Uˬ duˬ 5:18 - Akha

¹⁸ Dziˇ dzoˆ tsoeˬ-eu lawˇ-eu jeˬ gʼaˇ duˬ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ, piˇ ma jawˇ gaˇ aˬ yawꞈ ya tsahˇ laꞈ meh. Jeˬ zaˬ kʼoeˇ mawˇ-ahˇ, kʼaˇ poeˬ kʼaˇ lawˬ-eu loꞈ-ehˇ aˇ poeˬ ya pyehˆ meh. Tsawˇ haˬ kʼoeˇ gʼaˬ neh maˬ noeˬ maˬ duˇ-ehˇ mˇ lehˬ-euˬ iˬ baˇ gʼaˇ duˬ, piˇ ma gʼaˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ buˬ-iˇ-eu meh.

Uˬ duˬ 5:18 ပူးပေါင်းရင်းမြစ်များ

Uˬ duˬ 1:3

Miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ neˇ mawˇ gaw tiˬ mawˇ aˬ yawꞈ ya tsahˇ laꞈ meh. Aˬ yawꞈ neh lawˇ nehˬ-euˬ jeˬ-ahˇ Sahˬpaˬ Miˬyehˇ bi ha geuꞈ-eu gʼaˇ duˬ, mawˇ neˇ kʼoeˇ mawˇ-ahˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ ya tsahˇ keuˆ laꞈ meh.

Uˬ duˬ 1:4

Kʼoeˇ naˇ, mawˇ neˇ kʼoeˇ mawˇ-euˬ uˬ duˬ kʼoeˇ taˆ aˬ yawꞈ-euˬ aˬ laꞈ ya baꞈ daˆ meh. Kʼoeˇ ngeh, aˬ yawꞈ-euˬ iˬ baˇ bi pi dzeh-eu gʼaˇ duˬ lawˇ-eu jeˬ pyeuꞈ-eu mawˇ neˇ kʼoeˇ mawˇ-ahˇ ha geuꞈ nehˬ tehꞈ-a.

Uˬ duˬ 14:12

Kʼoeˇ naˇ, piˇ ma gʼaˬ yawˇ zaˬ aˬ buˬ tiˬ mawˇ tsahˇ-awˇ, maˇ tsaꞈ-ahˇ dahˬ-eu tsiˇ smˬ bymˇ tiˬ bymˇ nehˬ-ehˇ, dziˇ dzoˆ tsoeˬ-eu lawˇ-eu jeˬ ya lawˇ meh. Lawˇ-eu jeˬ kʼoeˇ, muiˬ-eu laꞈ sawˬ loꞈ-ehˇ, piˇ ma deuˬ gʼaˇ duˬ Sahˬpaˬ Miˬyehˇ-ahˇ ya damˬ nehˬ meh.

Uˬ duˬ 4:20

Iˬ baˇ shawˇ-eu lawˇ-eu jeˬ lawˇ ngeh sehꞈ-awˇ lawˇ-euˬ mawˇ neˇ mawˇ gaw kʼoeˇ mawˇ-ahˇ aˬ yawꞈ lawˇ-euˬ loꞈ-ehˇ, heu mawˇ-ahˇ kʼawꞈ, kʼoeˇ loꞈ-ehˇ ya lawˇ meh. Kʼoeˇ loꞈ-ehˇ, Iˇsaˬleˬlaˆ tsawˇ haˬ deuˬ-euˬ iˬ baˇ gʼaˇ duˬ lawˇ-eu shehˇ-eu jeˬ aˬ yawꞈ maꞈ mˇ-awˇ, Iˇsaˬleˬlaˆ tsawˇ haˬ deuˬ iˬ baˇ ya buˬ-iˇ-eu meh.

Uˬ duˬ 5:17

Tsawˇ haˬ tiˬ gʼaˬ na, maˬ noeˬ maˬ duˇ-ehˇ, Sahˬpaˬ Miˬyehˇ neh biꞈ taˬ-euˬ zahˇ dawˬ kʼoꞈ dawˬ tiˬ dawˬ na-ahˇ puiˬ-eu laꞈ kʼoeˇ iˬ baˇ mˇ naˇ, iˬ baˇ aˇ poeˬ aˬ yawꞈ ya biꞈ tsoeˬ meh.

Uˬ duˬ 5:19

Kʼoeˇ-aˬ, aˬ yawꞈ neh Sahˬpaˬ Miˬyehˇ-ahˇ mˇ lehˬ-euˬ gʼaˇ duˬ, dziˇ dzoˆ tsoeˬ-eu lawˇ-eu jeˬ pyeuꞈ-eu meh.

Bawˇtsahˬ 15:24

Tsawˇ haˬ aˇ maꞈ aˇ muˇ dawˬ tawˆ luꞈ maˬ siˬ nya-eu laꞈ kʼoeˇ maˬ noeˬ maˬ duˇ-ehˇ mˇ lehˬ-euˬ jeˬ ngeuˇ naˇ, Sahˬpaˬ Miˬyehˇ nui ma tsaˬ ni yaw saꞈ bi le-eu gʼaˇ duˬ, mawˇ neˇ mawˇ gaw tiˬ mawˇ tsahˇ-awˇ, miˬ dzaˬ dzah puiˆ-awˇ lawˇ-eu jeˬ ya lawˇ meh. Kʼoeˇ nehˬ-ehˇ tiˬ kawˆ loꞈ-ehˇ, dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ kʼawꞈ ya lawˇ meh. Kʼoeˇ uˬ taꞈ, ciꞈ myehꞈ ciꞈ buˬ tiˬ mawˇ tsahˇ-awˇ, iˬ baˇ shawˇ-eu lawˇ-eu jeˬ aˬ yawꞈ maꞈ ya lawˇ meh.