Uˬ duˬ 4:6 - Akha

⁶ Aˬ yawꞈ-euˬ laꞈ noeˇ shiˬ laꞈ kʼoeˇ cawˬ duiˆ-awˇ, lawˆ kaˬ taw taˬ-euˬ muiˬ-eu shawˇ-eu saˬ paˇ mehˬ shi, shiꞈ poˆ keuˆ ni ya byaˆ shehˬ meh.

Uˬ duˬ 4:6 ပူးပေါင်းရင်းမြစ်များ

Doˆ-iˇ 40:21

Kʼoeˇ naˇ, Bahˬ keuˆ-ahˇ Sehˬ gʼawˆ laꞈ kʼoeˇ baꞈ uˇ-awˇ, saˬ paˇ lawˆ kaˬ taw-euˬ meh. Sahˬpaˬ Miˬyehˇ neh dawˬ kʼaˇ biꞈ taˬ-eu loꞈ-ehˇ jahˇ-awˇ, dawˬ ma saˇ jaˇ bahˬ keuˆ-ahˇ taw lahˇ taˬ-euˬ meh.

Doˆ-iˇ 40:26

Sehˬ gʼawˆ laꞈ kʼoeˇ, lawˆ kaˬ taw paˆ taˬ-euˬ saˬ paˇ-euˬ mehˬ shi, shuiˇ neh jahˇ taˬ-euˬ lawˇ duˬ bi jaˆ-euˬ meh.

Uˬ duˬ 14:16

Kʼoeˇ naˇ, aˇ maˇ laꞈ laꞈ noeˇ tsiˇ kʼoeˇ-ahˇ cawˬ duiˆ-awˇ, Sahˬpaˬ Miˬyehˇ jawˇ-eu mehˬ shi, shiꞈ poˆ keu ni ya byaˆ shehˬ meh.

Uˬ duˬ 14:18

Aˬ yawꞈ-euˬ laꞈ zaˬ-ahˇ dzehˬ laˇ-euˬ tsiˇ kʼoeˇ yuˇ-awˇ, tsawˇ haˬ kʼoeˇ gʼaˬ-euˬ uˬ duˬ-ahˇ ya lehꞈ nehˬ meh. Kʼoeˇ loꞈ-ehˇ jahˇ-awˇ, bi shawˇ laˇ-eu zahˇ ya jahˇ nehˬ meh.

Uˬ duˬ 14:27

Kʼoeˇ naˇ, aˬ yawꞈ-euˬ aˇ maˇ laꞈ laꞈ noeˇ neh, Sahˬpaˬ Miˬyehˇ-euˬ mehˬ shi, tsiˇ kʼoeˇ shiꞈ poˆ keuˆ ni ya byaˆ shehˬ meh.

Uˬ duˬ 14:7

Piˇ ma gʼaˬ shiˬ kʼoeˇ yuˇ-awˇ, bi shawˇ laˇ-eu lehˇ gʼeh-eu nyawˬ naˇ-eu tsawˇ haˬ kʼoeˇ gʼaˬ kʼoeˇ taˆ shiꞈ poˆ keuˆ ni byaˆ shehˬ-awˇ, tsawˇ haˬ kʼoeˇ gʼaˬ yaw shawˇ meh lehˇ ya daˇ tsehˆ nehˬ meh. Kʼoeˇ naˇ, aˇ jiˇ yaw dehꞈ kʼoeˇ mawˇ pyehˬ-awˇ, kʼoeˇ taˆ paw ya bi yaw byoˆ gʼeh meh.

Uˬ duˬ 16:14

Mawˇ neˇ mawˇ gaw kʼoeˇ mawˇ-euˬ shiˬ ui cuiˆ yuˇ-awˇ, bahˬ keuˆ kʼmˬ pymˬ-ahˇ aˬ yawꞈ-euˬ laꞈ noeˇ neh ya byaˆ shehˬ meh. Kʼoeˇ naˇ, shiˬ kʼoeˇ neh, dawˬ ma saˇ jaˇ bahˬ keuˆ mehˬ shi, shiꞈ poˆ keuˆ ni ya byaˆ shehˬ meh.

