Uˬ duˬ 8:23 - Akha

²³ Yawˇ kʼoeˇ mawˇ-ahˇ, Moˇseˬ sehꞈ-awˇ, shiˬ ui cuiˆ yuˇ-awˇ, Aˬloˬ-euˬ aˇ maˇ paw naˬ paꞈ naˬ dzaˬ-ahˇ maˬ ehˇ, aˇ maˇ laꞈ laꞈ ma-ahˇ maˬ ehˇ, aˇ maˇ kuiˇ kuiˇ ma-ahˇ maˬ ehˇ, lehꞈ-euˬ meh.

Uˬ duˬ 8:23 ပူးပေါင်းရင်းမြစ်များ

Doˆ-iˇ 29:20

Yawˇ kʼoeˇ mawˇ sehꞈ gʼaˬ naˇ, shiˬ ui cuiˆ yuˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-euˬ aˇ maˇ paw naˬ paꞈ naˬ dzaˬ-ahˇ maˬ ehˇ, aˇ maˇ laꞈ laꞈ ma-ahˇ maˬ ehˇ, aˇ maˇ kuiˇ kuiˇ ma-ahˇ maˬ ehˇ, lehꞈ-awˬ. Dzeˇ-eu shiˬ deuˬ yuˇ-awˇ, lawˇ duˬ-euˬ oeˬ paw pyawˬ luꞈ-ahˇ shehˆ-awˬ.

Doˆ-iˇ 29:21

Lawˇ duˬ kʼoeˇ taˆ jaˆ-eu shiˬ ui cuiˆ hawˇ-eu, tseˇ doˆ-euˬ tsawˇ haˬ-ahˇ lehꞈ-eu tsiˇ ui cuiˆ yuˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ maꞈ-euˬ dm gʼaˬ dm lmˇ deuˬ-ahˇ maˬ ehˇ, byaˆ shehˬ-awˬ. Kʼoeˇ loꞈ-ehˇ jahˇ-eu jeˬ-aˬ, Aˬloˬ maˬ ehˇ, aˬ yawꞈ-euˬ aˬ li deuˬ maˬ ehˇ, aˬ yawꞈ maꞈ-euˬ dm gʼaˬ dm lmˇ deuˬ maˬ ehˇ, ngaˬ-ahˇ a nehˬ-eu jeˬ pyeuꞈ-eu meh.

Uˬ duˬ 14:14

Piˇ ma gʼaˬ yawˇ zaˬ kʼoeˇ mawˇ-euˬ shiˬ ui cuiˆ yuˇ-awˇ, bi shawˇ laˇ-eu lehˇ gʼeh-eu tsawˇ haˬ kʼoeˇ gʼaˬ-euˬ aˇ maˇ paw naˬ paꞈ naˬ dzaˬ-ahˇ maˬ ehˇ, aˇ maˇ kuiˇ kuiˇ ma-ahˇ maˬ ehˇ, ya lehꞈ nehˬ meh.

Uˬ duˬ 14:17

Aˬ yawꞈ-euˬ laꞈ zaˬ-ahˇ ahˇ-eu tsiˇ ui cuiˆ hawˇ-eu, yawˇ zaˬ kʼoeˇ mawˇ-euˬ shiˬ ui cuiˆ yuˇ-awˇ, bi shawˇ laˇ-eu lehˇ gʼeh-eu tsawˇ haˬ kʼoeˇ gʼaˬ-euˬ aˇ maˇ paw naˬ paꞈ naˬ dzaˬ-ahˇ maˬ ehˇ, aˇ maˇ laꞈ laꞈ ma-ahˇ maˬ ehˇ, aˇ maˇ kuiˇ kuiˇ ma-ahˇ maˬ ehˇ, ya lehꞈ meh.

Uˬ duˬ 14:25

Piˇ ma gʼaˬ yawˇ zaˬ kʼoeˇ mawˇ sehꞈ-awˇ, shiˬ ui cuiˆ yuˇ-awˇ, bi shawˇ laˇ-eu lehˇ gʼeh-eu tsawˇ haˬ kʼoeˇ gʼaˬ-euˬ aˇ maˇ paw naˬ paꞈ naˬ dzaˬ-ahˇ maˬ ehˇ, aˇ maˇ laꞈ laꞈ ma-ahˇ maˬ ehˇ, aˇ maˇ kuiˇ kuiˇ ma-ahˇ maˬ ehˇ, ya lehꞈ meh.

