Uˬ duˬ 5:4 - Akha

⁴ Tsawˇ haˬ tiˬ gʼaˬ na, maˬ shaˇ noeˬ maˬ shaˇ sawˇ ni, tiˬ jeˬ paˬ gʼaˇ duˬ kamˬ naˇ, aˬ geu jeˬ gʼaˇ duˬ kamˬ-eu maˬ kaˬ, aˬ yawꞈ kʼoeˇ loꞈ-ehˇ kamˬ-euˬ aˬ yawˇ yawꞈ siˬ leˇ-eu nehˬ-ehˇ tiˬ poˆ tehꞈ-ehˇ, iˬ baˇ ahˇ-eu meh.

Uˬ duˬ 5:4 ပူးပေါင်းရင်းမြစ်များ

2 Saˬmeuˬlaˆ 21:7

Ehˇ kʼawꞈ, Yawˇnaˆshaˬ-euˬ aˬ li pyeuꞈ-eu Sawˇluˆ-euˬ oeˬ paˬ Meˬpiˇbawˇshehˆ gʼaˬ-ahˇ Daˬbiˇ bi dzeuˇ-iˇ-euˬ meh. Aˬ jeˬ miˇ neh ehˇ naˇ, Yawˇnaˆshaˬ aˬ yawꞈ nyaꞈ yaw kaˬ muiˬ-eu shawˇ-eu saˇ jaˇ dzaˬ taˬ-eu jaˆ-eu meh.

2 Sahˬpaˬ 6:31

“Iˬ nah Eˇliˇshehˇ-euˬ uˬ duˬ ngaˇ maˬ deuˆ tsehˆ nya naˇ, Sahˬpaˬ Miˬyehˇ ngaˬ-ahˇ sehꞈ luꞈ-uˇ” lehˇ aˬ yawꞈ ehˇ-eu meh.

Jaceuq 106:33

Aˬ yawꞈ nui ma naˇ dui dui ni aˬ yawꞈ maꞈ jahˇ-awˇ, maˬ shaˇ noeˬ ni dawˬ kʼaˆ ngehˬ dzeuˇ-euˬ meh.

Uˬ duˬ 5:13

Kʼoeˇ loꞈ-ehˇ, tsawˇ haˬ kʼoeˇ gʼaˬ-euˬ iˬ baˇ gʼaˇ duˬ, piˇ ma gʼaˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ buˬ-iˇ-eu meh. Dzaˬ la gʼo cehˇ lawˇ ngeh loꞈ-ehˇ, dzehˬ laˇ-euˬ cehˇ meu kʼoeˇ deuˬ piˇ ma gʼaˬ ya geuꞈ-eu meh.

Uˬ duˬ 5:3

Tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, tsawˇ haˬ zaˬ-euˬ gʼawˇ mawˇ-ahˇ taꞈ leˇ-eu maˬ shawˇ-eu tiˬ jeˬ na-ahˇ ya toeˬ ciˆ naˇ, aˬ geu jeˬ-ahˇ ya toeˬ ciˆ-euˬ maˬ kaˬ, aˬ yawꞈ kʼoeˇ loꞈ-ehˇ toeˬ ciˆ gʼaˬ-euˬ gaˇ kawˆ aˬ yawˇ yawꞈ siˬ leˇ-eu nehˬ-ehˇ tiˬ poˆ tehꞈ-ehˇ, iˬ baˇ ahˇ-eu meh.

