Uˬ duˬ 7:12 - Akha

¹² Tsawˇ haˬ tiˬ gʼaˬ na, lawˇ-eu jeˬ heu jeˬ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-eu lawˇ-eu jeˬ lawˇ naˇ, jeˬ zaˬ hawˇ-eu dehˬ tseˬ maˬ keuˬ-eu kaˬ muˇ tiˬ kawˆ loꞈ-ehˇ ya lawˇ meh. Cehˇ meu hawˇ-eu saˬ loˬ tsiˇ keuˬ-awˇ jahˇ-euˬ tuˇ jawˬ ni gʼeh-eu kaˬ muˇ maˬ ehˇ, saˬ loˬ tsiˇ lehꞈ-euˬ kaˬ muˇ aˇ yaˆ yaˆ zaˬ deuˬ maˬ ehˇ, cehˇ meu hawˇ-eu saˬ loˬ tsiˇ keuˬ-awˇ jahˇ taˬ-euˬ kaˬ muˇ aˇ kʼoˇ deuˬ maˬ ehˇ, tiˬ jeˬ paˬ ya lawˇ meh.

Uˬ duˬ 7:12 ပူးပေါင်းရင်းမြစ်များ

2 Laˬsaˬbaˬ 29:31

Tsawˇ haˬ kʼoeˇ deuˬ-ahˇ Heˬsaˬgiˇ ehˇ nehˬ-eu, “Nymˬ-mˇ poˆ jawˇ naw maꞈ shawˇ laˇ gʼaˬ-euˬ meh. Kʼoeˇ miˇ neh, Sahˬpaˬ Miˬyehˇ-euˬ guiˬ lahˬ-ahˇ ja ceuˬ-eu lawˇ-euˬ jeˬ yuˇ laꞈ-awˇ lawˇ-awˬ lehˇ ehˇ nehˬ-euˬ meh. Aˬ yawꞈ-euˬ ehˇ dawˬ-ahˇ aˬ yawꞈ maꞈ naˇ haˬ-awˇ, tsawˇ haˬ tiˬ paˆ na deuˬ nui ma keuˆ dui dui-eu laꞈ kʼoeˇ miˬ dzaˬ dzah puiˆ-awˇ lawˇ-eu jeˬ kʼawꞈ yuˇ laꞈ-euˬ meh.

2 Laˬsaˬbaˬ 33:16

Sahˬpaˬ Miˬyehˇ-ahˇ uˬ duˬ tahˬ gaˇ jaˆ-eu lawˇ duˬ-ahˇ aˬ yawꞈ laˆ muiˬ-awˇ, cawˬ cawˬ taꞈ-eu lawˇ-eu jeˬ hawˇ-eu guiˬ lahˬ-ahˇ noeˬ keuˆ-eu lawˇ-eu jeˬ lawˇ-euˬ meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, Yuˇdaˆ miˇ kʼahˬ zaˬ dawˬ tawˆ luꞈ-ahˇ aˬ yawꞈ dawˬ biꞈ-euˬ meh.

Neˬhaˬmiˇ 12:43

Kʼoeˇ ngeh nah aˬ yawꞈ maꞈ lawˇ-eu shehˇ-eu jeˬ gʼawˬ mya ni mˇ-awˇ, Miˬyehˇ aˬ yawꞈ maꞈ-ahˇ laˬ kʼaˬ cehˇ-eu jeˬ biꞈ-euˬ miˇ neh, aˬ yawꞈ maꞈ laˬ kʼaˬ cehˇ dui dui-eu meh. Zaˬ miˬ zaˬ deuˬ hawˇ-eu zaˬ deuˬ kʼawꞈ bawˬ-iˬ gʼeh gaˇ uiˬ leˇ-awˇ, aˬ yawꞈ maꞈ laˬ kʼaˬ cehˇ cehˇ-ehˇ lawꞈ gʼa-eu teˇ saˇ, gaˇ mahˇ kaˬ gaˇ keuˆ ni gaˬ keuˆ-iˇ-euˬ meh.

Jaceuq 107:8

Sahˬpaˬ Miˬyehˇ-euˬ maˬ tsehˆ leˇ nya-eu gʼoeˇ-eu gaˬ-eu jeˬ hawˇ-eu, aˬ yawꞈ maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ-euˬ guiˬ lahˬ baˬ da neh, aˬ yawꞈ-euˬ guiˬ lahˬ-ahˇ aˬ yawꞈ maꞈ ja ceuˬ-eu tsaˬ meh.