Uˬ duˬ 14:28

Yaw beh shiˬ yuˇ-awˇ lehꞈ-euˬ loꞈ-ehˇ, tsawˇ haˬ kʼoeˇ gʼaˬ-euˬ aˇ maˇ paw naˬ paꞈ naˬ dzaˬ-ahˇ maˬ ehˇ, aˇ maˇ laꞈ laꞈ ma-ahˇ maˬ ehˇ, aˇ maˇ kuiˇ kuiˇ ma-ahˇ maˬ ehˇ, tsiˇ kʼoeˇ neh piˇ ma gʼaˬ paˇ ya lehꞈ nehˬ meh.

Uˬ duˬ 7:37

Laꞈ taˆ paw ehˇ gʼaˬ-euˬ gaˇ kawˆ heu deuˬ-aˬ, miˬ dzaˬ dzah puiˆ-awˇ lawˇ-eu jeˬ, dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ, dziˇ dzoˆ tsoeˬ-eu lawˇ-eu jeˬ, aˇ yaˬ biꞈ-eu lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ-ahˇ taꞈ leˇ-eu zahˇ sahˇ kʼoꞈ deuˬ pyeuꞈ-eu meh.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Lormav 6:13

Maˬ muiˬ-eu jeˬ mˇ gaˇ zmˬ-eu keu ka bi pyeuꞈ-eu gʼaˇ duˬ naw maꞈ-euˬ gʼawˇ mawˇ tiˬ pyehˬ tehꞈ-ehˇ kʼawꞈ iˬ baˇ-euˬ baoˬ-ahˇ maˬ a nehˬ ni, shiˇ-euˬ gaˇ paˇ gʼoꞈ dehꞈ laˇ-euˬ tsawˇ haˬ loꞈ-ehˇ naw maꞈ-euˬ nui ma gʼawˇ mawˇ dawˬ tawˆ luꞈ Miˬyehˇ-ahˇ a nehˬ jiˇ-awˇ, yaw tsaˬ yaw dawˇ jeˬ gʼaˇ duˬ zmˬ-eu keu ka bi pyeuꞈ-awˬ.

Lormav 6:19

Naw maꞈ gʼoˆ siˬ gʼoˆ shaw nya-eu paw dzeˇ gʼaˬ baˬ-eu miˇ neh, yawˬ nah na luꞈ ngehˬ luꞈ-eu dawˬ deuˬ-ahˇ zmˬ-awˇ ngaˇ ehˇ-eu ma. Dzeuˇ laˇ ngeh, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu maˬ muiˬ maˬ jaˬ-eu jeˬ-euˬ zaˬ kʼaˆ geuꞈ-eu laꞈ kʼoeˇ, maˬ tsaˬ maˬ dawˇ-eu jeˬ-ahˇ mˇ-eu gʼaˇ duˬ naw maꞈ-euˬ nui ma gʼawˇ mawˇ dawˬ tawˆ luꞈ a nehˬ-euˬ meh. Kʼoeˇ loꞈ-ehˇ duˇ ni, nymˬ-mˇ poˆ jawˇ-aˬ, yaw tsaˬ yaw dawˇ jeˬ-euˬ zaˬ kʼaˆ geuꞈ-eu laꞈ kʼoeˇ yaw muiˬ yaw shawˇ jeˬ-ahˇ mˇ-eu gʼaˇ duˬ, nui ma gʼawˇ mawˇ dawˬ tawˆ luꞈ a nehˬ-awˬ.

