Uˬ duˬ 9:5 - Akha

⁵ Moˇseˬ neh dawˬ kʼaˇ biꞈ-euˬ loꞈ-ehˇ, yawˬ jeˬ na luꞈ Sehˬ gʼawˆ mehˬ shi aˬ yawꞈ maꞈ yuˇ keuˆ laꞈ-awˇ, tsawˇ haˬ aˇ maꞈ aˇ muˇ dawˬ tawˆ luꞈ, Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ uiˬ laˇ-euˬ meh.

Uˬ duˬ 9:5 ပူးပေါင်းရင်းမြစ်များ

1 Laˬsaˬbaˬ 15:3

Kʼoeˇ naˇ, Daˬbiˇ-aˬ, aˬ yawꞈ neh lehˬ hmˬ taˬ-euˬ jawˇ duˬ-ahˇ Dawˬ ma saˇ jaˇ Bahˬ keuˆ baꞈ taˬ-euˬ gʼaˇ duˬ, Iˇsaˬleˬlaˆ tsawˇ haˬ dawˬ tawˆ luꞈ-ahˇ, Yeˬluˇsaˬlehˬ meuˬ-ahˇ kuˇ uiˬ-euˬ meh.

Neˬhaˬmiˇ 8:1

Ba la shiꞈ siˬ tiˬ siˬ-ahˇ, Iˇsaˬleˬlaˆ tsawˇ haˬ deuˬ yawˬ ha-euˬ meuˬ deuˬ-ahˇ jawˇ duˬ dah jiˇ-euˬ meh. Ba la kʼoeˇ siˬ yaw beh nah-ahˇ, Yeˬluˇsaˬlehˬ laꞈ kʼoeˇ Iˇ cuꞈ lahˇ kʼehˬ dawˬ peh jaˆ-eu pu kaˬ kʼoeˇ tsahˇ-ahˇ aˬ yawꞈ maꞈ uiˬ laˇ jiˇ-euˬ meh. Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ-ahˇ biꞈ taˬ-euˬ Moˇseˬ-euˬ zahˇ dawˬ kʼoꞈ dawˬ sahˬ boꞈ yuˇ doˆ leꞈ-awˬ lehˇ, piˇ ma hawˇ-eu zahˇ dzoeˬ miˬ ma pyeuꞈ-eu Eˇzaˬlaˬ-ahˇ aˬ yawꞈ maꞈ shaˇ-euˬ meh.

Doˆ-iˇ 19:17

Miˬyehˇ-ahˇ tahˬ puˬ leˇ-eu gʼaˇ duˬ, Moˇseˬ aˬ yawꞈ maꞈ-ahˇ sheuˬ doˆ gʼeh-awˇ, gawˬ jawˬ dawˬ dahˬ-ahˇ aˬ yawꞈ maꞈ yawꞈ luꞈ-eu meh.

Uˬ duˬ 9:4

Cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ kʼawꞈ, mawˇ neˇ mawˇ gaw tiˬ mawˇ hawˇ-eu, yawˇ aˬ buˬ tiˬ mawˇ tsahˇ laꞈ-awˬ lehˇ aˬ yawꞈ maꞈ-ahˇ ehˇ nehˬ-awˬ. Jeˬ zaˬ kʼoeˇ deuˬ-ahˇ, tsiˇ keuˬ-euˬ dzaˬ dzaˬ dawˇ dawˇ lawˇ-eu jeˬ nehˬ-ehˇ, Sahˬpaˬ Miˬyehˇ-ahˇ aˬ yawꞈ maꞈ ya lawˇ nehˬ meh. Aˬ jeˬ miˇ neh ehˇ naˇ, iˬ nah aˬ yawꞈ maꞈ-euˬ mehˬ shi, Sahˬpaˬ Miˬyehˇ doˆ le tehꞈ-a.”

Uˬ duˬ 9:6

“Aˬ yawꞈ-euˬ yaw shehꞈ kʼahˬ sehˇ naw maꞈ-euˬ mehˬ shi doˆ le ni, heu deuˬ dawˬ tawˆ luꞈ-ahˇ naw maꞈ ya mˇ meh lehˇ Sahˬpaˬ Miˬyehˇ dawˬ biꞈ taˬ-euˬ meh” lehˇ aˬ yawꞈ maꞈ-ahˇ Moˇseˬ ehˇ nehˬ-euˬ meh.

Dawˬmehˬ 31:12

Yawˬ gʼaˬ na luꞈ ya gaˬ-eu laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ yaw zeu baw-eu siˬ nya laˇ-awˇ, aˬ yawꞈ neh mehˬ nehˬ tsoˆ nehˬ-euˬ jeˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ nya laˇ ni, kʼaˬ dzeˇ zaˬ deuˬ, zaˬ miˬ zaˬ deuˬ, zaˬ deuˬ hawˇ-eu naw maꞈ-euˬ meuˬ deuˬ laꞈ kʼoeˇ jawˇ luꞈ-eu boeˇ miˬ siˬ kʼaˬ dawˬ tawˆ luꞈ-ahˇ kuˇ uiˬ-awˬ.