Uˬ duˬ 16:19

Shiˬ kʼoeˇ yuˇ-awˇ, aˬ yawꞈ-euˬ laꞈ noeˇ neh, lawˇ duˬ-ahˇ shiꞈ poˆ keuˆ ni ya byaˆ shehˬ meh. Iˇsaˬleˬlaˆ tsawˇ haˬ deuˬ-euˬ iˬ baˇ baˬ da neh, aˬ yawꞈ kʼoeˇ loꞈ-ehˇ jahˇ-awˇ, lawˇ duˬ muiˬ laˇ shawˇ laˇ ni ya mˇ meh.

Uˬ duˬ 25:8

Shiꞈ kʼoꞈ tiˬ poˆ, shiꞈ poˆ keuˆ ni, oeˬ tseˇ gʼoeˬ kʼoꞈ byah laˇ ngeh keuˆ ni gui daˆ leꞈ-awˬ.

Uˬ duˬ 26:18

“Kʼoeˇ loꞈ-ehˇ pyeuꞈ laˇ gʼaˬ-euˬ kʼawꞈ, ngaˬ-euˬ ehˇ dawˬ-ahˇ naw maꞈ maˬ naˇ haˬ geuꞈ naˇ, shiꞈ bymˇ kʼaˆ dzehˬ-eu kʼehˬ-eu kʼaˆ-eu jeˬ, naw maꞈ kʼoeˇ taˆ keuˆ le tehꞈ-a.

Uˬ duˬ 26:24

yaw beh naˆ maˬ tseˇ shiꞈ bymˇ kʼaˆ dzehˬ-euˬ kʼehˬ-eu kʼaˆ-eu jeˬ, naw maꞈ kʼoeˇ taˆ ngaˇ paˇ bi keuˆ le ma.

Uˬ duˬ 26:28

ngaˇ nui ma pehˇ laˇ-eu laꞈ kʼoeˇ, yaw beh naˆ maˬ tseˇ shiꞈ bymˇ paˇ kʼaˆ dzehˬ-eu kʼehˬ-eu kʼaˆ-eu jeˬ, naw maꞈ kʼoeˇ taˆ paˇ bi keuˆ le ma.

Uˬ duˬ 4:17

Aˬ yawꞈ-euˬ laꞈ noeˇ shiˬ kʼoeˇ-euˬ laꞈ kʼoeˇ cawˬ duiˆ-awˇ, lawˆ kaˬ taw taˬ-euˬ saˬ paˇ mehˬ shi, shiꞈ poˆ keuˆ ni ya byaˆ shehˬ meh.

Uˬ duˬ 4:25

Piˇ ma gʼaˬ, yawˬ ha-euˬ laꞈ noeˇ jeˬ zaˬ kʼoeˇ mawˇ-euˬ shiˬ laꞈ kʼoeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ ya lehꞈ meh. Dzehˬ laˇ-euˬ shiˬ deuˬ, lawˇ duˬ-euˬ dawˬ pehˬ-ahˇ aˬ yawꞈ ya shehˆ meh.

Uˬ duˬ 4:30

Piˇ ma gʼaˬ, aˬ yawꞈ-euˬ laꞈ noeˇ jeˬ zaˬ kʼoeˇ mawˇ-euˬ shiˬ laꞈ kʼoeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ ya lehꞈ meh. Dzehˬ laˇ-euˬ shiˬ deuˬ, lawˇ duˬ dawˬ pehˬ-ahˇ aˬ yawꞈ ya shehˆ meh.

Uˬ duˬ 4:34

Piˇ ma gʼaˬ, aˬ yawꞈ-euˬ laꞈ noeˇ jeˬ zaˬ kʼoeˇ mawˇ-euˬ shiˬ-ahˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ ya lehꞈ meh. Dzehˬ laˇ-euˬ shiˬ deuˬ lawˇ duˬ dawˬ pehˬ-ahˇ aˬ yawꞈ ya shehˆ meh.

