Uˬ duˬ 4:21 - Akha

²¹ Kʼoeˇ naˇ, aˬ yawꞈ-euˬ iˬ baˇ gʼaˇ duˬ lawˇ-euˬ mawˇ neˇ mawˇ gaw kʼoeˇ mawˇ-ahˇ dzah puiˆ-euˬ loꞈ-ehˇ, heu mawˇ-ahˇ kʼawꞈ, Sehˬ gʼawˆ laꞈ nyiˇ yuˇ doˆ-awˇ, ya dzah puiˆ meh. Heu-aˬ, Iˇsaˬleˬlaˆ tsawˇ haˬ aˇ maꞈ aˇ muˇ deuˬ-euˬ iˬ baˇ yuˇ dzeh-eu gʼaˇ duˬ lawˇ-eu jeˬ pyeuꞈ-eu meh.

Uˬ duˬ 4:21 ပူးပေါင်းရင်းမြစ်များ

Eˇzaˬlaˬ 8:35

Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ dawˬ tawˆ luꞈ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ lawˇ nehˬ-eu gʼaˇ duˬ, miˬ dzaˬ-ahˇ dzah puiˆ-awˇ lawˇ-eu jeˬ yuˇ laꞈ-euˬ meh. Iˇsaˬleˬlaˆ tsawˇ jeuˬ dawˬ tawˆ luꞈ gʼaˇ duˬ mawˇ neˇ tseˇ nyiꞈ mawˇ lawˇ-euˬ meh. Yawˇ aˬ buˬ gʼoeˬ tseˇ koꞈ mawˇ hawˇ-eu yawˇ zaˬ shiꞈ tseˇ shiꞈ mawˇ kʼawꞈ aˬ yawꞈ maꞈ lawˇ-euˬ meh. Kʼoeˇ uˬ taꞈ, aˬ yawꞈ maꞈ-euˬ iˬ baˇ shawˇ-eu gʼaˇ duˬ ciꞈ myehꞈ tseˇ nyiꞈ mawˇ lawˇ-euˬ meh. Jeˬ zaˬ heu deuˬ dawˬ tawˆ luꞈ miˬ dzaˬ-ahˇ dzah puiˆ-awˇ Sahˬpaˬ Miˬyehˇ-ahˇ lawˇ nehˬ-euˬ meh.

Doˆ-iˇ 29:14

Ehˇ kʼawꞈ, mawˇ neˇ kʼoeˇ mawˇ-euˬ shaˬ jiˇ, baˆ kʼoˆ hawˇ-eu, baw uˇ baw ma deuˬ-ahˇ sehˬ gʼawˆ-euˬ laꞈ nyiˇ paw keuˬ puiˆ-awˬ. Heu-aˬ, piˇ ma deuˬ-euˬ iˬ baˇ shawˇ-eu lawˇ-euˬ jeˬ pyeuꞈ-eu meh.

Yeˬsaˬgeˬlaˇ 45:22

Bawˬ-iˬ gʼeh-eu aˇ dahˬ beh ngeh nah, dzoeˬ dzaˬ oꞈ-eu sahˬ paˬ zaˬ yo gʼaˬ-aˬ, aˬ yawꞈ-euˬ iˬ baˇ hawˇ-eu miˇ kʼahˬ zaˬ dawˬ tawˆ luꞈ-euˬ iˬ baˇ shawˇ-eu gʼaˇ duˬ, mawˇ neˇ mawˇ gaw tiˬ mawˇ ya lawˇ meh.

Uˬ duˬ 16:15

Kʼoeˇ naˇ, Iˇsaˬleˬlaˆ tsawˇ haˬ deuˬ gʼaˇ duˬ iˬ baˇ shawˇ-eu lawˇ-eu jeˬ lawˇ-eu gʼaˇ duˬ, ciꞈ myehꞈ kʼoeˇ mawˇ aˬ yawꞈ ya sehꞈ meh. Ciꞈ myehꞈ kʼoeˇ mawˇ-euˬ shiˬ Muiˬ dui Shawˇ dui dui-eu Jawˇ duˬ laꞈ kʼoeˇ yuˇ ahˇ gʼeh-awˇ, mawˇ neˇ kʼoeˇ mawˇ-euˬ shiˬ byaˆ shehˬ-eu loꞈ-ehˇ, Dawˬ ma saˇ jaˇ Bahˬ keuˆ hawˇ-eu kʼoeˇ-euˬ kʼmˬ pymˬ mehˬ shi ya byaˆ shehˬ meh.

Uˬ duˬ 16:21

Aˬ yawꞈ-euˬ aˬ laꞈ nyiˬ laꞈ luꞈ ciꞈ myehꞈ kʼoeˇ mawˇ kʼoeˇ taˆ baꞈ daˆ-awˇ, kʼoeˇ-euˬ kʼoeˇ taˆ, Iˇsaˬleˬlaˆ tsawˇ haˬ deuˬ-euˬ maˬ muiˬ maˬ jaˬ-eu jeˬ maˬ ehˇ, iˬ baˇ deuˬ maˬ ehˇ, Sahˬpaˬ Miˬyehˇ-ahˇ puiˬ-eu jeˬ maˬ ehˇ, dawˬ tawˆ luꞈ ehˇ doˆ jiˇ-awˇ, ciꞈ myehꞈ kʼoeˇ mawˇ-euˬ uˬ duˬ-ahˇ dawˬ tawˆ luꞈ ya ciˬ pi nehˬ meh.

