Uˬ duˬ 7:32 - Akha

³² Jeˬ zaˬ kʼoeˇ mawˇ-euˬ shaˬ pyaˬ aˇ maˇ pyaˬ piˇ ma-ahˇ ya damˬ nehˬ meh.

Uˬ duˬ 7:32 ပူးပေါင်းရင်းမြစ်များ

Doˆ-iˇ 29:27

“Piˇ ma-ahˇ aˇ yaˬ biꞈ ngeh sehꞈ-eu yawˇ aˬ buˬ-euˬ kʼahˬ hawˇ-euˬ shaˬ pyaˬ-ahˇ, muiˬ dui dui-eu laꞈ sawˬ loꞈ-ehˇ ngaˬ-ahˇ ya damˬ meh. Kʼoeˇ-aˬ, piˇ ma deuˬ-euˬ shaˬ bymˇ meh.

Uˬ duˬ 10:14

Ehˇ kʼawꞈ, piˇ ma deuˬ gʼaˇ duˬ, muiˬ-eu laꞈ sawˬ hawˇ-eu muiˬ-eu damˬ-eu jeˬ loꞈ-ehˇ Sahˬpaˬ Miˬyehˇ-ahˇ damˬ nehˬ-euˬ jeˬ zaˬ-eu kʼahˬ hawˇ-eu aˬ kuiˇ deuˬ-ahˇ, nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ dzaˬ nya meh. Shawˇ-eu jawˇ duˬ laꞈ kʼoeˇ, kʼoeˇ deuˬ-ahˇ naw maꞈ ya dzaˬ meh. Kʼoeˇ-aˬ, Iˇsaˬleˬlaˆ tsawˇ haˬ deuˬ-euˬ cawˬ cawˬ taꞈ-eu lawˇ-eu jeˬ laꞈ kʼoeˇ, nawˇ hawˇ-eu nawˬ-euˬ zaˬ deuˬ-ahˇ biꞈ taˬ-euˬ naw maꞈ-ahˇ oꞈ-eu shaˬ bymˇ meh.

Uˬ duˬ 7:33

Aˬloˬ-euˬ aˬ li deuˬ laꞈ kʼoeˇ, jeˬ zaˬ kʼoeˇ mawˇ-euˬ tsiˇ hawˇ-eu shiˬ yuˇ-awˇ, cawˬ cawˬ taꞈ-eu lawˇ-eu jeˬ lawˇ nehˬ-eu gʼaˬ-aˬ, shaˬ pyaˬ kʼoeˇ pyaˬ za-eu meh.

Uˬ duˬ 7:34

Muiˬ-eu laꞈ sawˬ pyeuꞈ-eu kʼahˬ hawˇ-eu, muiˬ-eu damˬ-eu jeˬ pyeuꞈ-eu saˬ pyaˬ aˇ maˇ paw pyaˬ-ahˇ, Iˇsaˬleˬlaˆ tsawˇ haˬ deuˬ-euˬ laꞈ-ahˇ neh Sahˬpaˬ Miˬyehˇ yuˇ-awˇ, piˇ ma deuˬ-ahˇ biꞈ-eu meh. Heu-aˬ, mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ piˇ ma deuˬ-ahˇ ya biꞈ-eu jeˬ pyeuꞈ-eu meh.

Uˬ duˬ 9:21

Kʼoeˇ naˇ, Moˇseˬ neh dawˬ biꞈ taˬ-euˬ loꞈ-ehˇ piˇ ma deuˬ gʼaˇ duˬ pyeuꞈ-eu kʼahˬ hawˇ-eu aˇ maˇ paw aˬ kuiˇ deuˬ-ahˇ, muiˬ dui dui-eu laꞈ sawˬ loꞈ-ehˇ, Sahˬpaˬ Miˬyehˇ jawˇ gaˇ yuˇ gʼeh nehˬ-euˬ meh.

Bawˇtsahˬ 5:9

Iˇsaˬleˬlaˆ tsawˇ haˬ deuˬ neh Sahˬpaˬ Miˬyehˇ-ahˇ kʼaˇ lawˇ nehˬ laˇ-euˬ yawˬ jeˬ na luꞈ, aˬ yawꞈ maꞈ neh kʼaˇ biꞈ laˇ-euˬ piˇ ma kʼoeˇ gʼaˬ-euˬ shaˬ bymˇ pyeuꞈ-eu meh.

Bawˇtsahˬ 6:20

Kʼoeˇ naˇ, piˇ ma gʼaˬ kʼoeˇ deuˬ paˇ yuˇ-awˇ, muiˬ-eu laꞈ sawˬ loꞈ-ehˇ Sahˬpaˬ Miˬyehˇ-ahˇ ya damˬ nehˬ meh. Kʼoeˇ deuˬ uˬ taꞈ, yawˇ aˬ buˬ kʼoeˇ mawˇ-euˬ kʼahˬ hawˇ-eu aˬ kuiˇ-aˬ, zahˇ dawˬ kʼoꞈ dawˬ jaˆ-euˬ loꞈ-ehˇ, piˇ ma gʼaˬ-euˬ shaˬ bymˇ pyeuꞈ-eu muiˬ-eu shawˇ-eu lawˇ-eu jeˬ meh. Kʼoeˇ loꞈ-ehˇ mˇ gʼaˬ ngeh, Naˬzaˬliˇ tsawˇ haˬ kʼoeˇ gʼaˬ aˬ gaꞈ dzaˇ uiˇ dawˇ nya meh.

Dawˬmehˬ 18:3

“Mawˇ neˇ maˬ ehˇ, yawˇ maˬ ehˇ kʼaˇ lawˇ ngeh, baꞈ pu, mehˬ oꞈ, tsahˬ nahˬ uˇ jiˇ, heu deuˬ-aˬ, piˇ ma deuˬ-ahˇ ya biꞈ meh.

1 Saˬmeuˬlaˆ 9:24

Hawˬ mˇ dzaˇ saꞈ gʼeh-eu gʼaˬ muiˬ dui dui-eu shaˬ pyaˬ shaˬ jiˇ yuˇ doˆ laꞈ-awˇ, Sawˇluˆ mehˬ shi ciˬ taˬ le-euˬ meh. Kʼoeˇ ngeh, Sawˇluˆ-ahˇ Saˬmeuˬlaˆ ehˇ nehˬ-eu, “Haw sheˇ. Heu-aˬ nawˬ-euˬ gʼaˇ duˬ taˬ taˬ-euˬ shaˬ jiˇ ma. Shaˬ jiˇ heu dzaˬ-awˬ. Aˇ yamˬ heu yamˬ-ahˇ ngaˬ neh kuˇ uiˬ taˬ-euˬ tsawˇ haˬ heu deuˬ nehˬ-ehˇ bi dzaˬ bi dawˇ taꞈ-eu lehˇ, shaˬ jiˇ heu ngaˇ yuˇ doˆ taˬ-euˬ ma.” Kʼoeˇ loꞈ-ehˇ, kʼoeˇ ngeh nah Sawˇluˆ Saˬmeuˬlaˆ nehˬ-ehˇ dzaˬ taꞈ dawˇ taꞈ-euˬ meh.