Uˬ duˬ 8:3 - Akha

³ Kʼoeˇ naˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ-ahˇ kʼoeˇ gaˇ kuˇ uiˬ-awˬ.”

Uˬ duˬ 8:3 ပူးပေါင်းရင်းမြစ်များ

1 Laˬsaˬbaˬ 13:5

Giˇliˇyaˆyeˬlmˬ meuˬ-ahˇ jaˆ-eu Dawˬ ma saˇ jaˇ Bahˬ keuˆ-ahˇ, Yeˬluˇsaˬlehˬ meuˬ-ahˇ baꞈ kʼoꞈ keuˆ laꞈ-eu gʼaˇ duˬ, laꞈ oˆ paw Iˇjiˇtuˆ miˇ kʼahˬ-ahˇ neh, laꞈ taˆ paw Haˬmaˆ gʼaˬ lahˇ-ahˇ keuˆ ni jawˇ-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ, Daˬbiˇ neh kuˇ uiˬ-euˬ meh.

1 Laˬsaˬbaˬ 15:3

Kʼoeˇ naˇ, Daˬbiˇ-aˬ, aˬ yawꞈ neh lehˬ hmˬ taˬ-euˬ jawˇ duˬ-ahˇ Dawˬ ma saˇ jaˇ Bahˬ keuˆ baꞈ taˬ-euˬ gʼaˇ duˬ, Iˇsaˬleˬlaˆ tsawˇ haˬ dawˬ tawˆ luꞈ-ahˇ, Yeˬluˇsaˬlehˬ meuˬ-ahˇ kuˇ uiˬ-euˬ meh.

2 Laˬsaˬbaˬ 30:13

Dehˬ tseˬ maˬ ahˇ-eu kaˬ muˇ dzaˬ-eu bawˬ-iˬ gʼeh-eu gʼaˇ duˬ, ba la nyiˬ siˬ tiˬ siˬ-ahˇ, Yeˬluˇsaˬlehˬ meuˬ laꞈ kʼoeˇ tsawˇ haˬ gʼawˬ mya ni uiˬ laˇ-euˬ meh.

2 Laˬsaˬbaˬ 30:2

Sahˬ paˬ hawˇ-eu, aˬ yawꞈ-euˬ yaw huiˬ yaw mahˇ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ dawˬ tawˆ luꞈ, ba la nyiˬ siˬ tiˬ siˬ-ahˇ Baˬsaˬkaˬ bawˬ-iˬ gʼeh ma lehˇ bawˬ dzaˬ duˬ-euˬ meh.

2 Laˬsaˬbaˬ 30:25

Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ maˬ ehˇ, Leˬbiˇ tsawˇ haˬ deuˬ maˬ ehˇ, laꞈ taˆ paw neh oe-euˬ deuˬ maˬ ehˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ jawˇ duˬ dah-awˇ jawˇ-eu aˬ cawˬ tsawˇ jeuˬ deuˬ maˬ ehˇ, kʼaˇ uiˬ laˇ-euˬ deuˬ dawˬ tawˆ luꞈ laˬ kʼaˬ cehˇ dui dui-eu meh.

2 Laˬsaˬbaˬ 5:2

Kʼoeˇ naˇ, Ziˇoˬ lehˇ kuˇ-eu Daˬbiˇ-euˬ meuˬ-ahˇ jaˆ-eu Dawˬ ma saˇ jaˇ Bahˬ keuˆ-ahˇ, Uˬ duˬ tahˬ nymˇ nymˇ ma laꞈ kʼoeˇ baꞈ ahˇ-eu gʼaˇ duˬ, Iˇsaˬleˬlaˆ tsawˇ jeuˬ tsawˇ ca deuˬ-euˬ aˬ yuiꞈ aˬ tsu dawˬ tawˆ luꞈ-ahˇ, Yeˬluˇsaˬlehˬ meuˬ-ahˇ aˬ yawꞈ jawˇ gaˇ uiˬ laˇ-awˬ lehˇ sahˬ paˬ Sawˇlaˬmoˬ kuˇ-euˬ meh.

2 Laˬsaˬbaˬ 5:6

Sahˬ paˬ Sawˇlaˬmoˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Dawˬ ma saˇ jaˇ Bahˬ keuˆ mehˬ shi uiˬ leˇ-awˇ, maˬ gui jiˇ coeˇ gaˇ keuˆ ni myaˬ-eu yawˇ hawˇ-eu mawˇ neˇ deuˬ lawˇ-euˬ meh.

