Uˬ duˬ 7:21 - Akha21 Tsawˇ haˬ tiˬ gʼaˬ na, tsawˇ haˬ zaˬ-ahˇ taꞈ-eu maˬ ehˇ, jeˬ zaˬ-ahˇ taꞈ-eu maˬ ehˇ, zahˇ sahˇ kʼoꞈ-ahˇ maˬ tsaˬ-eu maˬ shawˇ-eu tiˬ jeˬ na-ahˇ toeˬ ciˆ gʼaˬ-awˇ, lawˇ gʼaˬ shehˇ gʼaˬ-euˬ jeˬ zaˬ-euˬ shaˬ jiˇ dzaˬ naˇ, Miˬyehˇ-euˬ tsawˇ haˬ lehˇ maˬ paˇ sawˇ nya meh. အခန်းကိုကြည့်ပါ။ |
Uˬ duˬ 7:21
31 ပူးပေါင်းရင်းမြစ်များ
Sahˬpaˬ Miˬyehˇ ehˇ-eu, “Shiꞈ nah keuˆ ni dehˬ tseˬ ahˇ-eu kaˬ muˇ naw maꞈ maˬ dzaˬ ni, dehˬ tseˬ maˬ ahˇ-eu kaˬ muˇ tehꞈ-ehˇ ya dzaˬ meh. Yaw beh nah laꞈ kʼoeˇ, naw maꞈ-euˬ nymˇ-ahˇ jaˆ-eu dehˬ tseˬ naw maꞈ ya biˬ dzeh jiˇ meh. Aˬ jeˬ miˇ neh ehˇ naˇ, kʼoeˇ shiꞈ nah laꞈ kʼoeˇ, tsawˇ haˬ tiˬ gʼaˬ na, dehˬ tseˬ ahˇ-eu kaˬ muˇ dzaˬ naˇ, tsawˇ haˬ kʼoeˇ gʼaˬ-ahˇ ngaˬ-euˬ tsawˇ haˬ lehˇ maˬ paˇ sawˇ nya meh.
Shiꞈ nah keuˆ ni, naw maꞈ-euˬ nymˇ laꞈ kʼoeˇ dehˬ tseˬ maˬ ya bi jaˆ-a. Aˬ jeˬ miˇ neh ehˇ naˇ, miˇ kʼahˬ heu kʼahˬ laꞈ kʼoeˇ dehꞈ le-euˬ maˬ kaˬ, aˬ cawˬ miˇ kʼahˬ-ahˇ neh oe-euˬ maˬ kaˬ, tsawˇ haˬ tiˬ gʼaˬ na dehˬ tseˬ ahˇ-eu dzaˇ dzaˬ naˇ, tsawˇ haˬ kʼoeˇ gʼaˬ-ahˇ ngaˬ-euˬ tsawˇ haˬ lehˇ ngaˇ maˬ paˇ sawˇ ma.
“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, aˬ yawꞈ maꞈ-ahˇ ehˇ nehˬ-awˬ. ‘Naw maꞈ shiˬ maˬ dzeˇ-iˇ-euˬ shaˬ jiˇ dzaˬ-euˬ meh. Tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ meh. Tsawˇ haˬ sehꞈ-eu meh. Miˇ kʼahˬ heu naw maꞈ-euˬ ma lehˇ aˬ joˆ-ehˇ noeˬ kʼmˬ-eu nya.
Ehˇ kʼawꞈ, ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-euˬ gʼawˇ mawˇ maˬ muiˬ maˬ shawˇ-eu jeˬ ngaˇ tiˬ jawˇ-iˬ maˬ mˇ haw-aˬ. Nyiˇ ngeh neh, aˬ yawˇ yawꞈ shiˇ-euˬ jeˬ zaˬ hawˇ-eu, bawˇ tsahˬ jeˬ zaˬ neh bi laˆ sehꞈ-euˬ jeˬ zaˬ shaˬ jiˇ ngaˇ maˬ dzaˬ haw-aˬ. Maˬ muiˬ maˬ shawˇ-a lehˇ kʼaˇ ehˇ taˬ-euˬ dzaˇ tiˬ jeˬ-iˬ ngaˇ maˬ dzaˬ haw-aˬ.”
Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ-aˬ, shiˬ laꞈ kʼoeˇ ahˇ-eu meh. Kʼoeˇ miˇ neh shiˬ maˬ yoeˇ dzeˇ-euˬ shaˬ jiˇ taˬ dzaˬ lehˇ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ ehˇ taˬ-euˬ meh. Shiˬ maˬ yoeˇ dzeˇ-euˬ shaˬ jiˇ dzaˬ-eu tsawˇ haˬ aˬ geu gʼaˬ maˬ kaˬ, aˬ yawꞈ-euˬ tsawˇ haˬ lehˇ maˬ paˇ sawˇ nya meh.
Naw maꞈ-euˬ zaˬ deuˬ uˆ deuˬ laꞈ kʼoeˇ, tsawˇ haˬ tiˬ gʼaˬ na yawˬ ha-euˬ gʼawˇ mawˇ maˬ shawˇ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ neh ngaˬ-ahˇ lawˇ -euˬ muiˬ-eu shawˇ-eu lawˇ-eu jeˬ dawˬ peh le naˇ, tsawˇ haˬ kʼoeˇ gʼaˬ-aˬ, lawˇ duˬ-ahˇ ngaˬ-euˬ gaˇ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu hmˬ-ahˇ aˬ myah luꞈ ya caw teh meh. Ngaˇ-aˬ, Sahˬpaˬ Miˬyehˇ ma.
“Aˬloˬ-euˬ aˬ li deuˬ laꞈ kʼoeˇ, nyawˬ naˇ-eu tsawˇ haˬ deuˬ hawˇ-eu, maˇ uiˇ yoeˇ-eu tsawˇ haˬ deuˬ-aˬ, aˬ yawꞈ maꞈ-euˬ gʼawˇ mawˇ maˬ muiˬ maˬ shawˇ laˇ kʼoeˇ keuˆ ni, lawˇ gʼaˬ-euˬ muiˬ-eu shawˇ-eu dzaˇ maˬ ya dzaˬ-a. Piˇ ma tiˬ gʼaˬ, shiˇ taˬ-euˬ jeˬ-ahˇ taꞈ-eu maˬ shawˇ-eu mˇ myawˬ tiˬ jeˬ na-ahˇ toeˬ ciˆ-euˬ maˬ kaˬ, yawˬ ha-euˬ gʼawˇ mawˇ aˇ yoeˬ yoeˇ doˆ-eu maˬ kaˬ, maˬ shawˇ-eu piˇ ma pyeuꞈ-eu meh.
ကြော်ငြာတွေ