Jaceuq 116:17

Nawˬ-euˬ guiˬ lahˬ-ahˇ noeˬ keuˆ-eu lawˇ-eu jeˬ ngaˇ lawˇ-awˇ, nawˬ-ahˇ ngaˇ guiˬ lahˬ shaˇ ma.

Jaceuq 50:23

Guiˬ lahˬ noeˬ keuˆ-awˇ, ja ceuˬ-eu jeˬ-aˬ, ngaˬ-ahˇ taˬ huiˬ-eu lawˇ-eu jeˬ pyeuꞈ-eu meh. Ngaˬ-euˬ ehˇ dawˬ kʼaˇ naˇ haˬ geuꞈ-eu deuˬ-ahˇ, ngaˇ aˬ diˇ ka kʼoꞈ nehˬ ma.”

Yeˬlaˬmiˇ 33:11

Laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ nawˇ paˇ ya gaˬ tehꞈ-a. Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ lawˇ-eu shehˇ-eu jeˬ mˇ-eu laꞈ kʼoeˇ, caˇ dawˬ caˇ-eu teˇ saˇ nawˇ ya gaˬ tehꞈ-a. Aˬ yawꞈ maꞈ heu loꞈ-ehˇ caˇ tehꞈ-a. ‘Baoˬ huiˬ-eu Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ jeˬ miˇ neh ehˇ naˇ, aˬ yawꞈ muiˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ-a.’ Miˇ kʼahˬ heu kʼahˬ-ahˇ, dzeuˇ laˇ ngeh loꞈ-ehˇ bi baw bi za le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Hawˇseˬ 14:2

Guiˬ lahˬ shaˇ dawˬ heu yuˇ laꞈ-awˇ, lawˇ-eu shehˇ-eu tiˬ jeˬ loꞈ-ehˇ, Sahˬpaˬ Miˬyehˇ-ahˇ damˬ nehˬ-awˬ. “Nga maꞈ-euˬ iˬ baˇ pyehˬ laꞈ-awˇ, nga maꞈ shaˇ dawˬ naˇ haˬ nehˬ laꞈ. Nga maꞈ saˇ jaˇ dzaˬ-euˬ loꞈ-ehˇ, nawˬ-ahˇ nga maꞈ ja ceuˬ-eu ma.

Uˬ duˬ 2:4

Miˬ dzaˬ tsawˬ bu-ahˇ ba jaꞈ-euˬ kaˬ muˇ lawˇ ngeh, cehˇ meu-ahˇ saˬ loˬ tsiˇ keuˬ-awˇ jahˇ taˬ-euˬ, tuˇ jawˬ ni gʼeh-eu dehˬ tseˬ maˬ ahˇ-eu kaˬ muˇ maˬ ehˇ, saˬ loˬ tsiˇ lehꞈ-euˬ dehˬ tseˬ maˬ ahˇ-eu kaˬ muˇ aˇ yaˆ yaˆ zaˬ maˬ ehˇ, geuꞈ nya meh.

Uˬ duˬ 2:5

Mui za kʼoeˇ taˆ laˆ jaꞈ-euˬ kaˬ muˇ lawˇ ngeh, kaˬ muˇ kʼoeˇ-ahˇ, cehˇ meu hawˇ-eu saˬ loˬ tsiˇ keuˬ-awˇ, dehˬ tseˬ maˬ dawˆ ni ya jahˇ meh.

Uˬ duˬ 22:29

Sahˬpaˬ Miˬyehˇ-euˬ guiˬ lahˬ-ahˇ noeˬ keuˆ-eu lawˇ-eu jeˬ naw maꞈ lawˇ ngeh, bi ha geuꞈ-eu gʼaˇ duˬ, zahˇ sahˇ kʼoꞈ-ahˇ tsaˬ ni mˇ-awˬ.

Uˬ duˬ 6:16

Dzehˬ laˇ-euˬ deuˬ-ahˇ, Aˬloˬ hawˇ-eu aˬ yawꞈ-euˬ aˬ li deuˬ ya dzaˬ meh. Cehˇ meu kʼoeˇ neh, dehˬ tseˬ maˬ keuˬ-eu kaˬ muˇ jahˇ-awˇ, Sahˬpaˬ Miˬyehˇ jawˇ-eu sehˬ gʼawˆ yaˇ kmˇ laꞈ kʼoeˇ, muiˬ-eu shawˇ-eu jawˇ duˬ tiˬ tsahˇ-ahˇ, kaˬ muˇ kʼoeˇ aˬ yawꞈ maꞈ ya dzaˬ meh.

