Uˬ duˬ 7:37 - Akha

³⁷ Laꞈ taˆ paw ehˇ gʼaˬ-euˬ gaˇ kawˆ heu deuˬ-aˬ, miˬ dzaˬ dzah puiˆ-awˇ lawˇ-eu jeˬ, dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ, dziˇ dzoˆ tsoeˬ-eu lawˇ-eu jeˬ, aˇ yaˬ biꞈ-eu lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ-ahˇ taꞈ leˇ-eu zahˇ sahˇ kʼoꞈ deuˬ pyeuꞈ-eu meh.

Uˬ duˬ 7:37 ပူးပေါင်းရင်းမြစ်များ

Doˆ-iˇ 29:1

“Aˬloˬ hawˇ-eu aˬ yawꞈ-euˬ aˬ li deuˬ, ngaˬ-eu gaˇ mˇ-eu piˇ ma geuꞈ-eu gʼaˇ duˬ, nawˇ heu loꞈ-ehˇ jahˇ-awˇ ya a nehˬ meh. Maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ hawˇ-eu yawˇ aˬ buˬ tiˬ mawˇ yuˇ-awˬ.

Doˆ-iˇ 29:22

“Yawˇ aˬ buˬ kʼoeˇ mawˇ-euˬ tsiˇ maˬ ehˇ, tsiˇ dawꞈ myaˬ-eu dawˬ miˬ maˬ ehˇ, tsahˬ nahˬ uˇ jiˇ deuˬ-ahˇ dawꞈ-eu tsiˇ maˬ ehˇ, muiˬ dui dui-eu shaˬ tsahˬ ui cuiˆ maˬ ehˇ, gʼawˬ siˬ nyiˬ siˬ hawˇ-eu gʼawˬ siˬ-ahˇ dawꞈ-eu tsiˇ maˬ ehˇ, saˬ pyaˬ aˇ maˇ paw pyaˬ maˬ ehˇ, yehˬ doˆ-awˬ.

Uˬ duˬ 1:1

Sahˬpaˬ Miˬyehˇ jawˇ-eu Sehˬ gʼawˆ-ahˇ neh, Moˇseˬ-ahˇ Sahˬpaˬ Miˬyehˇ kuˇ-awˇ, zahˇ sahˇ kʼoꞈ heu deuˬ biꞈ nehˬ-euˬ meh.

Uˬ duˬ 5:7

Tsawˇ haˬ tiˬ gʼaˬ na, yawˬ ha-euˬ iˬ baˇ aˇ poeˬ lawˇ kʼoꞈ nehˬ-eu gʼaˇ duˬ, yawˇ hawˇ-eu ciꞈ myehꞈ maˬ jawˇ naˇ, kʼaˬ kʼoeˬ nyiˬ mawˇ, maˬ ngeuˇ naˇ, kʼaˬ guˬ nyiˬ mawˇ yuˇ laꞈ-awˇ, iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ hawˇ-eu, miˬ dzaˬ-ahˇ dzah puiˆ-awˇ lawˇ-eu jeˬ gʼaˇ duˬ tiˬ mawˇ ya lawˇ meh.

Uˬ duˬ 6:20

Aˬloˬ-ahˇ piˇ ma aˇ yaˬ biꞈ ngeh nah, aˬ yawꞈ hawˇ-eu aˬ yawꞈ-euˬ aˬ li deuˬ, heu loꞈ-ehˇ ya lawˇ ya shehˇ meh. Dzaˬ la gʼo cehˇ kʼaˇ lawˇ ngeh, cehˇ meu tiˬ pehˬ ya lawˇ ahˇ-eu loꞈ-ehˇ, cehˇ meu tiˬ pehˬ aˬ yawꞈ yuˇ-awˇ, uˬ shawˬ paw tiˬ paˆ, uˬ ciꞈ paw tiˬ paˆ ya lawˇ meh.

Uˬ duˬ 8:22

Kʼoeˇ naˇ, piˇ ma deuˬ Miˬyehˇ-ahˇ a nehˬ-eu gʼaˇ duˬ, yawˇ aˬ buˬ yawˬ mawˇ yawˬ Moˇseˬ tsahˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ, yawˇ kʼoeˇ mawˇ-euˬ uˬ duˬ kʼoeˇ taˆ aˬ laꞈ baꞈ daˆ-euˬ meh.

Uˬ duˬ 8:23

Yawˇ kʼoeˇ mawˇ-ahˇ, Moˇseˬ sehꞈ-awˇ, shiˬ ui cuiˆ yuˇ-awˇ, Aˬloˬ-euˬ aˇ maˇ paw naˬ paꞈ naˬ dzaˬ-ahˇ maˬ ehˇ, aˇ maˇ laꞈ laꞈ ma-ahˇ maˬ ehˇ, aˇ maˇ kuiˇ kuiˇ ma-ahˇ maˬ ehˇ, lehꞈ-euˬ meh.