Uˬ duˬ 3:17 - Akha

¹⁷ Iˇsaˬleˬlaˆ tsawˇ haˬ tiˬ gʼaˬ-iˬ, shaˬ tsuˇ hawˇ-eu shiˬ maˬ ya dzaˬ-a. Iˇsaˬleˬlaˆ tsawˇ haˬ deuˬ aˬ geu gaˇ jawˇ keuˆ-euˬ maˬ kaˬ, zahˇ sahˇ kʼoꞈ heu hmˬ-ahˇ, mˬ maˬ maˬ byaˆ zaˇ ziˇ ya caw teh meh.

Uˬ duˬ 3:17 ပူးပေါင်းရင်းမြစ်များ

Aˇ dahˬ 9:4

Ehˇ kʼawꞈ, naw maꞈ maˬ dzaˬ nya-eu tiˬ jeˬ-aˬ, shiˬ maˬ dzeˇ-iˇ-euˬ shaˬ jiˇ meh. Dehꞈ-eu saꞈ laˇ shiˬ laꞈ kʼoeˇ ahˇ-eu miˇ neh, naw maꞈ shiˬ taˬ dzaˬ lehˇ ngaˇ ehˇ-eu ma.

2 Laˬsaˬbaˬ 29:35

Piˇ ma deuˬ-aˬ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ ya lawˇ-eu uˬ taꞈ, tsawˇ haˬ aˇ maꞈ dzaˬ-eu gʼaˇ duˬ lawˇ-euˬ jeˬ zaˬ deuˬ-euˬ tsiˇ deuˬ ya dzah puiˆ-eu gaˇ hawˇ-eu, miˬ dzaˬ dzah puiˆ-awˇ lawˇ-euˬ jeˬ nehˬ-ehˇ lawˇ caw-eu aˬ gaꞈ dzaˇ uiˇ shehˆ sehꞈ-eu gaˇ kʼawꞈ ya mˇ-eu meh. Kʼoeˇ loꞈ-ehˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ-eu jeˬ-ahˇ aˬ yawꞈ maꞈ aˇ dahˬ paˇ beh poˆ-euˬ meh.

Neˬhaˬmiˇ 8:10

Iˇ kahˇ-ahˇ gʼoꞈ-iˇ-awˇ dzaˬ-iˇ dawˇ-iˇ-awˬ. Naw maꞈ-euˬ dzaˬ dzaˬ dawˇ dawˇ hawˇ-eu aˬ gaꞈ dzaˇ uiˇ-ahˇ, maˬ jaˆ-eu tsawˇ haˬ deuˬ-ahˇ kʼawꞈ biˇ nehˬ-awˇ bi dzaˬ-awˬ. Iˬ nah-aˬ, aˬ dui-euˬ Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah pyeuꞈ-eu miˇ neh, nui ma shaˬ zahˬ taˬ mˇ. Sahˬpaˬ Miˬyehˇ laꞈ kʼoeˇ laˬ kʼaˬ cehˇ-eu jeˬ-aˬ, naw maꞈ-euˬ gʼaˬ meh.”

Doˆ-iˇ 27:21

Ngaˇ jawˇ-eu sehˬ gʼawˆ laꞈ kʼoeˇ, dawˬ ma saˇ jaˇ bahˬ keuˆ mehˬ shi gʼeu taw taˬ-euˬ saˬ paˇ paˇ ma-euˬ laꞈ nyiˇ paw, Aˬloˬ hawˇ-eu aˬ yawꞈ-euˬ aˬ li deuˬ tsiˇ kʼmˬ kʼoeˇ ya doꞈ taˬ meh. Ngaˬ-euˬ mehˬ shi, jawˇ duˬ kʼoeˇ tsahˇ-ahˇ, tsiˇ kʼmˬ kʼoeˇ uˬ ciꞈ uˬ bya bya ni ya bi doꞈ meh. Dawˬ heu dawˬ-aˬ, Iˇsaˬleˬlaˆ tsawˇ haˬ deuˬ hawˇ-eu, aˬ kaˇ aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ, mˬ maˬ maˬ byaˆ zaˇ ziˇ ya naˇ haˬ geuꞈ-eu dawˬ pyeuꞈ-eu meh.