Uˬ duˬ 8:11

Kʼoeˇ naˇ, tsiˇ kʼoeˇ ui cuiˆ paˇ yuˇ-awˇ, lawˇ duˬ hawˇ-eu kʼoeˇ gaˇ taꞈ leˇ-eu keu ka deuˬ-ahˇ maˬ ehˇ, sehˇ byehˇ hawˇ-eu kʼoeˇ-euˬ aˬ kuiˇ-ahˇ maˬ ehˇ, shiꞈ poˆ keuˆ ni byaˆ shehˬ-awˇ, Sahˬpaˬ Miˬyehˇ-ahˇ a nehˬ-euˬ meh.

Uˬ duˬ 8:15

Mawˇ neˇ kʼoeˇ mawˇ-ahˇ Moˇseˬ sehꞈ-euˬ meh. Lawˇ duˬ a nehˬ-eu gʼaˇ duˬ, mawˇ neˇ kʼoeˇ mawˇ-euˬ shiˬ ui cuiˆ yuˇ-awˇ, aˬ yawꞈ-euˬ laꞈ noeˇ kʼoeˇ gaˇ cawˬ duiˆ-awˇ, lawˇ duˬ-euˬ laꞈ coeˇ-ahˇ tsoꞈ doˆ-eu uˬ coeˇ deuˬ-ahˇ lehꞈ-euˬ meh. Dzehˬ laˇ-euˬ shiˬ deuˬ yuˇ-awˇ, lawˇ duˬ-euˬ dawˬ pehˬ-ahˇ shehˆ-euˬ meh. Kʼoeˇ loꞈ-ehˇ jahˇ-awˇ, lawˇ duˬ kʼoeˇ a nehˬ-awˇ bi muiˬ bi shawˇ laˇ-euˬ meh.

Uˬ duˬ 9:9

Aˬ yawꞈ-euˬ aˬ li deuˬ mawˇ neˇ kʼoeˇ mawˇ-euˬ shiˬ yuˇ laꞈ ngeh, aˬ yawꞈ-euˬ laꞈ noeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ lehꞈ-awˇ, dzehˬ laˇ-euˬ shiˬ deuˬ lawˇ duˬ-euˬ dawˬ pehˬ-ahˇ shehˆ-euˬ meh.

Bawˇtsahˬ 19:4

Kʼoeˇ naˇ, Eˇlaˬzaˬ gʼaˬ mawˇ neˇ kʼoeˇ mawˇ-euˬ shiˬ ui cuiˆ yuˇ-awˇ, aˬ yawꞈ-euˬ laꞈ noeˇ neh Sehˬ gʼawˆ jaˆ-eu paw ya byaˆ shehˬ meh.

Yawˇshuˆ 6:4

Daˇ heh yuˇ luꞈ-eu piˇ ma shiꞈ gʼaˬ-ahˇ Dawˬ ma saˇ jaˇ Bahˬ keuˆ mehˬ shi bi cah-awˬ. Shiꞈ nah tiˬ nah-ahˇ, piˇ ma kʼoeˇ deuˬ daˇ heh baw luꞈ ngeh, nawˇ hawˇ-eu guiˇ deuˆ-eu nawˬ-euˬ tsawˇ haˬ deuˬ, meuˬ-ahˇ shiꞈ jawˬ cah jawˬ-awˬ.

Yawˇshuˆ 6:8

Yawˇshuˆ neh dawˬ biꞈ nehˬ-euˬ loꞈ-ehˇ, daˇ heh baw luꞈ-eu piˇ ma deuˬ mehˬ hu, guiˇ daˬ daˬ-eu guiˇ maꞈ doˆ-iˇ-euˬ meh. Kʼoeˇ-euˬ naˇ kʼah, Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ doˆ-iˇ-awˇ, naˇ kʼah paw jawˇ saˬ saˬ-eu guiˇ guiˇ maꞈ tiˬ maꞈ caw teh luꞈ-eu meh. Kʼoeˇ loꞈ-ehˇ doˆ-iˇ luꞈ ngeh, daˇ heh teˇ saˇ maˬ tsehˆ leˇ ni baw luꞈ-eu meh.