1 Gawˇliˬtu 1:2

Miˬyehˇ-euˬ muiˬ-eu shawˇ-eu tsawˇ haˬ bi geuꞈ-eu gʼaˇ duˬ bi kuˇ doˆ-awˇ, aˬ dui-euˬ Sahˬpaˬ Yeˬsuˇ ka li-ahˇ uˬ duˬ kʼaˇ tahˬ-eu yawˬ gaˇ na luꞈ jawˇ-eu tsawˇ haˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, aˬ dui-euˬ Sahˬpaˬ hawˇ-eu aˬ yawꞈ maꞈ-euˬ Sahˬpaˬ pyeuꞈ-eu Yeˬsuˇ Ka li laꞈ kʼoeˇ Miˬyehˇ-euˬ tsawˇ haˬ pyeuꞈ laˇ-euˬ Gawˇliˬtu meuˬ-ahˇ jawˇ-eu Ka li zaˬ aˇ muˇ jawˇ gaˇ sahˬ boꞈ boꞈ ahˇ laꞈ-eu ma.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

1 Gawˇliˬtu 6:20

Miˬyehˇ neh aˇ poeˬ biꞈ-awˇ zeuˇ tsehˆ gʼaˬ-euˬ meh. Kʼoeˇ miˇ neh, naw maꞈ-euˬ gʼawˇ mawˇ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bi doˆ laˇ-awˬ.

Piˇliˇpiˆ 1:20

Ngaˇ geuꞈ mawꞈ dui dui-awˇ noeˬ tmˬ taˬ-euˬ jeˬ-aˬ, ngaˇ mˇ paˬ-ehˇ gʼeh-eu gaˇ deuˬ-ahˇ aˬ myah luꞈ mˇ-eu uˬ taꞈ, hehˬ nymˬ-mˇ ngaˇ dehꞈ-eu maˬ ehˇ, shiˇ-eu maˬ ehˇ, kʼaˇ mˇ kʼaˇ shaˇ-eu jeˬ dawˬ tawˆ luꞈ laꞈ kʼoeˇ Ka li-ahˇ aˬ cawˬ yaw zeu baw laˇ-eu gʼaˇ duˬ nui ma kʼaˬ duˬ ni taˬ nya-eu jeˬ-ahˇ geuꞈ mawꞈ-eu ma.

Piˇliˇpiˆ 2:17

Naw maꞈ-euˬ jah-eu jeˬ Miˬyehˇ-ahˇ lawˇ nehˬ-euˬ kʼoeˇ taˆ, ngaˬ-euˬ shiˬ ya shehˆ daˆ nehˬ law hawˇ kʼawꞈ, ngaˇ nui kʼahˇ shiˇ-awˇ, naw maꞈ dawˬ tawˆ luꞈ nehˬ-ehˇ tiˬ kawˆ loꞈ-ehˇ laˬ kʼaˬ caw cehˇ-eu ma.

1 Teˇsaˬloˇni 5:22

Yaw muiˬ deuˬ-ahˇ jeˬ hmˬ geuꞈ-awˬ. Maˬ muiˬ-eu yawˬ jeˬ na luꞈ-ahˇ gaˇ jaw jaw-awˬ.

HeˬByehˇ 2:10

Yawˬ jeˬ na luꞈ-ahˇ beh-awˇ bo saˆ haw piˇ luꞈ-eu gʼaˬ pyeuꞈ-eu Miˬyehˇ neh, aˬ yawꞈ-euˬ zaˬ gʼawˬ mya ni-ahˇ aˬ yawꞈ-euˬ yaw shehꞈ kʼahˬ sehˇ za ni bi sheuˬ laꞈ-eu gʼaˇ duˬ, Yeˬsuˇ-ahˇ shaˬ-eu zahˬ-eu jeˬ bi daˬ-eu laꞈ kʼoeˇ byah laˇ ni jahˇ-euˬ kʼoeˇ-aˬ, tsaˬ dui dui meh. Aˬ jeˬ miˇ neh ehˇ naˇ, aˬ yawꞈ maꞈ ka kʼoꞈ-eu jeˬ za ni sheuˬ gʼeh-eu gʼaˬ-aˬ, Yeˬsuˇ meh.

HeˬByehˇ 5:8

Aˬ yawꞈ Miˬyehˇ-euˬ Zaˬmaˇ pyeuꞈ-eu kʼawꞈ, shaˬ-eu zahˬ-eu jeˬ-ahˇ daˬ-eu laꞈ kʼoeˇ, Miˬyehˇ-euˬ ehˇ dawˬ naˇ haˬ-eu jeˬ-ahˇ siˬ nya laˇ-euˬ meh.