Uˬ duˬ 6:10 - Akha10 Kʼoeˇ naˇ, shawˇ jehˆ ni gʼeh-eu pehˇ kʼahˬ pehˇ mahˇ hawˇ-eu, laꞈ kʼoeˇ dm-eu mehˬ tsoeˬ deuˬ-ahˇ piˇ ma gʼaˬ dm-awˇ, lawˇ duˬ kʼoeˇ taˆ jaˆ-eu tsiˇ lehꞈ-eu kʼaˬ lehˇ deuˬ-ahˇ, lawˇ duˬ gaˇ dzeˇ ya tawˆ taˬ meh. အခန်းကိုကြည့်ပါ။ |
Uˬ duˬ 6:10
22 ပူးပေါင်းရင်းမြစ်များ
Miˇ kʼahˬ zaˬ deuˬ laˇ-awˇ jawˇ-eu laꞈ nyiˇ pu kaˬ-ahˇ aˬ yawꞈ maꞈ maˬ iˇ doˆ mi naˆ-ehˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ ngeh dm-euˬ aˬ yawꞈ maꞈ-euˬ mehˬ tsoeˬ deuˬ-ahˇ, muiˬ-eu shawˇ-eu kuˆ lawˆ deuˬ laꞈ kʼoeˇ ya lehˆ taˬ yaꞈ meh. Muiˬ-eu shawˇ-eu mehˬ tsoeˬ kʼoeˇ baˬ da neh miˇ kʼahˬ zaˬ deuˬ-ahˇ maˬ bi guˬ dzaˬ leˇ-eu gʼaˇ duˬ, kʼoeˇ loꞈ-ehˇ ya dm paˇ meh.
Jeˬ zaˬ kʼoeˇ mawˇ-euˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ-ahˇ tsawˇ haˬ kʼoeˇ gʼaˬ ya tsiˬ shawˇ meh. Kʼoeˇ naˇ, lawˇ-eu jeˬ kʼoeˇ-ahˇ, piˇ ma gʼaˬ Sahˬpaˬ Miˬyehˇ jawˇ gaˇ yuˇ gʼeh-awˇ, mawˇ lah-ehˇ lawˇ duˬ kʼoeˇ taˆ dzah puiˆ-awˇ ya lawˇ meh. Heu loꞈ-ehˇ lawˇ-eu dzaˬ dzaˬ dawˇ dawˇ lawˇ-eu jeˬ-euˬ yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.
Tsawˇ haˬ kʼoeˇ gʼaˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ ya tsiˬ shawˇ-awˇ, aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ-aˬ, mawˇ neˇ kʼoeˇ mawˇ mawˇ lah ni lawˇ duˬ kʼoeˇ taˆ ya dzah puiˆ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ kʼoeˇ-ahˇ, Sahˬpaˬ Miˬyehˇ nui ma tsaˬ-eu meh.
Kʼoeˇ naˇ, Sahˬpaˬ Miˬyehˇ heu loꞈ-ehˇ dawˬ mehˬ dawˬ tsoˆ tsoˆ-euˬ meh. Muiˬ dui shawˇ dui dui-eu Jawˇ duˬ-ahˇ Aˬloˬ maˬ uˇ leˇ mi naˆ-ehˇ, aˬ yawꞈ-euˬ gʼawˇ mawˇ iˇ cuꞈ dzuiꞈ shawˇ-awˇ, piˇ ma-euˬ dm gʼaˬ dm lmˇ pyeuꞈ-eu, shawˇ jehˆ ni gʼeh-eu saˬ paˇ neh guꞈ taˬ-euˬ pehˇ kʼahˬ pehˇ mahˇ, laꞈ di laꞈ deu, joꞈ paꞈ hawˇ-eu, uˬ dzahˬ heu deuˬ-ahˇ, aˬ yawꞈ ya dm ya gʼaˬ meh.
Mehˬ hu paw yaw dehꞈ dehꞈ daˆ leꞈ-eu aˇ yamˬ laꞈ kʼoeˇ, Aˬloˬ o neh jeuˬ le o le-euˬ kʼaˬ dzeˇ zaˬ aˬ geu gʼaˬ maˬ kaˬ, dzehˬ laˇ-euˬ cehˇ meu kʼoeˇ neh jahˇ taˬ-euˬ ka muˇ dzaˬ nya meh. Aˬ jeˬ miˇ neh ehˇ naˇ, kʼoeˇ-aˬ, Sahˬpaˬ Miˬyehˇ-ahˇ lawˇ nehˬ-euˬ jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ meh. Dzaˬ dzaˬ dawˇ dawˇ lawˇ-eu jeˬ-ahˇ toeˬ ciˆ leˇ-eu tsawˇ haˬ aˬ geu gʼaˬ maˬ kaˬ, kʼoeˇ-euˬ muiˬ-eu shawˇ-eu baoˬ baˬ da neh guˬ leˇ tehꞈ-a.
“Aˬloˬ hawˇ-eu aˬ yawꞈ-euˬ aˬ li deuˬ-ahˇ, ngaˇ jawˇ-eu Sehˬ gʼawˆ-ahˇ sheuˬ laꞈ-awˇ, piˇ ma-euˬ dm gʼaˬ dm lmˇ deuˬ, tseˇ doˆ-euˬ deuˬ-ahˇ lehꞈ-eu tsiˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ mawˇ neˇ mawˇ gaw zaˬ, yawˇ aˬ buˬ nyiˬ mawˇ, dehˬ tseˬ maˬ ahˇ-eu kaˬ muˇ dawˆ ahˇ taˬ-euˬ kʼa sa, heu deuˬ yuˇ laꞈ-awˬ.
ကြော်ငြာတွေ