Uˬ duˬ 5:15 - Akha

¹⁵ Tsawˇ haˬ tiˬ gʼaˬ na, Sahˬpaˬ Miˬyehˇ-ahˇ biꞈ paˬ-ehˇ gʼeh-eu muiˬ-eu shawˇ-eu jeˬ maˬ biꞈ ni, maˬ noeˬ maˬ duˇ-ehˇ jawˇ-euˬ iˬ baˇ ahˇ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ tsahˇ laꞈ-awˇ, dziˇ dzoˆ tsoeˬ-eu lawˇ-eu jeˬ, Sahˬpaˬ Miˬyehˇ-ahˇ ya lawˇ nehˬ meh. Jeˬ zaˬ kʼoeˇ mawˇ-euˬ aˇ poeˬ, kʼaˇ poeˬ kʼaˇ lawˬ-eu loꞈ-ehˇ, ya pyehˆ tsehˆ meh.

Uˬ duˬ 5:15 ပူးပေါင်းရင်းမြစ်များ

2 Sahˬpaˬ 12:16

Dziˇ dzoˆ tsoeˬ-eu lawˇ-eu jeˬ lawˇ-eu deuˬ hawˇ-eu, iˬ baˇ shawˇ-eu lawˇ-eu jeˬ lawˇ-eu deuˬ neh biꞈ-euˬ pyuˇ deuˬ, bahˬ keuˆ kʼoeˇ keuˆ laꞈ kʼoeˇ maˬ dawˆ ahˇ-a. Aˬ jeˬ miˇ neh ehˇ naˇ, kʼoeˇ-aˬ, piˇ ma deuˬ-ahˇ oꞈ-eu shaˬ bymˇ meh.

Eˇzaˬlaˬ 10:19

Aˬ yawꞈ maꞈ miˬ zaˬ kʼoꞈ ma lehˇ saˇ jaˇ dzaˬ-awˇ, aˬ yawꞈ maꞈ-euˬ iˬ baˇ aˇ poeˬ yawˇ tiˬ mawˇ lawˇ nehˬ-euˬ meh.

Doˆ-iˇ 30:13

Tsawˇ seˬ yuˇ ngeh tsawˇ myahˇ kʼaˇ dawˆ-euˬ tsawˇ haˬ dawˬ tawˆ luꞈ, yawˬ ha-ahˇ kʼaˇ doˇ-eu loꞈ-ehˇ pyuˇ ya dawˆ meh. Tsawˇ haˬ yawˬ gʼaˬ na luꞈ, kʼoeˇ loꞈ-ehˇ pyuˇ dawˆ-awˇ, ngaˬ-ahˇ ya damˬ meh.

Yeˬsaˬgeˬlaˇ 40:39

Kuˆ lawˆ lawˆ ma kʼoeˇ lawˆ laꞈ kʼoeˇ, tiˬ pyawˬ-ahˇ nyiˬ jeh baꞈ taˬ-euˬ hawˬ jeh oeˬ jeh jaˆ-awˇ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu gʼaˇ duˬ maˬ ehˇ, iˬ baˇ shawˇ-eu lawˇ-eu jeˬ gʼaˇ duˬ maˬ ehˇ, mˇ lehˬ-euˬ baˬ da neh dziˇ dzoˆ tsoeˬ-eu lawˇ-eu jeˬ gʼaˇ duˬ maˬ ehˇ, jeˬ zaˬ sehꞈ ngeh hawˬ jeh kʼoeˇ deuˬ kʼoeˇ taˆ sehꞈ-eu meh.

Uˬ duˬ 1:10

Tsawˇ haˬ tiˬ gʼaˬ na, yawˬ ha-euˬ yawˇ maˬ ehˇ, ciꞈ myehꞈ maˬ ehˇ, lawˇ mawꞈ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ ya lawˇ meh.

Uˬ duˬ 1:3

Miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ neˇ mawˇ gaw tiˬ mawˇ aˬ yawꞈ ya tsahˇ laꞈ meh. Aˬ yawꞈ neh lawˇ nehˬ-euˬ jeˬ-ahˇ Sahˬpaˬ Miˬyehˇ bi ha geuꞈ-eu gʼaˇ duˬ, mawˇ neˇ kʼoeˇ mawˇ-ahˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ ya tsahˇ keuˆ laꞈ meh.