Bawˇtsahˬ 30:6

Smˇ miˇ maˬ iˇ-euˬ zaˬ miˬ zaˬ tiˬ gʼaˬ na, noeˬ tsehˆ-eu laꞈ kʼoeˇ maˬ ehˇ, maˬ noeˬ tsehˆ ni maˬ ehˇ, tiˬ jeˬ paˬ mˇ-eu gʼaˇ duˬ maˬ kaˬ, tiˬ jeˬ paˬ maˬ mˇ ni yahˇ-awˇ dehꞈ-eu gʼaˇ duˬ maˬ kaˬ, saˇ jaˇ dzaˬ gʼaˬ miˇ tsa smˇ miˇ iˇ naˇ,

Bawˇtsahˬ 30:8

Ehˇ kʼawꞈ, gaˇ kawˆ kʼoeˇ aˬ yawꞈ-euˬ kʼaˬ dzeˇ zaˬ gʼaˬ ya gaˬ-awˇ, maˬ bi mˇ ni laˆ tsoeˬ naˇ, saˇ jaˇ dzaˬ taˬ-euˬ loꞈ-ehˇ maˬ mˇ byah ni jawˇ nya meh. Sahˬpaˬ Miˬyehˇ aˬ yawꞈ-ahˇ iˬ baˇ pyehˬ nehˬ tehꞈ-a.

Maꞈtehˬ 14:7

Kʼoeˇ miˇ neh, “Nawˇ kʼaˇ shaˇ-eu jeˬ biꞈ ma lehˇ ngaˇ saˇ jaˇ dzaˬ-eu ma” lehˇ, aˬ buˇ kʼoeˇ buˇ-ahˇ Heˬloˆ ehˇ nehˬ-euˬ meh.

Maꞈtehˬ 14:9

Sahˬ paˬ Heˬloˆ noeˬ shaˬ dui dui-eu meh. Ehˇ kʼawꞈ, daˬ yah kʼoeˇ myaˆ ni gʼeh-eu mehˬ shi aˬ yawꞈ saˇ jaˇ dzaˬ dzeuˇ-euˬ miˇ neh, aˬ buˇ kʼoeˇ buˇ kʼaˇ ehˇ-eu loꞈ-ehˇ jahˇ nehˬ-eu gʼaˇ duˬ, aˬ yawꞈ dawˬ biꞈ-euˬ meh.

Maˬkuˆ 6:23

Aˬ yawꞈ kamˬ-awˇ ehˇ-eu, “Nawˇ kʼaˇ shaˇ-eu jeˬ biꞈ ma lehˇ ngaˇ kamˬ-eu ma. Ngaˬ-euˬ miˇ kʼahˬ tiˬ paˆ paˆ nehˬ laꞈ lehˇ shaˇ kʼawꞈ, ngaˇ paˆ nehˬ ma.”

Gʼaˬkʼehˇ 23:12

Uˬ bya bya laˇ ngeh, Yuˇdaˆ tsawˇ haˬ tiˬ deuˬ tahˬ dzoeˇ-awˇ, Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ saˇ jaˇ dzaˬ-euˬ meh.

Yawˇshuˆ 2:14

Aˬ yawꞈ nyaꞈ aˬ yawꞈ-ahˇ ehˇ nehˬ-eu, “Nga nyaꞈ neh ehˇ taˬ-euˬ loꞈ-ehˇ nga nyaꞈ maˬ mˇ naˇ, Miˬyehˇ nga nyaꞈ-ahˇ sehꞈ luꞈ-uˇ. Nga nyaꞈ neh mˇ yaꞈ-eu gaˇ kawˆ tsawˇ haˬ tiˬ gʼaˬ-ahˇ-iˬ nawˇ maˬ ehˇ nehˬ ni jawˇ naˇ, miˇ kʼahˬ heu kʼahˬ Sahˬpaˬ Miˬyehˇ nga maꞈ-ahˇ biꞈ laꞈ ngeh, nawˬ-ahˇ yaw muiˬ paˬ-ehˇ haw nehˬ ma.”

Yawˇshuˆ 9:15

Giˇbyoˬ meuˬ-ahˇ jawˇ-eu tsawˇ haˬ deuˬ-ahˇ maˬ sehꞈ ni bi jawˇ-eu gʼaˇ duˬ, cawˬ cawˬ taꞈ-eu saˇ jaˇ Yawˇshuˆ dzaˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ kʼawꞈ, saˇ jaˇ ziꞈ ma lehˇ kamˬ-eu meh.

