Uˬ duˬ 7:26 - Akha

²⁶ Iˇsaˬleˬlaˆ tsawˇ haˬ deuˬ aˬ geu gaˇ jawˇ keuˆ-eu maˬ kaˬ, aˇ jiˇ hawˇ-eu jeˬ zaˬ-euˬ shiˬ aˬ yawꞈ maꞈ maˬ ya jahˇ dzaˬ-a.

Uˬ duˬ 7:26 ပူးပေါင်းရင်းမြစ်များ

Aˇ dahˬ 9:4

Ehˇ kʼawꞈ, naw maꞈ maˬ dzaˬ nya-eu tiˬ jeˬ-aˬ, shiˬ maˬ dzeˇ-iˇ-euˬ shaˬ jiˇ meh. Dehꞈ-eu saꞈ laˇ shiˬ laꞈ kʼoeˇ ahˇ-eu miˇ neh, naw maꞈ shiˬ taˬ dzaˬ lehˇ ngaˇ ehˇ-eu ma.

Doˆ-iˇ 22:30

Dehꞈ beh beh le-euˬ naw maꞈ-euˬ mawˇ neˇ deuˬ hawˇ-eu yawˇ deuˬ, ngaˬ-ahˇ ya biꞈ laꞈ meh. Jeˬ zaˬ deuˬ laꞈ kʼoeˇ, dehꞈ beh beh le-euˬ aˬ buˬ deuˬ-ahˇ, shiꞈ nah keuˆ ni aˬ ma mawˇ nehˬ-ehˇ maˬ gʼawˬ-iˇ ni bi jawˇ-awˇ, yehꞈ nah tiˬ nah keuˆ laˇ naˇ, ngaˬ-ahˇ ya lawˇ meh.

Yeˬsaˬgeˬlaˇ 33:25

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, aˬ yawꞈ maꞈ-ahˇ ehˇ nehˬ-awˬ. ‘Naw maꞈ shiˬ maˬ dzeˇ-iˇ-euˬ shaˬ jiˇ dzaˬ-euˬ meh. Tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ meh. Tsawˇ haˬ sehꞈ-eu meh. Miˇ kʼahˬ heu naw maꞈ-euˬ ma lehˇ aˬ joˆ-ehˇ noeˬ kʼmˬ-eu nya.

Uˬ duˬ 19:26

“Shiˬ maˬ yoeˇ dzeˇ-euˬ shaˬ jiˇ taˬ dzaˬ. Mah loˬ taˬ loˬ.

Uˬ duˬ 3:17

Iˇsaˬleˬlaˆ tsawˇ haˬ tiˬ gʼaˬ-iˬ, shaˬ tsuˇ hawˇ-eu shiˬ maˬ ya dzaˬ-a. Iˇsaˬleˬlaˆ tsawˇ haˬ deuˬ aˬ geu gaˇ jawˇ keuˆ-euˬ maˬ kaˬ, zahˇ sahˇ kʼoꞈ heu hmˬ-ahˇ, mˬ maˬ maˬ byaˆ zaˇ ziˇ ya caw teh meh.

Uˬ duˬ 7:25

Sahˬpaˬ Miˬyehˇ-ahˇ dzaˬ dzaˬ dawˇ dawˇ lawˇ nehˬ gaˇ sehꞈ-euˬ jeˬ zaˬ-euˬ tsiˇ kʼaˇ dzaˬ-eu tsawˇ haˬ-ahˇ, Miˬyehˇ-euˬ tsawˇ haˬ lehˇ maˬ paˇ sawˇ nya meh.

Uˬ duˬ 7:27

Zahˇ sahˇ kʼoꞈ heu-ahˇ kʼaˇ puiˬ-eu tsawˇ haˬ-ahˇ, Miˬyehˇ-euˬ tsawˇ haˬ lehˇ maˬ paˇ sawˇ nya meh lehˇ ehˇ nehˬ-awˬ.

