Uˬ duˬ 8:8 - Akha

⁸ Kʼoeˇ naˇ, kʼahˬ-ahˇ dehˬ daˬ duˬ bi dm-awˇ, Uˇleˬ hawˇ-eu Duˇmeˬ dawˆ ahˇ nehˬ-euˬ meh.

Uˬ duˬ 8:8 ပူးပေါင်းရင်းမြစ်များ

Eˇzaˬlaˬ 2:63

Uˇleˬ hawˇ-eu Duˇmeˬ ahˇ-eu piˇ ma tiˬ gʼaˬ maˬ doˆ laˇ kʼoeˇ keuˆ ni, Miˬyehˇ-ahˇ damˬ nehˬ lawˇ nehˬ gʼaˬ-euˬ dzaˬ dzaˬ dawˇ dawˇ-ahˇ aˬ yawꞈ maꞈ maˬ ya dzaˬ-a lehˇ, Yuˇdaˆ tsawˇ jeuˬ-ahˇ uˆ lahˇ-eu gʼaˬ aˬ yawꞈ maꞈ-ahˇ ehˇ nehˬ-euˬ meh.

Neˬhaˬmiˇ 7:65

Uˇleˬ hawˇ-eu Duˇmeˬ ahˇ-eu piˇ ma tiˬ gʼaˬ maˬ doˆ laˇ kʼoeˇ keuˆ ni, Miˬyehˇ-ahˇ damˬ nehˬ lawˇ nehˬ gʼaˬ-euˬ dzaˬ dzaˬ dawˇ dawˇ-ahˇ aˬ yawꞈ maꞈ maˬ ya dzaˬ-a lehˇ, Yuˇdaˆ miˇ kʼahˬ-ahˇ uˆ lahˇ-eu gʼaˬ aˬ yawꞈ maꞈ-ahˇ ehˇ nehˬ-euˬ meh.

Doˆ-iˇ 29:1

“Aˬloˬ hawˇ-eu aˬ yawꞈ-euˬ aˬ li deuˬ, ngaˬ-eu gaˇ mˇ-eu piˇ ma geuꞈ-eu gʼaˇ duˬ, nawˇ heu loꞈ-ehˇ jahˇ-awˇ ya a nehˬ meh. Maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ hawˇ-eu yawˇ aˬ buˬ tiˬ mawˇ yuˇ-awˬ.

Dawˬ caˇ 8:6

Ngaˬ-ahˇ maˬ ngeuˇ naˇ nui gʼaˬ-ahˇ taˬ gaˬ. Ngaˬ-ahˇ maˬ ngeuˇ naˇ nui gʼaˬ-ahˇ taˬ byaˇ tawꞈ. Gaˬ-euˬ jeˬ-aˬ, shiˇ-eu jeˬ loꞈ-ehˇ doꞈ kʼaˆ-awˇ, myaˆ naˆ-eu jeˬ lmˬ bymˇ nehˬ-ehˇ tiˬ mehˇ nmˇ meh. Nui gaˬ miˬ dzaˬ doꞈ doˆ laˇ ngeh, yaˇ saˬ miˬ dzaˬ puiˆ gaˇ duˇ tehꞈ-a.

Iˇsaˬyaˇ 59:17

Shmˇ mehˬ tsoeˬ dm kaˬ-eu loꞈ-ehˇ, yaw tsaˬ yaw dawˇ jeˬ aˬ yawꞈ dm gʼoeˬ-awˇ, ka kʼoꞈ-eu uˬ kʼoˆ kʼoˆ tehꞈ-a. Laꞈ poˆ poˆ-eu pehˇ kʼahˬ aˬ yawꞈ dm-awˇ, nui ma pehˇ-eu pehˇ kʼahˬ pehˇ ma dm daˆ tehꞈ-a.

Bawˇtsahˬ 27:21

Uˇleˬ hawˇ-eu Duˇmeˬ zmˬ-eu laꞈ kʼoeˇ ngaˬ-eu nui kʼahˇ-ahˇ siˬ nya-eu piˇ ma Eˇlaˬzaˬ-ahˇ aˬ yawꞈ ya gʼoe meh. Yawˬ jeˬ na luꞈ laꞈ kʼoeˇ, Eˇlaˬzaˬ neh mehˬ nehˬ tsoˆ nehˬ-euˬ loꞈ-ehˇ, Yawˇshuˆ hawˇ-eu Iˇsaˬleˬlaˆ tsawˇ haˬ aˇ maꞈ dawˬ tawˆ luꞈ ya mˇ meh.”

