Uˬ duˬ 7:18 - Akha

¹⁸ Smˬ nah jaˆ keuˆ-euˬ shaˬ jiˇ dzaˬ naˇ, kʼoeˇ ngeh poˆ lawˇ-euˬ jeˬ-ahˇ Sahˬpaˬ Miˬyehˇ maˬ ha geuꞈ-a. Lawˇ-euˬ kʼoeˇ-aˬ, maˬ geuˇ-eu lawˇ-eu jeˬ pyeuꞈ-awˇ, maˬ muiˬ maˬ shawˇ-eu uˬ taꞈ, shaˬ jiˇ kʼoeˇ kʼaˇ dzaˬ-euˬ tsawˇ haˬ-aˬ, kʼaˇ keuˆ le-eu iˬ baˇ ya pi meh.

Uˬ duˬ 7:18 ပူးပေါင်းရင်းမြစ်များ

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Iˇsaˬyaˇ 65:4

Uˬ ciꞈ sehˇ gʼahˇ lmˬ bymˇ lo kʼahˬ doe ni iˇ-awˇ, shiˇ dzeuˇ-euˬ tsawˇ haˬ-ahˇ mehˬ bawˬ mˇ-iˇ-eu meh. Aˬ yawꞈ maꞈ aˬ zaꞈ shaˬ jiˇ dzaˬ-euˬ meh. Lawˇ ciꞈ zaˬ neh lawˇ-euˬ shaˬ jiˇ puꞈ dawˇ-euˬ meh.

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Yeˬlaˬmiˇ 14:10

Tsawˇ haˬ heu deuˬ gaˇ kawˆ Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ mehˬ shi neh doˆ-iˇ-awˇ, doe doe-ehˇ cah mawꞈ-eu nui ma ahˇ-awˇ, yawˬ ha-euˬ nui kʼahˇ-ahˇ maˬ nyehꞈ tehˬ gʼaˬ coeˇ-eu miˇ neh, aˬ yawꞈ maꞈ-ahˇ ngaˇ nui ma maˬ tsaˬ nya. Aˬ yawꞈ maꞈ neh mˇ lehˬ-euˬ jeˬ-ahˇ ngaˇ maˬ ngehˇ-ehˇ aˬ yawꞈ maꞈ-euˬ iˬ baˇ baˬ da neh ngaˇ kʼehˬ nehˬ ma.”

Yeˬlaˬmiˇ 14:12

Aˬ yawꞈ maꞈ maˬ dzaˬ maˬ dawˇ ni lah daw kʼawꞈ, aˬ yawꞈ maꞈ-euˬ shaˇ dawˬ-ahˇ ngaˇ maˬ naˇ haˬ. Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ lawˇ nehˬ laꞈ kʼawꞈ, aˬ yawꞈ maꞈ-ahˇ ngaˇ nui kʼahˇ maˬ shiˇ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.”

Yeˬsaˬgeˬlaˇ 18:20

Iˬ baˇ mˇ-euˬ tsawˇ haˬ aˬ yawꞈ gʼaˬ ya shiˇ tehꞈ-a. Aˬ da-euˬ iˬ baˇ baˬ da neh, aˬ li gʼaˬ kʼehˬ-eu kʼaˆ-eu jeˬ-ahˇ maˬ ya daˬ-aˇ. Kʼoeˇ loꞈ-ehˇ duˇ ni, aˬ li -euˬ iˬ baˇ baˬ da neh, aˬ da gʼaˬ kʼehˬ-eu kʼaˆ-eu jeˬ-ahˇ maˬ ya daˬ-aˇ. Muiˬ-eu tsawˇ haˬ yaw muiˬ jeˬ mˇ-euˬ baˬ da neh guiˬ lahˬ za-awˇ, haiˬ-eu tsawˇ haˬ yawˬ ha neh mˇ-euˬ yaw haiˬ jeˬ baˬ da neh ya shaˬ tehꞈ-a.

