Uˬ duˬ 6:4 - Akha

^4-5 Tsawˇ haˬ tiˬ gʼaˬ kʼoeˇ loꞈ-ehˇ jahˇ-awˇ iˬ baˇ mˇ naˇ, maˬ tsaˬ maˬ dawˇ-eu laꞈ kʼoeˇ, aˬ yawꞈ neh laˆ za taˬ-euˬ myawˬ dawˬ tawˆ luꞈ ya biꞈ kʼoꞈ jiˇ meh. Aˬ yawꞈ kʼoeˇ loꞈ-ehˇ mˇ-euˬ miˇ neh, iˬ baˇ ahˇ meh lehˇ siˬ leˇ-euˬ tiˬ nah neh, myawˬ dawˬ tawˆ luꞈ yaw sahˇ gʼaˬ-ahˇ ya biꞈ kʼoꞈ jiˇ-eu uˬ taꞈ, aˇ dzehˬ ngaˬ bymˇ tiˬ bymˇ paˇ ya tsoeˬ meh.

Uˬ duˬ 6:4 ပူးပေါင်းရင်းမြစ်များ

Aˇ dahˬ 21:25

Kʼoeˇ naˇ, Aˬbyaˬhaˬ-euˬ lah duˬ tiˬ duˬ Aˬbiˇmaˬlehˆ-euˬ zaˬ kʼaˆ deuˬ neh ceh geuꞈ-euˬ gaˇ kawˆ, Aˬbiˇmaˬlehˆ-ahˇ Aˬbyaˬhaˬ dzawˇ nehˬ-euˬ meh.

Neˬhaˬmiˇ 5:11

Pyuˇ maˬ ehˇ, cehˇ maˬ ehˇ, aˬ gaꞈ dzaˇ uiˇ maˬ ehˇ, saˬ loˬ tsiˇ maˬ ehˇ, naw maꞈ neh kʼaˇ biꞈ paˇ nehˬ-euˬ jeˬ dziˇ dzoˆ maˬ gʼaˬ kʼoꞈ ni byehˇ nehˬ-awˬ. Naw maꞈ neh yuˇ geuꞈ-euˬ aˬ yawꞈ maꞈ-euˬ deh ma deuˬ, aˬ gaꞈ yaˇ kmˇ deuˬ, saˬ loˬ yaˇ deuˬ hawˇ-eu nymˇ deuˬ kʼawꞈ tiˬ poˆ tehꞈ-ehˇ biꞈ kʼoꞈ nehˬ jiˇ-awˬ.”

Yawˇbaˆ 20:19

Aˬ jeˬ miˇ neh ehˇ naˇ, shaˬ-eu tsawˇ haˬ deuˬ-ahˇ aˬ yawꞈ kʼaˆ dzaˬ-awˇ byehˇ dzeh nehˬ-euˬ uˬ taꞈ, aˬ cawˬ neh tsoˆ taˬ-eu nymˇ-ahˇ kʼaˆ geuꞈ-euˬ meh.

Yawˇbaˆ 24:2

Tsawˇ haˬ zaˬ deuˬ yaˇ kaˬ biˇ-euˬ kʼaˬ lo kʼahˬ jiˆ-awˇ miˇ tsaˬ yuˇ lahˬ geuꞈ-eu meh. Aˬ yawꞈ maꞈ aˬ cawˬ-euˬ yawˇ kʼoeˬ-awˇ yawˬ ha-euˬ yawˇ maꞈ nehˬ-ehˇ teh keuˬ-eu meh.

Iˇsaˬyaˇ 59:6

Naw maꞈ-euˬ aˬ oˬ loˬ ma aˇ kahˇ kʼoeˇ saˬ nmˇ maˬ zaꞈ nya-a. Yawˬ ha neh mˇ-euˬ jeˬ yawˬ ha-ahˇ maˬ sheu lahˇ nya-a. Naw maꞈ gaˇ kawˆ yaw haiˬ tehꞈ-ehˇ jaˆ-awˇ, naw maꞈ-euˬ aˬ laꞈ-ahˇ yaw cawˆ jeˬ tuˆ tehˬ taˬ-euˬ meh.

