Uˬ duˬ 4:15 - Akha

¹⁵ Iˇsaˬleˬlaˆ tsawˇ haˬ aˇ maꞈ aˇ muˇ kʼoeˇ taˆ aˬ yuiꞈ aˬ tsu geuꞈ-eu deuˬ, mawˇ neˇ kʼoeˇ mawˇ-euˬ kʼoeˇ taˆ aˬ laꞈ baꞈ daˆ-awˇ, kʼoeˇ gaˇ ya sehꞈ meh.

Uˬ duˬ 4:15 ပူးပေါင်းရင်းမြစ်များ

2 Laˬsaˬbaˬ 29:23

Aˇ saˬ saˬ laˇ jawˬ-ehˇ, sahˬ paˬ hawˇ-eu uˬ duˬ tahˬ laˇ-euˬ tsawˇ haˬ deuˬ jawˇ gaˇ ciꞈ myehꞈ ciꞈ buˬ kʼoeˇ deuˬ aˬ yawꞈ maꞈ tsahˇ gʼeh-awˇ, ciꞈ myehꞈ deuˬ kʼoeˇ taˆ aˬ laꞈ bi cawˬ daˆ-euˬ meh.

Doˆ-iˇ 24:1

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬloˬ, Naˬdehˇ, Aˬbiˇhuˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ sheuˬ-awˇ, gawˬ jawˬ-ahˇ ngaˇ jawˇ gaˇ daˆ laˇ-awˬ. Naw maꞈ ngaˇ jawˇ gaˇ maˬ laˇ keuˆ mi naˆ-ehˇ, ui cuiˆ gaˇ mahˇ kaˬ gaˇ jawˇ-awˇ, aw byaˆ-eu laꞈ kʼoeˇ, ngaˬ-ahˇ uˬ duˬ tahˬ-awˬ.

Doˆ-iˇ 24:9

Moˇseˬ, Aˬloˬ, Naˬdehˇ, Aˬbiˇhuˬ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ, gawˬ jawˬ kʼoeˇ jawˬ-ahˇ daˆ leˇ-euˬ meh.

Uˬ duˬ 1:3

Miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ neˇ mawˇ gaw tiˬ mawˇ aˬ yawꞈ ya tsahˇ laꞈ meh. Aˬ yawꞈ neh lawˇ nehˬ-euˬ jeˬ-ahˇ Sahˬpaˬ Miˬyehˇ bi ha geuꞈ-eu gʼaˇ duˬ, mawˇ neˇ kʼoeˇ mawˇ-ahˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ ya tsahˇ keuˆ laꞈ meh.

Uˬ duˬ 1:4

Kʼoeˇ naˇ, mawˇ neˇ kʼoeˇ mawˇ-euˬ uˬ duˬ kʼoeˇ taˆ aˬ yawꞈ-euˬ aˬ laꞈ ya baꞈ daˆ meh. Kʼoeˇ ngeh, aˬ yawꞈ-euˬ iˬ baˇ bi pi dzeh-eu gʼaˇ duˬ lawˇ-eu jeˬ pyeuꞈ-eu mawˇ neˇ kʼoeˇ mawˇ-ahˇ ha geuꞈ nehˬ tehꞈ-a.

Uˬ duˬ 16:21

Aˬ yawꞈ-euˬ aˬ laꞈ nyiˬ laꞈ luꞈ ciꞈ myehꞈ kʼoeˇ mawˇ kʼoeˇ taˆ baꞈ daˆ-awˇ, kʼoeˇ-euˬ kʼoeˇ taˆ, Iˇsaˬleˬlaˆ tsawˇ haˬ deuˬ-euˬ maˬ muiˬ maˬ jaˬ-eu jeˬ maˬ ehˇ, iˬ baˇ deuˬ maˬ ehˇ, Sahˬpaˬ Miˬyehˇ-ahˇ puiˬ-eu jeˬ maˬ ehˇ, dawˬ tawˆ luꞈ ehˇ doˆ jiˇ-awˇ, ciꞈ myehꞈ kʼoeˇ mawˇ-euˬ uˬ duˬ-ahˇ dawˬ tawˆ luꞈ ya ciˬ pi nehˬ meh.

Uˬ duˬ 4:16

Piˇ ma Yaw huiˬ gʼaˬ Sehˬ gʼawˆ laꞈ kʼoeˇ mawˇ neˇ kʼoeˇ mawˇ-euˬ shiˬ ui cuiˆ ya yuˇ ahˇ gʼeh meh.

Uˬ duˬ 4:4

Mawˇ neˇ kʼoeˇ mawˇ sehˬ gʼawˆ gʼoˆ kʼehˬ-ahˇ aˬ yawꞈ tsahˇ laꞈ-awˇ, mawˇ neˇ-euˬ uˬ duˬ kʼoeˇ taˆ, aˬ yawꞈ-euˬ aˬ laꞈ ya baꞈ daˆ meh. Kʼoeˇ gaˇ, Sahˬpaˬ Miˬyehˇ mehˬ shi, mawˇ neˇ kʼoeˇ mawˇ aˬ yawꞈ ya sehꞈ meh.

