Uˬ duˬ 7:27 - Akha

²⁷ Zahˇ sahˇ kʼoꞈ heu-ahˇ kʼaˇ puiˬ-eu tsawˇ haˬ-ahˇ, Miˬyehˇ-euˬ tsawˇ haˬ lehˇ maˬ paˇ sawˇ nya meh lehˇ ehˇ nehˬ-awˬ.

Uˬ duˬ 7:27 ပူးပေါင်းရင်းမြစ်များ

Uˬ duˬ 17:10

Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, tsawˇ haˬ tiˬ gʼaˬ na, shiˬ maˬ dzeˇ-eu shaˬ jiˇ dzaˬ naˇ, tsawˇ haˬ kʼoeˇ gʼaˬ-ahˇ Sahˬpaˬ Miˬyehˇ byehˇ dzeh-awˇ, aˬ yawꞈ-euˬ tsawˇ haˬ lehˇ maˬ paˇ sawˇ meh.

Uˬ duˬ 7:25

Sahˬpaˬ Miˬyehˇ-ahˇ dzaˬ dzaˬ dawˇ dawˇ lawˇ nehˬ gaˇ sehꞈ-euˬ jeˬ zaˬ-euˬ tsiˇ kʼaˇ dzaˬ-eu tsawˇ haˬ-ahˇ, Miˬyehˇ-euˬ tsawˇ haˬ lehˇ maˬ paˇ sawˇ nya meh.

Uˬ duˬ 7:26

Iˇsaˬleˬlaˆ tsawˇ haˬ deuˬ aˬ geu gaˇ jawˇ keuˆ-eu maˬ kaˬ, aˇ jiˇ hawˇ-eu jeˬ zaˬ-euˬ shiˬ aˬ yawꞈ maꞈ maˬ ya jahˇ dzaˬ-a.

Uˬ duˬ 7:28

Moˇseˬ-ahˇ Sahˬpaˬ Miˬyehˇ zahˇ sahˇkʼoꞈ heu deuˬ biꞈ nehˬ-euˬ meh.

HeˬByehˇ 10:29

Toˆ-ehˇ ngeuˇ naˇ, Miˬyehˇ-euˬ Zaˬ maˇ-ahˇ nawˬ tehˬ taˬ-awˇ, yawˬ ha-euˬ iˬ baˇ-ahˇ shawˇ nehˬ-euˬ Miˬyehˇ-euˬ dawˬ ma saˇ jaˇ shiˬ-ahˇ poeˬ sawˇ lawˬ maˬ baw-eu loꞈ-ehˇ sawˇ-awˇ, Miˬyehˇ gʼawˬ shaˬ gaˬ-eu guiˬ lahˬ yaw dzahˇ mehˬ nehˬ laꞈ-euˬ Yaw sahˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ-aˬ, aˇ naˆ ni doeˇ dzehˬ-eu kʼehˬ-eu kʼaˆ-eu jeˬ-ahˇ ya daˬ nmˇ lehˇ shaˇ noeˬ haw-awˬ.

1 Saˬmeuˬlaˆ 14:33

“Haw sheˇ, tsawˇ haˬ heu deuˬ shiˬ lehꞈ-eu shaˬ jiˇ dzaˬ-eu laꞈ kʼoeˇ, Sahˬpaˬ Miˬyehˇ-ahˇ mˇ lehˬ luꞈ meh” lehˇ, Sawˇluˆ-ahˇ aˬ yawꞈ maꞈ ehˇ nehˬ-euˬ meh. Sawˇluˆ guˇ-awˇ, “Naw maꞈ-aˬ, saˇ jaˇ puiˬ-euˬ tsawˇ haˬ deuˬ meh. Ngaˇ jawˇ gaˇ kʼaˬ lo lo ma tiˬ siˬ lehˬ taˬ le-awˬ” lehˇ ehˇ-eu meh.