Yaˇ kʼaˬ daˇ 11:31

guiˇ deuˆ gʼaˬ-awˇ gʼoꞈ laˇ ngeh, ngaˬ-euˬ nymˇ laꞈ kʼoeˇ neh aˬ cawˬ jeˬ hu doˆ le-awˇ ngaˬ-ahˇ ha le-euˬ tsawˇ haˬ-ahˇ, miˬ dzaˬ-ahˇ dzah puiˆ-awˇ nawˬ-ahˇ lawˇ nehˬ ma.”

Yaˇ kʼaˬ daˇ 21:18

Ehˇ kʼawꞈ, aˬ dui maꞈ-euˬ aˬ buˇ deuˬ aˬ yawꞈ maꞈ-ahˇ maˬ bi mˇ dzaˬ-iˇ nya-a. Aˬ jeˬ miˇ neh ehˇ naˇ, yawˬ ha-euˬ aˬ buˇ Beˬyaˬmiˬ tsawˇ jeuˬ-ahˇ bi mˇ dzaˬ-iˇ-eu gʼaˬ kʼoeˇ taˆ, aˬ dui neh yaˬ kʼehˇ yaˬ taˬ-euˬ jeˬ keuˆ le tehꞈ-a.”

Yaˇ kʼaˬ daˇ 21:7

Dzeˇ yaꞈ-euˬ Beˬyaˬmiˬ tsawˇ haˬ deuˬ-ahˇ, aˬ dui maꞈ aˬ joˆ-ehˇ jahˇ-awˇ miˬ zaˬ poˆ nehˬ nmˇ. Aˬ dui maꞈ-euˬ aˬ buˇ deuˬ aˬ yawꞈ maꞈ-ahˇ maˬ bi dahˬ dzaˬ-iˇ lehˇ aˬ dui maꞈ saˇ jaˇ dzaˬ gʼaˬ taˬ-euˬ ma.”

Yaˇ kʼaˬ daˇ 9:19

Giˇdoˬ hawˇ-eu aˬ yawꞈ-euˬ nymˇ jiˇ-ahˇ naw maꞈ neh jahˇ nehˬ-euˬ heu yaw sui yaw dawˇ meh lehˇ ngeuˇ naˇ, Aˬbiˇmaˬlehˆ-ahˇ naw maꞈ nui kʼahˇ shiˇ-awˇ, Aˬbiˇmaˬlehˆ kʼawꞈ, naw maꞈ-ahˇ nui kʼahˇ shiˇ luꞈ-uˇ.

1 Saˬmeuˬlaˆ 1:11

Haˬnahˬ heu loꞈ-ehˇ saˇ jaˇ dzaˬ-euˬ meh. “Baoˬ huiˬ dui dui-eu gʼaˬ pyeuꞈ-eu Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu ngaˬ-ahˇ haw sheˇ. Ngaˇ shaˬ zahˬ naꞈ dui dui luꞈ gaˇ haw mawˇ-awˇ, ngaˬ-ahˇ maˬ ngehˇ ni noeˬ keuˆ nehˬ laꞈ-awˬ. Nawˇ ngaˬ-ahˇ aˬ li tiˬ li bi jawˇ le nehˬ laꞈ naˇ, aˬ li kʼoeˇ li-euˬ uˬ duˬ tsehˇ kahˇ tiˬ jawˇ-iˬ maˬ tehˬ ni bi jaˆ-awˇ, aˬ yawꞈ-euˬ gʼawˇ mawˇ maˬ shiˇ tiˬ ziˇ nawˬ-ahˇ a nehˬ ma lehˇ nawˬ nehˬ-ehˇ ngaˇ saˇ jaˇ dzaˬ ma.”

1 Saˬmeuˬlaˆ 25:22

Uˬ bya maˬ bya laˇ mi naˆ-ehˇ tsawˇ haˬ kʼoeˇ deuˬ-ahˇ ngaˇ maˬ sehꞈ jiˇ naˇ, Miˬyehˇ ngaˬ-ahˇ tsoꞈ bi deh le luꞈ-uˇ.”