Uˬ duˬ 5:2 - Akha

² Tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, zahˇ sahˇ kʼoꞈ laꞈ kʼoeˇ maˬ shawˇ-eu jeˬ lehˇ myahˇ taˬ-euˬ tiˬ jeˬ paˬ-ahˇ ya toeˬ ciˆ naˇ, yaw jeˬ ma jeˬ, shiˇ taˬ-eu jeˬ zaˬ tiˬ mawˇ na-ahˇ ya toeˬ ciˆ naˇ, aˬ yawꞈ kʼoeˇ loꞈ-ehˇ ya toeˬ ciˆ gʼaˬ-euˬ gaˇ kawˆ aˬ yawˇ yawꞈ siˬ leˇ-eu nehˬ-ehˇ tiˬ poˆ tehꞈ-ehˇ, iˬ baˇ ahˇ-eu maˬ shawˇ-eu tsawˇ haˬ pyeuꞈ laˇ-euˬ meh.

Uˬ duˬ 5:2 ပူးပေါင်းရင်းမြစ်များ

Jaceuq 19:12

Yawˬha yaw lehˬ siˬduˬnya-eu, tsawˇhaˬtiˬgʼaˬ-iˬ maˬjawˇ-a. Ngaˇmaˬmawˇ-euˬngaˬ-euˬiˬbaˇ, SahˬpaˬMiˬyehˇtsiˬshawˇnehˬlaꞈ.

Iˇsaˬyaˇ 52:11

Uˬ duˬ tahˬ nymˇ nymˇ ma-ahˇ taꞈ-eu keu ka baꞈ-eu tsawˇ haˬ deuˬ, Baˬbuˇloˬ meuˬ-ahˇ neh maˬ oe doˆ ni taˬ byehˇ. Maˬ toeˬ ciˆ kʼmˬ-eu mˇ myawˬ-ahˇ taˬ toeˬ. Yawˬ ha-euˬ gʼawˇ mawˇ shawˇ-awˇ doˆ-iˇ-awˬ.

Uˬ duˬ 11:11

Kʼoeˇ loꞈ-ehˇ gʼeh-eu deuˬ-aˬ, maˬ muiˬ maˬ shawˇ-a lehˇ naw maꞈ ya sawˇ meh. Kʼoeˇ deuˬ-ahˇ naw maꞈ maˬ dzaˬ kʼmˬ-eu uˬ taꞈ, shiˇ taˬ-euˬ gaˇ kʼawꞈ, maˬ toeˬ ciˆ kʼmˬ-a.

Uˬ duˬ 11:8

Jeˬ zaˬ heu deuˬ-euˬ shaˬ jiˇ maˬ dzaˬ kʼmˬ-eu uˬ taꞈ, jeˬ zaˬ heu deuˬ shiˇ taˬ-eu gaˇ maˬ toeˬ ciˆ kʼmˬ-a. Jeˬ zaˬ heu deuˬ-aˬ, naw maꞈ gʼaˇ duˬ maˬ shawˇ-eu jeˬ zaˬ deuˬ pyeuꞈ-eu meh.

Uˬ duˬ 4:13

Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ-awˇ, iˬ baˇ doˆ laˇ naˇ,

Uˬ duˬ 5:17

Tsawˇ haˬ tiˬ gʼaˬ na, maˬ noeˬ maˬ duˇ-ehˇ, Sahˬpaˬ Miˬyehˇ neh biꞈ taˬ-euˬ zahˇ dawˬ kʼoꞈ dawˬ tiˬ dawˬ na-ahˇ puiˬ-eu laꞈ kʼoeˇ iˬ baˇ mˇ naˇ, iˬ baˇ aˇ poeˬ aˬ yawꞈ ya biꞈ tsoeˬ meh.

Uˬ duˬ 5:3

Tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, tsawˇ haˬ zaˬ-euˬ gʼawˇ mawˇ-ahˇ taꞈ leˇ-eu maˬ shawˇ-eu tiˬ jeˬ na-ahˇ ya toeˬ ciˆ naˇ, aˬ geu jeˬ-ahˇ ya toeˬ ciˆ-euˬ maˬ kaˬ, aˬ yawꞈ kʼoeˇ loꞈ-ehˇ toeˬ ciˆ gʼaˬ-euˬ gaˇ kawˆ aˬ yawˇ yawꞈ siˬ leˇ-eu nehˬ-ehˇ tiˬ poˆ tehꞈ-ehˇ, iˬ baˇ ahˇ-eu meh.