Hawˇseˬ 8:13

Lawˇ gaˇ shehˇ gaˇ gaˬ-eu laꞈ kʼoeˇ, ngaˬ-ahˇ shaˬ jiˇ lawˇ nehˬ laꞈ-awˇ, lawˇ dzaˇ aˬ yawꞈ maꞈ dzaˬ-eu meh. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loˇ mˇ gaˇ laꞈ kʼaˬ maˬ cehˇ. Aˬ yawꞈ maꞈ neh mˇ-euˬ iˬ baˇ, ngaˇ maˬ ngehˇ ni kʼehˬ poˆ nehˬ-awˇ, Iˇjiˇtuˆ paw bi gʼoꞈ-iˇ ma.

Uˬ duˬ 10:17

“Aˬ jeˬ miˇ neh iˬ baˇ shawˇ-eu lawˇ-eu jeˬ-ahˇ muiˬ-eu shawˇ-eu jawˇ duˬ laꞈ kʼoeˇ naw maꞈ maˬ dzaˬ te. Kʼoeˇ-aˬ, muiˬ dui shawˇ dui dui-awˇ, Iˇsaˬleˬlaˆ tsawˇ haˬ aˇ maꞈ aˇ muˇ deuˬ-euˬ iˬ baˇ shawˇ dzeh-eu gʼaˇ duˬ, Sahˬpaˬ Miˬyehˇ neh naw maꞈ-ahˇ biꞈ taˬ-euˬ jeˬ pyeuꞈ-eu meh.

Uˬ duˬ 10:19

Moˇseˬ-ahˇ Aˬloˬ ehˇ kʼoꞈ nehˬ-eu, “Iˬ baˇ shawˇ-eu lawˇ-eu jeˬ-ahˇ, iˬ nah ngaˇ dzaˬ gʼaˬ-euˬ law nmˇ-aˬ, aˬ joˆ-ehˇ gʼeh nmˇ. Kʼoeˇ loꞈ-ehˇ jahˇ-euˬ baˬ da neh, Sahˬpaˬ Miˬyehˇ laˬ kʼaˬ cehˇ tehꞈ-a loˇ. Iˬ nah Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ iˬ baˇ shawˇ-eu lawˇ-eu jeˬ lawˇ nehˬ laˇ-awˇ, miˬ dzaˬ dzah puiˆ-awˇ lawˇ-eu jeˬ yuˇ laꞈ-eu meh. Ehˇ kʼawꞈ, heu loꞈ-ehˇ guˆ laˆ paˬ-ehˇ gʼeh-eu jeˬ ngaˬ-euˬ kʼoeˇ taˆ paˇ keuˆ le-euˬ nga.”

Uˬ duˬ 11:41

Miˇ tsaˬ-ahˇ luˆ luˆ-ehˇ cah luꞈ-eu aˇ mawˇ deuˬ naw maꞈ maˬ dzaˬ kʼmˬ-a.

Uˬ duˬ 17:16

Aˬ yawꞈ kʼoeˇ loꞈ-ehˇ maˬ jahˇ naˇ, kʼaˇ pyeuꞈ laˇ-euˬ jeˬ ya daˬ meh.

Uˬ duˬ 19:5

“Cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ, naw maꞈ jeˬ zaˬ sehꞈ ngeh, ngaˬ neh biꞈ taˬ-euˬ zahˇ sahˇ kʼoꞈ-ahˇ tsaˬ ni mˇ-awˬ. Kʼoeˇ loꞈ-ehˇ jahˇ naˇ, naw maꞈ neh lawˇ-euˬ jeˬ-ahˇ ngaˇ ha geuꞈ ma.

Uˬ duˬ 20:17

Tsawˇ haˬ tiˬ gʼaˬ na, yawˬ ha-euˬ dmˇ ma tsi tsi ni gʼeh-eu gʼaˬ-ahˇ maˬ ehˇ, tiˬ ma baw zaˬ maˬ ngeuˇ-eu yawˬ ha-euˬ dmˇ ma nehˬ-ehˇ maˬ ehˇ, sheuˬ dahˬ dzaˬ naˇ, tsawˇ haˬ heu myaˆ ni gʼeh-eu mehˬ shi, aˬ yawꞈ nyaꞈ-ahˇ ya teh dzeh meh. Aˬ yawꞈ-aˬ, yawˬ ha-euˬ dmˇ ma-ahˇ bahˬ-eu miˇ neh, kʼaˇ keuˆ le-eu jeˬ ya daˬ meh.

