Uˬ duˬ 6:16 - Akha

¹⁶ Dzehˬ laˇ-euˬ deuˬ-ahˇ, Aˬloˬ hawˇ-eu aˬ yawꞈ-euˬ aˬ li deuˬ ya dzaˬ meh. Cehˇ meu kʼoeˇ neh, dehˬ tseˬ maˬ keuˬ-eu kaˬ muˇ jahˇ-awˇ, Sahˬpaˬ Miˬyehˇ jawˇ-eu sehˬ gʼawˆ yaˇ kmˇ laꞈ kʼoeˇ, muiˬ-eu shawˇ-eu jawˇ duˬ tiˬ tsahˇ-ahˇ, kaˬ muˇ kʼoeˇ aˬ yawꞈ maꞈ ya dzaˬ meh.

Uˬ duˬ 6:16 ပူးပေါင်းရင်းမြစ်များ

2 Laˬsaˬbaˬ 31:14

Leˬbiˇ tsawˇ haˬ Iˇmaˬnahˬ-euˬ aˬ li pyeuꞈ-eu, Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw pyawˬ-ahˇ loꞈ-eu deuˬ kʼoeˇ taˆ aˬ yuiꞈ geuꞈ luꞈ-eu Kawˇleˬ-aˬ, Sahˬpaˬ Miˬyehˇ-ahˇ damˬ nehˬ laˇ-euˬ laꞈ sawˬ kʼoeˇ deuˬ-ahˇ ha geuꞈ-awˇ biˇ nehˬ-eu paw aˬ yuiꞈ geuꞈ-awˇ haw-euˬ meh.

Doˆ-iˇ 12:8

Kʼoeˇ ngeh miˇ, shaˬ jiˇ kʼoeˇ deuˬ tehˬ ba-awˇ, dehˬ tseˬ maˬ ahˇ-eu kaˬ muˇ hawˇ-eu yaw kʼaˬ kʼaˬ-eu gʼawˬ paꞈ gʼawˬ nyoeˇ nehˬ-ehˇ ya dzaˬ meh.

Yeˬsaˬgeˬlaˇ 44:29

Dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ hawˇ-eu, dziˇ dzoˆ tsoeˬ-eu lawˇ-eu jeˬ-aˬ, piˇ ma deuˬ-ahˇ oꞈ-eu dzaˇ pyeuꞈ-awˇ, Iˇsaˬleˬlaˆ miˇ kʼahˬ laꞈ kʼoeˇ ngaˬ-ahˇ kʼaˇ damˬ taˬ-eu jeˬ dawˬ tawˆ luꞈ, aˬ yawꞈ maꞈ-ahˇ oꞈ-eu meh.

Uˬ duˬ 2:3

Dzehˬ laˇ-euˬ cehˇ meu deuˬ-ahˇ, piˇ ma deuˬ ya geuꞈ meh. Cehˇ meu kʼoeˇ-aˬ, Sahˬpaˬ Miˬyehˇ-ahˇ lawˇ nehˬ gʼaˬ-euˬ baˬ da neh, muiˬ dui shawˇ dui dui-eu meh.

Uˬ duˬ 5:13

Kʼoeˇ loꞈ-ehˇ, tsawˇ haˬ kʼoeˇ gʼaˬ-euˬ iˬ baˇ gʼaˇ duˬ, piˇ ma gʼaˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ buˬ-iˇ-eu meh. Dzaˬ la gʼo cehˇ lawˇ ngeh loꞈ-ehˇ, dzehˬ laˇ-euˬ cehˇ meu kʼoeˇ deuˬ piˇ ma gʼaˬ ya geuꞈ-eu meh.

Uˬ duˬ 6:23

Piˇ ma neh dzaˬ dzaˬ dawˇ dawˇ lawˇ-euˬ dzaˇ kʼoeˇ ma ya dzaˬ-a. Dawˬ tawˆ luꞈ ya dzah puiˆ jiˇ meh.

Uˬ duˬ 6:26

Jeˬ zaˬ kʼoeˇ mawˇ-ahˇ lawˇ-eu piˇ ma gʼaˬ, Sahˬpaˬ Miˬyehˇ jawˇ-eu Sehˬ gʼawˆ yaˇ kmˇ laꞈ kʼoeˇ, muiˬ-eu shawˇ-eu jawˇ duˬ tiˬ tsahˇ-ahˇ, jeˬ zaˬ kʼoeˇ mawˇ-euˬ shaˬ jiˇ ya dzaˬ meh.

Bawˇtsahˬ 18:8

Aˬloˬ-ahˇ Sahˬpaˬ Miˬyehˇ ehˇ nehˬ-eu, “Ngaˬ-ahˇ kʼaˇ damˬ-euˬ muiˬ-eu damˬ-eu jeˬ laꞈ kʼoeˇ, miˬ dzaˬ dzah puiˆ-awˇ maˬ kʼaˇ lawˇ-euˬ jeˬ nawˬ-ahˇ ngaˇ biꞈ-euˬ meh lehˇ maˬ ngehˇ ni noeˬ taˬ-awˬ. Kʼoeˇ-aˬ, aˬ myah luꞈ nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ taˬ-euˬ shaˬ bymˇ meh.

1 Gawˇliˬtu 5:8

Aˬ dui Baˬsaˬkaˬ Bawˬ-iˬ gʼeh kaˇ-euˇ. Iˬ baˇ hawˇ-eu maˬ muiˬ maˬ jaˬ-eu jeˬ pyeuꞈ-eu dehˬ tseˬ ahˇ-eu kaˬ muˇ-ahˇ maˬ gʼoe-ehˇ, yaw muiˬ yaw shawˇ hawˇ-eu yaw tsaˬ yaw dawˇ kaˬ muˇ pyeuꞈ-eu dehˬ tseˬ maˬ ahˇ-eu kaˬ muˇ-ahˇ gʼoe-awˇ bawˬ-iˬ gʼeh kaˇ-euˇ.