Uˬ duˬ 7:30 - Akha

³⁰ Laꞈ sawˬ kʼoeˇ yawˬ ha-euˬ aˬ laꞈ neh yuˇ-awˇ, dzaˬ dzaˬ dawˇ dawˇ lawˇ-eu jeˬ loꞈ-ehˇ ya damˬ laˇ meh. Jeˬ zaˬ kʼoeˇ mawˇ-euˬ tsiˇ hawˇ-eu kʼahˬ yuˇ laꞈ-awˇ, muiˬ dui dui-eu laꞈ sawˬ loꞈ-ehˇ, Sahˬpaˬ Miˬyehˇ-ahˇ ya damˬ nehˬ laˇ meh.

Uˬ duˬ 7:30 ပူးပေါင်းရင်းမြစ်များ

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Uˬ duˬ 10:14

Ehˇ kʼawꞈ, piˇ ma deuˬ gʼaˇ duˬ, muiˬ-eu laꞈ sawˬ hawˇ-eu muiˬ-eu damˬ-eu jeˬ loꞈ-ehˇ Sahˬpaˬ Miˬyehˇ-ahˇ damˬ nehˬ-euˬ jeˬ zaˬ-eu kʼahˬ hawˇ-eu aˬ kuiˇ deuˬ-ahˇ, nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ dzaˬ nya meh. Shawˇ-eu jawˇ duˬ laꞈ kʼoeˇ, kʼoeˇ deuˬ-ahˇ naw maꞈ ya dzaˬ meh. Kʼoeˇ-aˬ, Iˇsaˬleˬlaˆ tsawˇ haˬ deuˬ-euˬ cawˬ cawˬ taꞈ-eu lawˇ-eu jeˬ laꞈ kʼoeˇ, nawˇ hawˇ-eu nawˬ-euˬ zaˬ deuˬ-ahˇ biꞈ taˬ-euˬ naw maꞈ-ahˇ oꞈ-eu shaˬ bymˇ meh.

Uˬ duˬ 10:15

Jeˬ zaˬ-euˬ tsiˇ yuˇ-awˇ, dzaˬ dzaˬ dawˇ dawˇ lawˇ-eu jeˬ Sahˬpaˬ Miˬyehˇ-ahˇ lawˇ nehˬ ngeh, aˬ kuiˇ hawˇ-eu kʼahˬ aˬ yawꞈ maꞈ yuˇ laꞈ tehꞈ-a. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, aˬ kuiˇ hawˇ-eu kʼahˬ kʼoeˇ-aˬ, aˬ myah luꞈ nawˇ hawˇ-eu nawˬ-euˬ zaˬ deuˬ ahˇ oꞈ-eu shaˬ bymˇ pyeuꞈ-eu meh.”

Uˬ duˬ 3:14

Kʼoeˇ naˇ, Sahˬpaˬ Miˬyehˇ-ahˇ dzaˬ dzaˬ dawˇ dawˇ lawˇ-eu jeˬ lawˇ nehˬ-eu gʼaˇ duˬ, tsahˬ nahˬ uˇ jiˇ-ahˇ kʼaˇ dawꞈ-eu tsiˇ deuˬ maˬ ehˇ,

Uˬ duˬ 3:9

Kʼoeˇ naˇ, Sahˬpaˬ Miˬyehˇ-ahˇ dzaˬ dzaˬ dawˇ dawˇ lawˇ-eu jeˬ lawˇ nehˬ-eu gʼaˇ duˬ, yawˇ kʼoeˇ mawˇ-euˬ tsiˇ deuˬ maˬ ehˇ, tsahˬ nahˬ uˇ jiˇ-ahˇ kʼaˇ dawꞈ-eu tsiˇ deuˬ maˬ ehˇ,

Uˬ duˬ 8:27

Dzaˇ heu deuˬ dawˬ tawˆ luꞈ, Aˬloˬ hawˇ-eu aˬ yawꞈ-euˬ aˬ li deuˬ-euˬ aˬ laꞈ laꞈ kʼoeˇ aˬ yawꞈ dawˆ ahˇ nehˬ-awˇ, dzaˇ kʼoeˇ deuˬ-ahˇ aˬ yawꞈ maꞈ bi ciˬ nyeh-awˇ muiˬ dui dui-eu laꞈ sawˬ loꞈ-ehˇ Sahˬpaˬ Miˬyehˇ-ahˇ damˬ nehˬ-euˬ meh.

