Uˬ duˬ 6:18 - Akha

¹⁸ Mehˬ hu paw yaw dehꞈ dehꞈ daˆ leꞈ-eu aˇ yamˬ laꞈ kʼoeˇ, Aˬloˬ o neh jeuˬ le o le-euˬ kʼaˬ dzeˇ zaˬ aˬ geu gʼaˬ maˬ kaˬ, dzehˬ laˇ-euˬ cehˇ meu kʼoeˇ neh jahˇ taˬ-euˬ ka muˇ dzaˬ nya meh. Aˬ jeˬ miˇ neh ehˇ naˇ, kʼoeˇ-aˬ, Sahˬpaˬ Miˬyehˇ-ahˇ lawˇ nehˬ-euˬ jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ meh. Dzaˬ dzaˬ dawˇ dawˇ lawˇ-eu jeˬ-ahˇ toeˬ ciˆ leˇ-eu tsawˇ haˬ aˬ geu gʼaˬ maˬ kaˬ, kʼoeˇ-euˬ muiˬ-eu shawˇ-eu baoˬ baˬ da neh guˬ leˇ tehꞈ-a.

Uˬ duˬ 6:18 ပူးပေါင်းရင်းမြစ်များ

Doˆ-iˇ 29:37

Shiꞈ nah keuˆ ni, aˬ yawꞈ nah yawꞈ kʼoeˇ loꞈ-ehˇ jahˇ-awˬ. Kʼoeˇ ngeh, lawˇ duˬ kʼoeˇ muiˬ laˇ shawˇ laˇ-awˇ, kʼoeˇ gaˇ kʼaˇ toeˬ ciˆ leˇ-eu aˬ geu gʼaˬ maˬ kaˬ, aˬ geu jeˬ maˬ kaˬ, muiˬ-eu shawˇ-eu jeˬ-euˬ baoˬ baˬ da neh, guˬ leˇ tehꞈ-a.

Uˬ duˬ 3:17

Iˇsaˬleˬlaˆ tsawˇ haˬ tiˬ gʼaˬ-iˬ, shaˬ tsuˇ hawˇ-eu shiˬ maˬ ya dzaˬ-a. Iˇsaˬleˬlaˆ tsawˇ haˬ deuˬ aˬ geu gaˇ jawˇ keuˆ-euˬ maˬ kaˬ, zahˇ sahˇ kʼoꞈ heu hmˬ-ahˇ, mˬ maˬ maˬ byaˆ zaˇ ziˇ ya caw teh meh.

Uˬ duˬ 4:24

Ciꞈ myehꞈ kʼoeˇ mawˇ-euˬ uˬ duˬ kʼoeˇ taˆ aˬ yawꞈ aˬ laꞈ baꞈ daˆ-awˇ, miˬ dzaˬ dzah puiˆ-awˇ lawˇ-eu jeˬ zaˬ deuˬ-ahˇ sehꞈ-eu jawˇ duˬ pyeuꞈ-eu lawˇ duˬ laꞈ taˆ paw pyawˬ kʼoeˇ tsahˇ-ahˇ, ciꞈ myehꞈ kʼoeˇ mawˇ-ahˇ aˬ yawꞈ ya sehꞈ meh. Heu-aˬ, iˬ baˇ yuˇ dzeh-eu lawˇ-eu jeˬ pyeuꞈ-eu meh.

Uˬ duˬ 4:3

Piˇ ma yaw huiˬ gʼaˬ iˬ baˇ mˇ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ iˬ baˇ keuˆ le naˇ, maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ aˬ yawꞈ tsahˇ laꞈ-awˇ, aˬ yawꞈ-euˬ iˬ baˇ gʼaˇ duˬ, Sahˬpaˬ Miˬyehˇ-ahˇ ya lawˇ meh.

Uˬ duˬ 4:33

Yawˇ kʼoeˇ mawˇ-euˬ uˬ duˬ kʼoeˇ taˆ aˬ yawꞈ aˬ laꞈ baꞈ daˆ-awˇ, miˬ dzaˬ-ahˇ dzah puiˆ-awˇ lawˇ-eu jeˬ zaˬ deuˬ sehꞈ-eu jawˇ duˬ pyeuꞈ-eu, lawˇ duˬ-euˬ laꞈ taˆ paw pyawˬ-ahˇ jaˆ-eu jawˇ duˬ kʼoeˇ tsahˇ-ahˇ, yawˇ kʼoeˇ mawˇ-ahˇ aˬ yawꞈ ya sehꞈ meh.