Doˆ-iˇ 28:43

Ngaˇ jawˇ-eu sehˬ gʼawˆ-ahˇ uˇ laˇ ngeh maˬ ehˇ, piˇ ma geuꞈ-awˇ, muiˬ-eu shawˇ-eu jawˇ duˬ laꞈ kʼoeˇ lawˇ duˬ dawˬ peh le ngeh maˬ ehˇ, aˬ yawꞈ maꞈ laꞈ kʼoeˇ, shaꞈ dawˇ paˬ-ehˇ gʼeh-eu jeˬ pyeuꞈ doˆ laˇ-eu baˬ da neh maˬ ya shiˇ ni, Aˬloˬ hawˇ-eu aˬ yawꞈ-eu aˬ li deuˬ, aˬ myah luꞈ laꞈ di laꞈ deu kʼoeˇ ya dm meh. Heu-aˬ, Aˬloˬ hawˇ-eu aˬ yawꞈ-euˬ aˬ li deuˬ gʼaˇ duˬ, aˬ myah luꞈ maˬ paˇ laˇ ni ya bi jaˆ-eu zahˇ sahˇ kʼoꞈ tiˬ jeˬ meh.

Yeˬsaˬgeˬlaˇ 33:25

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, aˬ yawꞈ maꞈ-ahˇ ehˇ nehˬ-awˬ. ‘Naw maꞈ shiˬ maˬ dzeˇ-iˇ-euˬ shaˬ jiˇ dzaˬ-euˬ meh. Tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ meh. Tsawˇ haˬ sehꞈ-eu meh. Miˇ kʼahˬ heu naw maꞈ-euˬ ma lehˇ aˬ joˆ-ehˇ noeˬ kʼmˬ-eu nya.

Yeˬsaˬgeˬlaˇ 44:15

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ehˇ kʼawꞈ, Iˇsaˬleˬlaˆ tsawˇ haˬ deuˬ ngaˬ-ahˇ byehˇ dzeh ngeh, Leˬbiˇ tsawˇ jeuˬ laꞈ kʼoeˇ Zaˬdoˆ-euˬ zaˬ deuˬ uˆ deuˬ pyeuꞈ-eu piˇ ma deuˬ, ngaˬ-ahˇ saˇ jaˇ ziꞈ-eu laꞈ kʼoeˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-euˬ meh. Kʼoeˇ miˇ neh, aˬ yawꞈ maꞈ-ahˇ ngaˇ jawˇ gaˇ bi uˇ laˇ-awˇ, shaˬ tsuˇ hawˇ-eu shiˬ lawˇ-eu gaˇ bi mˇ ma.

Yeˬsaˬgeˬlaˇ 44:7

Aˬ yawꞈ maꞈ ngaˬ-ahˇ lawˇ nehˬ-euˬ lawˇ dzaˇ pyeuꞈ-eu shaˬ tsuˇ hawˇ-eu shiˬ lawˇ ngeh, ngaˬ-ahˇ yaw zeu maˬ baw-eu baˆ kʼoˆ mehˬ dzaˬ maˬ yehˬ-euˬ aˬ cawˬ tsawˇ jeuˬ deuˬ-ahˇ Uˬ duˬ tahˬ nymˇ nymˇ ma-ahˇ bi uˇ laˇ-eu laꞈ kʼoeˇ, ngaˬ-euˬ Uˬ duˬ tahˬ nymˇ nymˇ ma-ahˇ laˆ jawꞈ-euˬ meh. Ngaˬ-euˬ tsawˇ haˬ kʼoeˇ deuˬ-aˬ, kʼoeˇ loꞈ-ehˇ nui daˆ daˆ laˇ paˬ-ehˇ gʼeh-eu jeˬ mˇ-awˇ, ngaˬ-euˬ dawˬ ma saˇ jaˇ-ahˇ puiˬ-euˬ meh.