Eˇpeˇsu 6:14

Kʼoeˇ miˇ neh, yaw sui yaw dawˇ jeˬ joꞈ paꞈ paꞈ-awˇ, yaw tsaˬ yaw dawˇ jeˬ kʼahˬ-ahˇ dehˬ kaˬ-awˇ yawꞈ-awˬ.

Dawˬmehˬ 33:8

Leˬbiˇ gaˇ kawˆ Moˇseˬ ehˇ-eu, “Sahˬpaˬ Miˬyehˇ nawˬ-euˬ nui noeˬ, Leˬbiˇ tsawˇ haˬ deuˬ-ahˇ gʼoe-awˇ, Uˇleˬ Duˇmeˬ neh pah mehˬ-awˬ. Maˬsah lehˇ kuˇ-euˬ jawˇ duˬ-ahˇ, yawꞈ maꞈ-ahˇ nawˇ pyehˆ tseˇ haw-awˇ, Meˬliˇbaˬ lawˇ gawˆ lawˇ dzeˇ-ahˇ, yawꞈ maꞈ-ahˇ nawˇ lawˬ haw-euˬ meh.

1 Teˇsaˬloˇni 5:8

Ehˇ kʼawꞈ, aˬ dui-aˬ, nah gʼahˇ-euˬ zaˬ pyeuꞈ-eu miˇ neh, yawˬ ha-euˬ nui ma-ahˇ nyehꞈ tehˬ taˬ-eu tsaˬ meh. Jah-eu jeˬ hawˇ-eu gʼoeˇ-eu gaˬ-eu jeˬ-ahˇ guiˇ deuˆ ngeh kʼahˬ-ahˇ dehˬ daˬ-eu shmˇ byaˆ dm-eu loꞈ-ehˇ dm-awˇ, noeˬ tmˬ-eu jeˬ-ahˇ uˬ duˬ-ahˇ tsahˬ-eu shmˇ uˬ kʼoˆ loꞈ-ehˇ tsahˬ kaˇ-euˇ.

1 Saˬmeuˬlaˆ 2:28

Piˇ ma geuꞈ-awˇ, lawˇ duˬ-ahˇ ngaˬ-euˬ gaˇ bi mˇ-eu gʼaˇ duˬ maˬ ehˇ, tsiˇ yaw saw jeˬ doꞈ-eu gʼaˇ duˬ maˬ ehˇ, piˇ ma deuˬ ya dm-eu pehˇ kʼahˬ pehˇ nymˇ dm-awˇ ngaˬ-euˬ mehˬ shi bi laˇ-eu gʼaˇ duˬ maˬ ehˇ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu laꞈ kʼoeˇ, Aˬloˬ-euˬ nymˇ jiˇ-ahˇ ngaˇ tseˇ doˆ-euˬ ma. Lawˇ duˬ kʼoeˇ taˆ dzah puiˆ-awˇ lawˇ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ bi baw-euˬ ma.

1 Saˬmeuˬlaˆ 28:6

Kʼoeˇ miˇ neh, aˬ joˆ-ehˇ ya jahˇ-eu gaˇ kawˆ, Sahˬpaˬ Miˬyehˇ-ahˇ aˬ yawꞈ naˇ haˬ-euˬ meh. Ehˇ kʼawꞈ, yuꞈ maˆ maˆ-eu laꞈ kʼoeˇ maˬ ehˇ, Uˇleˬ hawˇ-eu Duˇmeˬ-ahˇ gʼoe-eu laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ maˬ ehˇ, Sahˬpaˬ Miˬyehˇ-ahˇ aˬ yawꞈ naˇ haˬ kʼawꞈ, aˬ yawꞈ-ahˇ Sahˬpaˬ Miˬyehˇ tiˬ jeˬ-iˬ maˬ ehˇ kʼoꞈ nehˬ-a.