Uˬ duˬ 14:12

Kʼoeˇ naˇ, piˇ ma gʼaˬ yawˇ zaˬ aˬ buˬ tiˬ mawˇ tsahˇ-awˇ, maˇ tsaꞈ-ahˇ dahˬ-eu tsiˇ smˬ bymˇ tiˬ bymˇ nehˬ-ehˇ, dziˇ dzoˆ tsoeˬ-eu lawˇ-eu jeˬ ya lawˇ meh. Lawˇ-eu jeˬ kʼoeˇ, muiˬ-eu laꞈ sawˬ loꞈ-ehˇ, piˇ ma deuˬ gʼaˇ duˬ Sahˬpaˬ Miˬyehˇ-ahˇ ya damˬ nehˬ meh.

Uˬ duˬ 27:3

Nyiˬ tseˇ kʼoꞈ-ahˇ neh koꞈ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ-euˬ aˇ poeˬ-aˬ, uˬ duˬ tahˬ nymˇ-ahˇ zmˬ-eu pyuˇ maˇ byaˆ ngaˬ tseˇ byaˆ meh.

Uˬ duˬ 4:2

Tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ naˇ, zahˇ sahˇ kʼoꞈ heu deuˬ-ahˇ ya caw teh meh lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Uˬ duˬ 5:14

Zahˇ sahˇ kʼoꞈ heu deuˬ, Moˇseˬ-ahˇ Sahˬpaˬ Miˬyehˇ biꞈ nehˬ-euˬ meh.

Uˬ duˬ 5:16

Aˬ yawꞈ-aˬ, aˬ yawꞈ biꞈ nehˬ paˬ-ehˇ gʼeh-eu jeˬ zaˬ maˬ biꞈ-euˬ miˇ neh, kʼaˇ poeˬ kʼaˇ lawˬ-eu loꞈ-ehˇ ya tsoeˬ-eu uˬ taꞈ, ngaˬ bymˇ tiˬ bymˇ ya biꞈ dzehˬ meh. Jeˬ zaˬ kʼoeˇ mawˇ, piˇ ma-ahˇ aˬ yawꞈ ya a nehˬ-eu meh. Piˇ ma gʼaˬ jeˬ zaˬ kʼoeˇ mawˇ yuˇ-awˇ, tsawˇ haˬ kʼoeˇ gʼaˬ-euˬ iˬ baˇ gʼaˇ duˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.

Uˬ duˬ 5:18

Dziˇ dzoˆ tsoeˬ-eu lawˇ-eu jeˬ gʼaˇ duˬ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ, piˇ ma jawˇ gaˇ aˬ yawꞈ ya tsahˇ laꞈ meh. Jeˬ zaˬ kʼoeˇ mawˇ-ahˇ, kʼaˇ poeˬ kʼaˇ lawˬ-eu loꞈ-ehˇ aˇ poeˬ ya pyehˆ meh. Tsawˇ haˬ kʼoeˇ gʼaˬ neh maˬ noeˬ maˬ duˇ-ehˇ mˇ lehˬ-euˬ iˬ baˇ gʼaˇ duˬ, piˇ ma gʼaˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ buˬ-iˇ-eu meh.

Uˬ duˬ 6:6

Dziˇ dzoˆ tsoeˬ-eu lawˇ-eu jeˬ Sahˬpaˬ Miˬyehˇ-ahˇ lawˇ nehˬ-eu gʼaˇ duˬ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ, piˇ ma jawˇ gaˇ aˬ yawꞈ ya tsahˇ laꞈ meh. Jeˬ zaˬ kʼoeˇ mawˇ-ahˇ, kʼaˇ poeˬ kʼaˇ lawˬ-eu loꞈ-ehˇ, aˇ poeˬ ya pyehˆ meh.

Uˬ duˬ 7:1

Heu-aˬ, dziˇ dzoˆ tsoeˬ-eu lawˇ-eu jeˬ-ahˇ taꞈ leˇ-eu, muiˬ dui shawˇ dui dui-eu zahˇ sahˇ kʼoꞈ deuˬ pyeuꞈ-eu meh.

Uˬ duˬ 7:6

Piˇ ma deuˬ-euˬ nymˇ kʼahˬ zaˬ deuˬ laꞈ kʼoeˇ jawˇ-eu kʼaˬ dzeˇ zaˬ dawˬ tawˆ luꞈ, jeˬ zaˬ kʼoeˇ mawˇ-euˬ shaˬ jiˇ dzaˬ nya meh. Ehˇ kʼawꞈ, shaˬ jiˇ kʼoeˇ-ahˇ, muiˬ-eu shawˇ-eu jawˇ duˬ tiˬ tsahˇ laꞈ kʼoeˇ ya dzaˬ meh. Aˬ jeˬ miˇ neh ehˇ naˇ, shaˬ jiˇ kʼoeˇ muiˬ dui shawˇ dui dui-eu meh.