Yeˬsaˬgeˬlaˇ 18:12

Shaˬ zaˬ zahˬ zaˬ-ahˇ myawꞈ dzaˬ shuiˇ dzaˬ-awˇ, tahˇ joe kʼawꞈ joe dzaˬ-euˬ meh. Aˬ cawˬ neh biꞈ daˇ laˇ-euˬ mˇ myawˬ aˬ yawꞈ maˬ biꞈ kʼoꞈ nehˬ-a. Lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ le-awˇ, nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu meh.

Yeˬsaˬgeˬlaˇ 18:18

Aˬ yawꞈ-euˬ aˬ da-aˬ, kʼoeˇ loꞈ-ehˇ maˬ dehꞈ ni, jaˬ myawꞈ mehˇ shuiˇ shuiˇ dzaˬ-awˇ, tahˇ joe joe dzaˬ-euˬ uˬ taꞈ, tsawˇ haˬ yawˬ gʼaˬ na luꞈ-ahˇ yaw haiˬ jeˬ jahˇ nehˬ-euˬ meh. Kʼoeˇ miˇ neh, yawˬ ha neh mˇ-euˬ iˬ baˇ baˬ da neh aˬ yawꞈ ya shiˇ-euˬ meh.

Yeˬsaˬgeˬlaˇ 18:7

Tsawˇ haˬ tiˬ gʼaˬ-ahˇ-iˬ aˬ yawꞈ maˬ myawꞈ maˬ shuiˇ dzaˬ-ehˇ, tahˇ joe kʼawꞈ maˬ joe dzaˬ-a. Aˬ cawˬ neh aˬ yawꞈ-ahˇ kʼaˇ biꞈ daˇ taˬ-euˬ jeˬ aˬ yawꞈ biꞈ kʼoꞈ nehˬ-eu meh. Mehꞈ-eu shuꞈ-eu deuˬ-ahˇ aˬ yawꞈ bi dzaˬ bi dawˇ-awˇ, dm gʼaˬ dm lmˇ maˬ jaˆ-eu deuˬ-ahˇ dm gʼaˬ dm lmˇ biꞈ-eu meh.

Yeˬsaˬgeˬlaˇ 33:15

Yaw jeˬ ma jeˬ ehˇ ngeh, aˬ cawˬ neh biꞈ daˇ laˇ-euˬ myawˬ biꞈ kʼoꞈ nehˬ-awˇ, yawˬ ha neh kʼoeˬ-euˬ jeˬ biꞈ kʼoꞈ nehˬ-euˬ ehˇ-awˬ. Iˬ baˇ mˇ-eu jeˬ-ahˇ aˬ yawꞈ kʼoeˇ loꞈ-ehˇ byehˇ-awˇ, yaw dehꞈ bi dehꞈ-eu zahˇ sahˇ kʼoꞈ mehˬ nahˬ paˇ caw teh kʼoꞈ laꞈ naˇ, aˬ yawꞈ maˬ ya shiˇ-ehˇ yaw dehꞈ ya dehꞈ tehꞈ-a.

Yeˬsaˬgeˬlaˇ 44:19

Miˇ kʼahˬ zaˬ deuˬ laˇ-awˇ jawˇ-eu laꞈ nyiˇ pu kaˬ-ahˇ aˬ yawꞈ maꞈ maˬ iˇ doˆ mi naˆ-ehˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ ngeh dm-euˬ aˬ yawꞈ maꞈ-euˬ mehˬ tsoeˬ deuˬ-ahˇ, muiˬ-eu shawˇ-eu kuˆ lawˆ deuˬ laꞈ kʼoeˇ ya lehˆ taˬ yaꞈ meh. Muiˬ-eu shawˇ-eu mehˬ tsoeˬ kʼoeˇ baˬ da neh miˇ kʼahˬ zaˬ deuˬ-ahˇ maˬ bi guˬ dzaˬ leˇ-eu gʼaˇ duˬ, kʼoeˇ loꞈ-ehˇ ya dm paˇ meh.

Uˬ duˬ 24:18

Aˬ cawˬ-euˬ jeˬ zaˬ sehꞈ-eu tsawˇ haˬ-aˬ, aˬ cawˬ-ahˇ paˇ ya tsoeˬ kʼoꞈ nehˬ tehꞈ-a. Saꞈ laˇ-ahˇ laˆ deuˬ naˇ, saꞈ laˇ paˇ ya biꞈ tsoeˬ tehꞈ-a.

