Uˬ duˬ 6:20 - Akha

²⁰ Aˬloˬ-ahˇ piˇ ma aˇ yaˬ biꞈ ngeh nah, aˬ yawꞈ hawˇ-eu aˬ yawꞈ-euˬ aˬ li deuˬ, heu loꞈ-ehˇ ya lawˇ ya shehˇ meh. Dzaˬ la gʼo cehˇ kʼaˇ lawˇ ngeh, cehˇ meu tiˬ pehˬ ya lawˇ ahˇ-eu loꞈ-ehˇ, cehˇ meu tiˬ pehˬ aˬ yawꞈ yuˇ-awˇ, uˬ shawˬ paw tiˬ paˆ, uˬ ciꞈ paw tiˬ paˆ ya lawˇ meh.

Uˬ duˬ 6:20 ပူးပေါင်းရင်းမြစ်များ

1 Laˬsaˬbaˬ 23:29

Miˬyehˇ-ahˇ damˬ-eu kaˬ muˇ jahˇ-eu gaˇ maˬ ehˇ, lawˇ-eu gʼaˇ duˬ loˬ-eu cehˇ meu, dehˬ tseˬ maˬ ahˇ-eu kaˬ muˇ, laˆ jaꞈ taˬ-euˬ kaˬ muˇ aˇ yaˆ hawˇ-eu saˬ loˬ tsiˇ keuˬ taˬ-euˬ cehˇ meu, heu deuˬ-ahˇ laˆ saˆ-eu gaˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ lawˇ-eu shehˇ-eu jeˬ-ahˇ pehˬ haw saˆ haw-eu gaˇ maˬ ehˇ,

Doˆ-iˇ 16:36

(Aˇ hu Iˇsaˬleˬlaˆ tsawˇ haˬ deuˬ zmˬ-euˬ, tiˬ awˇ mehˇ lehˇ kuˇ-eu cehˇ pehˬ tiˬ pehˬ-aˬ, nymˬ-mˇ aˬ dui zmˬ luꞈ-euˬ cehˇ pehˬ nyiˬ pehˬ hui ni ahˇ-eu meh.)

Doˆ-iˇ 29:2

Muiˬ dui dui-eu cehˇ meu yuˇ-awˇ, dehˬ tseˬ maˬ keuˬ ni, saˬ loˬ tsiˇ neh kaˬ muˇ jahˇ-awˬ. Tsiˇ maˬ keuˬ-eu kaˬ muˇ deuˬ kʼawꞈ jahˇ-awˇ, tsiˇ lehꞈ-euˬ kaˬ muˇ aˇ yaˆ yaˆ zaˬ deuˬ kʼawꞈ jahˇ-awˬ.

Uˬ duˬ 23:13

Saˬ loˬ tsiˇ keuˬ taˬ-euˬ cehˇ meu nyiˬ pehˬ yuˇ-awˇ, yawˇ kʼoeˇ mawˇ nehˬ-ehˇ tiˬ kawˆ loꞈ-ehˇ, dzaˬ dzaˬ dawˇ dawˇ lawˇ-eu jeˬ naw maꞈ ya lawˇ meh. Kʼoeˇ loꞈ-ehˇ lawˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh. Aˬ gaꞈ dzaˇ uiˇ maˇ tsaꞈ tiˬ tsaꞈ dzehˬ ni naw maꞈ ya lawˇ ahˇ meh.

Uˬ duˬ 5:1

Laꞈ oˆ paw ehˇ taˬ-euˬ gaˇ kawˆ heu deuˬ pyeuꞈ doˆ laˇ ngeh, iˬ baˇ shawˇ-eu lawˇ-eu jeˬ ya lawˇ meh. Tsawˇ haˬ tiˬ gʼaˬ na, yawˬ ha neh kʼaˇ ya gaˬ kʼaˇ ya mawˇ-euˬ jeˬ, yaˇ kʼaˬ daˇ-eu nymˇ-ahˇ saˇ kiˇ geuꞈ-awˇ ya ngehˬ ya tmˇ doˆ jiˇ meh lehˇ ehˇ taˬ-euˬ kʼawꞈ, yawˬ ha neh ya mawˇ-euˬ loꞈ-ehˇ maˬ ngehˬ maˬ tmˇ ni jawˇ naˇ, iˬ baˇ ya pi meh.

