Uˬ duˬ 5:1 - Akha

¹ Laꞈ oˆ paw ehˇ taˬ-euˬ gaˇ kawˆ heu deuˬ pyeuꞈ doˆ laˇ ngeh, iˬ baˇ shawˇ-eu lawˇ-eu jeˬ ya lawˇ meh. Tsawˇ haˬ tiˬ gʼaˬ na, yawˬ ha neh kʼaˇ ya gaˬ kʼaˇ ya mawˇ-euˬ jeˬ, yaˇ kʼaˬ daˇ-eu nymˇ-ahˇ saˇ kiˇ geuꞈ-awˇ ya ngehˬ ya tmˇ doˆ jiˇ meh lehˇ ehˇ taˬ-euˬ kʼawꞈ, yawˬ ha neh ya mawˇ-euˬ loꞈ-ehˇ maˬ ngehˬ maˬ tmˇ ni jawˇ naˇ, iˬ baˇ ya pi meh.

Uˬ duˬ 5:1 ပူးပေါင်းရင်းမြစ်များ

1 Sahˬpaˬ 22:16

Ehˇ kʼawꞈ, Aˬhaˆ ehˇ-eu, “Sahˬpaˬ Miˬyehˇ-euˬ tsawˇ myahˇ uˬ moˆ nawˇ ngaˬ-ahˇ dawˬ ngehˬ cawˬ ngeh, dawˇ coe ni ngehˬ-awˬ tmˇ-awˬ lehˇ ngaˇ nawˬ-ahˇ aˇ myaˆ poˆ ya ehˇ nehˬ nmˇ.”

1 Sahˬpaˬ 8:31

“Tsawˇ haˬ tiˬ gʼaˬ aˬ cawˬ-ahˇ mˇ lehˬ-euˬ meh lehˇ dehˬ lehꞈ gaˇ ya daˬ-awˇ, aˬ yawꞈ iˬ baˇ maˬ ahˇ-eu gaˇ kawˆ bi kamˬ-eu gʼaˇ duˬ, Uˬ duˬ tahˬ nymˇ nymˇ ma-ahˇ jaˆ-eu nawˬ-euˬ lawˇ duˬ-ahˇ sheuˬ keuˆ laꞈ ngeh,

2 Laˬsaˬbaˬ 18:15

Ehˇ kʼawꞈ, Aˬhaˆ ehˇ-eu, “Sahˬpaˬ Miˬyehˇ-euˬ tsawˇ myahˇ uˬ moˆ nawˇ ngaˬ-ahˇ dawˬ ngehˬ cawˬ ngeh dawˇ coe ni ngehˬ-awˬ tmˇ-awˬ lehˇ ngaˇ nawˬ-ahˇ aˇ myaˆ poˆ ya ehˇ nehˬ nmˇ.”

Jaceuq 38:4

iˬbaˇmyaˬ-eu uˬduˬpymˬ-awˇ, maˬdaˬcoeˇni kah dui dui nya.

Doˆ-iˇ 22:11

tsawˇ haˬ kʼoeˇ gʼaˬ uˬ duˬ tahˬ-eu jawˇ duˬ-ahˇ le-awˇ, aˬ cawˬ-euˬ jeˬ zaˬ aˬ yawꞈ maˬ kʼoeˬ-aˬ lehˇ ya kamˬ meh. Jeˬ zaˬ kʼoeˇ mawˇ aˬ cawˬ neh bi kʼoeˬ-euˬ jeˬ maˬ ngeuˇ naˇ, yaw sahˇ gʼaˬ ya smˬ-awˇ, cu paˆ paˆ-euˬ gʼaˬ lawˬ nehˬ-eu maˬ loˬ-a.

Dawqdaq 29:24

Smˇ kʼoeˬ nehˬ-ehˇ cawˬ cawˬ-eu tsawˇ haˬ yawˬ haˇ yawˬ ha muiˇ gaˇ duˇ-eu meh. Dawˇ coe ni ehˇ doˆ naˇ, kʼehˬ-eu kʼaˆ-eu jeˬ-ahˇ ya daˬ-awˇ, maˬ ehˇ doˆ ni zaꞈ byoˆ naˇ, Miˬyehˇ neh yaˬ kʼehˇ yaˬ-euˬ jeˬ-ahˇ ya daˬ-eu meh.

Dawqdaq 30:9

Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

Iˇsaˬyaˇ 53:11

Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.