Uˬ duˬ 16:27

Iˬ baˇ shawˇ-eu lawˇ-eu jeˬ gʼaˇ duˬ maˬ ehˇ, Muiˬ dui Shawˇ dui dui-eu Jawˇ duˬ-ahˇ shiˬ yuˇ ahˇ gʼeh-eu gʼaˇ duˬ maˬ ehˇ, sehꞈ-euˬ mawˇ neˇ mawˇ gaw hawˇ-eu ciꞈ myehꞈ-ahˇ pu pu dzeˇ baꞈ doˆ-awˇ, ya dzah puiˆ dzeh meh. Baˆ kʼoˆ maˬ ehˇ, shaˬ jiˇ maˬ ehˇ, baw uˇ baw ma dawˬ tawˆ luꞈ maˬ ehˇ, ya dzah puiˆ dzeh meh.

Uˬ duˬ 4:13

Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ-awˇ, iˬ baˇ doˆ laˇ naˇ,

Uˬ duˬ 4:20

Iˬ baˇ shawˇ-eu lawˇ-eu jeˬ lawˇ ngeh sehꞈ-awˇ lawˇ-euˬ mawˇ neˇ mawˇ gaw kʼoeˇ mawˇ-ahˇ aˬ yawꞈ lawˇ-euˬ loꞈ-ehˇ, heu mawˇ-ahˇ kʼawꞈ, kʼoeˇ loꞈ-ehˇ ya lawˇ meh. Kʼoeˇ loꞈ-ehˇ, Iˇsaˬleˬlaˆ tsawˇ haˬ deuˬ-euˬ iˬ baˇ gʼaˇ duˬ lawˇ-eu shehˇ-eu jeˬ aˬ yawꞈ maꞈ mˇ-awˇ, Iˇsaˬleˬlaˆ tsawˇ haˬ deuˬ iˬ baˇ ya buˬ-iˇ-eu meh.

Uˬ duˬ 6:11

Kʼoeˇ naˇ, aˬ yawꞈ mehˬ tsoeˬ dm paˇ-awˇ, kʼaˬ lehˇ kʼoeˇ deuˬ-ahˇ, pu pu dzeˇ jaˆ-eu muiˬ-eu shawˇ-eu jawˇ duˬ-ahˇ ya tawˆ taˬ-iˇ meh.

Uˬ duˬ 6:23

Piˇ ma neh dzaˬ dzaˬ dawˇ dawˇ lawˇ-euˬ dzaˇ kʼoeˇ ma ya dzaˬ-a. Dawˬ tawˆ luꞈ ya dzah puiˆ jiˇ meh.

Uˬ duˬ 8:17

Baˆ kʼoˆ, shaˬ jiˇ hawˇ-eu baw uˇ baw ma ahˇ leˇ-ehˇ, mawˇ neˇ kʼoeˇ mawˇ laꞈ kʼoeˇ kʼaˇ dzehˬ laˇ-euˬ jeˬ dawˬ tawˆ luꞈ aˬ yawꞈ yuˇ-awˇ, Sahˬpaˬ Miˬyehˇ neh dawˬ biꞈ taˬ-eu loꞈ-ehˇ, pu pu dzeˇ keuˬ puiˆ dzeh-euˬ meh.

Bawˇtsahˬ 15:24

Tsawˇ haˬ aˇ maꞈ aˇ muˇ dawˬ tawˆ luꞈ maˬ siˬ nya-eu laꞈ kʼoeˇ maˬ noeˬ maˬ duˇ-ehˇ mˇ lehˬ-euˬ jeˬ ngeuˇ naˇ, Sahˬpaˬ Miˬyehˇ nui ma tsaˬ ni yaw saꞈ bi le-eu gʼaˇ duˬ, mawˇ neˇ mawˇ gaw tiˬ mawˇ tsahˇ-awˇ, miˬ dzaˬ dzah puiˆ-awˇ lawˇ-eu jeˬ ya lawˇ meh. Kʼoeˇ nehˬ-ehˇ tiˬ kawˆ loꞈ-ehˇ, dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ kʼawꞈ ya lawˇ meh. Kʼoeˇ uˬ taꞈ, ciꞈ myehꞈ ciꞈ buˬ tiˬ mawˇ tsahˇ-awˇ, iˬ baˇ shawˇ-eu lawˇ-eu jeˬ aˬ yawꞈ maꞈ ya lawˇ meh.

Maꞈtehˬ 20:28

Tsawˇhaˬ-euˬ Zaˬmaˇ kʼawꞈ, aˬ cawˬ neh bi mˇ cu-eu gʼaˇ duˬ oe-euˬ maˬ ngeuˇ-a. Aˬ cawˬ gʼaˇ duˬ mˇ le-euˬ uˬ taꞈ, tsawˇ haˬ gʼawˬ mya ni-ahˇ ka kʼoꞈ-eu gʼaˇ duˬ shiˇ dah le-eu lehˇ oe-euˬ meh.”

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

HeˬByehˇ 13:11

Yuˇdaˆ tsawˇ haˬ Piˇ ma Yaw huiˬ gʼaˬ-aˬ, Muiˬ dui shawˇ dui dui-eu Jawˇ duˬ laꞈ kʼoeˇ jeˬ zaˬ-euˬ shiˬ yuˇ ahˇ gʼeh-awˇ, iˬ baˇ shawˇ-eu lawˇ-eu jeˬ lawˇ-eu meh. Ehˇ kʼawꞈ, lawˇ-eu gʼaˇ duˬ sehꞈ-euˬ jeˬ zaˬ deuˬ-ahˇ-aˬ, pu pu dzeˇ ya dzah puiˆ dzeh-eu meh.