬ kʼoeˇ nyiˬ mawˇ-euˬ shiˬ yuˇ laꞈ-awˇ, lawˇ duˬ-euˬ oeˬ paw pyawˬ luꞈ-ahˇ byaˆ-euˬ meh.

HeˬByehˇ 2:10

Yawˬ jeˬ na luꞈ-ahˇ beh-awˇ bo saˆ haw piˇ luꞈ-eu gʼaˬ pyeuꞈ-eu Miˬyehˇ neh, aˬ yawꞈ-euˬ zaˬ gʼawˬ mya ni-ahˇ aˬ yawꞈ-euˬ yaw shehꞈ kʼahˬ sehˇ za ni bi sheuˬ laꞈ-eu gʼaˇ duˬ, Yeˬsuˇ-ahˇ shaˬ-eu zahˬ-eu jeˬ bi daˬ-eu laꞈ kʼoeˇ byah laˇ ni jahˇ-euˬ kʼoeˇ-aˬ, tsaˬ dui dui meh. Aˬ jeˬ miˇ neh ehˇ naˇ, aˬ yawꞈ maꞈ ka kʼoꞈ-eu jeˬ za ni sheuˬ gʼeh-eu gʼaˬ-aˬ, Yeˬsuˇ meh.