Uˬ duˬ 9:10 - Akha

¹⁰ Kʼoeˇ naˇ, Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, mawˇ neˇ kʼoeˇ mawˇ-euˬ tsiˇ, gʼawˬ siˬ hawˇ-eu, muiˬ dui dui-eu shaˬ tsahˬ ui cuiˆ yuˇ-awˇ, lawˇ duˬ kʼoeˇ taˆ dzah puiˆ-euˬ meh.

Uˬ duˬ 9:10 ပူးပေါင်းရင်းမြစ်များ

Jaceuq 51:17

Miˬyehˇ-oˇ, ngaˇ nawˬ-ahˇ nui nahˬ nui yu lawˇ nehˬ ma. Nahˬ yu ni gʼeh-eu iˬ baˇ noeˬ poˆ-euˬ nui ma-ahˇ nawˇ maˬ byehˇ dzeh nehˬ laꞈ-a.

Doˆ-iˇ 29:13

Kʼoeˇ naˇ, tsahˬ nahˬ uˇ jiˇ-ahˇ kʼaˇ dawꞈ-eu tsiˇ maˬ ehˇ, muiˬ dui dui-eu shaˬ tsahˬ ui cuiˆ maˬ ehˇ, gʼawˬ siˬ nyiˬ siˬ hawˇ-eu gʼawˬ siˬ-ahˇ dawꞈ-eu tsiˇ maˬ ehˇ, yuˇ-awˇ, lawˇ duˬ kʼoeˇ taˆ puiˇ-awˇ, ngaˬ-ahˇ lawˇ-awˬ.

Dawqdaq 23:26

Ngaˬ li-oˇ, nui ma laꞈ kʼoeˇ ngaˬ-ahˇ haw tsoˆ taˬ-awˇ, ngaˬ-euˬ dehꞈ jeˬ dehꞈ kawˆ-ahˇ dzaw geuꞈ-awˬ.

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Uˬ duˬ 9:11

Ehˇ kʼawꞈ, shaˬ jiˇ hawˇ-eu baˆ kʼoˆ deuˬ-ahˇ pu pu dzeˇ keuˬ puiˆ dzeh-euˬ meh.

Uˬ duˬ 9:9

Aˬ yawꞈ-euˬ aˬ li deuˬ mawˇ neˇ kʼoeˇ mawˇ-euˬ shiˬ yuˇ laꞈ ngeh, aˬ yawꞈ-euˬ laꞈ noeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ lehꞈ-awˇ, dzehˬ laˇ-euˬ shiˬ deuˬ lawˇ duˬ-euˬ dawˬ pehˬ-ahˇ shehˆ-euˬ meh.