Bawˇtsahˬ 15:24

Tsawˇ haˬ aˇ maꞈ aˇ muˇ dawˬ tawˆ luꞈ maˬ siˬ nya-eu laꞈ kʼoeˇ maˬ noeˬ maˬ duˇ-ehˇ mˇ lehˬ-euˬ jeˬ ngeuˇ naˇ, Sahˬpaˬ Miˬyehˇ nui ma tsaˬ ni yaw saꞈ bi le-eu gʼaˇ duˬ, mawˇ neˇ mawˇ gaw tiˬ mawˇ tsahˇ-awˇ, miˬ dzaˬ dzah puiˆ-awˇ lawˇ-eu jeˬ ya lawˇ meh. Kʼoeˇ nehˬ-ehˇ tiˬ kawˆ loꞈ-ehˇ, dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ kʼawꞈ ya lawˇ meh. Kʼoeˇ uˬ taꞈ, ciꞈ myehꞈ ciꞈ buˬ tiˬ mawˇ tsahˇ-awˇ, iˬ baˇ shawˇ-eu lawˇ-eu jeˬ aˬ yawꞈ maꞈ ya lawˇ meh.

Bawˇtsahˬ 5:5

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Bawˇtsahˬ 5:8

Ehˇ kʼawꞈ, mˇ lehˬ nehˬ-euˬ jeˬ-ahˇ ya daˬ-euˬ tsawˇ haˬ kʼoeˇ gʼaˬ shiˇ-awˇ, aˬ yawꞈ-ahˇ tsoeˬ kʼoꞈ nehˬ-eu jeˬ-ahˇ ha geuꞈ-eu gʼaˇ duˬ aˬ yuiꞈ aˬ nyiˇ kʼawꞈ maˬ jawˇ naˇ, tsoeˬ kʼoꞈ nehˬ-euˬ jeˬ kʼoeˇ piˇ ma deuˬ gʼaˇ duˬ Sahˬpaˬ Miˬyehˇ-ahˇ ya a nehˬ meh. Iˬ baˇ ahˇ-eu tsawˇ haˬ kʼoeˇ gʼaˬ-ahˇ iˬ baˇ shawˇ nehˬ-eu zahˇ jahˇ gaˇ geuꞈ-eu yawˇ aˬ buˬ tiˬ mawˇ uˬ taꞈ, oꞈ-eu geuˇ-eu jeˬ ya biꞈ tsoeˬ-eu meh.

Dawˬmehˬ 12:26

Naw maꞈ-euˬ lawˇ-eu jeˬ hawˇ-eu naw maꞈ neh Sahˬpaˬ Miˬyehˇ-ahˇ biꞈ ma lehˇ saˇ jaˇ dzaˬ taˬ-euˬ laꞈ sawˬ deuˬ-ahˇ, uˬ duˬ tahˬ-eu jawˇ duˬ kʼoeˇ tsahˇ-ahˇ yuˇ gʼeh-awˬ.

1 Saˬmeuˬlaˆ 6:3

Aˬ yawꞈ maꞈ ehˇ-eu, “Iˇsaˬleˬlaˆ Miˬyehˇ-euˬ Dawˬ ma saˇ jaˇ Bahˬ keuˆ-ahˇ naw maꞈ sha ha kʼoꞈ leˇ mawꞈ naˇ, naw maꞈ-euˬ iˬ baˇ gʼaˇ duˬ damˬ nehˬ-eu tiˬ jeˬ paˬ nehˬ-ehˇ ya sha ha kʼoꞈ nehˬ leˇ tehꞈ-a. Damˬ-eu tiˬ jeˬ paˬ maˬ ahˇ-ehˇ, Dawˬ ma saˇ jaˇ Bahˬ keuˆ tehꞈ-ehˇ maˬ sha ha kʼoꞈ leˇ kʼmˬ-aˇ. Damˬ-eu tiˬ jeˬ paˬ nehˬ-ehˇ sha ha kʼoꞈ nehˬ leˇ naˇ, naw maꞈ naˇ gawˇ taˬ leˇ-awˇ, aˬ jeˬ baˬ da neh aˬ yawꞈ naw maꞈ-ahˇ kʼehˬ luꞈ-eu gaˇ kawˆ naw maꞈ ya siˬ tehꞈ-a.”