Yeˬlaˬmiˇ 23:10

Sahˬpaˬ Miˬyehˇ-ahˇ saˇ jaˇ maˬ ziꞈ-eu tsawˇ haˬ, miˇ kʼahˬ heu kʼahˬ laꞈ kʼoeˇ byah-awˇ, haiˬ-eu jeˬ-ahˇ poˆ-awˇ dehꞈ-eu laꞈ kʼoeˇ, aˬ yawꞈ maꞈ-euˬ baoˬ-ahˇ yehˬ bawˬ-ehˇ zmˬ-eu meh. Sahˬpaˬ Miˬyehˇ yaˬ kʼehˇ yaˬ-euˬ miˇ neh,. miˇ tsaˬ tahˬ kʼawˇ tsawˇ ngoeˇ ngoeˇ-awˇ, jeˬ zaˬ gaˆ kʼahˬ nyoeˬ-iˇ koˆ-iˇ-eu meh.

Yeˬsaˬgeˬlaˇ 18:20

Iˬ baˇ mˇ-euˬ tsawˇ haˬ aˬ yawꞈ gʼaˬ ya shiˇ tehꞈ-a. Aˬ da-euˬ iˬ baˇ baˬ da neh, aˬ li gʼaˬ kʼehˬ-eu kʼaˆ-eu jeˬ-ahˇ maˬ ya daˬ-aˇ. Kʼoeˇ loꞈ-ehˇ duˇ ni, aˬ li -euˬ iˬ baˇ baˬ da neh, aˬ da gʼaˬ kʼehˬ-eu kʼaˆ-eu jeˬ-ahˇ maˬ ya daˬ-aˇ. Muiˬ-eu tsawˇ haˬ yaw muiˬ jeˬ mˇ-euˬ baˬ da neh guiˬ lahˬ za-awˇ, haiˬ-eu tsawˇ haˬ yawˬ ha neh mˇ-euˬ yaw haiˬ jeˬ baˬ da neh ya shaˬ tehꞈ-a.

Yeˬsaˬgeˬlaˇ 18:4

Tsawˇ haˬ yawˬ gʼaˬ na luꞈ-eu saꞈ laˇ ngaˬ-euˬ tehꞈ ma. Aˬ da aˬ ma deuˬ-euˬ saꞈ laˇ maˬ ehˇ, zaˬ deuˬ-euˬ saꞈ laˇ maˬ ehˇ, ngaˬ-euˬ tehꞈ ma. Iˬ baˇ mˇ-eu tsawˇ haˬ aˬ yawꞈ gʼaˬ ya shiˇ tehꞈ-a.

Uˬ duˬ 17:16

Aˬ yawꞈ kʼoeˇ loꞈ-ehˇ maˬ jahˇ naˇ, kʼaˇ pyeuꞈ laˇ-euˬ jeˬ ya daˬ meh.

Uˬ duˬ 19:8

Shaˬ jiˇ kʼoeˇ dzaˬ-eu tsawˇ haˬ iˬ baˇ ahˇ-eu meh. Aˬ jeˬ miˇ neh ehˇ naˇ, ngaˬ-ahˇ damˬ gʼaˬ-eu yaw muiˬ yaw shawˇ jeˬ-ahˇ, maˬ muiˬ maˬ shawˇ-eu jeˬ loꞈ-ehˇ sawˇ-awˇ dzaˬ-euˬ meh. Tsawˇ haˬ kʼoeˇ gʼaˬ-ahˇ, ngaˬ-euˬ tsawˇ haˬ lehˇ maˬ paˇ sawˇ nehˬ nya meh.

Uˬ duˬ 20:17

Tsawˇ haˬ tiˬ gʼaˬ na, yawˬ ha-euˬ dmˇ ma tsi tsi ni gʼeh-eu gʼaˬ-ahˇ maˬ ehˇ, tiˬ ma baw zaˬ maˬ ngeuˇ-eu yawˬ ha-euˬ dmˇ ma nehˬ-ehˇ maˬ ehˇ, sheuˬ dahˬ dzaˬ naˇ, tsawˇ haˬ heu myaˆ ni gʼeh-eu mehˬ shi, aˬ yawꞈ nyaꞈ-ahˇ ya teh dzeh meh. Aˬ yawꞈ-aˬ, yawˬ ha-euˬ dmˇ ma-ahˇ bahˬ-eu miˇ neh, kʼaˇ keuˆ le-eu jeˬ ya daˬ meh.