Yoˇhaˬ 6:53

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ Tsawˇhaˬ-euˬ Zaˬmaˇ-euˬ shaˬ jiˇ maˬ dzaˬ-ehˇ, aˬ yawꞈ-euˬ shiˬ maˬ dawˇ naˇ, dehꞈ-eu saꞈ laˇ maˬ za nya-a.

Gʼaˬkʼehˇ 15:20

Ehˇ kʼawꞈ, aˬ yawꞈ maꞈ-ahˇ sahˬ boꞈ boꞈ nehˬ-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ maˬ shawˇ-eu dzaˇ deuˬ-ahˇ dzaˬ-eu, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu taꞈ-eu, shiˬ maˬ sehꞈ dzeˇ ni paꞈ sehꞈ-euˬ shaˬ jiˇ hawˇ-eu shiˬ dzaˬ-eu, heu deuˬ-ahˇ maˬ mˇ ni ya yahˇ meh lehˇ ehˇ nehˬ-eu tsaˬ tehꞈ-a.

Gʼaˬkʼehˇ 15:29

Tahˬ pahˬ aˬ ma mawˇ kawˇ-ahˇ lawˇ nehˬ gʼaˬ-euˬ jeˬ taˬ dzaˬ. Shiˬ taˬ dzaˬ. Shiˬ maˬ sehꞈ dzeˇ ni paꞈ sehꞈ-euˬ shaˬ jiˇ taˬ dzaˬ. Maˬ tsaˬ maˬ dawˇ-eu laꞈ kʼoeˇ kʼaˬ miˬ taˬ sheu. Heu deuˬ-ahˇ maˬ mˇ ni gʼeh nya naˇ, muiˬ dui dui tehꞈ-a. Guiˬ lahˬ huiˬ luꞈ-uˇ.”

Eˇpeˇsu 1:7

Aˬ jeˬ miˇ neh ehˇ naˇ, Ka li kamˇ shiˇ-euˬ baˬ da neh aˬ dui ya buˬ-iˇ-awˇ, aˬ dui-euˬ iˬ baˇ-ahˇ pyehˬ nehˬ laꞈ-euˬ meh. Miˬyehˇ gʼawˬ shaˬ gaˬ-eu guiˬ lahˬ kʼoeˇ aˇ naˆ ni huiˬ-eu nga.

Dawˬmehˬ 12:16

Ehˇ kʼawꞈ, jeˬ zaˬ kʼoeˇ deuˬ-euˬ shiˬ naw maꞈ maˬ dzaˬ ni, iˇ cuꞈ shehˆ dzeh-eu loꞈ-ehˇ miˇ tsaˬ-ahˇ ya shehˆ dzeh meh.

Dawˬmehˬ 12:23

Shiˬ maˬ dzeˇ-iˇ-euˬ shaˬ jiˇ taˬ dzaˬ. Aˬ jeˬ miˇ neh ehˇ naˇ, shiˬ laꞈ kʼoeˇ saꞈ laˇ ahˇ-awˇ, saꞈ laˇ ahˇ-eu shaˬ jiˇ naw maꞈ maˬ dzaˬ kʼmˬ-a.

Dawˬmehˬ 15:23

Ehˇ kʼawꞈ, jeˬ zaˬ kʼoeˇ-euˬ shiˬ maˬ dzaˬ ni, iˇ cuꞈ shehˆ dzeh-eu loꞈ-ehˇ, miˇ tsa ya shehˆ dzeh meh.

1 Tiˆmoˇseˬ 4:4

Miˬyehˇ neh kʼaˇ beh taˬ-euˬ yawˬ jeˬ na luꞈ, yaw muiˬ jeˬ pyeuꞈ-eu meh. Biˬ dzeh-eu jeˬ maˬ ahˇ-a. Yawˬ jeˬ na luꞈ-ahˇ Miˬyehˇ-euˬ guiˬ lahˬ-ahˇ ja ceuˬ-awˇ dzaˬ nya dawˇ nya-eu meh.