Uˬ duˬ 24:21

Jeˬ zaˬ-ahˇ sehꞈ-euˬ tsawˇ haˬ-aˬ, jeˬ zaˬ ya tsoeˬ kʼoꞈ nehˬ tehꞈ-a. Ehˇ kʼawꞈ, tsawˇ haˬ-ahˇ sehꞈ-eu tsawˇ haˬ-aˬ, aˬ yawꞈ-ahˇ sehꞈ nehˬ gaˇ paˇ ya daˬ tehꞈ-a.

Uˬ duˬ 4:12

Sehˬ gʼawˆ-euˬ laꞈ nyiˇ paw kʼaˬ lehˇ tawˆ dzeh-eu muiˬ-eu shawˇ-eu jawˇ duˬ-ahˇ aˬ yawꞈ yuˇ gʼeh-awˇ, miˬ dzaˬ ya dzah puiˆ meh.

Aˬmoˆ 3:10

Sahˬpaˬ Miˬyehˇ ehˇ-eu, “Tsawˇ haˬ heu deuˬ-aˬ, aˬ yawꞈ maꞈ-euˬ kuˆ lawˆ-ahˇ maˬ tsaˬ maˬ dawˇ-eu laꞈ kʼoeˇ ceh geuꞈ kʼaˆ geuꞈ taˬ-euˬ myawˬ gahˬ deuˬ baꞈ byah taˬ-euˬ meh. Yaw sui yaw dawˇ dawˇ-ehˇ dehꞈ-eu gaˇ kawˆ aˬ yawꞈ maꞈ maˬ siˬ nya-a.

Miˇkaˬ 2:2

Aˬ yawꞈ maꞈ deh ma geuꞈ mawꞈ ngeh, aˬ cawˬ-ahˇ kʼaˆ geuꞈ-euˬ meh. Aˬ yawꞈ maꞈ nymˇ geuꞈ mawꞈ ngeh, aˬ cawˬ-euˬ nymˇ yuˇ geuꞈ-euˬ meh. Tsawˇ haˬ tiˬ gʼaˬ-iˬ yawˬ ha-euˬ nymˇ jiˇ hawˇ-eu nymˇ dahˬ myawˬ gahˬ deuˬ aˬ yawꞈ maꞈ-euˬ laꞈ-ahˇ maˬ ya ahˇ leˇ ni maˬ tuˆ tehˬ ziꞈ nya-aˬ.

Zeˬpaˬniˇ 1:9

Ngaˇ kʼehˬ nehˬ kʼaˆ nehˬ le ngeh nah, lawˇ ciꞈ zahˇ tawˬ-eu deuˬ hawˇ-eu, yawˬ ha sahˬ paˬ pyuˇ shuiˇ jaˆ ni, aˬ cawˬ-ahˇ nawˬ dzaˬ-eu deuˬ-ahˇ, ngaˇ yaw kʼaˆ kʼaˆ-ehˇ kʼehˬ nehˬ ma.”

Maˬlaˬkiˇ 1:13

‘Gaˇ heu maˬ mˇ nahˇ-ehˇ pyeuꞈ laˇ taˬ nyaˬ’ lehˇ naw maꞈ ehˇ-awˇ, ngaˬ-ahˇ naˇ mehˇ mˇ juꞈ haw-eu meh. Kʼoeˬ-euˬ jeˬ zaˬ, kuiˇ kuˆ laꞈ kuˆ kuˆ-eu jeˬ zaˬ hawˇ-eu, naˇ gawˇ ahˇ-eu jeˬ zaˬ deuˬ tsahˇ-awˇ, naw maꞈ ngaˬ-ahˇ lawˇ nehˬ laˇ-euˬ meh. Kʼoeˇ loꞈ-ehˇ gʼeh-eu lawˇ-eu shehˇ-eu jeˬ-ahˇ ngaˇ ha geuꞈ tehꞈ-a lehˇ naw maꞈ noeˬ te loˇ.

Bawˇtsahˬ 5:7

Tsawˇ haˬ kʼoeˇ gʼaˬ yawˬ ha-euˬ iˬ baˇ ya ehˇ doˆ-awˇ, aˬ yawꞈ neh mˇ lehˬ nehˬ-euˬ gʼaˬ-ahˇ kʼaˇ mˇ lehˬ-euˬ jeˬ-euˬ aˇ poeˬ tiˬ byah tiˬ loꞈ ya biꞈ tsoeˬ-eu uˬ taꞈ, ngaˬ bymˇ tiˬ bymˇ ya biꞈ dzehˬ meh.