Neˬhaˬmiˇ 8:1

Ba la shiꞈ siˬ tiˬ siˬ-ahˇ, Iˇsaˬleˬlaˆ tsawˇ haˬ deuˬ yawˬ ha-euˬ meuˬ deuˬ-ahˇ jawˇ duˬ dah jiˇ-euˬ meh. Ba la kʼoeˇ siˬ yaw beh nah-ahˇ, Yeˬluˇsaˬlehˬ laꞈ kʼoeˇ Iˇ cuꞈ lahˇ kʼehˬ dawˬ peh jaˆ-eu pu kaˬ kʼoeˇ tsahˇ-ahˇ aˬ yawꞈ maꞈ uiˬ laˇ jiˇ-euˬ meh. Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ-ahˇ biꞈ taˬ-euˬ Moˇseˬ-euˬ zahˇ dawˬ kʼoꞈ dawˬ sahˬ boꞈ yuˇ doˆ leꞈ-awˬ lehˇ, piˇ ma hawˇ-eu zahˇ dzoeˬ miˬ ma pyeuꞈ-eu Eˇzaˬlaˬ-ahˇ aˬ yawꞈ maꞈ shaˇ-euˬ meh.

Jaceuq 22:25

Tsawˇhaˬtiˬbyah uiˬleˇ-euˬgaˇ, nawˬ-euˬkuiˇzaˇlaꞈzaˇgaˇkawˆ, nawˬ-ahˇngaˇja ceuˬnehˬ-eu ma. Ngaˬneh saˇjaˇdzaˬ-euˬloꞈ-ehˇ, nawˬ-ahˇzeu-eu deuˬ-euˬmehˬshi, lawˇ-eu shehˇ-eu jeˬngaˇmˇma.

Uˬ duˬ 14:11

Tsawˇ haˬ kʼoeˇ gʼaˬ hawˇ-eu aˬ yawꞈ neh yuˇ laꞈ-euˬ lawˇ-eu jeˬ kʼoeˇ ahˇ, Sahˬpaˬ Miˬyehˇ jawˇ-eu sehˬ gʼawˆ-euˬ gʼoˆ kʼehˬ-ahˇ piˇ ma gʼaˬ ya yuˇ gʼeh-eu meh.

Uˬ duˬ 8:2

“Aˬloˬ hawˇ-eu aˬ yawꞈ-euˬ aˬ li deuˬ-ahˇ, ngaˇ jawˇ-eu Sehˬ gʼawˆ-ahˇ sheuˬ laꞈ-awˇ, piˇ ma-euˬ dm gʼaˬ dm lmˇ deuˬ, tseˇ doˆ-euˬ deuˬ-ahˇ lehꞈ-eu tsiˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ mawˇ neˇ mawˇ gaw zaˬ, yawˇ aˬ buˬ nyiˬ mawˇ, dehˬ tseˬ maˬ ahˇ-eu kaˬ muˇ dawˆ ahˇ taˬ-euˬ kʼa sa, heu deuˬ yuˇ laꞈ-awˬ.

Uˬ duˬ 8:4

Sahˬpaˬ Miˬyehˇ neh dawˬ biꞈ nehˬ-euˬ loꞈ-ehˇ Moˇseˬ mˇ-awˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ uiˬ laˇ jiˇ-euˬ meh.

Bawˇtsahˬ 20:8

“Dawˬ ma saˇ jaˇ Bahˬ keuˆ mehˬ shi jaˆ-eu gawˬ yoeˬ yuˇ-awˇ, Iˇsaˬleˬlaˆ tsawˇ haˬ dawˬ tawˆ luꞈ-ahˇ Aˬloˬ naw nyaꞈ kuˇ uiˬ-awˬ. Aˬ yawꞈ maꞈ dawˬ tawˆ luꞈ mehˬ shi, kʼoeˇ gaˇ jaˆ-eu kʼaˬ lo kʼoeˇ siˬ-ahˇ dawˬ ngehˬ nehˬ-awˬ. Kʼaˬ lo kʼoeˇ siˬ laꞈ kʼoeˇ iˇ cuꞈ yoeˇ doˆ le tehꞈ-a. Kʼoeˇ loꞈ-ehˇ jahˇ-awˇ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ-euˬ jeˬ zaˬ deuˬ dawˇ-eu gʼaˇ duˬ, kʼaˬ lo kʼoeˇ siˬ-ahˇ iˇ cuꞈ bi yoeˇ doˆ le-awˬ.”

Bawˇtsahˬ 21:16

Kʼoeˇ gaˇ neh naˇ, Lah duˬ lehˇ kuˇ-eu jawˇ duˬ-ahˇ aˬ yawꞈ maꞈ iˇ-euˬ meh. Jawˇ duˬ kʼoeˇ tsahˇ-ahˇ, Moˇseˬ-ahˇ Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ-ahˇ kuˇ uiˬ-awˬ. Aˬ yawꞈ maꞈ-ahˇ ngaˇ iˇ cuꞈ bi dawˇ ma.”

Bawˇtsahˬ 8:9

Kʼoeˇ naˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ kuˇ uiˬ-awˇ, Leˬbiˇ tsawˇ haˬ deuˬ-ahˇ ngaˇ jawˇ-eu Sehˬ gʼawˆ mehˬ shi bi yawꞈ-awˬ.

Gʼaˬkʼehˇ 2:1

Beˬdeˬgoˇdeˬ aˇ nah keuˆ le ngeh, jah-eu tsawˇ haˬ dawˬ tawˆ luꞈ, tiˬ gaˇ uiˬ leˇ-awˇ jawˇ-euˬ meh.