Uˬ duˬ 20:19

Tsawˇ haˬ tiˬ gʼaˬ na, yawˬ ha-euˬ aˬ kʼoˬ nehˬ-ehˇ maˬ ehˇ, yawˬ ha-euˬ aˬ mui nehˬ-ehˇ maˬ ehˇ, bahˬ naˇ, maˬ mˇ kʼmˬ-eu jeˬ mˇ-euˬ miˇ neh, kʼaˇ keuˆ le-eu jeˬ-ahˇ aˬ yawꞈ nyaꞈ ya daˬ tehꞈ-a.

Uˬ duˬ 22:23

Nui ma keuˆ-eu miˇ neh lawˇ-eu jeˬ naw maꞈ lawˇ ngeh, maˬ loˆ-eu jeˬ zaˬ deuˬ hawˇ-eu, aˇ sehˇ maˬ byah-eu jeˬ zaˬ deuˬ geuꞈ nya meh. Ehˇ kʼawꞈ, saˇ jaˇ dzaˬ-eu laꞈ kʼoeˇ lawˇ-eu jeˬ lawˇ ngeh, kʼoeˇ loꞈ-ehˇ gʼeh-eu jeˬ zaˬ deuˬ maˬ geuꞈ nya-a.

Uˬ duˬ 22:25

Dzaˬ dzaˬ dawˇ dawˇ lawˇ-eu jeˬ lawˇ ngeh, boeˇ miˬ siˬ kʼaˬ deuˬ-euˬ laꞈ-ahˇ neh doˆ le-euˬ jeˬ zaˬ maˬ geuꞈ kʼmˬ-a. Kʼoeˇ loꞈ-ehˇ gʼeh-eu jeˬ zaˬ-aˬ, iˬ baˇ taˬ kʼaˇ za-eu maˬ geuꞈ kʼmˬ-eu jeˬ zaˬ pyeuꞈ-eu meh.

Uˬ duˬ 5:17

Tsawˇ haˬ tiˬ gʼaˬ na, maˬ noeˬ maˬ duˇ-ehˇ, Sahˬpaˬ Miˬyehˇ neh biꞈ taˬ-euˬ zahˇ dawˬ kʼoꞈ dawˬ tiˬ dawˬ na-ahˇ puiˬ-eu laꞈ kʼoeˇ iˬ baˇ mˇ naˇ, iˬ baˇ aˇ poeˬ aˬ yawꞈ ya biꞈ tsoeˬ meh.

Uˬ duˬ 7:19

Zahˇ sahˇ kʼoꞈ-ahˇ maˬ tsaˬ-eu maˬ muiˬ maˬ shawˇ-eu tiˬ jeˬ paˬ laˆ lehꞈ-eu shaˬ jiˇ-ahˇ, maˬ dzaˬ ni ya dzah puiˆ dzeh meh. Zahˇ sahˇ kʼoꞈ-ahˇ tsaˬ ni muiˬ-eu shawˇ-eu tsawˇ haˬ-aˬ, shaˬ jiˇ kʼoeˇ dzaˬ nya meh.

Aˬmoˆ 5:22

Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ naw maꞈ yuˇ laꞈ ngeh, ngaˇ maˬ ha geuꞈ. Ngaˬ-ahˇ lawˇ nehˬ-eu gʼaˇ duˬ naw maꞈ neh cu tsuˇ taˬ-euˬ jeˬ zaˬ deuˬ-ahˇ ngaˇ maˬ ha geuꞈ.

Maˬlaˬkiˇ 1:10

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ lawˇ duˬ kʼoeˇ taˆ miˬ dzaˬ ciˆ doꞈ-awˇ gaˇ dahˇ maˬ tsoeˬ-eu jeˬ maˬ ya mˇ ni, naw maꞈ laꞈ kʼoeˇ tiˬ gʼaˬ na Uˬ duˬ tahˬ nymˇ nymˇ ma-euˬ laˇ gʼoˆ piˬ tehˬ leˇ gaˇ ngaˇ geuꞈ mawꞈ-eu ma. Naw maꞈ-ahˇ ngaˇ nui ma maˬ tsaˬ nya. Naw maꞈ neh yuˇ laꞈ-euˬ lawˇ-eu shehˇ-eu jeˬ ngaˇ maˬ ha geuꞈ.