Uˬ duˬ 6:10

Kʼoeˇ naˇ, shawˇ jehˆ ni gʼeh-eu pehˇ kʼahˬ pehˇ mahˇ hawˇ-eu, laꞈ kʼoeˇ dm-eu mehˬ tsoeˬ deuˬ-ahˇ piˇ ma gʼaˬ dm-awˇ, lawˇ duˬ kʼoeˇ taˆ jaˆ-eu tsiˇ lehꞈ-eu kʼaˬ lehˇ deuˬ-ahˇ, lawˇ duˬ gaˇ dzeˇ ya tawˆ taˬ meh.

Uˬ duˬ 6:19

Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh.

Uˬ duˬ 6:27

Jeˬ zaˬ kʼoeˇ mawˇ-euˬ shaˬ jiˇ-ahˇ kʼaˇ toeˬ ciˆ leˇ-eu tsawˇ haˬ aˬ geu gʼaˬ maˬ kaˬ, aˬ geu jeˬ maˬ kaˬ, kʼoeˇ-euˬ muiˬ-eu shawˇ-eu baoˬ baˬ da neh, guˬ leˇ tehꞈ-a. Jeˬ zaˬ kʼoeˇ mawˇ-euˬ shiˬ lehꞈ leˇ-euˬ mehˬ tsoeˬ-ahˇ, muiˬ-eu shawˇ-eu jawˇ duˬ tiˬ tsahˇ-ahˇ iˇ-awˇ ya tsiˬ shawˇ meh.

Uˬ duˬ 6:29

Piˇ maˬ deuˬ-euˬ nymˇ kʼahˬ zaˬ deuˬ pyeuꞈ-eu kʼaˬ dzeˇ zaˬ deuˬ, lawˇ gʼaˬ-euˬ dzaˇ kʼoeˇ dzaˬ nya meh. Dzaˇ kʼoeˇ-aˬ, muiˬ dui shawˇ dui dui-eu meh.

Uˬ duˬ 7:6

Piˇ ma deuˬ-euˬ nymˇ kʼahˬ zaˬ deuˬ laꞈ kʼoeˇ jawˇ-eu kʼaˬ dzeˇ zaˬ dawˬ tawˆ luꞈ, jeˬ zaˬ kʼoeˇ mawˇ-euˬ shaˬ jiˇ dzaˬ nya meh. Ehˇ kʼawꞈ, shaˬ jiˇ kʼoeˇ-ahˇ, muiˬ-eu shawˇ-eu jawˇ duˬ tiˬ tsahˇ laꞈ kʼoeˇ ya dzaˬ meh. Aˬ jeˬ miˇ neh ehˇ naˇ, shaˬ jiˇ kʼoeˇ muiˬ dui shawˇ dui dui-eu meh.

Bawˇtsahˬ 18:10

Kʼaˬ dzeˇ zaˬ deuˬ tehꞈ-ehˇ dzaˇ kʼoeˇ deuˬ dzaˬ nya-awˇ, muiˬ-eu shawˇ-eu jawˇ duˬ laꞈ kʼoeˇ naw maꞈ ya dzaˬ meh. Dzaˇ kʼoeˇ-aˬ, muiˬ-eu shawˇ-eu dzaˇ meh lehˇ naw maꞈ siˬ nya-awˬ.

Bawˇtsahˬ 18:8

Aˬloˬ-ahˇ Sahˬpaˬ Miˬyehˇ ehˇ nehˬ-eu, “Ngaˬ-ahˇ kʼaˇ damˬ-euˬ muiˬ-eu damˬ-eu jeˬ laꞈ kʼoeˇ, miˬ dzaˬ dzah puiˆ-awˇ maˬ kʼaˇ lawˇ-euˬ jeˬ nawˬ-ahˇ ngaˇ biꞈ-euˬ meh lehˇ maˬ ngehˇ ni noeˬ taˬ-awˬ. Kʼoeˇ-aˬ, aˬ myah luꞈ nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ taˬ-euˬ shaˬ bymˇ meh.

1 Gawˇliˬtu 9:13

Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu tsawˇ haˬ deuˬ Uˬ duˬ tahˬ nymˇ nymˇ ma-ahˇ jaˆ-eu dzaˬ dzaˬ dawˇ dawˇ za-awˇ, lawˇ duˬ kʼoeˇ taˆ kʼaˇ lawˇ-euˬ jeˬ laꞈ kʼoeˇ, lawˇ-eu jeˬ mˇ nehˬ-eu gʼaˬ-ahˇ oꞈ-eu shaˬ bymˇ jaˆ-eu gaˇ kawˆ naw maꞈ siˬ duˬ-eu meh.

1 Beˬtuˆluˆ 1:16

“Ngaˇ yaw muiˬ yaw shawˇ miˇ neh, naw maꞈ kʼawꞈ ya bi muiˬ ya bi shawˇ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.