Uˬ duˬ 8:9 - Akha

⁹ Aˬ yawꞈ-euˬ uˬ duˬ-ahˇ uˬ dzahˬ bi dzahˬ-awˇ, Sahˬpaˬ Miˬyehˇ neh dawˬ biꞈ taˬ-eu loꞈ-ehˇ, a nehˬ-eu gaˇ taꞈ leˇ-eu muiˬ-eu shawˇ-eu saˇ kiˇ pyeuꞈ-eu muiˬ-eu shawˇ-eu shuiˇ pehˇ gʼawˆ yuˇ-awˇ, uˬ dzahˬ-euˬ mehˬ shi paꞈ tawꞈ nehˬ-euˬ meh.

Uˬ duˬ 8:9 ပူးပေါင်းရင်းမြစ်များ

Doˆ-iˇ 28:4

Kʼahˬ-ahˇ dehˬ daˬ duˬ, pehˇ kʼahˬ pehˇ nymˇ, pehˇ kʼahˬ pehˇ mahˇ, aˇ boꞈ boꞈ taˬ-euˬ pehˇ kʼahˬ, uˬ dzahˬ, dzoꞈ tsiˬ, heu deuˬ guꞈ-awˬ lehˇ aˬ yawꞈ maꞈ-ahˇ ehˇ nehˬ-awˬ. Nawˬ-euˬ aˇ doˆ Aˬloˬ hawˇ-eu aˬ yawꞈ-euˬ aˬ li deuˬ, ngaˬ-euˬ gaˇ mˇ-eu piˇ ma geuꞈ-eu gʼaˇ duˬ, piˇ ma-euˬ dm gʼaˬ dm lmˇ deuˬ ya guꞈ nehˬ meh lehˇ aˬ yawꞈ maꞈ-ahˇ nawˇ ehˇ nehˬ-awˬ.

Doˆ-iˇ 29:6

Aˬ yawꞈ-ahˇ uˬ dzahˬ bi dzahˬ-awˇ, ‘Sahˬpaˬ Miˬyehˇ-ahˇ a nehˬ taˬ-euˬ’ lehˇ boꞈ taˬ-euˬ muiˬ-eu shawˇ-eu pehˇ gʼawˆ kʼoeˇ hmˬ uˬ dzahˬ-ahˇ paꞈ tawꞈ nehˬ-awˬ.

Doˆ-iˇ 40:16

Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ-ahˇ Moˇseˬ mˇ-euˬ meh.

Uˬ duˬ 8:21

Kʼoeˇ naˇ, tsahˬ nahˬ uˇ nahˬ baw uˇ baw ma dawˬ tawˆ luꞈ hawˇ-eu, aˬ kuiˇ aˬ laꞈ dawˬ tawˆ luꞈ-ahˇ tsiˬ shawˇ gʼaˬ ngeh, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, lawˇ duˬ kʼoeˇ taˆ Moˇseˬ dzah puiˆ-awˇ, miˬ dzaˬ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ lawˇ nehˬ-euˬ meh. Miˬ dzaˬ dzah puiˆ-awˇ lawˇ-eu kʼoeˇ-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh.

Uˬ duˬ 8:36

Kʼoeˇ naˇ, Aˬloˬ hawˇ-eu aˬ yawꞈ-euˬ aˬ li deuˬ-aˬ, Sahˬpaˬ Miˬyehˇ neh Moˇseˬ-ahˇ gʼoe-awˇ, aˬ yawꞈ maꞈ-ahˇ dawˬ kʼaˇ biꞈ-euˬ yawˬ jeˬ na luꞈ mˇ-euˬ meh.

Zaˬkaˬliˇ 3:5

Yawˇshuˆ-ahˇ uˬ dzahˬ yaw shawˇ bi dzahˬ-eu gʼaˇ duˬ, aˬ yawꞈ mehˬ shi yawꞈ luꞈ-eu kʼoeˇ deuˬ-ahˇ aˬ yawꞈ dawˬ biꞈ ngeh, aˬ yawꞈ maꞈ Yawˇshuˆ-ahˇ uˬ dzahˬ bi dzahˬ-awˇ, mehˬ tsoeˬ yaw shuiꞈ bi dm-euˬ meh. kʼoeˇ ngeh, Sahˬpaˬ Miˬyehˇ-euˬ mˬ taˆ gʼaˬ kʼehˇ kʼoeˇ gʼaˬ kʼoeˇ gaˇ yawꞈ luꞈ-eu meh.