Uˬ duˬ 8:14

Kʼoeˇ naˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ, mawˇ neˇ mawˇ gaw zaˬ kʼoeˇ mawˇ Moˇseˬ tsahˇ laꞈ-awˇ, Aˬloˬ hawˇ-eu aˬ yawꞈ-euˬ aˬ li deuˬ mawˇ neˇ kʼoeˇ mawˇ kʼoeˇ taˆ aˬ laꞈ baꞈ daˆ-euˬ meh.

Uˬ duˬ 8:18

Kʼoeˇ naˇ, miˬ dzaˬ-ahˇ dzah puiˆ-awˇ lawˇ-eu jeˬ lawˇ-eu gʼaˇ duˬ yawˇ aˬ buˬ yawˬ mawˇ yawˬ Moˇseˬ tsahˇ laꞈ-awˇ, Aˬloˬ hawˇ-eu aˬ yawꞈ-euˬ aˬ li deuˬ yawˇ kʼoeˇ mawˇ-euˬ uˬ duˬ kʼoeˇ taˆ aˬ laꞈ baꞈ daˆ-euˬ meh.

Uˬ duˬ 8:22

Kʼoeˇ naˇ, piˇ ma deuˬ Miˬyehˇ-ahˇ a nehˬ-eu gʼaˇ duˬ, yawˇ aˬ buˬ yawˬ mawˇ yawˬ Moˇseˬ tsahˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ, yawˇ kʼoeˇ mawˇ-euˬ uˬ duˬ kʼoeˇ taˆ aˬ laꞈ baꞈ daˆ-euˬ meh.

Bawˇtsahˬ 11:16

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇsaˬleˬlaˆ tsawˇ haˬ laꞈ kʼoeˇ, aˬ yuiꞈ aˬ tsu loꞈ-ehˇ aˬ cawˬ taˬ huiˬ-awˇ yaw zeu baw-eu tsawˇ haˬ shiꞈ tseˇ gʼaˬ kuˇ uiˬ-awˇ, ngaˇ jawˇ-eu Sehˬ gʼawˆ-ahˇ sheuˬ laꞈ-awˇ, nawˬ-euˬ dawˬ peh yawꞈ-awˬ lehˇ ehˇ nehˬ-awˬ.

Bawˇtsahˬ 11:25

Kʼoeˇ ngeh, mˬ dmˇ laꞈ kʼoeˇ Sahˬpaˬ Miˬyehˇ zaꞈ le-awˇ, aˬ yawꞈ-ahˇ dawˬ ngehˬ cawˬ-euˬ meh. Moˇseˬ-ahˇ biꞈ taˬ-euˬ yaw sahˇ tiˬ paˆ deuˬ aˬ yawꞈ yuˇ-awˇ, aˬ yuiꞈ aˬ tsu kʼoeˇ shiꞈ tseˇ gʼaˬ-ahˇ biꞈ-euˬ meh. Aˬ yawꞈ maꞈ kʼoeˇ taˆ yaw sahˇ keuˆ le ngeh, Miˬyehˇ gʼaˇ duˬ ngehˬ dah-eu deuˬ loꞈ-ehˇ aˬ yawꞈ maꞈ guˇ-eu meh. Ehˇ kʼawꞈ, tiˬ kʼehˬ laˇ kʼehˇ tehꞈ-ehˇ aˬ yawꞈ maꞈ guˇ-euˬ meh.

Bawˇtsahˬ 8:10

Kʼoeˇ ngeh, Leˬbiˇ tsawˇ haˬ deuˬ-euˬ uˬ duˬ kʼoeˇ taˆ Iˇsaˬleˬlaˆ tsawˇ haˬ deuˬ aˬ laꞈ ya baꞈ daˆ meh.

Bawˇtsahˬ 8:12

Kʼoeˇ ngeh, mawˇ neˇ mawˇ gaw kʼoeˇ nyiˬ mawˇ-euˬ uˬ duˬ kʼoeˇ taˆ Leˬbiˇ tsawˇ haˬ deuˬ aˬ laꞈ ya baꞈ daˆ meh. Leˬbiˇ tsawˇ haˬ deuˬ bi muiˬ bi shawˇ laˇ-eu zahˇ jahˇ-eu gʼaˇ duˬ, mawˇ neˇ mawˇ gaw kʼoeˇ tiˬ mawˇ-ahˇ iˬ baˇ shawˇ-eu lawˇ-eu jeˬ lawˇ-awˇ, yawˬ mawˇ yawˬ-ahˇ miˬ dzaˬ dzah puiˆ-awˇ lawˇ-eu jeˬ ya lawˇ meh.