Uˬ duˬ 10:15

Jeˬ zaˬ-euˬ tsiˇ yuˇ-awˇ, dzaˬ dzaˬ dawˇ dawˇ lawˇ-eu jeˬ Sahˬpaˬ Miˬyehˇ-ahˇ lawˇ nehˬ ngeh, aˬ kuiˇ hawˇ-eu kʼahˬ aˬ yawꞈ maꞈ yuˇ laꞈ tehꞈ-a. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, aˬ kuiˇ hawˇ-eu kʼahˬ kʼoeˇ-aˬ, aˬ myah luꞈ nawˇ hawˇ-eu nawˬ-euˬ zaˬ deuˬ ahˇ oꞈ-eu shaˬ bymˇ pyeuꞈ-eu meh.”

Uˬ duˬ 10:9

“Nawˇ hawˇ-eu nawˬ-euˬ aˬ li deuˬ, aˬgaꞈ dzaˇ uiˇ maˬ ehˇ, bi yehꞈ laˇ-eu dzaˇ uiˇ tiˬ jeˬ na maˬ ehˇ dawˇ gʼaˬ naˇ, ngaˇ jawˇ-euˬ Sehˬ gʼawˆ laꞈ kʼoeˇ maˬ ya uˇ laˇ-a. Uˇ laˇ naˇ, naw maꞈ ya shiˇ tehꞈ-a. Heu-aˬ, nawˬ-euˬ zaˬ nawˬ-euˬ uˆ dawˬ tawˆ luꞈ ya caw teh-eu zahˇ pyeuꞈ-eu meh.

Uˬ duˬ 16:29

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ aˬ myah luꞈ ya caw teh meh. Ba la shiꞈ siˬ tiˬ siˬ tseˇ nah tiˬ nah-ahˇ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ nehˬ-ehˇ jawˇ-eu boeˇ miˬ siˬ kʼaˬ deuˬ, maˬ dzaˬ maˬ dawˇ-ehˇ, gaˇ maˬ mˇ ni jawˇ-awˇ, ya lah ya daw meh.

Uˬ duˬ 16:34

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ, aˬ myah luꞈ maˬ byehˇ ni ya caw teh meh. Iˇsaˬleˬlaˆ tsawˇ haˬ deuˬ iˬ baˇ buˬ-iˇ law-iˇ-awˇ, bi muiˬ bi shawˇ laˇ-eu zahˇ heu hmˬ tiˬ kʼoꞈ tiˬ poˆ ya jahˇ meh. Kʼoeˇ loꞈ-ehˇ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ Moˇseˬ mˇ-euˬ meh.

Uˬ duˬ 17:7

Aˬ kaˇ naˇ, nehꞈ ciꞈ myehꞈ-ahˇ lawˇ nehˬ-eu jeˬ loꞈ-ehˇ, deh ga-ahˇ jeˬ zaˬ sehꞈ-eu laꞈ kʼoeˇ, Sahˬpaˬ Miˬyehˇ-ahˇ saˇ jaˇ puiˬ-eu jeˬ, Iˇsaˬleˬlaˆ tsawˇ haˬ deuˬ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ, zahˇ sahˇ kʼoꞈ heu hmˬ-ahˇ, aˬ myah luꞈ maˬ byehˇ ni ya caw teh meh.

Uˬ duˬ 19:26

“Shiˬ maˬ yoeˇ dzeˇ-euˬ shaˬ jiˇ taˬ dzaˬ. Mah loˬ taˬ loˬ.

Uˬ duˬ 23:14

Miˬyehˇ-ahˇ lawˇ nehˬ-eu jeˬ kʼoeˇ maˬ mˇ gʼaˬ kʼoeˇ keuˆ ni, keuˆ le-euˬ cehˇ shuiꞈ kʼoeˇ-ahˇ, yaw jmˬ-ehˇ maˬ ehˇ, laˆ jaꞈ-awˇ maˬ ehˇ, kaˬ muˇ jahˇ-awˇ neh maˬ ehˇ, naw maꞈ maˬ ya dzaˬ-a. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, naw maꞈ-euˬ zaˬ deuˬ uˆ deuˬ zahˇ sahˇ kʼoꞈ heu hmˬ-ahˇ aˬ myah luꞈ ya caw teh meh.

