Uˬ duˬ 4:11 - Akha

¹¹ Ehˇ kʼawꞈ, mawˇ neˇ kʼoeˇ mawˇ-euˬ baˆ kʼoˆ, shaˬ jiˇ, uˬ duˬ, aˬ kuiˇ aˬ laꞈ, tsahˬ nahˬ uˇ jiˇ hawˇ-eu baw uˇ baw ma dawˬ tawˆ luꞈ-ahˇ,

Uˬ duˬ 4:11 ပူးပေါင်းရင်းမြစ်များ

Jaceuq 103:12

Aˬ dui-euˬ iˬ baˇ-ahˇ, mˬ dzeˇ miˇ dzehˇ sha dzeh-eu meh.

Doˆ-iˇ 29:14

Ehˇ kʼawꞈ, mawˇ neˇ kʼoeˇ mawˇ-euˬ shaˬ jiˇ, baˆ kʼoˆ hawˇ-eu, baw uˇ baw ma deuˬ-ahˇ sehˬ gʼawˆ-euˬ laꞈ nyiˇ paw keuˬ puiˆ-awˬ. Heu-aˬ, piˇ ma deuˬ-euˬ iˬ baˇ shawˇ-eu lawˇ-euˬ jeˬ pyeuꞈ-eu meh.

Uˬ duˬ 16:27

Iˬ baˇ shawˇ-eu lawˇ-eu jeˬ gʼaˇ duˬ maˬ ehˇ, Muiˬ dui Shawˇ dui dui-eu Jawˇ duˬ-ahˇ shiˬ yuˇ ahˇ gʼeh-eu gʼaˇ duˬ maˬ ehˇ, sehꞈ-euˬ mawˇ neˇ mawˇ gaw hawˇ-eu ciꞈ myehꞈ-ahˇ pu pu dzeˇ baꞈ doˆ-awˇ, ya dzah puiˆ dzeh meh. Baˆ kʼoˆ maˬ ehˇ, shaˬ jiˇ maˬ ehˇ, baw uˇ baw ma dawˬ tawˆ luꞈ maˬ ehˇ, ya dzah puiˆ dzeh meh.

Uˬ duˬ 4:10

Cawˬ cawˬ taꞈ-eu lawˇ-eu jeˬ gʼaˇ duˬ sehꞈ-euˬ jeˬ zaˬ-euˬ tsiˇ yuˇ-awˇ lawˇ ngeh loꞈ-ehˇ, mawˇ neˇ kʼoeˇ mawˇ-euˬ tsiˇ kʼoeˇ piˇ ma gʼaˬ yuˇ-awˇ, miˬ dzaˬ-ahˇ dzah puiˆ-awˇ lawˇ-eu jeˬ lawˇ-eu lawˇ duˬ k oeˇ taˆ puiˆ-awˇ ya lawˇ meh.

Uˬ duˬ 4:21

Kʼoeˇ naˇ, aˬ yawꞈ-euˬ iˬ baˇ gʼaˇ duˬ lawˇ-euˬ mawˇ neˇ mawˇ gaw kʼoeˇ mawˇ-ahˇ dzah puiˆ-euˬ loꞈ-ehˇ, heu mawˇ-ahˇ kʼawꞈ, Sehˬ gʼawˆ laꞈ nyiˇ yuˇ doˆ-awˇ, ya dzah puiˆ meh. Heu-aˬ, Iˇsaˬleˬlaˆ tsawˇ haˬ aˇ maꞈ aˇ muˇ deuˬ-euˬ iˬ baˇ yuˇ dzeh-eu gʼaˇ duˬ lawˇ-eu jeˬ pyeuꞈ-eu meh.

Uˬ duˬ 6:30

Ehˇ kʼawꞈ, iˬ baˇ shawˇ-eu gʼaˇ duˬ, jeˬ zaˬ kʼoeˇ mawˇ-euˬ shiˬ, Sehˬ gʼawˆ laꞈ kʼoeˇ ui cuiˆ yuˇ ahˇ gʼeh-euˬ ngeuˇ naˇ, jeˬ zaˬ kʼoeˇ mawˇ-euˬ shaˬ jiˇ maˬ dzaˬ kʼmˬ-a. Miˬ dzaˬ ya keuˬ dzeh meh.

Bawˇtsahˬ 19:3

piˇ ma Eˇlaˬzaˬ-ahˇ tsahˇ nehˬ-awˬ. Mawˇ neˇ kʼoeˇ mawˇ-ahˇ pu pu dzeˇ tsahˇ doˆ gʼeh-awˇ ya sehꞈ meh.

Bawˇtsahˬ 19:5

Baˆ kʼoˆ, shaˬ jiˇ, shiˬ hawˇ-eu baw uˇ baw ma dawˬ tawˆ luꞈ ahˇ leˇ-ehˇ, mawˇ neˇ kʼoeˇ mawˇ mawˇ lah-ehˇ piˇ ma-euˬ mehˬ shi ya dzah puiˆ meh.