Uˬ duˬ 4:2 - Akha

² Tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ naˇ, zahˇ sahˇ kʼoꞈ heu deuˬ-ahˇ ya caw teh meh lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Uˬ duˬ 4:2 ပူးပေါင်းရင်းမြစ်များ

Aˇ dahˬ 20:9

Kʼoeˇ ngeh, Aˬbyaˬhaˬ-ahˇ Aˬbiˇmaˬlehˆ kuˇ-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ kʼoeˇ taˆ maˬ ehˇ, ngaˬ-euˬ miˇ kʼahˬ kʼoeˇ taˆ maˬ ehˇ, huiˬ dui dui-eu guˆ-eu gaˆ-eu jeˬ keuˆ le ni nawˇ jahˇ paˬ-ehˇ, nawˬ-euˬ kʼoeˇ taˆ ngaˬ neh mˇ lehˬ taˬ-euˬ aˬ jeˬ jaˆ ta. Nawˬ neh ngaˬ-ahˇ heu poˆ jahˇ nehˬ laꞈ-euˬ loꞈ-ehˇ, tsawˇ haˬ tiˬ gʼaˬ-iˬ ngaˬ-ahˇ maˬ jahˇ nehˬ laꞈ kʼmˬ-aˇ.

Jaceuq 19:12

Yawˬha yaw lehˬ siˬduˬnya-eu, tsawˇhaˬtiˬgʼaˬ-iˬ maˬjawˇ-a. Ngaˇmaˬmawˇ-euˬngaˬ-euˬiˬbaˇ, SahˬpaˬMiˬyehˇtsiˬshawˇnehˬlaꞈ.

Jaceuq 19:13

Siˬnya-awˇmˇlehˬ-eu jeˬ-ahˇ, maˬya mˇni haw lahˇlaꞈ-awˇ. iˬbaˇneh taˬbi uˆlahˇlaꞈ. Kʼoeˇnaˇ ngaˇmuiˬlaˇbyah laˇ-awˇ, iˬbaˇ-ahˇ ya dzeuˇ-iˇ tehꞈ-a.

Dawˬ tsoˆ 5:6

Nawˇ dawˬ ngehˬ ngeh, maˬ ngehˬ maˬ tmˇ bahˬ ni yahˇ-awˬ. Aˇ nah hawˇ-eu Miˬyehˇ-euˬ piˇ ma deuˬ mehˬ shi “Ngaˇ ngehˬ lehˬ-euˬ nya” lehˇ taˬ ehˇ. Aˬ jeˬ miˇ neh Miˬyehˇ nui ma bi pehˇ-eu jeˬ mˇ te. Aˬ jeˬ miˇ neh nawˬ neh mˇ-euˬ gaˇ-ahˇ aˬ yawꞈ bi laˆ cawˆ te.

Uˬ duˬ 22:14

“Piˇ ma-euˬ nymˇ kʼahˬ zaˬ ma ngeuˇ-eu tsawˇ haˬ tiˬ gʼaˬ na, maˬ noeˬ maˬ duˇ-ehˇ lawˇ gʼaˬ-euˬ dzaˇ dzaˬ naˇ, dzaˇ kʼoeˇ-euˬ aˇ poeˬ piˇ ma-ahˇ ya tsoeˬ nehˬ-eu uˬ taꞈ, ngaˬ bymˇ tiˬ bymˇ ya biꞈ dzehˬ meh.

Uˬ duˬ 4:1

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Uˬ duˬ 4:13

Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ-awˇ, iˬ baˇ doˆ laˇ naˇ,

Uˬ duˬ 4:22

Aˬ yuiꞈ aˬ tsu geuꞈ-awˇ uˆ lahˇ-eu tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ naˇ,

Uˬ duˬ 4:27

Miˇ kʼahˬ zaˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ-awˇ iˬ baˇ jaˆ laˇ naˇ,

Bawˇtsahˬ 35:11

tsawˇ haˬ tiˬ gʼaˬ na maˬ yehꞈ maˇ yehꞈ-ehˇ aˬ cawˬ-ahˇ laˆ sehꞈ ngeh cehˆ buˬ nya-eu gʼaˇ duˬ, buˬ-iˇ law-iˇ-eu meuˬ deuˬ naw maꞈ ya tseˇ doˆ taˬ meh.