Uˬ duˬ 23:21

Aˇ nah kʼoeˇ nah-ahˇ gaˇ maˬ mˇ ni, tiˬ gaˇ uiˬ leˇ-awˇ uˬ duˬ ya tahˬ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, naw maꞈ-euˬ zaˬ deuˬ uˆ deuˬ aˬ geu gaˇ jawˇ keuˆ-euˬ maˬ kaˬ, zahˇ sahˇ kʼoꞈ heu hmˬ-ahˇ aˬ yawꞈ maꞈ aˬ myah luꞈ ya caw teh meh.

Uˬ duˬ 24:3

Muiˬ dui shawˇ dui dui-eu jawˇ duˬ laꞈ kʼoeˇ jaˆ-eu Dawˬ ma saˇ jaˇ Bahˬ keuˆ mehˬ shi, lawˆ kaˬ taw taˬ-euˬ saˬ paˇ-euˬ laꞈ nyiˇ paw, Sahˬpaˬ Miˬyehˇ-euˬ mehˬ shi, yawˬ miˇ na luꞈ Aˬloˬ tsiˇ kʼmˬ ya doꞈ-awˇ, uˬ bya bya laˇ ngeh keuˆ ni maˬ miˆ-iˇ-ehˇ ya bi jaˆ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu hmˬ-ahˇ, mˬ maˬ maˬ byaˆ zaˇ ziˇ ya mˇ daˆ leꞈ meh.

Uˬ duˬ 24:9

Kaˬ muˇ kʼoeˇ-aˬ, Aˬloˬ hawˇ-eu aˬ yawꞈ-euˬ zaˬ deuˬ uˆ deuˬ-euˬ shaˬ bymˇ pyeuꞈ-awˇ, muiˬ-eu shawˇ-eu jawˇ duˬ tiˬ tsahˇ-ahˇ, kaˬ muˇ kʼoeˇ aˬ yawꞈ maꞈ ya dzaˬ meh. Aˬ jeˬ miˇ neh ehˇ naˇ, kaˬ muˇ kʼoeˇ-aˬ, piˇ ma deuˬ gʼaˇ duˬ Sahˬpaˬ Miˬyehˇ-ahˇ lawˇ nehˬ-euˬ muiˬ dui shawˇ dui dui-eu dzaˬ dzaˬ dawˇ dawˇ pyeuꞈ-eu meh.

Uˬ duˬ 3:16

Sahˬpaˬ Miˬyehˇ nui ma tsaˬ-eu dzaˬ dzaˬ dawˇ dawˇ lawˇ-eu jeˬ lawˇ nehˬ-eu gʼaˇ duˬ, heu deuˬ dawˬ tawˆ luꞈ-ahˇ piˇ ma gʼaˬ yuˇ-awˇ, lawˇ duˬ kʼoeˇ taˆ dzah puiˆ-awˇ ya lawˇ meh. Shaˬ tsuˇ dawˬ tawˆ luꞈ, Sahˬpaˬ Miˬyehˇ-euˬ pyeuꞈ-eu meh.

Uˬ duˬ 4:1

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Uˬ duˬ 6:15

Cehˇ meu dawˬ tawˆ luꞈ hawˇ-eu tsiˇ dawˬ tawˆ luꞈ lawˇ-eu dah zaˇ, laꞈ tsuˆ tiˬ tsuˆ aˬ yawꞈ ya yuˇ doˆ meh. Kʼoeˇ naˇ, kʼoeˇ-euˬ kʼoeˇ taˆ yaw saw jeˬ dawˆ daˆ-awˇ, lawˇ duˬ kʼoeˇ taˆ dzah puiˆ-awˇ, Sahˬpaˬ Miˬyehˇ-ahˇ ya lawˇ meh. Lawˇ-euˬ yaw saꞈ kʼoeˇ-ahˇ Sahˬpaˬ Miˬyehˇ nui ma tsaˬ-eu meh.