Uˬ duˬ 4:2

Tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ naˇ, zahˇ sahˇ kʼoꞈ heu deuˬ-ahˇ ya caw teh meh lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Uˬ duˬ 5:15

Tsawˇ haˬ tiˬ gʼaˬ na, Sahˬpaˬ Miˬyehˇ-ahˇ biꞈ paˬ-ehˇ gʼeh-eu muiˬ-eu shawˇ-eu jeˬ maˬ biꞈ ni, maˬ noeˬ maˬ duˇ-ehˇ jawˇ-euˬ iˬ baˇ ahˇ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ tsahˇ laꞈ-awˇ, dziˇ dzoˆ tsoeˬ-eu lawˇ-eu jeˬ, Sahˬpaˬ Miˬyehˇ-ahˇ ya lawˇ nehˬ meh. Jeˬ zaˬ kʼoeˇ mawˇ-euˬ aˇ poeˬ, kʼaˇ poeˬ kʼaˇ lawˬ-eu loꞈ-ehˇ, ya pyehˆ tsehˆ meh.

Uˬ duˬ 5:17

Tsawˇ haˬ tiˬ gʼaˬ na, maˬ noeˬ maˬ duˇ-ehˇ, Sahˬpaˬ Miˬyehˇ neh biꞈ taˬ-euˬ zahˇ dawˬ kʼoꞈ dawˬ tiˬ dawˬ na-ahˇ puiˬ-eu laꞈ kʼoeˇ iˬ baˇ mˇ naˇ, iˬ baˇ aˇ poeˬ aˬ yawꞈ ya biꞈ tsoeˬ meh.

Uˬ duˬ 7:18

Smˬ nah jaˆ keuˆ-euˬ shaˬ jiˇ dzaˬ naˇ, kʼoeˇ ngeh poˆ lawˇ-euˬ jeˬ-ahˇ Sahˬpaˬ Miˬyehˇ maˬ ha geuꞈ-a. Lawˇ-euˬ kʼoeˇ-aˬ, maˬ geuˇ-eu lawˇ-eu jeˬ pyeuꞈ-awˇ, maˬ muiˬ maˬ shawˇ-eu uˬ taꞈ, shaˬ jiˇ kʼoeˇ kʼaˇ dzaˬ-euˬ tsawˇ haˬ-aˬ, kʼaˇ keuˆ le-eu iˬ baˇ ya pi meh.

Bawˇtsahˬ 9:13

Ehˇ kʼawꞈ, tsawˇ haˬ aˬ geu gʼaˬ maˬ kaˬ, zahˇ sahˇ kʼoꞈ-ahˇ taꞈ leˇ-eu laꞈ kʼoeˇ shawˇ-eu tsawˇ haˬ pyeuꞈ-eu uˬ taꞈ, gaˇ ma maˬ doˆ-iˇ-euˬ kʼawꞈ, Baˬsaˬkaˬ Bawˬ-iˬ maˬ gʼeh ni jawˇ naˇ, ngaˬ-euˬ tsawˇ haˬ lehˇ maˬ paˇ sawˇ nya meh. Aˬ jeˬ miˇ neh ehˇ naˇ, nah tsaˬ tsoˆ taˬ-euˬ aˇ yamˬ-ahˇ, ngaˬ-ahˇ lawˇ-eu shehˇ-eu jeˬ aˬ yawꞈ maˬ mˇ-a. Aˬ yawꞈ-euˬ iˬ baˇ baˬ da neh kʼaˇ pyeuꞈ laˇ-euˬ jeˬ-ahˇ aˬ yawꞈ ya daˬ meh.

Maꞈtehˬ 26:63

Ehˇ kʼawꞈ, Yeˬsuˇ dawˬ maˬ ngehˬ ni ciˬ cuˇ ni jawˇ-eu meh. Piˇ ma Yaw huiˬ gʼaˬ dawˬ tiˬ poˆ paˇ ehˇ-eu, “Dehꞈ luꞈ-eu Miˬyehˇ-euˬ tsawˇ myahˇ uˬ moˆ, ngaˇ nawˬ-ahˇ heu loꞈ-ehˇ bi kamˬ-eu ma. Nawˇ, Ka li lehˇ ehˇ-eu Miˬyehˇ-euˬ Zaˬmaˇ ngeuˇ ma loˇ.”

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.

Yaˇ kʼaˬ daˇ 17:2

Aˬ yawꞈ-euˬ aˬ ma-ahˇ aˬ yawꞈ ehˇ nehˬ-eu, “Nawˬ-eu pyuˇ maˇ byaˆ tiˬ heˇ tiˬ yaˇ byaˆ byoˆ ngeh, smˇ kʼoeˬ-ahˇ nawˇ yaˬ kʼehˇ yaˬ-euˬ ngaˇ gaˬ-euˬ ma. Nawˬ-euˬ pyuˇ kʼoeˇ deuˬ ngaˬ neh yuˇ-awˇ, ngaˇ jawˇ gaˇ jaˆ luꞈ meh.” Aˬ yawꞈ-euˬ aˬ ma ehˇ-eu, “Ngaˬ li-oˇ, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ.”