Maˬlaˬkiˇ 1:13

‘Gaˇ heu maˬ mˇ nahˇ-ehˇ pyeuꞈ laˇ taˬ nyaˬ’ lehˇ naw maꞈ ehˇ-awˇ, ngaˬ-ahˇ naˇ mehˇ mˇ juꞈ haw-eu meh. Kʼoeˬ-euˬ jeˬ zaˬ, kuiˇ kuˆ laꞈ kuˆ kuˆ-eu jeˬ zaˬ hawˇ-eu, naˇ gawˇ ahˇ-eu jeˬ zaˬ deuˬ tsahˇ-awˇ, naw maꞈ ngaˬ-ahˇ lawˇ nehˬ laˇ-euˬ meh. Kʼoeˇ loꞈ-ehˇ gʼeh-eu lawˇ-eu shehˇ-eu jeˬ-ahˇ ngaˇ ha geuꞈ tehꞈ-a lehˇ naw maꞈ noeˬ te loˇ.

Bawˇtsahˬ 18:27

Yaw zawˇ muiˬ-eu damˬ-eu jeˬ heu-aˬ, mˇ dzaˬ kʼawꞈ dawˇ-eu tsawˇ haˬ tiˬ gʼaˬ neh lawˇ-euˬ keuˆ beh beh le-euˬ dzaˬ la gʼo cehˇ hawˇ-eu aˬ gaꞈ dzaˇ uiˇ-ahˇ duˇ-eu meh.

Luˇkaꞈ 16:15

Yeˬsuˇ aˬ yawꞈ maꞈ-ahˇ ehˇ nehˬ-eu, “Naw maꞈ-aˬ, tsawˇ haˬ zaˬ-euˬ mehˬ shi yaw tsaˬ yaw dawˇ jahˇ geuꞈ-eu meh. Ehˇ kʼawꞈ, naw maꞈ-euˬ nui ma-ahˇ Miˬyehˇ siˬ nya meh. Aˬ jeˬ miˇ neh ehˇ naˇ, tsawˇ haˬ zaˬ neh ciˬ poeˬ-euˬ jeˬ-ahˇ Miˬyehˇ nui daˆ daˆ-eu meh.

Lormav 4:11

Aˇ nah ba hawˇ-eu aˬ yawꞈ baˆ kʼoˆ mehˬ dzaˬ yehˬ-euˬ meh. Aˬ yawꞈ baˆ kʼoˆ mehˬ dzaˬ maˬ yehˬ mi naˆ-ehˇ Miˬyehˇ neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ ha geuꞈ nehˬ laꞈ gʼaˬ-euˬ gaˇ kawˆ bi siˬ bi mawˇ-eu gʼaˇ duˬ, baˆ kʼoˆ mehˬ dzaˬ yehˬ-eu zahˇ jahˇ-euˬ jeˬ pyeuꞈ-eu meh. Kʼoeˇ miˇ neh, baˆ kʼoˆ mehˬ dzaˬ maˬ yehˬ-euˬ kʼawꞈ, Miˬyehˇ-ahˇ jah-awˇ Miˬyehˇ neh yaw tsaˬ yaw dawˇ tsawˇ haˬ meh lehˇ kʼaˇ sawˇ taˬ-euˬ tsawˇ haˬ dawˬ tawˆ luꞈ-euˬ guiˬ lahˬ saꞈ laˇ paw aˬ da yaw dzahˇ gʼaˬ-aˬ, Aˬbyaˬhaˬ meh.

HeˬByehˇ 9:28

Kʼoeˇ gaˇ duˇ ni, tsawˇ haˬ gʼawˬ mya ni-euˬ iˬ baˇ yuˇ dzeh-eu gʼaˇ duˬ, Ka li-euˬ gʼawˇ mawˇ tiˬ poˆ lawˇ dah-euˬ meh. Aˬ yawꞈ tiˬ poˆ paˇ doˆ le tehꞈ-a. Ehˇ kʼawꞈ, iˬ baˇ shawˇ-eu gʼaˇ duˬ oe-euˬ maˬ ngeuˇ-a. Aˬ yawꞈ-ahˇ loꞈ luꞈ-eu tsawˇ haˬ deuˬ-ahˇ ka kʼoꞈ-eu gʼaˇ duˬ oe-euˬ jeˬ pyeuꞈ-eu meh.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.