Uˬ duˬ 6:18

Mehˬ hu paw yaw dehꞈ dehꞈ daˆ leꞈ-eu aˇ yamˬ laꞈ kʼoeˇ, Aˬloˬ o neh jeuˬ le o le-euˬ kʼaˬ dzeˇ zaˬ aˬ geu gʼaˬ maˬ kaˬ, dzehˬ laˇ-euˬ cehˇ meu kʼoeˇ neh jahˇ taˬ-euˬ ka muˇ dzaˬ nya meh. Aˬ jeˬ miˇ neh ehˇ naˇ, kʼoeˇ-aˬ, Sahˬpaˬ Miˬyehˇ-ahˇ lawˇ nehˬ-euˬ jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ meh. Dzaˬ dzaˬ dawˇ dawˇ lawˇ-eu jeˬ-ahˇ toeˬ ciˆ leˇ-eu tsawˇ haˬ aˬ geu gʼaˬ maˬ kaˬ, kʼoeˇ-euˬ muiˬ-eu shawˇ-eu baoˬ baˬ da neh guˬ leˇ tehꞈ-a.

Uˬ duˬ 6:22

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Aˬloˬ-euˬ zaˬ deuˬ uˆ deuˬ laꞈ kʼoeˇ, Piˇ ma Yaw huiˬ gʼaˬ kʼaˇ keuˆ leˇ-euˬ gʼaˬ, kʼoeˇ loꞈ-ehˇ ya lawˇ meh. Kʼoeˇ-aˬ, Sahˬpaˬ Miˬyehˇ-ahˇ lawˇ nehˬ shehˇ nehˬ-euˬ jeˬ loꞈ-ehˇ, dawˬ tawˆ luꞈ ya bi puiˆ dzaˬ jiˇ meh.

Uˬ duˬ 7:23

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Mawˇ neˇ tsiˇ, yawˇ-euˬ tsiˇ hawˇ-eu, ciꞈ myehꞈ-euˬ tsiˇ maˬ ya dzaˬ-a.

Uˬ duˬ 7:34

Muiˬ-eu laꞈ sawˬ pyeuꞈ-eu kʼahˬ hawˇ-eu, muiˬ-eu damˬ-eu jeˬ pyeuꞈ-eu saˬ pyaˬ aˇ maˇ paw pyaˬ-ahˇ, Iˇsaˬleˬlaˆ tsawˇ haˬ deuˬ-euˬ laꞈ-ahˇ neh Sahˬpaˬ Miˬyehˇ yuˇ-awˇ, piˇ ma deuˬ-ahˇ biꞈ-eu meh. Heu-aˬ, mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ piˇ ma deuˬ-ahˇ ya biꞈ-eu jeˬ pyeuꞈ-eu meh.

Uˬ duˬ 7:36

Lawˇ-eu shehˇ-eu jeˬ laꞈ kʼoeˇ, shaˬ bymˇ kʼoeˇ bymˇ aˬ yawꞈ maꞈ-ahˇ biꞈ-eu gʼaˇ duˬ, kʼoeˇ ngeh nah Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ dawˬ biꞈ taˬ-euˬ meh. Heu-aˬ, mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ ya caw teh-eu zahˇ sahˇ kʼoꞈ pyeuꞈ-eu meh.

Bawˇtsahˬ 19:21

Mehˬ hu paw dehꞈ daˆ leꞈ-eu aˇ yamˬ dawˬ tawˆ luꞈ laꞈ kʼoeˇ, zahˇ sahˇ kʼoꞈ heu hmˬ-ahˇ naw maꞈ ya caw teh meh. Bi shawˇ laˇ-eu iˇ cuꞈ byaˆ shehˬ nehˬ gʼaˬ-euˬ tsawˇ haˬ kʼoeˇ gʼaˬ kʼawꞈ, yawˬ ha-euˬ mehˬ tsoeˬ ya lehˬ tsiˬ meh. Iˇ cuꞈ kʼoeˇ-ahˇ kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, uˬ ciꞈ uˬ taw paw keuˆ ni maˬ shawˇ-eu tsawˇ haˬ pyeuꞈ-eu meh.

Maꞈtehˬ 16:24

Kʼoeˇ naˇ, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-eu uˬ taꞈ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Maꞈtehˬ 26:28

Heu-aˬ, tsawˇ haˬ gʼawˬ mya ni-euˬ iˬ baˇ bi buˬ bi law-iˇ-eu gʼaˇ duˬ yoeˇ le-euˬ, Miˬyehˇ-euˬ dawˬ ma saˇ jaˇ-ahˇ taꞈ-eu ngaˬ-euˬ shiˬ ma.