Uˬ duˬ 7:15

Lawˇ gaˇ geuꞈ-eu jeˬ zaˬ kʼoeˇ mawˇ-euˬ shaˬ jiˇ deuˬ, kʼoeˇ ngeh nah neh ya dzaˬ jiˇ meh. Yawˬ nah yawˬ uˬ bya maˬ ya bi jaˆ bya-a.

Aˬmoˆ 4:5

Miˬyehˇ-euˬ guiˬ lahˬ-ahˇ noeˬ keuˆ-eu laꞈ kʼoeˇ kaˬ muˇ lawˇ-awˬ. Kʼoeˇ uˬ taꞈ-ehˇ, nui ma keuˆ-eu laꞈ kʼoeˇ lawˇ-eu jeˬ lawˇ-awˇ kʼahˬ sehˇ jehˆ-awˬ. Naw maꞈ kʼoeˇ loꞈ-ehˇ mˇ mawꞈ-eu maˬ ngeuˇ loˇ.

Bawˇtsahˬ 6:15

Cehˇ meu hawˇ-eu saˬ loˬ tsiˇ keuˬ-awˇ jahˇ taˬ-euˬ tuˇ jawˬ ni gʼeh-eu kaˬ muˇ hawˇ-eu saˬ loˬ tsiˇ lehꞈ taˬ-euˬ kaˬ muˇ aˇ yaˆ yaˆ zaˬ kʼa sa tiˬ sa ya lawˇ-eu uˬ taꞈ, loˬ-eu dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ heu deuˬ kʼawꞈ aˬ yawꞈ ya lawˇ meh.

Luˇkaꞈ 17:16

Yeˬsuˇ-euˬ aˬ kuiˇ dawˬ peh miˇ tsa awˆ byaˆ-awˇ, Yeˬsuˇ-ahˇ guiˬ lahˬ huiˬ-eu dawˬ ngehˬ-euˬ meh. Aˬ yawꞈ-aˬ, Saˬmaˬliˆ tsawˇ haˬ meh.

Luˇkaꞈ 17:18

Aˬ cawˬ tsawˇ jeuˬ heu gʼaˬ maˬ ngeuˇ naˇ, gʼoꞈ dmˇ dzeh laˇ-awˇ, Miˬyehˇ-euˬ guiˬ lahˬ-ahˇ ja ceuˬ-eu maˬ siˬ nya ta loˇ.”

Lormav 1:21

Aˬ yawꞈ maꞈ Miˬyehˇ-ahˇ siˬ nya-eu kʼawꞈ, taˬ huiˬ taˬ mahˇ nehˬ geuˇ-eu loꞈ-ehˇ maˬ taˬ huiˬ maˬ taˬ mahˇ-eu uˬ taꞈ, aˬ yawꞈ-euˬ guiˬ lahˬ-ahˇ maˬ siˬ nya-a. Aˬ yawꞈ maꞈ tiˬ jeˬ-iˬ maˬ noeˬ doˆ nya-ehˇ, nui ma kʼehˬ bahˬ zahˇ tsui ni jaˆ-eu meh.

Eˇpeˇsu 5:20

A dui-euˬ Sahˬpaˬ Yeˬsuˇ Ka li-euˬ tsawˇ myahˇ laꞈ kʼoeˇ yawˬ jeˬ na luꞈ gʼaˇ duˬ Aˬda Miˬyehˇ-euˬ guiˬ lahˬ-ahˇ ja ceuˬ-awˬ.

HeˬByehˇ 13:15

Kʼoeˇ miˇ neh, aˬ dui Yeˬsuˇ-ahˇ gʼoe-eu laꞈ kʼoeˇ Miˬyehˇ-ahˇ ja ceuˬ-eu jeˬ lawˇ nehˬ kaˇ-euˇ. Kʼoeˇ-aˬ, aˬ yawꞈ aˬ dui-euˬ Sahˬpaˬ pyeuꞈ-eu gaˇ kawˆ bi siˬ bi mawˇ-eu, kʼaˬ meh mehˬ boeˬ neh lawˇ-eu jeˬ pyeuꞈ-eu meh.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.