Dawˬmehˬ 19:4

Tsawˇ haˬ tiˬ gʼaˬ na, yawˬ ha nehˬ-ehˇ nui ma laˆ naˇ taˬ-euˬ maˬ jaˆ-eu tsawˇ haˬ tiˬ gʼaˬ-ahˇ maˬ yehꞈ maˬ caˇ-ehˇ laˆ tahˬ-awˇ bi shiˇ naˇ, meuˬ kʼoeˇ tiˬ meuˬ na-ahˇ cehˆ uˇ-iˇ ngeh, maˬ ya shiˇ ni ya buˬ-iˇ tehꞈ-a.

1 Tiˆmoˇseˬ 1:13

Dzeuˇ laˇ ngeh aˬ yawꞈ-ahˇ ngaˇ ja doeˇ-awˇ, kʼehˬ nehˬ kʼaˆ nehˬ-awˇ, yehˬ bawˬ sehˇlu-ehˇ ehˇ nehˬ-euˬ ma. Ehˇ kʼawꞈ, ngaˇ jah-eu jeˬ maˬ ahˇ laˇ dah-ehˇ yawˬ ha mˇ luꞈ-eu jeˬ-ahˇ maˬ tseˇ paˆ nya-euˬ baˬ da neh, Miˬyehˇ ngaˬ-ahˇ gʼawˬ shaˬ gaˬ nehˬ laꞈ-euˬ meh.

HeˬByehˇ 5:2

Aˬ yawꞈ kʼawꞈ, gʼaˬ baˬ duˬ gʼawˬ mya ni jaˆ-eu loꞈ-ehˇ, maˬ siˬ nya-ehˇ mˇ lehˬ shaˇ lehˬ-euˬ deuˬ kʼoeˇ taˆ nui ma nahˬ yu ni taˬ nya-eu meh.

HeˬByehˇ 9:7

Piˇma Yaw huiˬ gʼaˬ tehꞈ-ehˇ sehˬ gʼawˆ laꞈ kʼoeˇ lawˆ-ahˇ ya uˇ leˇ-awˇ, tiˬ kʼoꞈ tiˬ poˆ tehꞈ-ehˇ ya uˇ leˇ-eu meh. Aˬ yawꞈ kʼoeˇ loꞈ-ehˇ uˇ leˇ ngeh, yawˬ ha-euˬ iˬ baˇ gʼaˇ duˬ maˬ ehˇ, tsawˇ haˬ zaˬ deuˬ neh iˬ baˇ meh lehˇ maˬ siˬ nya-ehˇ mˇ lehˬ-euˬ iˬ baˇ gʼaˇ duˬ maˬ ehˇ, Miˬyehˇ-ahˇ lawˇ-eu gʼaˇ duˬ shiˬ ya yuˇ ahˇ gʼeh-eu meh.

Yaˬkoˆ 3:10

Guiˬ lahˬ-ahˇ ja ceuˬ-eu dawˬ maˬ ehˇ, yaˬ kʼehˇ yaˬ-eu dawˬ maˬ ehˇ, kʼaˬ meh mehˬ boeˬ-ahˇ neh tehꞈ-ehˇ doˆ laˇ-eu meh. Aˬ yuiꞈ aˬ nyiˇ Ka li zaˬ deuˬ-oˇ, kʼoeˇ loꞈ-ehˇ bi gʼeh-eu maˬ tsaˬ-a.

1 Saˬmeuˬlaˆ 14:27

Ehˇ kʼawꞈ, tsawˇ haˬ kʼoeˇ deuˬ-ahˇ aˬ yawꞈ-euˬ aˬ da neh yaˬ kʼehˇ yaˬ-awˇ laˆ tsoeˬ taˬ-euˬ gaˇ kawˆ-ahˇ Yawˇnaˆshaˬ gʼaˬ maˬ siˬ nya-a. Kʼoeˇ miˇ neh, aˬ yawꞈ yuˇ luꞈ-eu daˇ cuiˇ neh byaˬ byaˬ yaˆ tsawˆ paˆ doˆ-awˇ, byaˬ byaˬ uiˇ ui cuiˆ yuˇ dzaˬ-euˬ meh. Kʼoeˇ ngeh, tiˬ kʼehˇ laˇ kʼehˬ laꞈ kʼoeˇ aˬ yawꞈ gʼaˬ paˇ kʼoꞈ laˇ-euˬ meh.