Uˬ duˬ 5:4

Tsawˇ haˬ tiˬ gʼaˬ na, maˬ shaˇ noeˬ maˬ shaˇ sawˇ ni, tiˬ jeˬ paˬ gʼaˇ duˬ kamˬ naˇ, aˬ geu jeˬ gʼaˇ duˬ kamˬ-eu maˬ kaˬ, aˬ yawꞈ kʼoeˇ loꞈ-ehˇ kamˬ-euˬ aˬ yawˇ yawꞈ siˬ leˇ-eu nehˬ-ehˇ tiˬ poˆ tehꞈ-ehˇ, iˬ baˇ ahˇ-eu meh.

Uˬ duˬ 7:21

Tsawˇ haˬ tiˬ gʼaˬ na, tsawˇ haˬ zaˬ-ahˇ taꞈ-eu maˬ ehˇ, jeˬ zaˬ-ahˇ taꞈ-eu maˬ ehˇ, zahˇ sahˇ kʼoꞈ-ahˇ maˬ tsaˬ-eu maˬ shawˇ-eu tiˬ jeˬ na-ahˇ toeˬ ciˆ gʼaˬ-awˇ, lawˇ gʼaˬ shehˇ gʼaˬ-euˬ jeˬ zaˬ-euˬ shaˬ jiˇ dzaˬ naˇ, Miˬyehˇ-euˬ tsawˇ haˬ lehˇ maˬ paˇ sawˇ nya meh.

Haˬgaiˇ 2:13

Kʼoeˇ naˇ, Haˬgaiˇ heu loꞈ-ehˇ paˇ naˇ haˬ-euˬ meh. “Tsawˇ haˬ tiˬ gʼaˬ na shiˇ taˬ-euˬ jeˬ-ahˇ toeˬ ciˆ naˇ, maˬ shawˇ-eu tsawˇ haˬ pyeuꞈ-iˇ-eu meh. Tsawˇ haˬ kʼoeˇ gʼaˬ dzaˇ kʼoeˇ deuˬ-ahˇ toeˬ ciˆ naˇ, dzaˇ kʼoeˇ deuˬ maˬ shawˇ-eu dzaˇ pyeuꞈ-iˇ meh loˇ” lehˇ naˇ haˬ ngeh, “Ngeuˇ meh” lehˇ piˇ ma deuˬ ehˇ-eu meh.

Bawˇtsahˬ 19:22

Maˬ shawˇ-eu tsawˇ haˬ neh kʼaˇ toeˬ ciˆ leˇ-euˬ aˬ geu jeˬ maˬ kaˬ, maˬ shawˇ-a. Kʼoeˇ loꞈ-ehˇ gʼeh-eu jeˬ-ahˇ paˇ toeˬ ciˆ leˇ-eu tsawˇ haˬ kʼawꞈ, uˬ ciꞈ uˬ taw paw keuˆ ni maˬ shawˇ-eu tsawˇ haˬ pyeuꞈ-eu meh.”

Luˇkaꞈ 11:44

Naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-aˬ, aˬ cawˬ maˬ siˬ nya-ehˇ nawˬ tehˬ nawˬ tehˬ-ehˇ cah luꞈ-eu lmˬ bymˇ-ahˇ duˇ-eu meh.”

2 Gawˇliˬtu 6:17

“Aˬ yawꞈ maꞈ-ahˇ naw maꞈ gʼawˬ-awˇ, byehˇ dzeh yaꞈ-awˇ doˆ laˇ-awˬ” lehˇ, Sahˬpaˬ Miˬyehˇ ehˇ taˬ-euˬ meh. “Maˬ shawˇ-eu jeˬ-ahˇ taˬ toeˬ ciˆ. Naw maꞈ-ahˇ ngaˇ ha geuꞈ nehˬ ma.

Dawˬmehˬ 14:8

Aˬ zaꞈ shaˬ jiˇ maˬ dzaˬ kʼmˬ-a. Aˬ zaꞈ-aˬ, kuiˇ sehˬ nyiˬ paˆ baw kʼawꞈ, dzaˇ jiˆ maˬ jiˆ-eu miˇ neh, maˬ shawˇ-eu jeˬ zaˬ lehˇ ya sawˇ meh. Jeˬ zaˬ kʼoeˇ deuˬ-euˬ shaˬ jiˇ maˬ dzaˬ kʼmˬ-eu uˬ taꞈ, shiˇ taˬ-euˬ gaˇ kʼawꞈ, maˬ toeˬ ciˆ kʼmˬ-a.