Uˬ duˬ 5:11

Tsawˇ haˬ tiˬ gʼaˬ na, kʼaˬ kʼoeˬ nyiˬ mawˇ maˬ ehˇ, kʼaˬ guˬ nyiˬ mawˇ maˬ ehˇ, maˬ jawˇ naˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ, cehˇ meu tiˬ pehˬ ya yuˇ laꞈ meh. Saˬ loˬ tsiˇ maˬ ehˇ, yaw saw jeˬ maˬ ehˇ, cehˇ meu-ahˇ aˬ yawꞈ maˬ ya keuˬ-a. Aˬ jeˬ miˇ neh ehˇ naˇ, kʼoeˇ-aˬ, dzaˬ la gʼo cehˇ lawˇ-eu gʼaˇ duˬ maˬ ngeuˇ-a. Iˬ baˇ shawˇ-eu lawˇ-eu jeˬ gʼaˇ duˬ pyeuꞈ-eu meh.

Uˬ duˬ 6:11

Kʼoeˇ naˇ, aˬ yawꞈ mehˬ tsoeˬ dm paˇ-awˇ, kʼaˬ lehˇ kʼoeˇ deuˬ-ahˇ, pu pu dzeˇ jaˆ-eu muiˬ-eu shawˇ-eu jawˇ duˬ-ahˇ ya tawˆ taˬ-iˇ meh.

Uˬ duˬ 6:19

Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh.

Bawˇtsahˬ 28:10

Heu loꞈ-ehˇ miˬ dzaˬ dzah puiˆ-awˇ lawˇ-eu heu-aˬ, aˬ yawꞈ nah yawꞈ lawˇ luꞈ-eu aˬ gaꞈ dzaˇ uiˇ hawˇ-eu nui jeˬ uˬ taꞈ, jawˇ nah ngeh nah paˇ ya lawˇ dzehˬ-eu lawˇ-eu jeˬ pyeuꞈ-eu meh.

Bawˇtsahˬ 28:3

Heu-aˬ, Sahˬpaˬ Miˬyehˇ-ahˇ ya lawˇ-eu dzaˬ dzaˬ dawˇ dawˇ lawˇ-eu jeˬ pyeuꞈ-eu meh. Aˬ yawꞈ nah yawꞈ ya lawˇ-eu miˬ dzaˬ dzah puiˆ-awˇ lawˇ-eu jeˬ gʼaˇ duˬ, tiˬ myaˇ byah laˇ-euˬ maˇ byawꞈ maˬ baw-eu yawˇ zaˬ aˬ buˬ nyiˬ mawˇ ya lawˇ meh.

Bawˇtsahˬ 4:16

Piˇ ma Aˬloˬ-euˬ aˬ li Eˇlaˬzaˬ-aˬ, tsiˇ kʼmˬ doꞈ-eu tsiˇ, tsiˇ yaw saw jeˬ, dzaˬ la gʼo cehˇ lawˇ-eu jeˬ hawˇ-eu, tseˇ doˆ-euˬ deuˬ-ahˇ lehꞈ-eu tsiˇ heu deuˬ-ahˇ ya haw ya pyaˆ meh. Sehˬ gʼawˆ gʼawˆ lah ni hawˇ-eu, Sehˬ gʼawˆ laꞈ kʼoeˇ kʼaˇ jaˆ-eu Sahˬpaˬ Miˬyehˇ-ahˇ a nehˬ taˬ-euˬ jeˬ dawˬ tawˆ luꞈ-ahˇ ya haw ya pyaˆ meh.

HeˬByehˇ 5:1

Piˇ ma yaw huiˬ gʼaˬ kʼaˇ bi geuꞈ-euˬ yawˬ gʼaˬ na luꞈ-ahˇ, jeˬ zaˬ sehꞈ-awˇ lawˇ-eu gʼaˇ duˬ maˬ ehˇ, iˬ baˇ shawˇ-eu lawˇ-eu shehˇ-eu jeˬ mˇ-eu gʼaˇ duˬ maˬ ehˇ, tsawˇ haˬ zaˬ-euˬ dah zaˇ Miˬyehˇ-euˬ gaˇ bi mˇ-eu lehˇ tsawˇ haˬ zaˬ laꞈ kʼoeˇ Miˬyehˇ neh tseˇ doˆ-euˬ meh.

HeˬByehˇ 7:27

Piˇ ma yaw huiˬ nui deuˬ-ahˇ aˬ yawꞈ maˬ duˇ-a. Aˬ yawꞈ maꞈ loꞈ-ehˇ yawˬ nah na luꞈ yawˬ ha-euˬ iˬ baˇ gʼaˇ duˬ jeˬ hu lawˇ gʼaˬ shehˇ gʼaˬ ngeh, aˬ cawˬ-euˬ i baˇ gʼaˇ duˬ ya lawˇ ya shehˇ-eu heu deuˬ-ahˇ aˬ yawꞈ mˇ-eu maˬ loˬ-a. Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, tiˬ poˆ lawˇ-awˇ mˬ maˬ maˬ byaˆ zaˇ ziˇ gmˬ-eu lawˇ-euˬ jeˬ pyeuꞈ-eu meh.