Gʼaˬkʼehˇ 15:29

Tahˬ pahˬ aˬ ma mawˇ kawˇ-ahˇ lawˇ nehˬ gʼaˬ-euˬ jeˬ taˬ dzaˬ. Shiˬ taˬ dzaˬ. Shiˬ maˬ sehꞈ dzeˇ ni paꞈ sehꞈ-euˬ shaˬ jiˇ taˬ dzaˬ. Maˬ tsaˬ maˬ dawˇ-eu laꞈ kʼoeˇ kʼaˬ miˬ taˬ sheu. Heu deuˬ-ahˇ maˬ mˇ ni gʼeh nya naˇ, muiˬ dui dui tehꞈ-a. Guiˬ lahˬ huiˬ luꞈ-uˇ.”

Eˇpeˇsu 1:7

Aˬ jeˬ miˇ neh ehˇ naˇ, Ka li kamˇ shiˇ-euˬ baˬ da neh aˬ dui ya buˬ-iˇ-awˇ, aˬ dui-euˬ iˬ baˇ-ahˇ pyehˬ nehˬ laꞈ-euˬ meh. Miˬyehˇ gʼawˬ shaˬ gaˬ-eu guiˬ lahˬ kʼoeˇ aˇ naˆ ni huiˬ-eu nga.

Eˇpeˇsu 5:26

Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, Ka li zaˬ aˇ muˇ-ahˇ aˬ yawꞈ-euˬ dawˬ neh iˇ cuꞈ laꞈ kʼoeˇ tsiˬ shawˇ-awˇ, Miˬyehˇ-ahˇ a nehˬ-eu gʼaˇ duˬ pyeuꞈ-eu meh.

Dawˬmehˬ 12:16

Ehˇ kʼawꞈ, jeˬ zaˬ kʼoeˇ deuˬ-euˬ shiˬ naw maꞈ maˬ dzaˬ ni, iˇ cuꞈ shehˆ dzeh-eu loꞈ-ehˇ miˇ tsaˬ-ahˇ ya shehˆ dzeh meh.

Dawˬmehˬ 12:23

Shiˬ maˬ dzeˇ-iˇ-euˬ shaˬ jiˇ taˬ dzaˬ. Aˬ jeˬ miˇ neh ehˇ naˇ, shiˬ laꞈ kʼoeˇ saꞈ laˇ ahˇ-awˇ, saꞈ laˇ ahˇ-eu shaˬ jiˇ naw maꞈ maˬ dzaˬ kʼmˬ-a.

Dawˬmehˬ 12:24

Shiˬ maˬ dzaˬ ni, iˇ cuꞈ shehˆ dzeh-eu loꞈ-ehˇ miˇ tsa shehˆ dzeh-awˬ.

Dawˬmehˬ 15:23

Ehˇ kʼawꞈ, jeˬ zaˬ kʼoeˇ-euˬ shiˬ maˬ dzaˬ ni, iˇ cuꞈ shehˆ dzeh-eu loꞈ-ehˇ, miˇ tsa ya shehˆ dzeh meh.

Dawˬmehˬ 32:14

Mawˇ neˇ, ciꞈ myehꞈ, aˬ coeˇ mehˇ-awˇ, yawˇ, ciꞈ myehꞈ, mawˇ neˇ loˆ-awˇ, dzaˬ la gʼo cehˇ muiˬ dui dui-awˇ, aˬ gaꞈ dzaˇ uiˇ kuiˇ dui dui-eu, yawꞈ maꞈ dehꞈ dzaˬ-euˬ gaˇ kawˆ meh.

1 Tiˆmoˇseˬ 4:4

Miˬyehˇ neh kʼaˇ beh taˬ-euˬ yawˬ jeˬ na luꞈ, yaw muiˬ jeˬ pyeuꞈ-eu meh. Biˬ dzeh-eu jeˬ maˬ ahˇ-a. Yawˬ jeˬ na luꞈ-ahˇ Miˬyehˇ-euˬ guiˬ lahˬ-ahˇ ja ceuˬ-awˇ dzaˬ nya dawˇ nya-eu meh.