Uˬ duˬ 8:29

Kʼoeˇ naˇ, yawˇ kʼoeˇ mawˇ-euˬ kʼahˬ Moˇseˬ yuˇ-awˇ, muiˬ dui dui-eu laꞈ sawˬ Sahˬpaˬ Miˬyehˇ-ahˇ biꞈ nehˬ-euˬ meh. Kʼoeˇ-aˬ, a nehˬ-eu gʼaˇ duˬ sehꞈ-euˬ yawˇ kʼoeˇ mawˇ laꞈ kʼoeˇ, Moˇseˬ-ahˇ oꞈ-eu shaˬ bymˇ meh. Sahˬpaˬ miˬyehˇ neh dawˬ biꞈ taˬ-euˬ loꞈ-ehˇ, yawˬ jeˬ na luꞈ Moˇseˬ mˇ-euˬ meh.

Uˬ duˬ 9:20

kʼahˬ nyiˬ hmˬ-euˬ kʼoeˇ taˆ gʼoˆ daˆ-awˇ, lawˇ duˬ-ahˇ yuˇ gʼeh jiˇ-euˬ meh. Lawˇ duˬ kʼoeˇ taˆ, tsiˇ kʼoeˇ deuˬ aˬ yawꞈ dzah puiˆ-euˬ meh.

Uˬ duˬ 9:21

Kʼoeˇ naˇ, Moˇseˬ neh dawˬ biꞈ taˬ-euˬ loꞈ-ehˇ piˇ ma deuˬ gʼaˇ duˬ pyeuꞈ-eu kʼahˬ hawˇ-eu aˇ maˇ paw aˬ kuiˇ deuˬ-ahˇ, muiˬ dui dui-eu laꞈ sawˬ loꞈ-ehˇ, Sahˬpaˬ Miˬyehˇ jawˇ gaˇ yuˇ gʼeh nehˬ-euˬ meh.

Bawˇtsahˬ 6:20

Kʼoeˇ naˇ, piˇ ma gʼaˬ kʼoeˇ deuˬ paˇ yuˇ-awˇ, muiˬ-eu laꞈ sawˬ loꞈ-ehˇ Sahˬpaˬ Miˬyehˇ-ahˇ ya damˬ nehˬ meh. Kʼoeˇ deuˬ uˬ taꞈ, yawˇ aˬ buˬ kʼoeˇ mawˇ-euˬ kʼahˬ hawˇ-eu aˬ kuiˇ-aˬ, zahˇ dawˬ kʼoꞈ dawˬ jaˆ-euˬ loꞈ-ehˇ, piˇ ma gʼaˬ-euˬ shaˬ bymˇ pyeuꞈ-eu muiˬ-eu shawˇ-eu lawˇ-eu jeˬ meh. Kʼoeˇ loꞈ-ehˇ mˇ gʼaˬ ngeh, Naˬzaˬliˇ tsawˇ haˬ kʼoeˇ gʼaˬ aˬ gaꞈ dzaˇ uiˇ dawˇ nya meh.

Bawˇtsahˬ 8:11

Kʼoeˇ naˇ, Leˬbiˇ tsawˇ haˬ deuˬ-ahˇ ngaˬ-euˬ gaˇ bi mˇ-eu gʼaˇ duˬ Iˇsaˬleˬlaˆ tsawˇ haˬ deuˬ neh damˬ nehˬ laꞈ-euˬ laꞈ sawˬ loꞈ-ehˇ, Aˬloˬ neh ngaˬ-ahˇ ya bi a nehˬ laꞈ meh.

Yoˇhaˬ 10:18

Tsawˇ haˬ tiˬ gʼaˬ-iˬ ngaˬ-euˬ saꞈ laˇ-ahˇ maˬ sehꞈ doˆ geuꞈ-aˬ. Ngaˬ neh nui ma keuˆ-awˇ shiˇ dah-euˬ jeˬ pyeuꞈ-eu ma. Shiˇ mawꞈ-eu maˬ ehˇ, dehꞈ mawꞈ-eu maˬ ehˇ, ngaˇ naꞈ-i jaˆ-eu ma. Ngaˇ kʼoeˇ loꞈ-ehˇ jahˇ-eu gʼaˇ duˬ, ngaˬ Da neh dawˬ biꞈ taˬ-euˬ meh.”

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

Dawˬmehˬ 18:3

“Mawˇ neˇ maˬ ehˇ, yawˇ maˬ ehˇ kʼaˇ lawˇ ngeh, baꞈ pu, mehˬ oꞈ, tsahˬ nahˬ uˇ jiˇ, heu deuˬ-aˬ, piˇ ma deuˬ-ahˇ ya biꞈ meh.